岩岩病好又食 D 熱氣野，今晚無飯開，叫左 Pizza 食。呵，食完好口渴。。。

1. 今朝都 OK 早起身啦，0745 起左身，咁坐陣睇下動畫、Hea 下到十一點到就去睏個早既晏覺 (呵，死未，已經變到要睏兩次晏覺。。。) 。十一點睏到一點起身煮野食，都係食湯米粉。咁之後兩點零鐘就出灣仔買野，買左 50 隻 DVD-r。

咁見呢期就快母親節，咁就四圍行下睇下有乜野岩洗啦。其實一路以來都無話乜乜節會買乜野俾屋企人，大家都覺得與其買野，倒不如將 D 買野既錢折現，呢個就係我屋企。所以都係諗住買 D 平平地既野算數。本來想買 D 細細束麵粉花送過阿娘，不過行左好耐都唔覺有，最後去左 SOGO 買左盒朱古力咁就算。

呵，想做下孝順仔都唔得添。真係費事搞咁多野，過幾舊水俾佢算。

PS. 銅鑼灣有幾個商場 / 店鋪我激少去，商場方面我唔去總統商場、東角 X、銅鑼灣地帶。店鋪就專賣女仔野既 Shop (指一般女性喜好既野，唔係賣女性用品個 D) 。去親個 D 地方覺得激無安全感，特別係銅鑼灣地帶，直頭係 MK 集中地，好驚一個人去個度。今日都剩係無去到呢個商場，其餘個兩個都入過去搵過有無麵粉花賣。

2. 我真係唔明白，點解大熱天時， D 學生仲可以著件冷衫呢。女仔都話可能用黎遮住件好透既校服咁，但係男仔都著就真係絕對沈默。個件真係神奇冷衫，十零度又係著佢，廿幾三十度都係著佢，真係神奇過神奇彩衣。短袖冷衫都算，有人仲可以著長袖。。。真係。。。無言以對。

PS. 1. 不過話時話，今日著條牛仔褲都覺得勁熱，那間摩利臣山泳池隔離既中學既學生做緊體能，個度 D 女學生喪架。。。著住件冷衫做體能，真係堅過焗桑拿。。。

PS. 2. 雖然學生們仲係無視天氣咁著冷衫，但係年青人既去街裝已經換曬夏裝，男既背心短褲，女既都一樣係背心短褲。又係時候食霜淇淋了，呵呵呵。但係品質參差，要小心小心，唔係食物中毒就唔好。(男女皆適用。)

PS. 3. 係咪女校男、女性荷爾蒙唔平衡，所以有咁多湯姆男孩既誕生？！今日見到好多女校學生，發覺每一堆人之間總會有至少一個湯姆。有些湯姆真係男人中既男人，Man 到爆！偶拍埋去簡直相形見絀。。。OMG

3. 這個回程既時候，又顯出南區交通網既弊病。聽聞維園那邊的路好像阻塞了，基本上無車轉到入去三越那條路。結果排隊撘巴士既人就煩燥，D 人等左起嘛有半個鐘，幾個巴士站都大排長龍。簡單 D 講，總之去南區既巴士都唔見曬，天殺的。

4. 晏晝諗左 D 野，關於 Summer Holiday 既。如果真係無 Part Time 做既話，咁不如做過「師奶」吧。今日兩點零鐘落去銅鑼灣，真係有個衝動同阿娘講不如我幫佢買餸，反正佢都係係百佳 /惠康買，咁每日落一落街既話都叫有 D 細藝，唔會話日日係屋企頹。

諗過每日既時間表架，咁朝早八點起身，睇動畫 + Hea 陣到十一點零就睏個早既晏覺到點零鐘就食 Lunch。食完就出銅鑼灣買餸，咁大約四點零鐘可以翻到屋企坐陣又得再睏個晏既晏覺又得，咁之後食飯再睇動畫或者做下自己野。怕無運動？又可以朝早去下游水打下波咁，都幾健康。

不過諗真 D。。。呢個時間表似退左休既阿毛。。。唔係嘛。。。

5. 諗住睏架啦，不過係度用緊 VNC 幫阿妹驅鬼，唔打 Diary 住了，貼圖！



PS. 1. 做乜個個都中這個 MSN 亂 Send Virus 毒呢？係 W32.Spybot.lzi。

PS. 2. 阿妹，妳好掂啊！完全無視我既存在！妳自己係度係咁睇 Diary。。。可惜我只係 8 色咁睇，唔係就睇到下妳 D 相，呵呵呵。

That’s All. 結果今晚係好夜睏， 2527 啦。。。

---
40樣香港人做過o既無聊o野

1.玩米缸，將手插入米缸裡面o既米裡面篤下篤下。
2.在百貨公司入面篤扶手電梯旁的吊牌。
3.地下有階磚時，特登隔一格一格o黎行(不可踩界，要完全在格內)。
4.用錶面反射陽光，照o黎照去。
5.跳樓梯(愈多級愈勁)。
6.行路上高起左地方(例如高起左o既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出o黎。
8.食完瑞士糖之後，將糖紙包番個原本四四方方果個形出o黎。
9.超級市場踩住架購物車o黎行。
10.踩水"tum"，係好特登果隻。
11.吹口水波。
12.搣牆上的乳膠漆或牆紙。
13.係平滑o既地面上面"冼"下"冼"下咁行。
14.整濕o的紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出o黎，睇下個粉刷中邊個。
17.放膠袋(當風爭甘放)。
18.去後梯執鹹書睇，張睇完的鹹書撕開飄落街。
19.貼張龜仔紙嚮o的同學鮋背背脊果度。
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射纒o的同學。
23.掉人地門口的拖鞋落街。
24."蚊"消防喉，射水落下麵個球場，睇下射到幾遠。
25.擇水彈。
26.用氣鎗射街上的途人。
27.玩千揪，"fing"到咁上下就飛出去鬥遠。
28.落樓梯時坐係o的扶手上面"sir"落黎。
29.在自動梯行相反方向。
30.把"誤投信件"或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月臺上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，"捐"地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
39.煲蠟。
40.把汽水罐靜雞雞放在校車的車輪下攝住，開車時把它壓扁。

VICTOR ::

講下有邊幾樣無做過啦。11、18、23、24、28、30、34、35、37、38、39、40。原來都幾多樣無做過喎，哈哈。我唔係正宗無聊香港人，嘰嘰。基本上無做個 D 一係就能力問題 (eg. 吹口水波個 D 我到依家都唔識) 、一係就環境問題做唔到。

病情已經好轉，不過都一樣咁攰呢。

1. 藥就已經食曬，之但係樽咳藥水就成支仲係度，呵呵。「任何人都唔可以教我食咳藥水，我係唔會飲架！」。真係唔係講笑，至怕食咳藥水，個種味勁難頂，飲完有多少反胃咁。。。



PS. 話時話，原來真係會記錯食藥時間呢，今日都差 D 記錯左，通常都係記錯前後一個鐘。應該三點食藥就可能兩點或者四點食。。。

2. 呢期除左 Mr.Children 既《未來》好聽之外，發覺陰陽座唱個首《甲賀忍法帖》都幾正，好熱血的說。個女主音把聲好特別呢。



3. 又一個令人覺得 Surprice 既消息，就係 Bandai 同 Namco 合併。真係唔知幾時到 Capcom 俾人收購呢。不過就快放假，都要諗定個假有乜 Game 陪我過，唔想好似 Sem Break 個陣咁頹。話搵 Part Time，不過都未起步，而且唔做 Sales 做得 D 乜呢？做個 Clerk 都得掛，不過又好少話 Part Time Clerk 咁。唔通又係屋企充實咁渡過？

PS. 睏左幾日，突然覺得有多少頹氣。。。

4. 繼上期「膝頭陷洗手盤」之後，今日就表演「滾水淥腳」。事原晏晝睏醒早既晏覺之後煮野食，整湯米粉。就係飛完水諗住倒左 D 水，點知手震震倒瀉左 D 落地下，就係咁淥淥隻腳，真係即刻醒曬。至大穫係要忍住痛，唔係成 Pan 水倒瀉曬就真係淥跛腳。。。

5. 晏晝清醒既時間本來想打 FreeTalk，咁就搵翻以前既相 / 作品出黎。咁岩搵翻 Form 5 時個 D 紀念卡，發覺好多野依家都岩洗喎！但其實都 OK 後悔點解 Form 7 唔整紀念卡派俾人寫呢？雖然 D 人可能唔會俾翻你 (自己就係呢類人 =.=)、亦都可能草草地寫名寫位址就算，但都叫做一個回憶嘛。

Form 7 個陣曾經諗過整紀念卡架，但係後期無整到既原因好似係整緊同學俾老師既紀念書 (另一個遺憾，無影低相。。。)，所以無時間整自己既紀念卡。到後期都整得切既，不過已經係 Last Day 左近，俾得同學黎都寫唔切俾翻自己，所以結果就無俾同學。最後 Form 7 既紀念卡整左 3 張，俾左 3 位老師寫，最後收翻 1 張，另外個兩張努力收回中。不過都難收翻架啦，個兩位都見得頗密，但都頗忙唔得閒寫翻俾我 (就係見得密唔知寫乜過我。)。

Form 7 限量 3 張紀念卡 ↓





PS. 本來有個 Idea 係整幾款出黎，係以《小魔女 DoReMi》幾位主角為主，肥仔應該睇過。

That’s All. 今天聽唔到妳既電話覺得有 D 可惜呢。。。不過個陣睏緊晏既晏覺，不過妳打電話黎都好開心架喇，哈哈。我係 Naughty Boy，YeaH！

---
突然間覺得好失敗同後悔。。。唉。。。

---
六種愛的方式

暗戀～
世界上最遙遠的距離　不是生與死
而是我就站在你面前　你卻不知道我愛你

癡戀～
世界上最遙遠的距離
不是我就站在你面前　你卻不知道我愛你
而是明明知道彼此相愛　卻不能在一起

苦戀～
世界上最遙遠的距離
不是明明知道彼此相愛　卻不能在一起
而是明明無法抵擋這股想念
卻還得故意裝作絲毫沒有把你放在心裡

失戀～
世界上最遙遠的距離　不是明明無法抵擋這股想念
卻還得故意裝作絲毫沒有把你放在心裡
而是用自己冷默的心對愛你的人
掘了一條無法跨越的溝渠

熱戀～
世界上最令人察覺不到的事情　便是你我在一起時
那個不斷流逝著的
據說叫做「幸福」的日子

初戀～
世界上最甜美的事情　莫過於你慢慢地向我走來
靜靜地訴說著「我愛你」！

今天繼續「暈眩」。早左打 Diary，都係講幾句啦。

1. 這個。。。真係好攰。睏覺既時候，有多少睏到「失去知覺」咁，D 手手腳腳真係旭唔到咁制。今日盡量唔俾自己睏咁多，但係都由四點幾睏到九點。但仲係好睏好攰，有多少餓所以都要起一起身的說。因為睏得多既關係，基本上食藥時間勁唔準，通常一日食四次藥到就食得兩次，真係激死。

一睏得多，就自自然 (亂) 諗野。基本上自己都比較易病，通常一轉季 / 天氣就出事，以前平均每個零月就會請日病假睇醫生。最高峰個期就係 Form 3 試過一個禮拜翻五日學請左三日假，普通感冒來說情況都比較嚴重呢。這個體弱既問題係熟既都知架喇，「見家長」個陣老師都例牌叫我小心身體，之但係邊有咁易呢。

有人話係心病，我覺得呢個機會都唔係細。唔知啊，學其他人話，自己要求高掛。自己把口就話無事、無壓力，但係唔多唔少都覺得自己心裡面係有 D 野，可惜就係唔知佢係乜黎的說。唔通需覆非人的協助！？

2. 聽日對我黎講係一個大挑戰，要一個人係屋企。。。平時都無乜野既，不過病左又唔同咁講。基本上閒日由九點開始到晏晝五點屋企都無人，真係死左都未必有人知。又要自己一個人煮野食，勁煩，又無微波爐，想叮叮都唔得。可以落街買既，不過懶啊，唔想落街！

係呢個 Moment，「女朋友」係幾咁重要。起碼死左都叫有個人知下呢。又可以煮野 / 買野過自己食，唔洗話餓暈。不過諗下就得，哈哈。

PS. 當妳話叫妳阿妹買野食過我既時候都 OK 震憾下，真係估妳唔到。呵，呢 D 野有心就行了。我諗我未致於食塊餅、咬舊麵包都唔得既，無人煮野食咪睏耐 D 晏覺，哈哈。這就是 VICTOR。

3. 今日清醒既時間都係睇片同打機，朝早睇翻尋晚集《Queer Eye》，呢套野真係穀眼淚的呢，不過下過禮拜係 Season Finale，又唔知等到幾時先有新一季。咁仲有睇多集《甲賀忍法帖》、幾集《攻殼機動隊》同《Keroro 軍曹》。套《攻殼》就快睇完，下期想睇下《攻殼 GIG》。仲想開多套短篇既動畫睇下，十零集個 D 就岩曬。

PS. 晏晝睇《都市閒情》，今日講掌紋，偶既頭腦線係伸延到尾指 (尾指的一半) ，即係話聰明，呵呵。

4. 說實在，頗討厭人地叫我「電腦人」，總之就係反感。唔知點解覺得呢個稱呼好黴。。。

5. 蠻認真的，好多時人都會覺得自己放得低，但係有時呢當去到某 D Moment 既時候先知道原來係放唔低的。放得低係好事黎既，不過都有人話咁易放低既話，認真極都有個泡。咁人人唔同既，有人知道係唔會有結果既就會好快疊埋心水放棄，咁亦有人會續繼默默咁等 / 祝福對方。咁呢 D 野真係個人喜好黎，自己就傾向放唔得低個類？！

呵，唔好理我啦，得架喇，我會架喇，呢 D 野唔係講幾講就得，偶次次都是認真的說，不是這麼容易放低，嘰嘰。

6. 這個 XangaLogger 經過雪球滾大的道理後，已經有二百幾人，看來 Server 還沒有甚麼問題呢。可以繼續俾人 Register，不過可能遲下會 Purge Delete Inactive Users + Purge Delete Logs + Set Max. Users。咁大家未 Register XL 的話就襯快了，可以 Reg 左唔用住都得既，因為都幾快會 Set Max. Users。



That’s All. 今天到這裡結束。明天努力吧，想到一些有趣事呢。

時間過得真係快，咁就五月了。身體抱恙，真係只可以講幾句。

今朝一起身梳洗完就翻教會，今日個講道不錯！蠻有趣，分享左應怎樣去祈禱 (個 Title 係咁上下，精神差。。。) 。咁之後去左睇醫生，間醫務所都頗多人呢，但係個度有四位醫務員，一間屋村既醫務所算係多員工呢。

翻到屋企 Hea 陣食個 Lunch 就去睏覺。醫生叫睏多 D，所以一定要睏，但係我又唔覺得好熱，仲凍凍地，咁就睏到七點幾起身，睇埋尋晚集 Branson’s Quest 就打下機。你地可能會問病仲打機？其實個人都有多少暈暈地，家陣諗翻都覺得唔應該打機呢。

That’s All. 咁就一天了，可能食左藥，覺得好肚餓。個口又淡淡地，好想食甜野飲凍野！

所以。。。唔想打 Diary。。。

但係又心癢癢想講幾句。今日打翻機，玩翻隻《The‧便利店 3》。呢 D 模擬類別既 Game 最在行，呵呵，好快上軌道呢，不過玩耐左係有多少悶。掛住隻 Game 之係就走去睏晏覺，七點睏到八點半，個陣已經開左晚飯了，但係未有胃口食。等到屋企人睇完《大蠢人》先有得食。。。

本來都好似無咁病，但係一睏完個晏覺之後就覺得好唔掂。阿娘問係咪好攰，的確係好攰的。咁佢就話可能係壓力大，之但係都考完試啦，照計就無乜既。咁大家既結論就係可能係「後遺症」掛。早知今日就走去睇醫生啦，不過自己懶落街所以無去睇到，聽日應該都要睇了。話時話，個兩粒飛滋好似無咁痛，但係喉嚨就腫左。

乜野叫做商業價值？呢 D 咪有啦，涼子姐姐親筆簽名 T-Shirt 一件！



PS. 真係唔好意思呢，今晚一覆完你個 Message 之後又睏過，我聽日先幫妳整啦，依家好攰。。。

That’s All. 清醒左一陣間又要昏迷過。。。 OMG