今天也是輕鬆的一天。開波！Spot 4比較重要的。

1. 首先一定要講既就系大家既 Xanga 好有可能系快左一個鐘頭。 Xanga 個 Server 系美國東岸 NewYork ，冬令時間系 GMT-5，但系近排轉左做夏令時間就系 GMT-4，即系比香港 (GMT+8) 慢少左一個鐘 (12 個鐘)，所以 Xanga 個鐘就快左一個鐘。

點解我會知？因為我用緊個 Server 系東岸 Orlando，我都遇到同一個問題呢。不過唔知 Xanga 個邊會唔會 Set 翻呢。算系解答到某某的問題吧。

2. 今日上 IS 堂都無乜特別，一開堂虧佬就問我問題，咁答完佢之後整堂就沉默。問左 D 人對 Project 既一 D 「感想」，例如問下你覺得邊 Part 做得好 / 唔好、對自己既評分、自己有乜貢獻同點解系個組到咁重要等等。說實在，我唔系太同意佢講既野，我覺得總要有人做「工兵」既角色，呢個角色的確系人人都做得，唔會話要求某某對個組太重要，但系無呢類人就實唔得。再講三至四人既小組，邊有可能明確地分到邊個做邊份工作，邊個做得到就去做，仲同你講組織！？開玩笑。我覺得系這個大小的組做 Project 與其講甚麼規矩、明確分工，我自己就會打人情牌，講幾句大仁大義夠 Charm 既句子激起大家士氣就去做，每人都願意踏出多一步便夠了。

咁系個堂問左幾組人既感想，好似組組都有問，系無問遲交 Project 個組同我地個組，點解唔問既原因一系就佢唔記得有我地呢組，一系就之前上堂問 Mid-Term Progress 個陣表現太差掛。硬系覺得有 D 野咁。

3. 上完堂之後同另一位朋友去《仙跡岩》食個 Lunch，自己因為尋晚掛住「抹茶」既關係，叫左個抹茶吐司同抹茶珍珠。朋友就叫左個 Regular Lunch Set。兩個人埋單 $60 到，如果尋日無去《小魚滋味》的話應該唔會系《仙跡岩》食。另外發現左都會仲有間食店，之前見都未見過呢。。。不過都頗貴，系個度唔值咁既價錢。

4. IS 既事宜當然未完結，其實未上 IS 堂之前去左搵虧佬講幾句，但系唔系度。之後走個陣見到阿 Bobby，佢竟然認得我？！同我 Say Hello 添。之但系我無乜上堂架喎，懷疑系之前搵個佢幾次認得我掛。

咁食完 Lunch 未夠鐘上 Account 個陣去左搵虧佬講 Presentation D 野。一入去既開場白系話同佢請假，咁同佢講左 V 字頭今日考 History 翻唔到學，之後再話我下個禮拜四既 Tutorial 考試我又翻唔到學，再同佢講話我同 V 字頭兩個未來兩個既禮拜二都上唔到堂。

之後就直接問佢 Presentation 系咪一定要成組齊曬去 Present，個答案系「最好系」的，不過系 Individual 咁計分。咁再問佢如果某個組員唔可以出席的話，其他組員就要 Present 埋缺席個位負責的部份。咁我開始上身又講 D 賴系大仁大義既野，一黎就話我個組四個人有三個都要考 AL，要系指定時間內成組齊人去 Present 就無乜可能架喇。我就再講「作為學生，我地無權去要求 Lecturer 做 D 乜野，但系我地都想有多少付出。」之後佢就表明「其實 Poly 官方來說唔會假設學生會去考 AL」，咁我就話「我都知道考 AL 唔系一個藉口話唔做，咁所以黎睇下特別約個時間去做 Present。」咁跟住大家講左幾句，佢都明白要約一個時間大家得閒系好困難。我之後問佢「如果要 28 / 29 號甚至更遲先 Present 會唔會太遲」。咁佢就話搵其他組員商量過後 Send 翻個 E-mail 講翻大家有邊段時間系可以做 Present。

小小既結論：W 字頭個位都預左你做埋 Presentation，會系大家考曬試 (包括我) + 有足夠時間練習先會 Present 的。咁黎緊既兩堂 Lecture 同 Tutorial 我地組都應該唔需要 Present，同時考試個幾 D就最好唔好出席。

咁之後就問佢揀組黎 Present 既標準，答案系「Report 做得好好既會被揀出黎做 Present，等同學可以學習下。做得好差既就一定唔洗 Present，無謂浪費大家時間。通常系個 Report 有 D 野講得唔清楚 / 表達唔到你識既野既時候就會要叫你做 Present，當系俾個機會你去 Clarify 翻一 D 野。如果唔系太標青 / 無問題個 D 組就剩系睇睇 Report 就算」。

其實一路以來我都系講 V 字頭的那位要考試，並不是 A 字頭個位。但系頭先既對話及以下既對話佢都系咁講 A 字頭那位，真系唔知點解了，系佢記錯左 D 人名定系記錯左邊個同邊個一組？！兩個都系相同機會呢。

我就再同佢講「自己進度會唔會比其他同學差好遠？」，咁個答案就系「暫時仲未見到有呢個可能，你都 Follow 到個進度。」。咁我就再解釋「作為一個 Retake AL既學生，升到去 Degree Course就當作 Bonus，升唔到都會讀下年。我唔系要求高分數，只系唔想 Retake！」。佢就話「你地個組比較靜，所以上堂都會問你地多 D 問既去睇下你地識唔識。系 A 字頭個位可能仲未掌握到，咁同進度可能有多少差別。」

系個個 Moment，其實佢都講左 OK 多次 A 字頭個位，點解呢，遲到缺席得多，嘰嘰。雖知道我由頭到尾都無講到佢，系講 V 字頭那位呢。

咁都好 D，花左多少時間就解決左兩個問題，都值得既。H 字頭個位陪我上去搵虧佬都幾安慰的，不過都系我一個入去好了，反正幾次都系咁效果都唔錯，你入埋去既話可能影響我打人情牌架 =D

PS. 當中既對話當然系會有多少出入啦，不過意思上就一樣的。

5. 講完之後遲左少少上 Account，大約 10mins 到啦。一入去系得 3 個人坐系度，計埋個 Tutor。。。唔系嘛。。。好在之後都有 7 個人上堂。不過都系得 11 個人上堂。。。出席率唔夠一半。。。有樣野大家可能唔知的，就系 Poly 學生系咁多間大學學生出席率最低的。講翻尋日 Lecture 既出席率，假設系 40 人一班。IS 堂系 20/40、Account 就 8/40、E-Commerce 多 D 有 21/40，真系咪話唔恐怖。。。其實唔關考 UE 事，系 D 人唔翻學姐，自己都系 A_A”

話時話，個 Tutor 真系幾好下，又走過黎教我地，都算跟到既！

6. 之後走個陣又醒起一 D 野，就系呢期女孩子既衣著。呢期 (定上期) 興短褲 / 短裙 + 黑色絲襪。唔系話唔好睇既，人人品味唔同，不過系街都見好多女仔都咁著，有多少制服 Feel 咁。不過靚既人咁著真系幾靚 (廢話，靚既著得唔太差都好睇架喇！) 。呢個著衫既事連某阿 Sir 都有留意呢。

7. 翻到屋企燒左《大長今》落 DVDR，個四集 99% 都照燒，唔理 lu，聽日有時間就可以去寄埋出去，幾日就可以到手架喇！不過成七點幾先困晏覺，困得幾粒字就起身食飯，睇陣《攻殼》就一 Day 了。

Last. 哼，妳系 Online 啊，不過無理我咋嘛，家陣我有怨言啊！吼！！個 Mouse 好似用正常翻多少，唔洗買住。。。阿某某，都話唔會無 Diary 打呢，我對身邊既事巧有感受架，日日都唔洗煩打乜。好攰啊，困覺覺。That’s All.

---
現在是 0305。。。剛剛痾完個夜尿。巧邪啊。。。連續兩晚發夢夢見同一個人，個夢裏面既人個樣真系清析可見！究竟點解會有呢個夢？真系有 D 料到。。。系日有所思夜有所夢？唔得，我只可以夢見涼子姐姐，嘰嘰。



呢張系涼子姐姐 96 年影的舊相。

另外頭先細佬發開口夢，真系嚇死我。。。我好細膽，唔嚇得的 =.=

今天是感恩的一天，問答無用！

1. 今朝都幾早起左身，走去準備下今日鬼佬個 Presentation 既野，搞到都幾晏下。之後食完 Lunch 後 Hea 陣就撘車翻 Poly，本來想落去銅鑼灣買張 Greeting Card 既，不過 1507 都未上車，如果落銅鑼灣買野再撘地鐵翻 Poly 既話起碼要成個半鐘，咁買卡既念頭就打消了。

唔知點解我話我 Retake Math & Stat 既時候，大家總覺得我會無問題呢？實不相瞞，我計數系好大問題的。同班既同學應該知某次測驗 Math & Stat 個阿 Sir 落堂個陣走埋黎撘一撘我膊頭，個個 Moment 真系好真男人 Feel。完全唔洗講野自己都知乜事啦，意思就系「你今次真系測得好差，真系要俾心機做下數，唔系出去考 AL 實死。」。個次既分數系 8/50 。。。其他幾個同學仔都覺得激爆。。。最爆就系個阿 Sir 同我班主任講「Victor 系咪情緒有問題先測得咁差？」。班主任即場無言。。。哼，今次一定要升 Grade！吼！！

1545 到翻到去同 D 組員會合。翻到去都其實系同佢地吹吹水，都無乜準備過，系張個 PowerPoint 整理一下。時間雖短，但系都吹得幾過癮。咁就行落去 Lecture Room。落到去本來話我地組系第一組，咁結果呢就變左第二組，都無問題。

咁某某講完個 Introduction 之後就走左，跟住再到另一位就到自己。呵，系一大堆面前講野就實出事，人少少就無問題，我怕醜，哈哈。再加上四點幾五點系我午睡時間，個腦系完全停頓。。。Present 個陣講到語無論次，仲要有 Dead Air，呢次都搞笑了，連鬼佬都無理我，YeaH！

到班長出場，今天感恩的事開始了，佢好有氣勢咁 Present！直到完曬成個 Presentation，Q&A Session 黎了，班長一夫當關，將所有問題完全解決曬，系個個 Moment，我見到佢頭上有光啊。。。好神啊！真系好神，我都唔知講乜好，系神！試問人點可以超越神！？

真系點都要講下班長偉大的事，上個禮拜佢叫大家唔好翻去，因為怕大家唔知點 Present。到今日佢仲幫大家寫埋要講 D 乜野。因為真系太唔好意思，自己今朝就準備了要講乜野，算系貢獻多少出來吧。班長為大家做咁多野，一句怨言都無！真系好人到爆，估唔到大學有個咁既好人。其實都系個句，四個無知的人真系幫唔到乜野手，唔害佢已經偷笑了。總知就系神人！！Thank You So Much.

這個 Presentation與其說四個人為佢壯膽，倒不如話佢為我地四個壯膽吧，我深信佢自己一個 Present 都無問題，仲會更流暢添！真系唔知點感謝，真系想買張感謝卡送俾佢，一系就請佢食餐飯！這次的事令我深深感受到「塞翁失馬，焉知非福」的道理。好神啊！！

做完 Presentation 之後就走去《小魚滋味》食野，食左個幾豐富既 Tea Set。。。不過廿幾蚊都算幾抵食。去既途中見到 D 同 Course 既同學仔買完野食翻去，本來想打過招呼點下頭咁，但見對方無反應咁就無謂打招呼了，費事呢。反正都唔會融入佢地既圈子到，但系好似有多少不良的關係。我都想 Nice D，唔系剩系同自己圈子既人傾計 + 玩，不過無啦啦去「埋堆」就真系好唐突，做唔出，最重要系對方無反應。。。其實聽人講翻佢地都唔系 Cool，自己都唔算系掛，難道這又是男人間溝通的預設障礙？！

食到 1900 就撘巴士翻屋企 (咁做乜早走呢。。。) ，賽馬日 + 落雨，銅鑼灣真系勁塞車！！早知落旺角撘亡命飛 Van 翻屋企啦，肯定快過系銅鑼灣塞塞 Suck。

PS. 哈，你唔應該有怨言的，做得最多個個班長都無怨言呢。

2. 除左 W 字頭同 H 字頭兩位朋友外，其實覺得識到 A 字頭那位朋友都覺得好幸運。因為佢系另一個圈子既人，通常自己圈子做事都系一齊 (即系一齊走堂！) ，好多事唔系靠另一個圈子的朋友話聲我知的話就真系成個白癡乜都唔知。這些是緣份吧，不是做 Project 同一 Group 都唔會識到佢呢，這件事是令我覺得好感恩的事來。以後真的多多關照了。夠唔夠 Charm 先？不過唔知佢睇唔睇到呢。

3. 有無人有《大長今》韓語對白中文字幕版本啊？我欠第 2、22、27、37 集啊。。。全部九十幾巴仙。。。有無人可以 Send 給我？



4. 呢期想話買翻 D 衫，不過阿娘聽到我話要買衫就怕怕，次次都會洗 OK 多錢去買衫。咁 D 衫可能比普通衫貴少少，但系耐著喎，好多 T-Shirt 都著到幾年唔爛唔殘，真系一分錢一分貨！我覺得洗多少少錢都值得。唔買 Le coq sportif 既話可以買 Reebok，Reebok D 衫都幾好著，Nike 就唔多掂！

其實仲想買多個袋同換過一個銀包，銀包來說，FX Creations 個 D 唔錯。本來買左個袋同銀包，不過俾曬屋企人用。。。自己依家都無得用，反目。

唉。。。個 Mouse 同 Keyboard 真系好有問題，可能潮濕掛，真系有多少失靈，無錢買新啊。頂！無人放水就無得買，自己買完就飯都無得食。Mouse 同 Keyboard 都用左好多年了，起碼五、六年！唉。。。仲想買套 Wireless 既黎用。。。

Last. 無得困晏覺，好攰啊！不過突然收到一 D 鼓勵說話，都幾開心。真系好掛住妳，Long Time No Net Meet 啦，聽日妳系 Online 先好！唔好又呃我！如果妳可以同我講「I’m With You.」既話我會巧興奮的 ← 咁岩聽緊Avril 既《I’m With You》，話時話，今晚都真系 Damn Cold Night。。。That’s All.

---
呢期屋企多左好多野食，樣樣都好好味，就同佢地影幾張寫真先 =D

第一位就系椰汁芒果西米露味雪糕先生，說清點其實是椰子 + 芒果味雪糕。呢個系上個禮拜雪糕癮起既時候阿娘買翻屋企食的，唔系話唔好食，不過下下要自己「筆」好麻煩，又難「筆」喎，激硬。



於是系另一日既晚上阿娘又買左另一批雪糕，就系 Haagen-Dazs 起士布丁味雪糕小姐。佢男朋友士多啤梨味雪糕已遭毒手了。。。唔好俾張相影響，其實杯雪糕都幾大杯都系要「筆」的，但系易 D 「筆」。勉強都可以一個人食曬既。就系當晚又出左句幾爆既說話「噫，靚雪糕真系易融易筆 D 喎 XXD」。不過真系好食過樓上個只雪糕。



到尋晚，阿娘帶左 D Mrs.Fields 既 Cookies 太太翻黎，好耐都未食過。這種 Cookies 俾我既感覺好特別，食落系有多少濕濕地，無普通 Cookies 咁幹呢！



這盒日本的夾餅是農曆新年剩下來的，諗住買黎送禮俾人，但結果經我的努力系成功留下來的，直到前幾日終於開左黎食。裏面既 Cream 真系幾好味！盒野印象中都好似唔太貴的。最好食就系抹茶味！！好想再食日本的抹茶 Chocolate 同山梨既夾餅！有無人可以幫我買翻黎，哈哈。



---
突然間想起了這首《長腿叔叔》主題曲，有點懷念的說。呢首兒歌絕對入選 Victor 十大最愛兒歌之一！


心中的牽掛
悠悠講給天空知
每一串夢兒
埋藏我的心事
簡單一封信
無窮愛意話你知
盼會交到你手上
心中的天使

藍色的天空任鳥飛
水邊清清小草讓我躺
心中永永遠遠懷念你
你是我家　Ha Ha
長腿叔叔你好嗎
交出溫馨的心是你嗎
可否某個季節來伴我
解開牽掛
La La La La La La...

轉自 大紀元

「長腿叔叔」是在1912年的時候出版的，當時一出版就很轟動！後來陸陸續續被拍成電影，還有百老匯的舞臺劇，甚至還改編成卡通，它獲得很高的讚譽，被譽為「百年難得一見好書」。

這本書的主角是一個小女孩茱莉莎，她從小在孤兒院裏頭長大，17歲那年突然遇到一個善心的董事，要捐學費還有生活費讓茱莉莎去上大學，條件就是要她以後要當一個作家，而且每個月要寫信把她生活中的種種向贊助人報告。

茱莉莎雖然從小在孤兒院長大，但是她卻是一個樂觀開朗而且很有想像力的女孩子，這些特質在她寫給贊助人的信裏頭表現無遺，她在第一封信裏頭就這樣寫：「關於 您的一切資料實在少得可憐，關於您的事情我只知道三件，第一身材很高，第二非常有錢，第三很討厭女孩子，所以我決定稱呼您為長腿叔叔，希望您不會不高 興。」

茱莉莎雖然受到恩人的幫助，但是她從來沒有想過依賴，她很努力的讀書贏得了獎學金，放假的時候呢還自己去打工賺生活費，後來畢業了真 的成為作家，出版了第一個作品賺了版稅以後，她趕快撥一部份的錢，她堅持要把這個錢還給長腿叔叔，她寫了一封信說：「您現在一定要先收下這筆錢，不要說任 何話，因為把錢還給您，可以使我感到幸福，我不僅僅欠叔叔很多錢，還欠叔叔太多太多的恩惠，這些我只能用我一輩子的愛和感激來報答您了。」

最後，這本書還有一個很戲劇性的轉折，就是茱莉莎有了意中人，她在信裏頭沒完沒了的跟長腿叔叔討論這個男士怎麼樣，她對這個男士的觀感全部寫在信裏，但是沒有想到，最後這個意中人跟長腿叔叔就是同一個人。

這本書就是這樣一個有關愛和奇跡的成人童話，而也因為茱莉莎的純真，善良，還有幽默，使得這部童話裏頭也隱含了很多坦率的人生哲理。有一段話茱莉莎就寫得很 好，她說：「我決定善用每天所有的可能時間，而且明明白白的瞭解自己快樂的原因，大部份的人不是活著，只不過在一種叫作人生競賽的路上跑著，跑著跑著以為 要到地平線那一邊才是目的，在終其一生勞路奔波喘息不已之後便畫上休止符，從來也不曾仔細地好好欣賞過自己腳下這塊美麗安詳的大地美景，等到得到一切之 後，自己卻年老疲倦了。」



PS. 1. 原著小說中是由七十多篇的書信所組成的故事。

PS. 2. 想睇翻動畫的話就去祖國的 BT Site 搵搵吧，肯定有種。

長話短說，2223，就快去困覺。

1. 學某某話，其實自己都唔知自己揀「考多次」既選擇系正確與否，話唔辛苦就呃你既。對考多次有無信心？話無既就唔會考多次的說，但系好有信心都唔系。對升 Grade 點睇？考三科應該升到一科既，但系升完之後對整體有無幫助就不能肯定。上年攪珠都攪唔中，今年要攪中既機會唔系無，不過同上年都差唔多啦，頂多系好少少。

今日困晏覺既時候系度諗左陣，諗多幾諗就越來越憂心，憂甚麼心都人所共知。好難話唔憂心，不過路系自己揀，都無得怨人。可能這個是「整定」吧，亦都可以說是「神的安排」吧。有人為自己祈禱其實幾幸福的，隨遇而安吧。

2. 我都話今日虧佬個堂唔會 Present 呢，果然無錯，呢 D 細埃野真系唔洗擔心，直情唔值得我去擔心。翻左去既人會唔會覺得有多少唔抵呢？不過聽日鬼佬真系要 Present，唔翻唔得，聽人話鬼佬上次都有 D 唔「Gur」。咁今次都要翻去架喇。今日真系麻煩曬某某幫我交 Account Assignment，Thank You.

3. 呢期打撈左好多野，諗住撈套《大長今》之後燒碟寄俾人，點知一望落去，成 11GB！！唔系嘛，無咁多位呢。。。非常之痛苦咁將 D Files 移來移去抽到 11.5GB 出黎，應該聽朝到可以收撈。其實仲想買多少野寄過去，好耐無買野俾佢了，不過要買張 Greeting Card 先得。 Miss You!

4. Um... 自己系咪患上嗜睡症呢？呢排真系困得幾多下。。。今日又困左成四個鐘晏覺。困到個人有多少癡癡地，「劄醒」個下系度諗，依家系咪困到第二日朝早。。。OMG。撘車個陣次次都困得著，都真系幾恐怖，系真系有需要困定系越困越眼困呢？

PS. 其實大家可以晏晝同我 Real Time Chat 幾好彩架，通常晏晝都會困覺。

2324，Time to Sleep。Nite Ya。樓下段歌詞真系幾正下，岩曬好多人用呢。唔洗諗啊！就系妳，真系妳喎！

Is it enough to love?
Is it enough to breath?
Somebody rip my heart out
And leave me here to bleed
Is it enough to die?
Somebody save my life
I'd rather be anything but ordinary please
I'd rather be anything but ordinary please.

感情既野真系煩呢，不過都系個句，唔好因為怕有甚麼結果而放棄，長今晚晚都話「任何人都唔可以教我放棄」！如果唔系就真系後悔架。系鍾意人就同人講，唔好收埋黎煲醋！系唔鍾意人既最好一系講清楚，一系就用行動表達，唔好 Rip someone heart out and leave her here to bleed。甩拖既朋友都唔好太唔開心，總會有人 Save Your Life 的。呵，我都系 → 「I'd rather be anything but ordinary please」。再講，人唔應該後悔的，話曬路系自己揀的。 That’s All.

---
這個剛剛睡醒。呵，早左困，早左起身，不過已經夜晚七點幾，由三點困到七點，夠曬了。。。第一科既考試已經完結，今日個 Listening 比起其他卷來說比較無信心。唔知點解，絕對唔可以一心多用，系寫字就寫字，系聽野就聽野，夾埋一齊做就會賴野。真系唔明白點解 D 人又可以傾電話又可以 ICQ 又可以一路食野，自己咁做既話個腦會 Jam 線的。。。噫，咁我咪唔算 Multitasking？哈哈。

份 Listening 感覺上好過上年，Part 1同 3 都算 OK 既，系 Part 2 要寫太多字就一般，個 D 「N」、「H」、「L」激貴，成一分個。。。不過天意弄人，當你覺得好既時候結果通常都系唔好，所以都唔好有咁大期望。

未夠鐘考之前走去聽 RTHK 1 由 梁家永、周融 主持的《千禧年代》。平時系屋企都會聽下，個人覺得這節目比其他「時事 / Phone-In 節目」來得理性，感覺上無咁「刁民」，聽起上來覺得順耳都少。有件事令我好在意的是有個同類節目主持人接到一些意見相反的聽眾電話既時候，就會顯露出「不耐煩」的態度，好快就會 Cut 左個位聽眾既來電。可能我比較敏感吧，總覺得有點「小家」。

今日有位聽眾打電話上節目表達一些關於「扶貧」的問題。坦白說，佢比我既感覺好「刁民」。我支持佢既立場 (或許不應用「支持」這詞。) ，但系當中的理據就不太合理，想知詳情就去聽節目重溫吧。點都要講既就系「最低工資」、「最高工時」絕對唔系靈丹妙藥，不要想到這麼完美吧。CE Econ 都有條題目講到為外藉女傭設置最低工資系可以保障外藉女傭，但從另一個觀點來看，這「最低工資」也可以是保障本地女傭的。任何事都要從多角度來看，不要這麼膚淺吧。

每次考公開試都總會遇到 既事既。今日某某話我知佢前面個女孩子露出條豹紋底褲，佢覺得唔好意思即刻縮翻後去。我覺得又唔洗咁怕唔好意思既，睇下無乜所謂既，最緊要唔好影響到自己既情緒 A_A”。 [陰謀論] 呢個系女生令男生分心既行為，真系好邪惡！！ [/陰謀論]

自己都見過唔少，印象最深就系 CE 個陣考 Econ 同 Comp 前面都系坐左同一個女仔，兩次都系咁露底，露到系監考員都見到 (我睇到佢對眼既焦點所在！！) ，呢個未算最深刻原因，最深刻系佢考 Econ 個陣著紅底，OMG。。。真系好邪！！都唔想睇架喇 (呵，都系自願既 A_A”) ，佢著牛仔褲，佢做卷做到趴左系張枱度，咁就露底了。。。系咪好簡單呢？到另一次考 Comp 完左之後，佢擰轉頭向後望一望，看來佢都知道佢走光了，仲要俾同一個男仔見到呢，我都覺得有多少突然呢，印象中都 OK 靚下。算抵曬啦，好彩最後都戰勝魔鬼無失手，嘰嘰。

今次考試當然見到啦，呵，系灰底。個人本身都幾得下，嘰嘰。不過著牛仔褲都系小心 D 啦，通常都系著牛仔褲出事。除左系考試外，其實系 Poly 都見過 OK 多次下，我唔想的 ，原來大家對黑色同灰色比較喜歡的？！

講翻 Writing，大家睇睇我個 Draft 做漏左乜野？尋日我隔離個位聽到路過一個女仔話自己寫漏 Title 就講左呢句「哼，個死八婆系度嚇人咋嘛，邊洗寫 Title，題目都無要求。」呵呵，可能真系要呢。



[Answer Here]

最後再一次發覺自己唔太可以長時間集中精神，因為體力不能應付 (好似無乜關係，但其實關係重大架！) 。通常做到個幾鐘卷已經系極限，要做三個鐘卷真系好痛苦。。。Bio 都唔知點算，系六個鐘內系咁寫字。。。家陣雙手，無錯系雙手都好攰，應該左手唔會太攰架，點解咁既？！

2138，打住 D Diary 先，陣間 2205 睇 CSI。

1. 哈，點都要講既就當然系 UE 考試啦，唔知點解，尋晚 0000 困，困好耐都困唔到直到 0100 度就困著左，不過到 0320 到直情系醒左，咁就開翻個 Monitor 同幾個人 Chat 陣 (哈，我想只有這個時間大家先會聚到。) ，Chat 到 0420 就再去困過，今次就困得著 (呵，要理性點，不關神的事呢！) 。之但系困到 0615 醒左就唔敢再困。。。怕困過龍！結果系感受到唔夠困帶來的疲倦，激死我！！

PS. 自己把口系無話好緊張，但系一困唔著都通常因為心事重重 / 緊張架啦，呢 D 野系呃唔到自己。真系估都估唔到咁緊張。

2 咁 0735 就撘車落灣仔 (同平時禮拜一一樣咁早出門口。) ，系車度困左陣就到試場，一落車就見到個舊同學，再行入 D 就見翻同班同學添。系翻聖公會學校考，個 Hall 其實都算幾得下，最緊要舒服啦。不過唔知點解個 Hall 裏面有雀巢，OMG，萬一做做下卷中雀屎咁去唔去洗好？！

咁之後 Lunch 就行去食壽司，食完又翻去考過。話時話，個度既廁所真系好簡陋，連基本既沖水設備都無。。。好唔衛生呢。

3. 講翻份卷，Section C 個 Proof Reading 真系爆，剩系得 Extra Word 同 Correct，真系易左多少，唔洗再抓爆頭去諗答案，整體上成份 Section C 系易左。Writing 方面呢，時間真系幾趕，D 字寫到幾草下，不過都唔知 Content 方面 O 唔 OK 了。Practical Skills 仲趕，D 字打曬風咁，咁耐都無試過寫到咁草。不過算了，過去的事不宜多想，盼望明天 Listening 順順利利啦。

4. 真系唔講唔得，呢期出暗瘡。。。禮拜日個日都有人話「噫，乜你都會生暗瘡既！？」說實在，都少何生暗瘡，可能平時困得多、食野清呢。不過可能有個自己都唔覺既壓力，真系爆曬瘡呢！！

5. 今日翻唔到個 Workshop 覺得有多少可惜，難得今堂唔洗對電腦，鉗下 Cat5 線都幾好玩架。之但系翻 Workshop 同 考試，我會揀去考試，雖然有壓力但系好似好充實 + 滿足咁。至緊要重拾翻個股幹勁！！

6. 唔夠困，好攰。。。1830 困到 2030。。。之後睇左集《攻殼》之後就睇《CSI》，咁就一天了。That’s All.

---
1629，岩岩翻到屋企，好眼困。。。呵，玩對比，白白的涼子姐姐 vs 黑黑的涼子姐姐！



---
唔知幾點了！總知困唔著，唔系嘛。。。第二次考都緊張度困唔著，唔好搞笑啦，先生。

1. 今朝翻左教會，朝早約左老師食個早餐先，今日系聖餐崇拜。第一次聽到「Tell-a-Vision」呢樣野。 Um ... 要開心眼的說呢。

這個呢，今日個拎小冊子計畫都未成功的說。不過本「勵志一叮 Form 7 Version」好似幾吸引，系全校老師對離校學生寫的鼓勵說話。之前話彩印封面已經震憾，今日先知道原來系用厚紙印封面，真系估都估唔到。。。本來以為系彩紙油印呢，如果唔系唔會整個個封面。要兩個禮拜後先再有機會拎了。另外見到塊 Board 個 Design 唔錯，用雲彩紙 + 白色 & 粉藍色羽毛做出黎，非常非常之華麗。個 Idea 唔錯，不過技巧上有更多的進步空間。

之後一大夥人去飲茶，期間講左一 D 同宗教有關既野，真系知左唔少野呢。話時話某某真系同一個牧師無乜分別，佢舉個幾個例真系好得，印象中佢好似讀緊神學的說。

PS. 1. 阿娘問我系咪翻教會既時候都 OK 驚訝的說，暫時未算驚訝既。遲下真系。。。先驚訝吧。唔好話佢，自己估都估唔到啦。上年 Summer Holiday 完左之後直到開學頭個兩個月都無乜問題，之前老師都叫我翻教會，但系都無話激唔開心，所以都唔放上心。曾經十月、十一月開心左 D 既，個陣都有其他人問翻唔翻佢翻開既教會，但系好似比較習慣新環境咁，又再一次無放上心。不過 Xmas 之後 Sem Break 個陣心情真系陷入穀底，之後都無好轉過，一路低落去。就系農曆新年個陣就開始有翻教會呢個念頭。整件事的原因大約是這樣。

PS. 2. 今日講到話遲下禮拜六會翻葵芳的教會，老師問到會唔會遠。說實在，我都覺得遠，不過系翻禮拜六晏晝就好多少。現在系有多少爭紮的，究竟翻唔翻好呢？不過老師都爆笑地話「遠唔過美國、澳洲既。」哈哈。翻到咁遠絕對唔系為女色 (不過我都想搵女色，嘰嘰。)，陪我翻個個系男人來的。。。

其實近到華富、香港仔、置富，遠少少尖沙咀、旺角、佐敦等等，再遠到葵芳沙田都識一些教徙「朋友」。近個 D 系方便，不過同那些朋友不太熟，而且本身圈子都有重迭 (因為系同學) 。遠少少個 D 唔知點解，硬系多爭執 (呵，系我問題，這個我認的。) ，怕見多幾面鬧多幾面 (老師說到的因為翻教會而和好的機會唔系無，可能性低 D D。) 。再遠 D 個 D 系有計傾下，不過就真系遠得滯。。。間中去佈道會、特別崇拜都 OK，不過要每個禮拜都翻就真系要好有恒心 + 決心。所以話世上好難有完美的事呢。呵，難道這個是試驗？！

PS. 3. Um... 好難解釋，個心好似有多少被打動咁，不過萬大事都到六月先做了。如果真系上學道班的話，我想都系會去學校教會的那個了，始終都系近，方便自己。話時話，今日見到某某張「受洗證書？！(定系洗禮，總知就系一張紙。)」，真系幾精美的說，仲有埋個膠套套住，激 Grand。

2. 真系估唔到，今日飲茶都玩左幾條無聊 IQ 題，都幾搞笑，玩住兩題先。

無聊 IQ題第四擊：

Q11. 牛奶妹同牛奶仔行街，佢地一齊僕親，點解牛奶妹死左但系牛奶仔無死到？

[Answer Here]

Q12. 物理老師教物理，數學老師教數學，咁邊個教「叉燒包」？

[Answer Here]

呢兩條都激爆笑，自己答到第一條的！呵呵。

3. 今晚睇《Queer Eye for the Straight Guy》近 Ending 個陣個場面真系好感人，個求婚方法雖然老土但系有效！佢系個球賽中段休息既時間系 78000 人面前求婚，激 Charm 啊，睇到我笑住黎喊，個感覺真系好怪呢。之前頂多睇到傻笑 + 眼有淚光，今次喊翻出黎。。。死未！

最後. 2357，趕得切 0000 前困覺，聽日考 UE，唔知點解都 OK 緊張下。。。呵，又系時候學某某話，祈禱吧。哈哈。 That’s All.

---
《Bridget Jones I & II》、《My Best Friend’ s Wedding》、《Four Weddings and a Funeral》、《Ocean’ s Eleven》、《Ocean’ s Twelve》、《Notting Hill》、《Love Actually》呢幾套戲關係其實都唔算甚麼重大關係，不過自己知道當中既「關係」既時候就覺得有多少有趣呢。

首先呢，《My Best Friend’s Wedding》、《Ocean’s Eleven (Twelve)》同《Notting Hill》既女主角都系 Julia Roberts。本來都無乜留意個 Cast，咁岩見到呢套戲又有佢，個套戲又有佢，佢都做得幾密 (其實系咁岩睇個幾套都有佢，仲有 91 年 Steven Spielberg 拍既《the Hook》都有佢。) 。

其次就系男主角方面，《Bridget Jones I & II》、《Four Weddings and a Funeral》、《Notting Hill》、《Love Actually》都系英國影星 Hugh Grant 出演，心諗唔系咁邪嘛，幾套愛情喜劇都系佢做！？

再睇翻幾套戲既製作班底原來都系 Working Title Films，Bold 左個幾套戲都系屬於英國愛情小品戲，唔怪得之睇鍾意以上任何一套戲都好有機會鍾意其餘個 D 啦。而 Bold 左個幾套戲既編劇都系 Richard Curtis，就咁講你唔會知系邊個，佢就系寫《Mr.Bean》的那位編劇。再一次，唔怪之得啦！另外監製都系 Tim Bevan 同 Eric Fellner。

下期會睇既戲應該就系《Bridget Jones I & II》，自己講都講左好多次，大家聽都聽左好多次。今次真系的起心肝去睇！！！

英國愛情喜劇就系有佢既一套，同美國既愛情喜劇真系有唔同，之但系又講唔出有乜唔同，總知唔同啦，大家有機會睇睇個幾套戲吧。

---
很好，七點未夠就起身，其實想困晏 D，不過怕困過龍 =.=

這個呢，系朝早七至九點呢段時間做乜好呢？夠時間睇套戲的，定系打翻個長篇 Diary 呢？還是系整個 Xanga Skin 好呢？應該要點做好呢，想打 Diary 呢，怕今日無時間打的說。