先來唱首歌仔先「最近比較煩」 ↓





無時間就有錢，無錢就自然有時間，咁今日就孤身往深水埗購物，為既就係配合我早幾日網上買既 24" 既 Dell Mon。等個 Mon 送黎既同時就要準備定部新機、清理好部舊機，再重新安置過 D 週邊。咁今日都快快手買齊 D 料，放得到既都放落個背囊，放唔落就手抽，回家就左手 Case 右手膠袋，背脊就大背囊！幸好依家識得撘 970 來回，咁就方便好多！

回到家唔係砌機，係咁易抹下張電腦檯。清潔完之後就砌，砌個下就無乜大問題，好快手就砌好，亦都好快手就裝好個 Windows。如是者維持呢個情況幾日 ↓



左手邊就 XP，右手邊就 Win7，唔知點解個排部 Win7 又好順，無話乜野大問題。如是者，個 Dell Mon 就好快送到黎，完全無問題。跟手就買左部 All-in-One Color Laser Printer，呢次就係我去迪迪尼玩個兩日送黎。與此同時細佬都返黎度假，部 XP 就比左佢用住先，其實呢部 XP 就係佢走之前用個部，個 15" Mon 都係。重新安置過所有設備之後，就變成咁既樣 ↓



會見到部機有 D 白紗封住，其實係幼網洗衣袋，用黎隔塵，暫時效果都幾理想。右下角紅紗鋪住就係部 Printer，都係為左防塵。部 Win7 開頭都唔覺有乜大問題，但係用用下就發覺好有問題。無啦啦部機會 Random Freeze，但係 Check 返個 CPU Usage 係 0%，都唔知佢 Load 乜。咁上網 Check 下係乜原因，但又 Check 到好多原因都會引致呢個問題。試過 Check 係咪 Driver 同 Win7 唔夾、試過 Check Ram、試過 Check BIOS Setting、試過入 Safe Mode 慢慢試、試過換 SATA Cable、試過 Unplug 晒所有 USB、試過去 Check 係咪 Ram 有問題、最後試過逐樣逐樣 Parts 插落部機，但係都唔得。

最後 … 把心一橫，搵個舊既 PATA Harddisk 裝落部機 Install Windows。嗯！今次竟然無晒 Freeze 既問題喎！唔通係個 SATA Harddisk 壞左！但係其實都有用 官方既 Software 去 Check 個 Harddisk 但係又無問題。推敲返可能係個 Harddisk 唔可以切 Partition，要原個去裝 Windows。如是者用返相同方法，搵個用開既 320GB SATA 整個去裝 Windows，裡面既資料就移去其他 Harddisk。如是者，果真無事！總算解決左個問題，差點就浪費多餘既錢去買 RAM、Mouse 試。

之但係成個故事都未完，今次就輪到 Tune 個 Mon 既色水，又係搞左一排都搞唔掂，最後比我搵到最佳既 Brightness + Contrast 既配撘。最後最後，到玩 Team Fortress 2 個陣有 D Skip Frames，又係上網搵啊搵都搵唔到岩我用既解決方法。最後又誤打誤撞比我 Set 岩 Setting，依家又無事。總算同電腦有關既事都煩完！



That's All.

好啦，久別重逢的長假，少不免要遠遊一下。好遠既地方就去唔到，去 D 係香港範圍內都覺得好遠既地方。其實去呢處只係一個偶然，絕對唔係原來既計劃。呢個地方有幾偶然呢，就係濕地公園！原本諗住去迪迪尼，之但係渠 G 睇錯 Valid Date，如是者就改左我地既目的地。其實還有另一 D 原因，係因為有人約人吃麥仔早餐但係遲到搞到差 D 無得吃，吃得黎又晏仔，無辦法之下先轉地點。

坐西鐵去天水圍，渠 G 做足準備，知道有得換 Coupon，撘到天水圍就拎左 D Copuon。優惠係買濕地公園門票有折，再加上去係某條件下可以全日任坐輕鐵定西鐵 ↓



來到鼎鼎大名既天水圍，少不免都要到有名既天盛商場打個轉，買左兩樽健康飲品就係大門拍照留念 ↓



之前「無間」既時候都不時路經輕鐵站，今次終於有機會試下！撘輕鐵可以上車前拍卡落車再拍卡 ↓



又或者買飛又得 ↓



輕鐵好似好高科技，其實慢到嘔 … 可能站數多同密。架車行一陣又停，都無乜好感。同埋性價比唔高，貴得黎又唔係好值。說時遲那時快，咁就到左濕地公園 ↓



門口有 D 金屬造既濕地常見既生物，例如 ↓



入到去見到一個 Installation，係用紙摺左 D 雀出黎再放係一棵樹上，Close Up↓



大家最熟悉既應該都算係黑臉琵鷺，幾得意 ↓



還有一條貴得黎樣衰衰既蘇眉 ↓



好！開始之前係大家樂吃 D 野先，之但係都無乜野食，得返 D 超輕型既下午茶餐。吃完之後就開始睇展館，先來有一系列既動物模型，例如虎虎生威既南亞虎 ↓



又或者係貌似可愛但生性奸狡既北極狐 ↓



有另一款既狐 ↓



弱肉強食 ↓



室內既展館都多野睇既，試埋個甚麼水的一生既動感影院，可惜之後無時間比我啟迪心靈。急急腳到室外逛逛，有 D 樹名都幾掂，例如呢棵大家估下叫乜名 ↓



睇佢咁潺，咪就係叫「潺槁」！如之者繼續快步行，渠 G 都唔明白百鳥歸巢係乜野情景，當然要快行。途中有種植物岩佢，就係呢種 ↓



名稱叫「香港算盤子」！我都有種岩我，就係呢種 ↓



名稱叫「黑面神」！十個讚！

睇完樹行完浮橋就回程，撘九字頭車回家。真係唔講唔知，原來 Delifrance 晚餐既 Set 都幾抵仔！吃過晚飯，今日既 Hea 遊就完了。



話分兩頭，有報導話 ↓





That's All.

好啦，返回人間，少不免都要食返幾餐開心飯。先來就係翻生之後個日去左銅鑼灣既「五月花」食放題，個環境都幾擠迫，真係少一分黑臉都唔得。如是者，學渠 G 話，我地和好如初。不過其實點食都好，我都係蝕。日式雪糕原來就係雪米滋！其實呢個做法都好聰明，因為減少左要「筆」雪糕呢個容易受污染既步驟。渠 G 破唔到紀錄，都好似係打個和 ↓





隔左幾日見好耐無飲茶想話去飲茶，咁今次就係特惠時段到「鴻星」飲茶。又係個句，唔計 BB 仔，全場我倆都算年紀輕個堆。都係既，正常後生仔女閒日下晝點會去飲茶。個刻就係咁既樣 ↓



跟手都係四圍行，見口渴想話買 D 野飲。又唔知點解去左 Delifrance 買左兩杯 Pinkapple Orange Soda。奇怪既事就發生！話說我地買一杯，咁當然就收左一杯錢啦，但係結果就來左兩杯！？見好似有賺，兩個人仔就急急腳離開！為確保良心無爭扎，望一望張 Receipt，原來係買一送一！所以話齋，做賊都有壓力！人人都有壓力！為兩杯 Pineapple Orange Soda 影相留念 ↓



切記巴士上不准飲食。



話分兩頭，乜野叫黑仔？咪就係坐坐下張櫈都無啦啦坐爛。話說某晚想坐落張電腦椅既時候，無啦啦電腦椅底既燒焊位爛左。成個人就應聲倒地，如是者，咁就跌親半邊蘿友，都過左排先無事。差 D 都傷大陣！大穫起上黎可以係癱！



That’s All.

思前想後，終於離開了原來的崗位。離開的時候沒有半點傷感，只有快樂和希望。為甚麼呢？也許呢兩個月的漫長「戰鬥」霸佔了整份精神，現在離開彷彿尋回失去的活力和快樂。學朋友仔話齋，無做幾日已經整個人精神晒，有返晒朝氣。說實在，或多或少都不捨得某些同事和某部份學生，可惜時不與我，哈哈。感謝他們陪伴我過了三個月頭，願主能保守他們。呢三個月所發生的事的確擴闊了我的眼界、令我學到唔少野，例如保障自己的方法及權益。沒有呢件事既發生，不會學到到這麼實用的東西。有人覺得呢件事既發生係因為我衝動、坦率的問題，咁講都唔係無道理，我都覺得部份都是這個原因。但他們很難以第一身代入我的情況，我面對的是有強權無公理，再加上一個人隻身戰鬥，真的很累。之但係學阿媽話齋，今次係食屎食著豆，面對著的對手個底花花地、自己又無啦啦有人幫下手，都算係有得著。

如果事件再重新來多次，短期的結果未必會是這樣，皆因學會了即刻寫低要做的東西，離開前再覆述一次，甚至錄音，不過長遠結果都應該會係吵大穫。其實我都諗住放手一搏，原地踏步繼續挨，點知對手又唔肯搏。都好既，唔洗繼續煎熬我的精神。本身都無牌好打，但竟然有現實這個結果，倒不錯！話雖如此，這次都是一個很好的教訓。之不過 ... 都係未識得點樣平衡「坦率」和「遵從」，其實做「Yes-Man」唔係話做唔到，但係又唔知點解今次又搞成咁。學某某話齋，某某做事不合邏輯不到題，也許是這個原因引致到我更火爆。總括而然，性格造就人的成功，亦會令人嘗到教訓。「坦率」令我拉近朋友、學生之間的距離，與此同時會有人覺得我挖苦、頂撞佢。下次都係要再小心 D，努力做 Yes-Man 努力為李生打工！I Love My Attitude Problem.





話分兩頭，都係最近先深深體會到可以返到教會係一種祝福，真係好感動。青年部部 Tee 終於造好，借人相一用，如下 ↓



邪得黎都幾 Cutie！



再話分兩頭，唔洗返工既呢幾日都有返 D 時間打下機。開左《機戰 NEO》黎打，話咁快都差唔多玩左一半。《Left 4 Dead 2》就一樣見盡人生百態，就係呢關 Last Stage，睇住自己比人圍繼而絆倒，呢一幕就比我 Capture 低 ↓



其餘個三個都唔係路，一味死衝，一齊返黎拉我起個身都得掛。



That's All.

感動。



I can always make you smile. 甜。還有 Objective 與 Subjective。





差 D 跌癱 ...



That's All.