2131，最後呢。。。都要食兩粒止痛素。又頭痛，唔係有甚麼問題嘛，應該係睏得唔好 + 唔夠吧。

1. Post 翻 D 相先，超好味既一口牛肉 ↓



我食個個餐 ↓



尋日仲有 NewZealand 帶來的手信，等埋條電話繩先影寫真，哈哈。



2. 人的意志真的薄弱，屈服於「眼睏」之下。今朝起身都差唔多十二點。。。 翻唔到 Church 之餘又好似都有好幾堂無上了。咁樣真係唔多掂。雖然今日睏晏左，但係都唔係睏得幾夠，之前嚴重睡眠不足呢。。。今日都頭赤赤。

見仲有十幾分鐘到十二點，趕得切開 Animal Crossing 搵山豬婆婆買蘿蔔，今次睏身買 500 份，等個蘿蔔價升到最高點再賣出去，仲唔賺個夠！？不過都要等個好價先放，今次 109 Bells 入，賣出價過 300 Bells 即放，過 200 都要賣緊半先得。這個「蘿蔔基金可升可跌」！

餘下既時間就睇埋剩底既《攻殼》，睇左成大半日。故事真係好緊張，政府 + 合田、難民 + 久瀨、總理 + 九課，三方鬥智又鬥力。每件事件都有著微秒既關係，不得不服士郎正宗。呢套動畫都要幾用腦去睇，不過都仲係有 D 睇唔明，究竟最後總理打電話俾邊個呢？Tachikoma「死」個幕真係幾 Charm 下呢。。。大家有機會一定要睇一睇呢套動畫，少佐是一個比男人更男人既女人，神人級角色。。。

睇到夜晚八點，人都頹埋。同細佬 WIFI 玩左陣 Mario Kart 裡面既 Mini Game，都幾過癮下，至爆笑係同 Team 都會俾自己人既道具蕉中，細佬俾自己友粒紅龜射中。。。再睇埋《ANTM》，到 Judgement 個陣仲以為 Jayla 同 Nicole 一棄俾人踢出局添，真係嚇死，最省鏡都係呢兩個。原來今集無人要走，大家順利過下一關。。。



3. 等我又玩下先 ↓

1. 由某個 blog 發起 , 出一個題目 .

2. 在自己的 blog 中完成題目，然後點名另外幾個 blog 完成同樣的題目

3. 另外的幾個 blog 完成題目以後再分別點名，依次類推

4. 被點名的 blog 在完成題目時要注明被哪個 blog 點名

5. 不可回傳，另加一條自己的題目

來自 Alice

最近在聽的音樂 ?

Dreams Come True :: 何度でも、JET
Origa :: Rise (鬼咩，係咁睇攻殼，自自然係咁聽到呢首 Op)

最近常想的人 ?

Wilson :: 近期有事有求要佢
Alice :: 唔知佢買左 NDS未呢
Ex :: 無時無刻都掛住佢，想見多佢好多面

你現在還單身嗎 ? 這個嘛，對對。

誰是對你最重要的人 ? 好多都好重要，一個都不能少。

來世如果給你充分的自由，你會想做甚麼職業 ? Interior Designer，可惜夢想還夢想。到頭來可能是一位公務員、教師。

如果你有曾經的戀人，你現在最想跟他 / 她講甚麼 ? 點解你唔要我？

事業,愛情,友情,其他(請註明),哪一樣你會放在第一位 ? 家庭

你最大o既缺點 / 優點係咩 ?

缺點 : 自我、懶、情緒變化急又勁、ETC
優點 : 這個嘛，心軟算唔算？

如果俾你揀，你會想住係邊個國家 ? New Zealand，北歐國家都唔錯！

你覺得被誤會，或遭受冷淡的態度對待，哪樣會比較難受 ? 兩個都好難受！！

antiho 問：你想點死 ? 無悔、安安樂樂咁自然既老死

NickO513 問：最想有咩事情係你身上發生 ? 遇上生命中的 Ms. Right

ahbdotcom 問：有乜係心血來潮好想做 / 實踐但係未做到 ? 真係好多喎，首選係學彈鋼琴

rograce 問：上面咁多條問題 , 邊條對你最有意義 ?

如果你有曾經的戀人，你現在最想跟他 / 她講甚麼 ?

katrinakatrina 問:你對五年後,十年後,二十年後的自己有甚麼期望 ?

五年後：有份穩定既工，準備甚至結埋婚
十年後：有個幸福既家庭，有仔有女
二十年後：懂得享受人生

shsh326 問：除左 $ 之外，而家最想得到什麼 ? 同路人、伴侶

eci 問：請講出我（傳你此 blog 的人）既優點同埋缺點：

優點：可愛！！
缺點：否認自己可愛的事實

呂仔 問：如果你中左六合彩頭獎你會點做 ? 確認六合彩彩票上面既中獎期數同中獎號碼是否正確，無謂空歡起一場自己頂唔順猝死。

你會 choose 忘年戀（ 10 年以上）定姐弟戀（ 5 年內）? 姐弟戀

Joan~* 問：你最想停留響邊刻 ? 細細個仲未要翻學個陣無憂無累既日子，大個左某幾個年級都好，Form 3 / 4 / 5 / 6 / 7，講晒，哈哈。每年都有值得回味的開心事。

Milo 問：你認為本人（傳你此 blog 的人）應從事什麼職業 ? 這個嘛，真係估佢唔到，太飄忽。Accountant？真係估佢唔到。

dee 問：我個樣似幾多歲 ? 你邊位呀dee?? X2

雀文 問：你依家最想見到邊一個人 ? 涼子姐姐真人！

aqua 問：你想做男人定女人 ? 女人，剩係得個想。。。

CHI 問： WHAT DO YOU WANNA SAY BEFORE YOU DIE? 各位再見了，哈哈。

WUDDYGUM 問：你估人離開呢個世界後會點？ 去天堂、地獄嘛。

COCONUT_GLOW 問：如果你既時間可以買翻泥或者賣出去的話﹐
你會想做買方定賣方？ 買！

IVY_CHING 問：如果有得揀，你地會揀曖昧定一齊／同居定結婚 ? 一齊 + 結婚

PERJAI 問： 當你孤單你會想起誰 ? 誰？好多人架喎。通常會反省「人生」的意義、何謂「存在」、檢討自己的價值觀。

RACHEL 問：你 ge 願望係咩 ? 幸福、快樂的過一生。

Meimei 問：你對呢份 task 有咩 comment 呢 ? D 題目無咁無聊。

呀毒問 : 有咩歌你聽左會喊 ? Whitney Houston : Greatest Love of All

阿威問：如果你知道你爸／媽出面有第三者．你會有咩反應？「無可能」

檸茶問 ：要你送一樣禮物比你仲意／有好感ｋａ人，你會送咩？Hand-Made Goods

M 問 : 假如你可以用一樣你有既野換一樣你冇既野 ,咁你會用自己既乜野黎換乜野 ?(e.g 歌聲換愛人 ) 好難答喎，唔知點答

ＳＩＮＤＹ問：覺得人生既意義係咩？ 「存在」，係咪好禪？

阿慧問：你的愛戀味道？ 甜！

ｗａｉ：你最想得到，但偏偏得不到的東西？ 伴侶

Ｃａｌｂｙ ：以前/依家不肯開口說你喜歡他/她的原因? 無喎，次次都同對方講。唔知點解呢 D 會好主動。

吉：甚麼時候會令你/妳真心地笑呢？ 開心既時候

肥雞：錢對你/妳黎講有幾重要？ 重要到一個地步無佢唔得

yin：如果世界上無晒人類，你會選擇做ｄ咩？[e.g. 狗,樹, 星星,大海其中一滴水] 小熊維尼！

vivien929: 最近開心嗎?why? 最近好開心因為有假放，但係好快唔開心，因為要翻學。

苗:最近有咩目標? 目標咪做好自己，做個有質素既人

賢:你要求別人怎樣對待你? 尊重我、重視我

Lhugo︰如果你一定要學一種樂器， 鋼琴

Margaret︰滿足現在的生活嗎? 滿足

karie : 世界未日...你最想同誰過埋餘下的日子....? 打錯字喎 Karie 姐？係末日。最想同屋企人過，一如平日咁食晚飯，食完各有各 Hea，睏覺睏到矇矇矓矓咁世界末日到

ng siu : 要 $ 定要快樂? 快樂

manman問: 錢係咪可以改變女性既心? 係

rabbitjai 問: 你會因愛情而和你的朋友反目成仇嗎?(請講原因)

唔會。因為俺認為呢類情況唔會係我身上發生。

chanbo 問: 你係咪低能？叫你做就做.... 我不否認我有「低能」的元素。

alice 問 : 你對信仰有咩睇法...??

From Wikipedia : 信仰，是指對某人或某種主張、主義、宗教或神極度相信和尊敬，拿來作為自己行動的榜樣或指南。概括地說，信仰是人對人生觀、價值觀和世界觀等的選擇和持有。每個人都有自己的「信仰」，未必一定是信神。就算無神論者一樣有自己的「信仰」，相信科學也是一種信仰。

VICTOR 問 : 你是否吸煙人士？你對吸煙人士有甚麼看法？俺十分討厭吸煙人士在公眾地方吸煙呢！

真係唔知傳俾邊個，想傳俾 +hung、肥仔架，但係佢地又無 Blog。咁傳俾 Wilson 吧，一定要做，唔係我會用惡毒的口來咀咒你！哈哈。大家看到想做也一齊做吧！Just For Fun！



2318，今晚一定要早睏，聽日翻 0930，真係乜 Mood 都無晒。。。唉。。。That’s All.

2340，眼睏到我暈。。。尋晚話早睏，結果都成三點先睏。該煨！

今朝睏唔夠就去補習，全無廢話下下到肉，快快手就回家煮 Lunch。咁就燒 D PS2 碟出黎，咁自己就開始睇動畫，成日睇左七集《攻殼》，故事好緊湊！呢套動畫整到好似一套電影咁，氣紛好好，絕對值得一看，不過可能血腥場面，兒童不適宜觀看。

咁都睇到五點幾就出門口，約左朋友仔借部老爺 PS2 過佢玩。搵翻幾隻 Game 出黎，咁又將兩部電腦之間封晒塵既 PS2 解封。D 塵多到恐怖，特別係 D Cables、火牛。本來唔想抹塵架喇，但係又唔想咁無賴成舊塵俾人，最後都係抹左。朋友仔殘左好多呢。。。

之後同 Ex 去食 Din，本來想去《手打蕎麥和三郎》，但係好似執左。。。我諗應該搬左既機會大 D。咁一路行呀行，兜下路咁最後去左京士頓街既《Pokka Cafe》食，即係撘隧巴經過既 Cafe。等左一陣先有位，都幾多人食下。

開頭以為係一間好長鋪位，但係原來有個房仔間左出黎，就坐左係個度。叫左乜野唔記得左，佢就大約係炸蝦扣肉拉麵，我就係炸雞冷麵，另外叫左個一口牛肉。呢個一口牛肉真係超好食！！其實係呢 D 地方食係想坐耐 D，但可惜既同房有一大班「ABC」係度聚會，真係勁嘈。其他人講野都唔覺咁嘈。。。食完之後無耐都埋單走了，嘈到頭都暈。

埋單 ↓



仲有張 Card 儲印花 ↓



呵，由依家直至 Apr16，所有飯局都去 Pokka Cafe 食吧。50 個印就唔得架喇，25 個應該無問題既！禮拜二既 Tea 就去呢間食吧！

之後行左陣街街，想話食甜品既，但係大家都未落隔。Sogo 地庫有幾間新既日式果子店、朱古力店，都幾 OK 架喎！之後佢要「執」翻佢個妹。又係個個問題年齡，真係幾煩架！等左好耐阿妹黎到就話「VICTOR 哥哥」。。。都差唔多高過我，學佢家姐話叫我 VICTOR 就算吧。咁之後唔想阻佢兩姊妹就分頭走。咁就一天了！哈哈，真係唔好客氣。人地唔要 NDS 要 iPod Shuffle，哈哈。

2422，That’s All.

2148，Well。。。今日幾頻撲下。

1. 尋晚臨睏前玩左鋪 AOC，玩到頭都暈埋，完全唔知自己做緊乜，發晒夢。托賴敵國都唔算太快黎打我，好多野都升晒。之但係敵人來勢兇兇，幾乎滅國之際走左去附近樹林起 Town Centre，咁就係呢個時候盟國就幫拖，咁我就派五隻吉吉兵護住五隻人仔乘機返翻去根據地起其他野。盟軍都唔夠抽，新個個 Town Centre 爆埋。。。好彩有五隻人仔，再起過 Town Centre！

全靠個五隻吉吉兵先可以撩死敵國村民，咁之後就發生戰後生育潮，係咁生人仔。咁再起 Castle 守金礦，大致上都算守得住。之後再報仇，不過打到一半都淆淆地。好彩盟軍趕到，咁就蕉死左敵國。哈哈，真係好好彩。

「點解次次都咁夜玩」。。。

這也是我的心聲。。。實不相瞞，過左夜晚十一點之後我唔會打機的，大約睏前一個鐘到啦，等個腦唔洗 Load 得太快，可以準備睏覺。如果唔係我會睏唔著覺。。。結果。。。尋晚兩點幾打完，到四點先睏得著囉。。。真係激死我。



2. 今朝九點幾起身想打過電話問 D 野，搞左好耐都無打到，如果有人幫我打呢個電話就好了。咁自閉玩左鋪 AOC，係贏，但係升 Age 好慢，成 30mins 先升 Castle。都仲未重拾那種「感覺」。

之後就睇完衛斯理就出發去肥仔家，途中係香港仔 KFC 買 Lunch，人多到恐怖。。。衰到阿婆都洽我，打我尖喎，仲要係我已經買緊等俾錢個隻。。。阿婆自以為老就可以無賴喎！

一去到肥仔家門口，發覺佢道閘一定要用鎖匙開既，無得的一的起拉開。。。安全得太危險了！之後一黎見到阿 BB 係度「請請」，咁快學定既，新年實收好多利是！唔知係唔係個句「幫你儲起佢，留翻第時大個用。」。再望望肥仔，啋，爛口，都話唔好講咁多粗口啦！

今天坐正 +hung 上家，結果佢無啖好食，不其然就 __ 左聲，仲要上錯牌添。佢點會估到我打乜，完全無章法可言，仲食埋炸糊，真係估都估唔到啦。上錯牌、食炸糊都試過，應該從麻雀學堂畢業了！今天打得穩穩陣陣，埋單輸 3 番， 輸左 $0.6，肉痛。肥仔贏最多，好過 +hung 贏！不過下次都唔知幾時先有得打了，都開學。

之後落灣仔買 D 野再回家。咁就大半天了。。。



3. 回到家坐陣打下 CS:S，有同學提我出晒 Full Result，咁之前都 Check 左次，大致上都估到 GPA 係幾多。呵，再望一望，GPA 又高左。盡管全部都係 Grade A(+-) / B(+-)，但係其實個 GPA 都唔係真係咁理想架。今個 Sem CM 個 D 科點都唔會有 C(+-) 或以下既，個 GPA 先咁高，所以都唔係乜野好勁，係好彩唧。下個 Sem 無架喇，要靠 CS 既科拉先得。

雖然拎高 Grade City 好似易 D，但係計落覺得 Poly GPA 易高 D。GPA 比係 ITEC 個陣低 0.1。。。我已經有兩個 A- 又無 C 架喇喎！！搵笨既。



2332，最後我地睇下肥仔呢個無奈既表情 ↓



That’s All.

2606，玩到眼火爆。。。搵自己笨。。。開錯頭。

---
2228，Well，打得 CS 太耐，頭痛。。。

尋晚睏得好差，發惡夢。。。青蛙、田雞等動物非常之核突，發夢就夢見呢 D 動物巨大化。。。真係十分嘔心。醒下睏下，十點幾終於起身。上 City E-Portal 搞一搞之後，發覺有問題。話說做 Helper 有張 Form 填架嘛，點解一入到個網發覺張 Form 自己填左！？ Total Hours : 0，咪即係白做！？啋，聽日打電話去 Career Centre 問一問先。

之後睇左段 16mins 爆 Mario 64 既片，神人。。。[段片在這處]。睇陣衛斯理食 Lunch。這個淘大叮叮生炒糯米飯實在太恐怖了，人地用蝦米整好正常，但係佢裡面用 D 蟲蛹似的蝦黎整，真係好嘔心，要挑走晒 D 蝦先敢食。。。

晏晝主要都係睇《攻殼 SAC 2nd GIG》，精神唔好都唔好睇，字幕又長又深，要等下回翻轉頭再睇多次先明。花多起碼 15 mins 去睇 30 mins 既片。不過都真係幾精彩的說！咁之後堅囉，睇特首答問大會，真係睇得好過癮，哈哈。

之後呢有人問左個問題，同以下有關 ↓



NDS 無貨係事實，但係都唔好因為咁而買 PSP 吧。真係唔值得去買囉，90% 唔岩你，有錢都唔好咁浪費。當你同我講話想買 PSP 個陣真係好錯愕，仲有 D 炆炆地。點解要咁呢？個陣語氣好似重左 D 咁。。。不過真係出自真心，買 PSP 你會後悔。得個潮。。。NDS 就唔會，一定有 Game 岩玩！

但係另一個 Message 係 ↓



咁即係點？買左 PSP？定係無關係既野黎呢？如果真係買左 PSP 既話，我會感到失望，但係都希望你玩得開心吧。最好當然就係未買啦，因為有小道消息話 NDS Jan16，即係下個禮拜一老任會推出新版本 NDS，可能會係型 D / 新色。如果係買 NDS的話不妨等一等。

之後同佢傾左論電話，佢爆晒分鐘了，呵呵。至高興聽到佢話「講親電話都係同你傾多」。尋晚佢幫我 Check Result，都算係咁啦。上年就係呢個 Result，唔知今年可唔可以保持咁上下 GPA 呢！？



夜晚睇紀曉嵐，再睇幾集《廢棄公主》，咁就一天了。乜大家都玩翻 AOC 咩？肥仔又黎料 ↓



呵，玩 AOC 我真係會頭暈的！

2305，聽日去玩 BB Again ~ KeKe。That’s All.

1523，有一股莫名其妙既不愉快。

2239，脫離．成功

今天還是老模樣吧！又係十點起身，之後就睇 Blog、動畫、午間劇集、Lunch。晏晝同 CM 同學 Chat 左陣，對一對大家既 Time Table，再望下 D Instructor，噫，個 Elementary Japanese 係蘿蔔頭喎，會唔會溝通唔到架。原來今日出 Result，不過無乜意慾去睇。真搞笑，有人今日考完試，我就出 Result。。。Poly咁耐都未出 Result既。

呢期撈左字幕版 Music Station SuperLive 2005，明晒，好事黎既！如是者再繼續下晝既動畫，《攻殼機動隊》。。。真係要好花神先明佢講乜，太辛苦了，但係都要睇！《廢棄公主》睇左三分一了，快樂時光過得真係快。

之後去睏久違了的晝覺，真係好暖。今日有預感睏緊晏覺個陣電話響呢，果然係臨睏著個刻電話響，哈哈。咁同佢傾左陣，本來聽日有個 Dating 既，但係佢有工翻所以又 Cancel 左，唔開心。唉，我好憂鬱架，搞到抑鬱就大穫。我膽固醇又高、血壓又高、心跳又快，千期唔好激我。我不能沒有妳呢，我真係覺得悶悶地。唔理我我真係獻世了。睏覺發了個夢，仲有印象既就係個係九龍塘火車站行緊樓梯，諗起有個「後現代藝術」要讀就頭痛。。。之後佢又再打俾我，又係被窩裡講電話，幸福，不過未睏醒有 D語無倫次。

睇左日劇《西遊記》，超惡搞，哈哈。其實香港 TVB 劇唔差既，不過實在太長太拖呢！正所謂「要來的始終要來」，終於下定決心買 NDS 了嗎？有 Sponsor 果然唔同！可惜缺貨呢。。。等得就等下啦，呵呵。得閒約埋打下《Mario Kart》！

2302，放假真係無乜野做又就翻學。。。都係過住豬既生活吧。如果仲有排放假的話又唔會咁頹架喎，呵。唔知聽日去唔去得成呢，肥仔個仔真係好得意下。That’s All.