頂。火滾。打 Diary。

1. Mr.Children ::《未來》好聽！！所以呢特登睇睇個 Pocari Sweat CM！綾瀨！



仲特登買樽 Pocari Sweat 翻黎飲呢！



呵，洗唔洗扮下廣告情節先，哈哈。

2. 晏晝真係大雨到呢，諗住影張相啦，之但係可能曝光耐左多少，影到個天好光下。。。完完全全無落大雨 Feel，張相係 Raw 黎，無 Tune 過的！



3. 你見過認真 Mode 既 VICTOR 未呢？認真 Mode 係點？認真既時候咪不苟言笑、面無表情、唔講廢話咁，應該人人認真既時候都係咁上下掛。咁週圍既氣紛會變得好沈重 + 嚴肅 (通常都係得沈重。)

今天這個 Account 補底既中段就變成這樣，真係唔知點解。不過真係麻煩曬了，估唔到突然間變得咁認真，唔好意思。

4. 今天最火滾的事就係塞車！太子道棚架倒塌竟然可以令到香港仔隧道灣仔出口塞車，癡線！今日就俾我體會到銅鑼灣既塞車。。。頂！諗住用過快捷 D 既方法回家，點知捉蟲。。。

其實我翻屋企有好多 Method，價錢都係要十幾蚊。就講下有乜方法啦。

A. 撘 107，一程車就翻到屋企附近，$10.6。翻 Poly 差唔多實撘佢，快既 ~30 mins 就到，不過塞車就可能要 45 - 60 mins 先得，塞就塞出隧道口天橋位。翻屋企撘佢最快要 45 mins，事關佢要兜上兜落，兜曬 D 時間，再者塞車既話都係塞出隧道口天橋位，不過今次係紅隧。。。無車既時候試過要粒幾鐘先翻得到屋企。

B. 撘 170，都係一程車翻到屋企附近，$14.1。計車程最快就係佢，快既 30 mins 就得。之不過佢車既次數唔密，無車既時候要等幾耐下。再者，佢會轉入波斯富街 (即係轉入銅鑼灣最塞車個段路。) ，試過係個度塞左幾個字。。。都真係幾炆下，不過如果係九巴車既話 D 位真係幾好坐，因為係新車來的。

C. 撘 171 出香港仔隧道後轉車，$10.6 + ~ $4，撘佢既原因唔係因為快，係因為車密。171真係密到嚇死人，可以四五架 171 先有一架 107。不過最唔慣用呢個方法，都係最少用。

D. 行去撘地鐵再轉撘 72 翻屋企，$5.1 + $4.7，呢個就比較 Constant 咁 60 mins 就翻得到屋企，亦都係最平既方法，不過行去撘地鐵其實都幾遠下，轉地鐵個陣又麻煩。72 號都可能係銅鑼灣塞車，不過佢好在車密，點都有得坐下。

E. 撘巴士落銅鑼灣再轉 72 翻屋企，$8.9 + $4.7。同 Method D 既 Concept 差唔多，不過唔洗行去撘地鐵就無咁吃力。呢個方法通常比較穩定，都係 45 mins 內可以翻到屋企。點解？因為基本上係過海巴士都撘得，車又密，再駁 72 都幾快下。

F. 撘火車到旺角再亡命飛 Van，$3.5 + $13。這個 Method 係唯一一個唔經紅隧、銅鑼灣的方法。好處就係穩定，無乜幾何會塞車，行西隧個段真係爽爆，45 mins 到翻到屋企。但係呢個 Method 好似怪怪地，人地翻屋企當然係越轉車就越近，但係要出旺角再翻去就好似掉翻轉咁。。。再者，旺角巧似巧危險，唔太鍾意旺角，也許多 MK令我失去安全感掛。

咁今日就用 Method E，點知係天橋位塞死左。。。頂！無啦啦棚架倒塌就塞成咁，用左半個鐘先落到銅鑼灣，咁咁岩又走左架 72。真係捉曬蟲，翻到屋企附近個陣竟然見到架 107。。。唉，咁我轉車黎做乜呢？！之不過今日用 Method F 會仲耐。。。

翻屋企係有好多方法啊，不過無一種 Method 係穩定姐。。。隧道口 (兩個) 塞就真係投曬降。。。如果南區都有鐵路就好了，不過想下就得。

5. 這個 Reality Show + CSI 成三個半鐘錄左未睇。。。仲有《攻殼》都未睇。。。都唔知幾時先有時間睇佢。講真，考完 Math & Stat 之後真係唔想再溫書。考試係乜黎架？我唔知道喎。

話時話 Workshop 個份 Test 有人投訴話唔公平，很好的說。我無登記到 Account，煩請有 Account 的人幫我反映下意見就係點都唔好人人加廿幾分，最唔公平就係呢個方法，寧願個題 Cancel 佢好過，題目係有問題就取消佢改 Total Marks，反正佢 Total 都唔係 100。

PS. 但係我 Long Questions 扣得好少分，咁我係咪好唔抵？一於照舊咪改佢，萬一 Cancel 左既話咪得 2 題 Long Questions？咁考黎托？

That’s All. 今日係咁多，有得早 D 睏，正！！

---
1426。天殺的。。。流血了。

---
今日心血來潮想睇翻《逮捕令》的說。原因為係聽翻套片既歌 :: Love Somebody 同 Thank You Love。



轉自《逮捕令の休閒小站》

『逮捕令』逮捕しちゅうぞ (YOU'RE UNDER ARREST)，漫畫原作為藤島 康介，同時也是『幸運女紳』(我的愛神)及電玩櫻花大戰裡人物設定的原作，最近更有新的作品 eX'D( 中譯:極速戰警 )及櫻花大戰三的新作登場，可說在日本的動漫界有一定的地位，畫風清新自然，滿具有獨特風格。

而談到逮捕令的誕生，早在1986年原作漫畫便在雜誌上連載，至1987年的12月才正式發行單行本的第一冊，不過由於當時藤島老師的畫風並未擁有太大的特色，略嫌青澀無質感，所以並未有很好的成績，又由於「幸運女神」是接在逮捕令之後的作品，可是在畫風上卻創作出前所未有的清新感覺，和之前的逮捕令簡直有如天壤之別，因此才有人戲稱：逮捕令是造就幸運女神的實驗作。不過，這毫無根據。

要說到逮捕令真正轟動風光的時候，其實重點在於原作漫畫結束後兩年，決定將逮捕令動畫化，連續發行了四話的OVA版，沒想到動畫版的人物設定令人為之一亮，呈現出和漫畫完全不同的感覺，從這開始，逮捕令紅了；在OVA四話完結後一年，決定承接OVA版的劇情，繼續製作TV版，當然，造成了非常大的迴響，而且如果有眼尖的YUA迷發現的話，其實逮捕令系列的動畫人物設定，也是一階段一階段地在改進，直到近年來所發行的劇場版及最新一季的TV版，人物設定都可說是更上一層，變得更迷人了！所以，希望大家能繼續支持逮捕令，直到未知的結束為止。

VICTOR ::
呢套動畫係無記播個陣叫《皇家雙妹嘜》，Season 1 係閒日 1700 檔播的，個陣我記得只係 Form 1、2 既事黎，都算係放學翻屋企必追既動畫之一。果時係俾佢既故事同主腳吸引的說！當然依家都係啦，不過年紀大左就覺得美幸同中島既戀情真係幾特別的說，學夏實講「你要加油啊，劍劍」。

Season 2 唔知無記有無播過呢，印象中好似無睇過。遲下有機會都想睇過。之不過 Season 1 係屬頗長的類型，有五十一集。。。Season 2 好 D，得 26 集。

2135，早 D 打 Diary 早 D 睏，其實想開戲睇呢，想睇《攻殼 II Innocence》。

1. 這個廣告。。。真係唔明點解既，呢個廣告竟然得獎的說。商場既廣告都可以咁 Sexy，係一絕 XD



2. 認唔認得佢地先？



佢地終於翻來了 :: Backstreet Boys。不過係咪應該叫 Men 呢？個個都差唔多三張了，佢地個樣都變左好多。之不過 AJ 個 D 鬚就一樣，幾型下！出左新 Single :: Incomplete，另外都就快出新 Album :: Never Gone。

佢地 D 歌都唔錯架。I Want It That Way + Drowning + Shape of My Heart + Perfect Fan。想當年佢地 Concert AJ 唱 Drowning 個陣拗腰個下真係堅到爆。

PS. 話時話 Gackt 都出左新 Single ↓



之不過仲未聽過呢。MC 新碟《四次元》629 出，期待中！

3. 呵，呢段 Message 有多少衝著我而來呢。



→ 咁去赤柱唔買翻 D 手信點叫去過赤柱呢，買翻件 I Love HK 既 T-Shirt 嘛。一係買 D 手工藝品，後悔無買啦。應該試下 Haagen Daz 既 $37 單筒！做下遊客！呵呵呵

→ 咪講到大家咁爛飲先得呢。其實。。。我都唔飲得架，平時都唔會飲，我係會叫人唔好飲個類人黎 (不論飲多定飲少都係唔好，哈，妳應該會有深刻感受。)，只係想盡興嘛，去個 D 地方都應該試下既，又唔係飲好多，再者只係 5.2%。

→ 咁你兩個都實唔讀，點都好難係個 Course 度見既，咁閒來約出黎都得既。或者大家介紹下新識既朋友仔搞飯局都得既。不過唔知自己走唔走得甩呢。。。後面個句就講中的！

→ 啋。。。幾時變左進取型。。。其實我好有矜持的 A_A” 。「得唔得」同「快唔快」就睇下神如何安排吧，祂認為我唔應該有住的話就唔會有的說，學你話，隨遇而安啦。之不過我照顧人既心頗強就係事實來的。要結婚生仔，嘰嘰！我講邊句你覺得認同？我唔記得左，講左好多句呢，難度係。。。裸睡帶來既問題？呵呵呵。真係好想你話翻聲我知。

→ 哇哈哈哈，住港島就係咁可愛，遲下有飯局可以試下 D 中立 D 既地方既，尖沙咀都不錯，大家都咁遠路。無架喇，最多只可以去到尖沙咀，再到旺角就唔公平架喇！

4. Yea。呵，Thank You So Much + Miss You So Much ~*



如果妳係度咪幾好，可以陪下我，放假我真係怕會悶死。。。

5. 今日都係打唔到個「朋友篇」。。。很好，明天再打。Um ... 神賦予我的才能真的要善用，可以發揮所長去幫人的說，呵，有無人要做小冊子啊？

另外發覺呢幾晚都好夜睏。。。Sat 晚就無事忙搞到好夜都未睏、Fri 晚就遲翻屋企、Thu 晚就打左幾千字既 Diary + 幫人驅鬼夜睏、Wed 晚就幫阿妹驅鬼。。。今晚都一樣唔早睏了。唉，連續幾晚都傷肝。。。

That’s All.，2435，雖然早打 Diary，但係途中都有幾多其他事要做，結果都係夜睏。。。明天要追翻 D Reality Show 呢，要睇埋套戲先得！！又麻煩 Wilson 哥幫我補底了。

---
0948，呢個 Moment 真係 Hea 爆，又未夠鐘出門，但係又唔夠時間做其他野，本來仲想話睇集動畫添。咁依家有乜野做呢？都係追 Post 睇 Diary。咁之前同阿娘講幾咀啦，講過乜野依家已經唔記得左。

今朝落雨，真係幾影響我心情的說。這個 Mother’s Day，無親節當然照平常一樣咁過，呵呵呵。不過 Mother’s Day 既話，這首 Backstreet Boys 既 《Perfect Fan》都幾岩用的，睇睇歌詞啦，真係幾好呢。

Perfect Fan :: BSB

It Takes A Lot To Know What Is Love
It's Not The Big Things But The Little Things
That Can Mean Enough
A Lot Of Prayers To Get Me Through
And There Is Never A Day That Passes By
I Don't Think Of You
You Were Always There For Me
Pushing Me And Guiding Me
Always To Succeed

You Showed Me
When I Was Young Just How To Grow
You Showed Me
Everything That I Should Know
You Showed Me
Just How To Walk Without Your Hands
'cause Mom You Always Were
The Perfect Fan

God Has Been So Good
Blessing Me With A Family
Who Did All They Could
And I've Had Many Years Of Grace
And It Flatters Me When I See A Smile On Your Face
I Wanna Thank You For What You've Done
In Hopes I Can Give Back To You
And Be The Perfect Son

You Showed Me
When I Was Young Just How To Grow
You Showed Me
Everything That I Should Know
You Showed Me
Just How To Walk Without Your Hands
'cause Mom You Always Were
The Perfect Fan

You Showed Me How To Love
You Showed Me How To Love
You Showed Me How To Care
You Showed Me How To Care
And You Showed Me That You Would
Always Be There
Always Be There
I Wanna Thank You For That Time
And I'm Proud To Say You're Mine

You Showed Me
When I Was Young Just How To Grow
You Showed Me
Everything That I Should Know
You Showed Me
Just How To Walk Without Your Hands
'cause Mom You Always Were
The Perfect Fan

'cause Mom You Always Were
Mom You Always Were
Mom You Always Were
You Know You Always Were
'cause Mom You Always Were The Perfect Fan

I Love You Mom

PS. 很好，咁就夠鐘裝身出門，帶唔帶傘好呢？話時話，想探下阿婆呢，好耐都無探佢。

2402，岩岩沖完涼，想打 Diary 既呢一刻覺得好眼睏，不過都要打落去。今日同 D 年青人玩左成日覺得有多少朝氣的說。

1. 今朝 0800 起左身，追 Post 睇 Diary 之後坐陣 Hea 陣就睇動畫，仲未開新動畫睇，都係睇翻《Keroro 軍曹》同《甲賀忍法帖》，後者既甲賀忍者都死左一半，伊賀忍者仲有九個，好似有 D 屈機咁。

睇完之後大約十點半到，就睏我既早既晏覺。

PS. 係咪有多少無言呢，十點半大家可能仲係睏緊覺，但係我已經睏第二次。唔知點解，可能慣左早起身，一到左八點左右就會醒，翻睏又睏唔著，真係激死。

2. 唔好睇少我呢個早既晏覺，我睏到差唔多三點先起身。。。其實睏到十二點、一點、兩點既時候曾經醒過下望個鐘，不過望完個鐘之後都係再睏過。起身本來都係想做個件事，結果都係做唔成，就係因為。。。幫人驅鬼。。。幾日內唔知第四定五次做同一種事了。

呢個驅鬼過程真係唔講唔得，呵，特登話翻俾阿妹聽。個委託人係「姐姐」來的，其實都只係妹妹。

咁一開始當然叫佢 Install 翻個 VNC 等我 Remote Access 佢部電腦啦，點知佢用左 「Router」。咁就叫佢試下入 Router 個 Admin Page Set DMZ Forward，點知佢又唔知個 Admin Password，咁就叫佢試下 Reset 過 Router 上網，不過當時都諗到佢會 Set 唔到搞到上唔翻網，點知真係出事。。。

之後阿妹就蕉我 ↓



很好，費了很大的勁終於幫佢「還原」，咁叫佢 Download 翻個 IMS 既 Connector Box 旁身，以備不時之需。咁就幫佢由頭 Set 個個 Router，這個。。。一切 Set 好曬之後發覺佢無 DMZ Forward，即係用唔到 VNC 入佢部機。。。最後 ↓



咁用電話教佢點 Remove 個 Worm，講左好耐都係無進展。。。咁就叫佢唔好用個 Router 直接駁上網，頭先 Download 過既 Connector Box 就剛好有用，咁佢 Install 左之後就順利入到佢部機開始驅鬼 ↓



開始順利了，咁 Send 左 D 而必需既 Software 俾佢之後就好快 Set 好曬 D Registry，已經唔會話一開機就開埋個 Worm，但係個 Worm 本身都未 Delete，個 Anti Virus 又因為個 Worm 佢改左個 Win Hosts File 所以去唔到大部份同個 Worm’s Solution 既網站，咁就 Update 唔到 Virus Definition。咁又搞一大輪去 Search 個 Win Hosts File，但係又 Search 唔到出黎。咁就幫佢 Download 個 Live Update 再 Send 俾佢，好順利地可以去得翻 Symantec.com。咁就開始 Scan Virus。

係途中幫佢 Remove 左其他 Adware + Spyware，發覺都幾多問題。。。咁之後再用 Advanced Search 去 Search 個 Win Hosts File，今次就搵到 (上次無用 Advanced 就 Search 唔到 =.=)。Bily Bala 咁就搞掂曬，完成時間係 1900。。。

小總：
A. 打 Diary 既途中醒起，佢係講個係「分享器」，唔係「路由器」，即係 Switch Box 黎，唔怪得之無得 Set DNZ Forward，今次真係捉曬蟲，係我問題，真係唔好意思。。。

B. 今天的事又令我深深體會到女孩子係唔應該讀電腦，原因係思考方式真係唔同男仔呢。插線係主要既問題。不過唔係話妳水皮，係大部份女孩子都係咁的，唔好放上心。

哈哈，電腦叻既女孩子係唔可愛的！所以女孩子唔識電腦先係好事黎。呢 D 電腦野都係留翻俾 D 男孩子解決啦。

C. 就係因為呢件事，我今日甩甩地底，無去到團契。。。聽日有人問起講翻個原因都幾有趣，我特登起身諗住翻去架，哈哈。結果都係未踏出第一步。

3. 咁同阿妹又講幾句，真係幾爆笑，呵呵。



千期咪妒忌，嘰嘰。不過今日竟然同妳講感情事，激死。妳講呢句會得罪好多人，呵呵呵。



估唔到妳係咁諗既。。。真係唔需要放低？咁咪要記住好多好多人？唔怕自己心癢癢？！算吧。。。看來偶都係要俾 D 時間落去。

4. 妳啊，真係唔洗怕我出事喎，我會小心 D 架喇。仲想問妳呢期套《同撈同煲》點添，我怕妳俾人周到咋。如果出事既話妳探下我啦，哈哈。不過妳都巧關心我呢，感謝妳。

That’s All. 今日唔夠時間打「朋友篇」添，聽日先再打啦。今日百無了賴咁過左，聽日睇下有無時間搞搞個 Internet Programming。掛住妳、妳、妳、妳，有無咁多或者少呢？唔知了。2521，睏得！呢期都夜睏左好多呢，個肝傷曬。。。

---
2033，今天無事忙。依家先得閒 DD。嘩，涼子姐姐真係可愛到成個娃娃咁唷 ～★

2430，岩岩沖完涼，開始！

1. 尋日篇 Diary 都應該算最長個幾篇，有成 3200 字。剩係個 Spot 3 就有 1531 字呢。。。



2. 今日食埋個 Lunch 先出門口，結果當然係遲到啦。但係唔緊要，大家原來都係無組識及預謀地遲到，咁大家都唔係等左好耐，真係非常好的說。

咁之後同海爺會合就係銅鑼灣撘 Van 入去，好快就到左赤柱，行左陣搵地方落腳，最後去左 Delifrance 坐。入到去發覺個度除左職員同我地之外係一個香港人都無，全部都係老外黎。咁自己就叫左杯 ↓



大家點都估唔到係乜野黎架喇，係 Café Vanilla，不過係無 Coffee 成份，即係雲呢拿開水。。。本來唔係想飲呢杯野，諗住實係 Coffee 黎喇，點知個 Staff 問我要唔要 Coffee 落去，一個唔留神話左「唔要」就變左呢杯野，不過都幾平，只 $16。

咁坐左陣，Wilson 都到埋。呵，好耐無見啦，唔計尋日個次的話。你的心情我係好明白的，自己唔多唔少都係咁，不過你見我都話明枝葡萄適得 3 粒鐘威力，考 Paper 2 個陣應該隊多枝嘛！不過放心，都無下次架啦，大學既考試跟本唔值得我地去操心。就咁一路吹水吹到六點幾七點，四圍逛逛下。夏天果然係日長夜短，好耐都未天黑。

如果神人個頭上有光環的話，那麼黴既人頭上便應該有蚊 / 烏蠅。真係激恐怖，有一群蚊褸住某某個頭 (係邊個就大家知啦。) ，潑左勁耐都潑唔走 D 蚊。。。你頭髮長又無落 Gel 個類，D 蚊咪褸你，呵呵。呢張相 S 唔 Sweet 呢？



不過同上次黎赤柱一樣，係搵唔到邊樹日落。。。不過放心，呢張相我肯定做 Effect 加入去 Portfolio 的！如果你兩個既剪影再加上日落你話幾正呢，不過如果係一男一女就好了。

咁之後走左 SeaFront 度食 Din，係一間 Bar 定 Pub 黎，我都唔識分了。三個人叫左三個 Set Dinner，一個係燒肉眼扒、一個就法蘭克褔腸、一個就煙肉芝士意粉。你塊扒都唔錯，搞到我個 Set 好似好唔抵咁，不過個個 Moment 其實都夠飽的。咁個 Set 就連飲品，去呢 D 地方唔飲翻 D 酒精類飲品點得啊！結果三個都叫左 Sub Zero 黎飲。這個。。。有多少被騙的說，以為會甜甜地咁，結果我覺得係苦的，勁似藥水味。。。真係呢。飲到最尾個啖真係苦到爆，不過話時話，我地無 Cheers 呢。

呵，這個 5.2% 對我黎講都係少料，除左苦之外就唔覺得有乜特別。不過其實係咪其實大家醉醉地呢？大家都有多少語無論次，呵呵呵。我都唔知自己講乜，你地諗到係乜野就係乜野啦。咁食既途中都係咁吹水，吹到咁上下就叫甜品食，都 OK 啦，算係咁，結帳係 $367 + $3 Tips。

小總：

今次的飯局真的不錯，自己都係第一次係赤柱食，之前去個幾次一係就翻屋企食，一係就落翻銅鑼灣食。Wilson 你應該俾多左錢我，應該係 $88 + $35 + $20 + $12.3 ~= $155，D 錢我下個禮拜見到你既時候拎去請你食雪糕 / 甜品啦。

赤柱真係幾 Relax 既地方，如果拍拖的話都不錯，睇下遲下有無機會請人去食飯先。之但係都頗多甲甴呢，見左幾次，都幾嘔心。。。最慘係多蚊。。。唔係噴 D 止汗劑既話真係俾蚊咬死都似。

另外遲下識到新朋友仔就應該介紹黎識下的說，等個食飯圈子可以擴闊。唔一定係女仔既，男仔岩傾都唔錯，不過靚姐姐既話會好興奮！

3. 今日出門唔記得 N/A，翻到屋企有多少俾人炸既感覺。平時都唔見咁多人架，做乜無啦啦今日咁多呢？

另外又收到個勁唔好既消息，五月尾要補堂。。。讀唔讀落去都成問題，仲去補堂？真係開玩笑。另外個 90mins 既 Lunch Break 都唔知點算好，本來有多少少時間會鬆動 D 既，不過無飯腳。。。唉。。。真係唔鬼想翻，爆爆笑先。真係正老鼠！

That’s All.，2507，睏得！呵呵呵。明天輕輕講講朋友仔，點解？因為睇左妳個 Diary 呢。

---
2328，剛回巢。。。真係好眼睏啊！！

---
1314，其實。。。今朝頭痛。。。唉。。。肯定係尋晚夜睏得滯。諗住食 D 止痛丸，點知食左夜服裝，家下覺得幾眼睏。。。真係 OMG。

依家食緊 Lunch，看來今天我也一樣遲到呢。。。不過真係好開心，太陽伯伯出翻黎，可以去露天 Cafe傾計啦，好好好好開心！今日一定要影 D 相翻黎！

Thank God!

2708，睏覺了。。。著曬紅燈警告。。。同樓下張涼子姐姐一樣。。。咁殘。



---
2655，落雨啊。。。聽日個赤柱歎 Tea 計劃可能要取消了。。。唔制啊！！！

大家都非常好的說呢！

---
2252，開始打電話。。。唔係，係打 Diary。點解打左「電話」呢個詞既，我知啦！我阿娘打緊電話繳費。呵，看來真的太攰了，有多少癡線。

1. 其實今朝睇完《攻殼》之後想睏個晏覺，但係心血來潮 Check Check 幾點係邊度 Test，一睇之下原來係 1400。。。心諗好彩無睏到晏覺，唔係真係大近視。。。咁煮完 Lunch 之後坐陣就出門口。

原來傳聞其他人話隔離班靚個個都係住係南區的說，一上巴士就見到。這個場地都 OK 難搵呢，好彩見到 D 同學仔，佢地曉去。真係頂爆啦，個塊「板仔」真係細得可憐，都唔知做得 D 乜。今期個 Test 好有賴野 Feel，開住本書都唔知想點，又坐得辛苦，條頸激痛！算吧算吧，合格掛。

之後孭住本重疊疊既書行去尖沙咀撘地鐵，到上環交收完本書之後翻翻銅鑼灣撘車翻屋企，翻到屋企。。。真係覺得好攰好攰，個膊頭直情係痛，雙腳有多少乏力，看來真係少運動。

2. 今日反思左一個問題，之前睇動畫睇翻黎的，係邊套就唔記得了。「如果神明真的存在的話，為甚麼祂又要令人處於兩 (多) 難的狀態呢。為甚麼一方面要給人希望，另一方面就將那些希望打破？」

神的安排真的好神呢。。。

Java 既 Test 叫 OK 啦，Workshop 個個就真係天堂與地獄，Test 只係扣左 40 分，大部份係 MC 到扣。。。Quiz 就得 6 分。真係呢。。。既然 Workshop 兩次 Test 都唔錯，彷彿好有衝勁做好 D 個 Project 笠隻 A 翻黎。其實仲應唔應該繼續落去呢？

神的安排真的好神呢。。。我真係唔知可以點。

3. 這個 Spot 重要了，真係肺腑之言。首先大家睇睇 D Cap 圖先。





我想大家都估到我想講乜啦。唔係剩係同同 Course 既同學講，只要睇到既都岩用。依家讀緊個個 Course 係 EE 開。見到第一張 Cap 圖，我諗大家都心有同感啦。雖然各個 Programming Language 個 Logic 都差唔多，Syntax 都可以話差唔多既 (只限甚麼 if-else、for loop 個 D) ，之但係點都好難做到樣樣通。至爆就係個 MatLab 啦，真係用都無乜用過就話要自己去寫寫佢。絕對沈默。

好了，如果大家 Jupas 走唔甩，要留係呢度讀 Year 2 的話，那麼大家便要想想應否繼續下去。如果係無興趣或者已經跟唔上大隊 (係大隊，唔係睇自己個體。) 的話，倒不如唔好讀 Year 2，去報個自己鍾意既 Asso 吧。特別係女孩子，我真係好少見甚至無見過女孩子讀電腦科讀得好掂 (呢科仲要有好多 EE 科添。。。) 。女孩子思考既方式跟本就唔適合做 D 科技技術有關既野，唔好話讀 EE 科，就咁駁部錄影機、PS2 去電視機都可能搞成日啦。

我想大家都知道「學」電腦唔同一般屋企「玩」電腦吧，真係幾痛苦下。基本上電腦呢行兩年一小轉，四年就一大轉，要不斷不斷吸收新既知識先得。咁你地都可以話其他科都要既姐，但係講真，商科個 D 有無轉得咁密呢？基本上真係一世人頂多經歷兩次既轉變。

讀完呢個 Course，理應大家都係 IT Experts，讀完 Business 個 D 科就係商業人才。兩樣頂多都係做到 80% 左右，但係商業人才既「轉工性」點都大過電腦專才嘛。依家仲在職既電腦專才十之八九都係科網股爆破前上左岸，做到 Management 個級，新入職個 D 前途絕對黯淡。問心自己可唔可以做到 Top D 個班人？Top 個班都可能無工做，次一級個 D 做得乜？無錯，讀完可以唔做電腦呢行既。但係咁讀黎托啊？認認真真讀個 Business 既 Asso 仲穩陣啦，起碼前途比電腦呢行樂觀。特別係女孩子，可以做個 Clerk / Secretary，男仔點都難多少。

大家可能話唔知 Asso 有乜好讀 / 唔知自己興趣係邊。某程度上我覺得幾可惜的，中學七年既生活唔單止吸取知識、考公開試同識男 / 女朋友，我覺得最重要係俾個時間你去發掘自己既專長同興趣，如果咁多年都搵唔到的話，就真係有點兒白過的感覺。Asso 真係花樣百門，點都有一兩科岩自己掛。

依家大家仲會讀 Year 2 既原因都係個幾個，一係就真係想讀埋 Year 2，一係就係有得讀好過無得讀，一係就家人壓力，一係就自己都唔知自己想點。不過點都好，大家都要諗諗將來既前途會係點，與其無乜好結果既話，不如痛定思痛，一係好好讀落去，一係轉科。坦白講，大家包括自己都已經浪費左一年時間，唔好再浪費多一年做無謂既事。當然，你都可以好豪咁話俾幾皮野出黎識朋友既，都無你乎。但係大家都係二十左右，要任性還有機會，揀個自己鍾意既科讀都好過係度頹讀。可能家人口講就話你死蠢，係咁俾壓力你，但我深信佢地都係默默咁支持自己的，一家人嘛。

其實我諗大家最唔捨得既地方係呢個 Course 係 Jupas 派入黎，好似矜貴 D，就算唔係都係經過多番努力先有得讀到，一下子話放棄的確係好困難。但仔細衡量輕重後，自己心裡都可能知道值唔值得。講番自己，雖然都算跟到下，但都讀到好頹，其實都唔太鍾意讀。如果 Jupas 係 No Offer 的話應該專心一意 Repeat 或者去報 Asso Creative Media，後者起碼都叫自己專長 + 興趣所在。衰就衰在當初唔識諗，覺得個 HD Offer 好矜貴，好過無得讀。不過當時問過幾位老師，得到的意見完全不同，有的說努力讀好個 HD、有的說報自己鍾意既 Asso、有的就說有信心升 Grade 既就 Repeat、有的說不怕辛苦既就邊讀邊 Retake，結果自己揀左最後個樣。的確係辛苦，辛苦在點分配時間。結果係好係壞都未知，不過肯定個選擇係自己揀，唔應該後悔的。

小總：

大家考完試後就真係認真想想這個問題吧，與其 Hea 讀 / 頹讀，倒不如另尋出路。俾多少任性做自己想做既事，當真係投身社會工作時大家想任性都無機會。做人求乜野？都係求開心姐，這就是我的做人宗旨。如果大家仲未夢醒的話，係時候醒了，好快就到下一年架喇。

講左咁耐，都唔係話乜野有用既說話，只係講翻自己心想講既野，如果我走唔甩的話，都有可能 Quit 左去算了。哈，如果學校肯邀請我翻去做分享的話我實答應！開個講座都得添。其實頭先個堆說話我對唔同圈子既人都講左幾次的說呢。

好多謝大家肯睇這篇文章呢，大總就係「Let us pray to the God of our Lord Jesus Christ.」。

4. 尋日先話完人幾廿度仲著冷衫，結果自己細佬今日翻屋企個陣都係咁做，仲等我笑人添。真係睇見都熱。有時都覺得係咪佢個個年紀既人特別反叛呢？自己個陣都好似無咁厲害，可能我既反叛年齡更早掛。不過有時佢真係做得過份左，想幫佢都幫唔落手。邊有人鍾意俾人話，但係都要佢自己本身做好先得架，邊個想話佢呢。

拍拖唔係唔好 / 唔準，但係唔好俾人影響得咁厲害。係好既野不妨去做，但係唔好既就真係唔好學啦嘛，完完全全係自甘墮落。我對佢既行為為之側目。我都想幫佢講說話，畢竟自己個個年齡都係有拍拖，之但係佢都係個學生，唔好係屋企人係曬屋企既時候 (特別係家中兩老) 係咁講電話啦，成家人都無呢個習慣，突然間咁做就係人都知乜事啦。上期提過佢小心 SMS 爆煲陷阱，結果都係中招，Send 左五百幾銀，真係唔到我唔服。仲好過癮睇住部手機係咁震。

5. 呢個都比較震驚。。。無啦啦係睡房發現一隻典型香港大甲甴。。。嘩，好彩係我阿娘發現，俾我見到就真係唔知點算 (最好彩就係由頭到尾都無見個隻野) 。阿娘叫我捉左佢，真係捉個個就傻，最後當然係老頭子做傻個個啦。至怕呢 D 大昆蟲，真係唔好搞我，蝴蝶都覺得恐怖，怕怕。第時都要訓練到另一半唔怕呢 D 大昆蟲先得，唔係兩個就真係發曬顛都似。之但係一個人既話又點算呢？無了，中毒死都好過俾大昆蟲嚇死，噴殺蟲水！！！

That’s All. 今晚都既 Diary 都頗長的說。阿娘既感冒都開始好轉，無他既，我 D 菌傳左俾佢，佢平時又唔夠睏，咪好易中招。依家到我細佬開始有幾聲咳呢。

聽日既赤柱遊熱切期待中！看來應該係我地三個人既尾個幾次見面架啦。

2454，終於打曬。

---
2218，突然覺得有 D 興奮。。。本來頭先都 Down Down 地，不過睇左兩集《Keroro 軍曹》就真係笑到標淚水，勁爆笑。樓下個幕大家有無印象係邊度見過呢？



PS. 左下角係寫住「整過世界的嫉妒都集中到了我的手裡」。

估到未呢？咪就係 → 龍珠 Z 既惡搞啦，哈哈，真係好正！

---
1755，剛回巢。突然覺得有 D 失落。。。諗左一 D OK 哲學既問題，夜 D 講點解，家下當然睏翻個晏覺 / 睇下動畫。

---
1144，突然覺得有 D 空虛。。。唔通呢個就係忙完一輪之後既感覺？！想煮 Lunch 食，又想再睇另一套動畫，打下機都得，再唔係咪睏下覺。之但係暫時乜都唔想做。。。難道又有不明既壓力壓住我？！

---
1118，岩岩睇曬全套 26 集既《攻殼機動隊 SAC》。尾個幾集真係好緊張，睇到心跳加速的說。。。睇到有多少暈暈地。成件「笑面男事件」算係告一段落，究竟 SAC (Stand Alone Complex) 係點解呢？指好多獨立的個體可以組成一些特別的事？那麼 Ghost 同 Shell 即係乜野呢？Shell 我明白的，是沒有靈魂的「殼」，Ghost 即係靈魂本身？

看來一切迷團都要再睇下電影版《攻殼機動隊 II Innocence》先解到。不過都要到下下期先再睇睇佢，套野都幾 Heavy 下。下期應該會睇 D 愛情小品動畫，《他和她的事情》看來不錯！就睇佢！

暫時係咁多，都攰攰地，一口氣睇左幾集呢。