[按此下載小冊子] ← 此為 PDF格式

---
點解會去做？

話說農歷新年個陣約左老師出黎 Tea，就係個陣時就接左份 Task 翻黎做。其實有兩個原因驅使我去接呢份 Task，首先呢，睇下邊個人搵我做啦，老師咁賞識我就當然唔會「托手膊」啦，其他考慮因素如題目、內容等等都無諗過，係咪有多少衝動呢。其次就係自從進入左呢個咁 Suck 既「大學階段」之後發覺個腦塞晒 + 唔開心，再唔做翻多少創作刺激下自己的話可能到最後這個天賦的才能就會慢慢消失，到最後真係變成個廢人都唔定。

有無甚麼限制 / 要求？

首先呢個係替教會整既小冊子，要有多少宗教味。另外就係 A5 Size 同黑白印刷，其他就完全無限制。唯一就是時間比較緊迫，禮拜日收到份 Task，最遲禮拜四就要印好出黎，禮拜五朝派俾 D離校既 Form 7 同學。

創作意念 + 構思

禮拜日翻到屋企既時候就想到個 Theme「You Are Not Alone」。諗到呢個 Theme 最主要係自己好有「Alone in the Dark」既感覺。。。無錯，個感覺係反面，不過反轉來看一看就有這個 Idea。咁就朝著這個方向去想。

咁就不斷腦震盪，震震下就出左用文字砌封面呢個 Idea出黎。本來諗住用正面同負面既句子砌出黎，但之後有朋友仔有意見話要用經文，咁就改一改左佢。

其實想做兩個版本出黎，兩個版本夾埋就係手拖住手，出左個「心」出黎。但之後因時間同技術上既問題無做到啦。灰色部份用左個框框住佢，橙色部份既人仔就走出呢個「困境」。唔多唔少都代表左我現時想做既事 → 跳出困境。係咪好有意思呢？

封底方面加翻段「Concluding Prayers」，有頭有尾啦，七年 Assembly 完場都係用呢個《聖保羅祝文》。

經過 + 感想
偶有多少係完美主義既人，當有心做一樣事既時候絕對會將佢做到有幾完美得咁完美 (雖知呢個世界又點會有完美呢。) 。說實在，都花了好多時間落去，一來要保住自己個「招牌」、二來又唔想令人失望，所以都算幾不惜一切去做呢本小冊子，包括時間、精神、金錢。起初本小冊子應該會用油印既方式印出黎，裡裡外外都會係黑白，但係自己已經講明唔計較個十元八塊都會出錢印個彩色封面 (基本上係無視一切意見。)，求的是為了小冊子更精美。

其實個頭開得幾好，好快就有 Idea 同初稿，真係萬分感謝妳，唔係晒妳幫我出個十句 Positive 同 Negative Statements。無妳都唔知點算，雖則最未都係無用到。其實我覺得妳寫 Negative Statements 個度寫得好好，好應棍！


1. Life is hopeless.
2. There is no true love in this world.
3. The future is dark and unseen, where should I go?
4. Life is meaningless.
5. The world is full of hatred and unsatisfied people.
6. I am nobody.
7. Who can heal the pain inside my heart?
8. No one understands me.
9. The world is polluted, so is my soul.
10. No love, no peace, no joy. The world is composed of nonsense.


如是者由禮拜一晏晝出初稿到禮拜二初稿二都好順利。但係到禮拜三到又遇到一 D 阻滯，問過好多人，有教徙，有非教徙都覺得無問題，仲話個 Idea 唔錯，唯獨是一個與別不同人話個初稿 D 文字上唔太可行，作為一個教會刊物，這份小冊子宗教味唔夠濃。說實在，我對呢個 Comment 起初係有所保留，我覺得有時 D 野唔洗畫公仔畫出腸，做得太明顯就可能變得低俗，再者，對本身既英文句子都好有信心，真係寫得唔錯。雖然話就話係宗教有關既刊物，但係對於非教徙黎講，一見到個封面就係聖經引句就自不然存著「呢本野又係講耶穌，不看也吧。」的念頭。就係唔想嚇怕左佢地，「I’m not alone for God is with me. There is no fear in the love of God.」我覺得已經足夠。

本來都唔想改 D 句子架喇，但係揭翻上年個本小冊子，見到有段引文都幾岩用，咁就試試將佢換入橙色部份啦。再問一問 D 教徙，佢地都話唔錯，都係諗住「咁仲唔得？」，之後將份稿 Send 俾那有問題的人看一看，Um... 最後連灰色既部份都轉埋做經文，幸好的是，那人頗有人性地幫我搵埋段引文，唔洗我摸不著頭腦，咁最後就出左呢個封面。比預期中來得更 Grand 呢。

說實在，由頭到尾我都覺得 D 教徙係好好好好聞塞 + 固執，一講起宗教既野就總會有佢地自己既一套，甚麼好事壞事都當係神既恩賜，又無時無刻祈禱，祈求祝褔又好、當係傾計又好，總之乜都祈禱一番。理性的一面會問「人真係唔可以靠自己 / 其他人解決問題？」。事事求神，為的是增強信心？尋求心靈上的幫助？ 「The Lord is my shelter, my hiding place. 」呢一句真係講得好應，求神是不是懦弱既行為？只係名正言順地逃避問題？我覺得宗教本身就是用黎填補人心靈上的空缺吧，宗教有樣特點就是「神」是遠遠高於人類，難道這是屈服權威既行為？還是真的識英雄重英雄，願為犬馬效勞？有時唔係話唔可以感性，不過完全感性無理性的話似乎不太平衡。又講翻個個故事：


好似醫生話某位病人塊面生左個腫瘤，根住醫生替病人開刀割瘤，但係割開左之後發覺根本無腫瘤。如果係教徒的話會覺得係神跡，但係唔信教既會即刻問醫生點解一開始唔 Check 清楚 D。呢個唔多唔少就係教徒同非教徒既小小分別。


另外那位與別不同既朋友仔講左句「你唔係教徙，你老師唔應該搵你做。」。Um... 某程度上贊同啦。首先，唔係教徙的確對宗教缺少一份「情」同「執著 =.=」，可能係某 D 地方會顯出我對宗教既無知，亦都會弄到本刊物不文不類，這是正確的。說實在，我聽完妳呢句之後係有 Hesitate 過自己係應該繼續做落去定係放棄，或許我真的會製作失敗。

幸好這個 Hesitation 只係存在一段短時間，因為作為一個 Designer (雖然只係玩票性質)，我對自己既設計係有一份「認真」同「執著」，因為我鍾意設計。有睇到當晚 Diary 既朋友仔知道我通宵趕好本小冊子，有人會覺得好傻，係唔值得咁趕工。老師都有話過如果趕唔到的話就由得佢，寧願遲下先俾翻 D 同學。但係我覺得呢本小冊子如果係 Last Day 個日能夠派到俾同學的話意義就會唔同呢，所以幾攰都會趕好佢。呢個就係我既「執著」。

再者，自己知道對宗教既認識不足，咁唯有雞精式咁睇下人地既設計、小冊子裡面既文章，需然睇得唔會話太多，但係反覆睇左四、五次，盡量深入 D 瞭解作者既心情。亦都請教了好幾位教徙幫手，佢地都好有耐性咁教我、幫我，真係非常感謝。雖然做了以上既事都唔可以令我由宗教的角度去製作本小冊子，但係偶已經盡了最大既能耐做到最好了。效果好唔好唔知道，但係我製作絕對「認真」的。

咁唔係話教徙唔識 Design，但係係個個圈子得閒個 D 來說我較有把握力。有時會有人搵我出下 Poster、小冊子、壁佈等，最主要原因就係水準穩定啦，間中仲俾到人多少驚喜啦，不過搵我做既話通常要預個 Budget 大少少，基本上我對材料本身有要求，材料好的話可以省卻好多時間同心機。反而我由製作到完成既時間未必需要好耐，可能幾日就出到個完成品，今次呢本小冊子算出得好快喔。哈，所以我覺得係無搵錯人的。

講多少題外話，其實覺得老師真係幾特別，唔知點解，覺得佢好輕易用說話製造一個令人覺得好 Charm 既氣紛，這個氣紛再加上佢說話既方式、內容等等好容易被佢說服、甚至感動，家陣諗翻某幾個場面都覺得好厲害，自己都完全唔可以相信。。。印象中佢好似邀請過我翻教會兩次，第一次就係考完 AL 之後，個次就無應邀，第二次就應邀翻左去。家陣諗翻去既原因唔係因為信教，而係俾佢說服了 (亦都係佢本身既魅力吸引我。) ，佢講左一句說話「你翻教會唔代表你一定要信教，當係識多 D 人都好。」咁我同大家都一樣提出一個疑問「唔信教既話翻教會為乜？」咁佢就再講「咁你唔會諗 D 形而上既野，諗翻形而下、實實在在既野，係咁現實都唔會有甚麼問題。」就係呢段既對話就令我踏出左第一步，係咪好神呢？

老師佢又唔會好 Hard Sell 宗教，但偶來閒談總會提起一兩句。也許有人會覺得佢對傳教不夠落力，但我深信教徙本身都係因為自己某一件事而去信教。好似一隻蚌咁，你不論用甚麼利器去「拗」開隻蚌都可能失敗，甚至個蛙殼都爛埋，反而用熱水煮煮佢既話就自動開口，唔洗你「拗」都開到。有時 D 野係無得勉強，你可以話俾其他人聽有呢個宗教既存在，但係就好難空口說服人，除非那人本身發生過一 D 好神既野啦。

最後，這本「小冊子」既製作經驗真係好寶貴，唔再做翻呢類製作都唔知自己咁鍾意 Design，有機會都要再做多 D 先得。其實大家發唔發覺我既設計好簡單、但係就有多少 Grand 既味道呢？原因好簡單，我唔識畫野 (簡直係遺憾。。。所以我先去學影相補救下呢個遺憾。) ，所以盡量避免要畫既部份，走簡單路線。Grand 既原因係自己鍾意 Grand 既感覺，就係咁簡單！我希望我既設計係「Simple but Different」呢。

感謝
見個製作網頁寫著「製作小組」，這個小冊子就當然唔止我一個人既努力可以完成啦，要感謝好多人，排名不分先後。

要感謝我部腦，開咁多大食既 Software 都無跪低，真的不錯。要感謝老師俾呢個機會我啦，又肯放手任由我創作，哈，這個彩色封面有多少霸王硬上弓既感覺呢。要感謝 Yan，無時無刻都想著妳，精神支柱黎架，妳得閒要搵我先得架嘛，哈哈。要感謝 Bernie，唔係妳的話，那些句子就唔會出現，雖然最後都無用到，有點可惜，亦都好感謝妳俾左好多寶貴既意見我，尤其係英文方面，無妳既話可能 D英文錯到七彩，個幾日差唔多日日煩住妳，真係打搞晒。要感謝 HonMan，你個日既 Online令我好意外，都感謝你既意見。要感謝 Iris，那段時間既晏晝差唔多日日都 Chatting，替我解悶，哈哈。要感謝 Alice，係得妳咁神話我既句子有問題，唔係妳態度咁強硬我都未必會改封面，亦都感謝妳幫我搵段經文同俾左多少 Idea 過我。要感謝蝦米，我係度感謝你開心死啦，感謝你幫我查篇聖保羅祝文出黎，係見你 Online 先醒起呢樣野。要感謝 Alice (另一個) ，哈，雖則萍水相逢，不過個幾晚問妳呢個 Design 得唔得，個個 Design 又得唔得，自己都覺有多少煩，哈哈。仲要感謝 G2G 裡面俾過我意見既人，你地既意見真係令我有更大信心咁做落去。係咁易感謝屋企人啦，真係咁易就算。最後想講多句「Thank God!」，呢句說話比「感謝神」來得更令我接受。

不過講開又講，有時問屋企人整得「靚唔靚」同「掂唔掂」既時候，個答覆都係「幾好，唔錯」。某程度上覺得行左多少，可能佢地平時見我整得多，D 水準係咁上下，無乜驚喜。

相片集

封面：

封底：

內頁：

哈，引以自豪既角落：


總結
大家如果有甚麼 Poster、小冊子要搵人整的話不妨搵我做，錢方面應該計材料費啦。真係想有多 D 刺激，不過最緊要係要捨得花錢落去，咁我會做得更開心呢。真係唔洗戒意呢，我好願意幫助大家的！哈哈，有靚姐姐優先，有意義既都會的！

1. 今日見《獎門人》既嘉賓幾吸引咁就睇下佢，任達華真係好型呢！今晚呢集真係幾搞笑下，睇到偶都幾開心的說！

2. 夜晚阿娘無煮飯，爆笑野出左，佢打電話翻黎叫細佬「你地煮飯」，咁跟住佢地就去「煮飯」，但係無煮餸，咁我就叫阿娘係海皇粥店度買 D 炒麵、炸兩翻黎食。翻到黎既時候，阿娘問點解佢地未食飯，原因就係佢地以為阿娘會斬料翻黎，叫佢地煮定飯。但其實原意係叫佢地「你地煮飯食」。。。我就無影響啊，佢地結果就炒蛋 + 湯渣咁就一餐。都咪話唔爆笑。

3. 今晚同朋友仔 Chat 左晚，巧滿足同開心！無錯！要樂觀 D，不過唔係易呢。得閒要介紹 D Task (唔叫 Job，因為唔收錢) 過我做，等我得閒有得刺激下，最好有得真人對話啦，話晒咁可以瞭解 D 要求多 D D，又可以見多 D 人，不錯！

4. 好野！個 Quiz 又未溫過 ～★ 聽日又要平矇光起身讀一讀佢，又要燃燒自己生命。不過聽日又組成飯團，目標：飲茶，呵呵呵

---
嘩。。。又打左成日機。。。真係好攰。。。哈，孟獲真係好型！成個黑人咁，呵呵



另外打完機戇左陣奶，D 人湧出黎咁，平時好少何 Chat 個 D 都出埋黎。對唔同人都講左同一句說話 ↓



哼，低能兒，發糞啦你，仲係度玩。

之後又同巧朋友 Chat 左陣，不過又係咁，Chat Chat 下消失左。。。另外講講下有多少慨歎。


妳又係咁，HonMan 又係咁。。。有時會係度諗，你地仲係度既話家陣會點呢。話就話好朋友唔洗成日見面都唔會疏離，但有時一個人孤單既時候都想搵人陪下嘛。。。同妳初期一樣啦，係 So Call 「大學」係識唔到人的說呢，Um ... Let It Be 啦，最緊要自己開心 (不過開心唔起唷，嘰嘰)。

次次心情唔太靚既時候你總會同我講幾句開解下我，真係好幸福呢。。。不過說話就是這樣說，解決是無可能架喇。都唯有換個場景吧，你有無好介紹過我？哈哈。

咁岩搵翻 D 舊相，說聲「Thank You」過你吧。看看鍾唔鍾意 :D



唔好認錯，認中間個句「Thank You」好啦，你又唔係我老師，又唔係我阿娘，最底個個都算 OK 既，你都係 Someone Special (話晒都叫影響 + 講得服我，不錯！) 總知感謝你啦，早 D 抖了，得閒去 Tea！
---
真係想講翻 D野。「朋友，對住你真係覺得好辛苦下。由頭到尾我都唔知點解會同你 so call「玩」埋一齊 (雖然家下已經唔算係。)，點睇大家都係兩個唔同世界既人，你係一個完完全全香港既年青人，咁唔係話我唔係，之不過真係有好大分別。與其是這樣，倒不如那樣吧，都話我唔係一個死癡既人，有時真係多個唔多少個唔少，橫掂我都似係有 Autism，都無乜所謂啦。唔知乜野係 Autism？即係自閉啊。多少有後悔做當初做呢個決定架啦。如果唔係決定咁做既話可能家下我會更開心更寫意。不過家下後悔都太遲了。不論人幾後悔都好，日子都係要咁過。咁所以後悔黎都無用，想想有無甚麼能夠幫助自己改變現狀既方法吧！幸好日子還剩下不多，日子快點過吧，讓我早點換一換環境吧。現在唯一要做的便是勤力點吧。破釜沈舟又好、釜底抽薪又好，總知就係要改變。」

家下最想聽既歌係「I Want It That Way」 by BackStreet Boys。


You are, my fire
The one desire
Believe when you say
I want it that way


When we are two world
Apart can't reach to your heart
When you say
I want it that way

Tell me why
Ain't nothing but a heartache
Tell me why
Ain't nothing but a mistake
Tell me why
I never wanna hear u say
I want it that way


Am I, your fire
Your one, desire
Cuz I know, It's too late
But I want it that way

Tell me why
Ain't nothing but a heartache
Tell me why
Ain't nothing but a mistake
Tell me why
I never wanna hear you say
I want it that way

Now I can see that we're falling apart
From the way that we use to be, yeah
No matter the distance, I want you to know
That deep down inside of me

You are, my fire
The one desire
You are...

Don't wanna hear you say, yeah eh

Tell me why
Ain't nothing but a heartache
Tell me why
Ain't nothing but a mistake
Tell me why
I never wanna hear you say
Cuz I want it that way

Tell me why
Ain't nothing but a heartache
Tell me why
Ain't nothing but a mistake
Tell me why
I never wanna hear you say
Cuz I want it that way

Cuz I want it that way...

---
Um... 真係長話短說，由晏晝十二點幾起身 (哈，妳今朝太早找我了，我的確未起身，禮拜六我睏到好晏的。) 開無雙無到家下夜晚十點半，說實在，真係有多少攰 + 暈暈地。。。

無雙方面今日主要係操爆 D 武將同拎道具，爆左諸葛亮，佢好有 Gundam Feel，佢支 Beam 真係勁到呢。。。夜晚就打陸遜，衰輕敵，俾連弩 + 星彩屈低左。。。激死我了！哈，不過我就係呢個角落頭屈死左甄姬，呵呵呵。



唔講「小冊子」住，講下電視節目先。尋晚套《Heat》真係好正，兩大影帝 Robert De Niro 同 Al Pacino 真係正到爆，不過 Robert De Niro 死得有多少唔抵。。。

晏晝睏晏左無睇到《魔界小金毛》。。。之後四點到機都唔打住走去睇《忍者龜》，真係好搞笑， D 龜係咁講「兄弟！」。之後睇左陣 DaDaDeDe 開心樂園 (個名係咁上下啦。。。) ，其實發覺左好耐，個男主持跳舞係跳得好好好投入！另外個兩隻野真係好嘔心。。。嚇親我呢 D 細路仔 =.=



夜晚又係唔打機去睇《Branson’s Quest For the Best》，真係好刺激，睇下我出汗 (其實個個禮拜睇完都係咁，哈，個個禮拜都會講，嘻嘻。) 之後十點零鐘睇左陣《The Lion King》，走左寶。。。丁滿同澎澎好搞笑，又想聽下 D 動物唱個首「Can You Feel the Love Tonight」，平時都係聽翻 Elton John 既版本。。。不過最後都唔錯，好型啊，兩隻獅子打交呢 ～★



來個歌詞分享 :: Can You Feel the Love Tonight ::

There's a calm surrender
To the rush of day
When the heat of the rolling world
Can be turned away
An enchanted moment
And it sees me through
It's enough for this restless warrior
Just to be with you

Chorus :
And can you feel the love tonight?
It is where we are
It's enough for this wide-eyed wanderer
That we got this far
And can you feel the love tonight
How it's laid to rest?
It's enough to make kings and vagabonds
Believe the very best

There's a time for everyone
If they only learn
That the twisting kaleidoscope
Moves us all in turn
There's a rhyme and reason
To the wild outdoors
When the heart of this star-crossed voyager
Beats in time with yours

[Chorus]

It's enough to make kings and vagabonds
Believe the very best


雖然識呢首歌好耐，都曉唱，之不過就好少甚至無睇過歌詞本身意思，好似有多少浪費左首咁好既歌呢。

講 D Daily Life 既野先，聽日有精神再講講對「小冊子」既感想。

1. 尋晚睏得不錯呢，有成九個鐘，不過都唔係太夠，十點零鐘拎翻 D 影印翻學校。不過發生左大件事。。。有位同學放棄了自己的生命，震驚全校師生。我對「自殺」持中立的態度，不支持也不反對，說實在，有好多時唔係當時人就真係唔明白佢地既心情同處境。旁觀者可以輕描淡寫咁講句「千期唔好做傻事」 / 「有勇氣自殺倒不如去解決問題」，但其實咁樣真係幫到當事人嗎？

自殺需要的只是一瞬間的勇氣，但解決問題則是長期的。自殺的確係自私同逃避問題，但係個選擇係當事人既決定，某程度上我覺得都要尊重翻佢既決定。與其怪責自殺者為何要自殺，倒不如反思一下自己有無「幫助」過佢解決問題吧。個人覺得幫人解決問題唔係幫佢做決定，而係幫佢分析每個決定的利與弊，最終作決定的留給當事人吧，畢竟自己作了一個錯的決定比起因做了別人的決定而失敗的決定來得容易令人接受吧。

2. 鬼佬個 Test 終於拎翻，咁都有廿鬆 D 分，真係講句「What more can I say?」不過有人做左 D 不太好既事，始終都係不太好吧，比人捉到就唔抵 (唔係講你地，咪亂認。)。另外今日個 Test 都可接受啦。

3. 尋晚自己釘左三本「小冊子」 (釘得幾完美架！個釘位離邊兩吋半！)，到呢一刻自己得翻一本。哈，今日特登過黎拎過你架，你千唔好亂咁放啊，要珍惜呢。花左好多心機架。

4. 今晚再續無雙！終於比我遇到天下之XX，果然會頂爆！正！今晚爆關羽傳，不過佢動作大且慢，好多時都要硬食 D 雜卒幾招。



5. 呢幾日出街都無乜點「搞」個頭，Gel 都唔用，唔知點解覺得落 Gel 既話會有多少唔自然咁，不過落左就好似精神 D 同企理 D 咁。見今日凍凍地直情戴翻頂帽出街，唔係講笑，真係暖好多架。

6. 今日係 Form 7 Last Day，佢地呢一屆都算唔好彩了。佢地 Form 5 個陣就 SARS，今次 Form 7 Last Day 就遇上「自殺事件」，兩次都幾掃興。哈，靚姐姐走晒了，無晒靚姐姐了。

時間過得非常之快，咁就一年了。。。襯我對兩次既 Last Day 仲有多少記憶既時候要打翻個 Free Talk 先得，真係好回味，不過過去就是過去，人生看來沒有第二次呢。。。
---
嘩！小冊子交收完成！大家都非常滿意呢！衷心講句：多謝大家。翻黎先再講詳細多少。

1. 今朝其實想睏晏 D 架，不過約左老師十一點幾電聯，咁唯有早多少起身啦。非常好的說，睏得個幾個鐘都足夠整日既活動。花左好多時間去諗 D 每頁既位置要點放，因為要釘到好似一本書仔咁，又搵唔到 Software 直接 Output 個排好位既 Layout 出黎。好彩最後都搞掂左，不過已經晏晝三點了 (Off Topic :: 今日細佬放假，晏晝佢蒸開野食，直接叫佢蒸多份算數，唔想去煮。。。)

咪咪麼麼四點鐘到出到灣仔，咁就開始搵間似樣既影印店。這個灣仔 188 個條街有三間影印店，本來想去《新 X》個間，不過排長龍，之後去左《平 X 影印店》影印，彩印方面都算平啦，不過黑白影印話我帶去個 D 紙要用數碼影印機先用到，要毫半一版紙，咁都無辦法，唯有照印，不過至搞笑係佢部機 Jam 左我 D 紙，搞到印唔足預計份數。有無搞錯。。。

係等影印既途中去買翻個 Printer Ink 同 DVDr，買唔到用開既 DVDr 牌子，轉左另一隻碟，希望夾到機啦。之後買左本《GameStation》係 Delifrance 歎 Tea，記住係「歎」，感覺好正！哈哈，有好多張 Coupon... 等我得閒帶 D 俾你地。

彩印方面效果真係唔錯，好過學校校友影個 D，起碼 D 色都鮮 D，同我原稿真係差唔多一樣呢。下次可以再幫襯。之但係想試下間《新X》，好似本身都有色紙揀。

2. Woo ~~ 係街有巧多靚姐姐呢 (其實係妹妹 =.=) 又係白白淨 + 巧可愛 + 靚。另外見到學校一 D 學妹，估唔到負離既效果會咁強！？

3. 細佬都開始打《真三四》，又話玩兩個 Round，點知由我出門個刻玩到我翻黎都未停，個度起碼兩個幾、三個鐘。。。

4. 除左份 Leaflet 外，其實仲有個小封面去整。。。唔話你知既話，大家都不能相信這個是出自我手吧。。。我自己都不能相信呢。。。呢個版本算好多少架喇。。



原本想用這個算數的 ↓



我想整好多少架，之不過老師話草草地得，咁咪草草地算，哈哈。

5. 真係巧攰。。。個頭都乾埋。去睏覺了，明天先溫 Test (哈，真係懶爆。。。) That’s All.
---
再來！淺淡女孩子吧 (看來是近來有多少壞既刺激吧。。。)。眾所周知我既女神係涼子姐姐，無他既，又可愛又靚，佢既笑容真係殺死人呢。

我既女神方程式 = 可愛 + 靚 + 白白淨 (最好就白裡透紅既皮膚) + 身材要標準 (總之要平衡啦。) + 唔好太聰明 / 蠢 + 靚！

如果擇偶條件的話，再加個「管到我既技能」，咁就真係 Perfect 啦。無計，偶閒來生活無乜節制。間中係「家姐 - 細佬」既關係都不俗。(哈，所以我鍾意叫靚既女孩子做「靚姐姐」) 閒來管下我 / 鬧下我都不錯，不過真係閒來好了，時時的話我會找狂的。不過最重要既唔可以 MK / 太香港典型女仔性格 (即係自己只值 $7000 但係標價 $12000 個 D Cheap精、又或者巴巴弊又無料到個 D、又或者乜都唔識 / 唔肯做，成個廢人個 D、挑蠻任性；不過唔識煮飯就唔緊要，我識，不過我唔會去赤手整餸！) 。

話就咁話，不過呢有時就「糯米治木蚤」，總會有人治到我既，哈哈。Wait and See。

男生又好，女生又好，至恐怖就係衣著打扮奇特。。。一個人本身無魅力 / 唔靚 / 無吸引力通常較少人注意，打扮奇特的確會令更多人注意。之不過本身係好既就會更好，差既就更差。例如一個小肥妹同著吊帶背心短裙仔出街，唔係話唔得既，不過人總是對唔好既事物特別注意，只會睇到那人的「缺點」而忽略左佢「可愛既打扮」吧。

咁又唔係講到自己有甚麼本錢話人地唔靚、嘔心，之不過起碼唔會標奇立異吧。偶總覺得自己對「美」既事物係有一番見解的，哈，這是天秤仔女的特點呢。題外話：我追求氣派呢。

在此呼籲各位年青男女，通常自己覺得自己靚仔 / 靚女係正常，不過客觀地說，有超過一半或以上人士都不是的，甚麼潮流之端既打扮並不是人人適合的，無謂自曝其短吧，找一套適合自己既衣著吧。甚麼「開工」用既衣著麻煩仔細想想才著出街吧。

涼子姐姐滿足晒我所有條件！睇下佢個線條幾靚 ～★



---
哼！今晚係打 Diary 之夜，補翻呢幾日想講既野。首先今日睇到《GameStation》，裡面有一個專題幾有趣的。看圖，轉自 314期《GameStation》，版權屬持有人擁有。[按圖放大]



在表白之前的時期，Mr.Children既三首歌、SMAP既《Lion Heart》、中島美嘉既《我愛你》同大塚愛既《好喜歡你》都係每日必聽的歌曲，其次就係中島美嘉既《雪之華》，Kinki Kids 個首間中都有聽。其實都唔關表唔表白事，以上所講既歌真係好應境的。。。特別係 Mr.Children 既《Hero》同《喜歡你》。

《Hero》 中最喜愛的部份，唔多唔少影響左日常做事。

如果說要以某個人的生命作為拯救這世界的代價
我只會做個等待別人發聲的一個平凡男人
因為那些許多深愛的人讓我變成了一個怯懦的膽小鬼


反而戀愛中時期既歌就無乜點聽開，不過安室奈美惠既《Can You Cerebrate?》真係要聽一聽。想當年安室產後復出上紅白就係唱左呢首歌，個個 Moment 真係好 Touching。。。都試過聽到喊的，不過都好耐之前了，就係無記播以呢首歌為主題曲既日劇個陣。

失戀時候聽既歌首選 Mr.Children 既《Over》，其實佢地另既《Not Found》同《Drawing》都俾到人前所未有既無奈同悲痛。。。Southern All Stars 既《Tsunami》、平井堅既《輕閉雙眼》都好正的！

大家想聽以上既歌可以試試找我呢，絕對值得你花三數分鐘去聽一聽的。

---
一句講晒：好攰。。。朝早六點幾睏到十點幾原來真係唔夠的。。。
另外鬼佬份 Test 咁快有 Result，應該好低分呢。。。

其實有好多野想講，不過真係好攰。