呢個月都係飲飲食食，以下全部都係香港仔內發生。先來 Pizza Hut，睇下有乜咁特別 ↓



哈， D 冰多到呢 … 成杯都係。再來味精拉麵，大家估下呢舊乜黎 ↓



唔講都唔知，原來係蔬菜絲天婦羅 … 真係 OK 油同 OK 難食，次次食完味精拉麵個肚仔都有 D 唔舒服。無記錯呢餐係腸胃炎前個既一兩日既某餐。最後再來麥仔早餐。有乜特別呢？



可能角度影得唔好，其實塊蛋係好薄身，都 OK 細。唔知係咪因為雞扒貴過漢堡，所以隻蛋就細 D 襯返呢。

講到呢度，一定有人話做乜嫌三嫌四，唔鍾意咪唔好食。OK, You Win.



That's All.

好。先來兩句對話，大家估下我原先想講乜 ↓



其實我係想講邊個係搞手，莫名其妙地打左搞笑。其實剛剛我都打左搞笑，但係明明個腦係諗住個手字。

今天的工作，有靈感就真係可以好快做好。再加上 D 拳頭係 Download 落黎再執下，幾個鐘搞好 ↓





唔知印出黎係邊個版本呢。休息夠、工作環境好，真係做野都爽手 D。零怨氣。


Dreams Come True 既《大阪 Lover》，超輕快↓






That's All.

話咁快咁就 2010 年，生活節奏重拾正軌，Goodest。呢近既工作都 OK，幾好唔錯，皆因有好的同事，萬分感謝同事們的忍耐和包容。非常感謝牧師！新年就到，希望大家都開心快樂 ↓



失去過自然會懂得珍惜，依家有返私人時間、睡眠時間，當然可以做好多野，心情自好。呢期做籃球員，雖則電腦都係出術，但係用黎過下手癮都唔錯。今次整出黎個樣就真係差好遠，唔知點解係整唔到東方人個 D 咀臉，怪也。



大部份人都喜歡放假去旅行開心下，呢個都係佢地每日努力工作既推動力。但係如果一年大部份時間既辛苦換來一兩個星期既快樂，好似每日少一點辛苦多一點自在好多少吧。資本主義講求的「增值」便是令打工仔感到壓力的源頭，理應現代化、機器化令生產效率增加，人力上既資源會多少，打工仔應該工時少 D 先係，但點解工時會更長薪金更少呢？無他既，就係「增值」既問題，打工仔既人力就係公司資源一部份，公司要增值，唯有再搾壓員工。政府應該是有平衡社會的角色吧？但係當政府失去這個功能，社會之間好多矛盾就會演化成衝突，或多或少就變成依家咁。「賺少 D 自在 D」是一件好事，可惜的是香港地只有「賺少 D」而無「自在 D」呢。朝七晚十一，重要話讀書增值，真係人都癲。

成日都話唔係大學生值某個薪金水平，而係社會投放咁多資源去生產一個大學生換來既只係月均七千既職位，係咪有點資源錯配呢？副學士帶來既問題已經浮上面，依家四年大學既新政策 … 看得到的是社會將會投放更多資源去生產一個社會認為無乜價值既大學生，又或者係用來促進社會經濟，讓大學有多一年去賺你既錢。一分錢一分貨，我諗四年大學既學生值錢 D 掛。唔該 D 老闆唔好要求一分錢兩分或以上既貨，你地賣既野都唔係咁。



That's All.

哈，今年 Entry 總數都頗低，上年就話因為更新先無寫，今年就因為多左野做而無寫。或者調轉黎講，日日都差唔多，都無乜好寫。話就話差唔多，不過今年都麻麻地，特別後後半年。分月回顧下今年既事 ↓

一月 ：今個月去左兩次迪士尼，Good。再睇埋《崖上的波兒》，認真 Good！呢個月連帶上年既好運，都唔錯。

二月 ：今個月唔知點解得三篇，究竟發生乜野事呢？！我都唔知，最大機會可能係多 Assignment 所以先無寫。不過遠在呢個月既月頭已經話想換個 Mon 同 Display Card，所以話等左幾耐。真係咪講笑，個價都無乜點跌過，都唔知等乜。

三月 ：三月第一日就覺得頹，原因都好明顯係忙完一輪得閒左，又或者係要實習所以頹，箇中原因都唔清楚。到三月尾就開始實習，一如以往。

四月 ：四月又無啦啦多返 Entry，皆因實習日記既關係。咁實習都無乜特別，驚險中見平淡。呢 D 野都係一次生兩次熟，做多幾次就自然順。

五月 ：D 學生都天真活潑既，無乜大問題，剩係小問題。今個月係睇堂三連擊，每個禮拜一次，緊張就少不免，不過都成功碌過。真係唔知點解，無啦啦去左 Ruby Tuesday 食，對個 Choco Tallcake 依然咁印象深刻。

六月 ：月頭都係執埋 D 手尾，做埋 D Essay 就收工。月中睇左林峰演唱會，真巴弊，有人傷膝。都係睇下戲、去下迪迪尼咁。今個月終於睇完《ヤスコとケンジ》，廣末涼子的確係靚。得閒諗返 Supervisor 講個 D 野，真係發覺有 D 玄機，係有智慧！

七月 ：月頭出左 Grade，都幾唔錯喎！原來自己寫 Essay 都 OK 喎，中英文都無問題。呢個月都係搵工既最後機會，有就有無就無。個排都心煩氣燥，都無乜運仔。不得不變憤怒青年！

八月 ：八月頭叫做有著落，以為趕得上尾班車，點之個架係賊車黎，真係 __ __ __ __。所以個排黑既話，真係唔好做咁多高風險野，實無好。好在無搬出去，唔係就嘻嘻哈哈。

九月 ：呢個月算係 Honey Moon，無大事發生。係返工超遠超，學生衰得黎都尊重我唔係我面前搞事，都真係算係咁。開頭重以為做得過添，差 D 被蒙騙。不過依家諗返 D 人都以不同方式作出少少暗示，可惜當時真係無諗過！

十月 ：真係衰到嘔，珍品果然係珍品。難得感受到生日快樂個種既可貴，心力交瘁。，真係好。原來呢個香港地既無賴係咁無賴。

十一月 ：比我遇到新人較難遇到既困擾，亦見到乜野叫做蛇鼠一窩。所以我都成日掛在口邊，無乜可能一個機構搞咁多年都搞唔得唔好，真係總有原因。好大喜功係人既缺點，辛苦晒所有人而自己領功，呢 D 野真係做唔出。要辛苦就自己黎，無謂搞著其他人。拎張支票都搞咁耐，失望。呢個月真係好多反思，都感受到不同人處理事既分歧。呢件事係學左好多技倆，希望之後唔洗再用返出黎。總之失望，真係好失望。話分兩頭，第一次返教會返到咁感動。

十二月 ：終於收到張支票，件事總算完結。總結係執左佢算啦，無謂害其他人。黑暗中見曙光，餘下既學年有了安排。希望黑仔敵我而去。



渠 G 令我回想這首歌仔，Dreams Come True 既《未来予想図II》↓




來自 http://irisatjapan.blogspot.com/2009/09/dreams-come-true.html 的翻譯 ↓





又係時候計劃一下下年，本身都有計劃，點知突如其來又打亂晒我 D 計劃。


That's All.

又講下閒情逸致，咁岩早幾日去左 Burger King 吃 Tea。大家估下呢個係幾錢、係乜野包 ↓



係 Tea Set 黎，都要廿幾蚊，再打開比大家睇下係乜，睇下估唔估到 ↓



睇唔出係乜呢，無記錯係辣辣地既煙肉漢堡。個包同麥仔個 D 有得揮！塊肉就食得出係肉，係好食 D 既。渠 G 重話之前個包係好大個，佢無講錯，之前個包係好大個，不過山頂既 Burger King 其實係另一個集團開，重溫一下 ↓



就咁睇個包好似細好多，不過其實係少左 D 蔬菜撐起個包，同埋其實個次我叫個個包係大包黎！

話分兩頭，聖誕節就到，少不免有薑餅人 ↓



有來頭的！來自 Starbucks，唔係散仔。


要好好珍惜現在有得吃下午茶、晏睡晏起既日子。



That's All.