嘆個美點
返左一排工，小休一會兒。難得有閒情逸緻，去飲個靚茶、嘆過美點。如是者就碌落去銅鑼灣鴻星飲茶。煎腸粉、牛柳粒、燒賣、賽螃蟹煨伊麵 ↓
老老實實，再叫的話我寧願叫福建炒飯，個煨伊麵唔太掂。另外呢款點心都幾搞笑，叫「白小豬」，其實係個麻蓉包↓
個 Pat 係咁 ↓
呢個甜品都幾有趣，係椰汁糕加 D 柑橘，幾好味 ↓
閒情逸緻唔係成日有，要好好珍惜。
That’s All.
Created On 01/09/2010 20:33:18
七、八月超簡短回顧
剛過去的七、八月做過好多野，有吃喝、有玩樂、有工作。至驚喜的是發現 Outback 既 Set Lunch 係幾抵吃。真係驚喜過哥倫布發現新大陸 ↓
以咁既價錢有這樣的質素是頗不錯，不過個人覺得味道偏咸。還有其他選擇 ↓
除左 Outback 外，都有再次幫襯金鳳阿叔、盛八。唯獨是好耐都無吃過とん吉，無他，一係排大隊一係要閒日 Early / Late lunch 先有機會吃到。話分兩頭，機緣巧合有張 Haagen-Daz VIP 卡，都係一件好事黎既。睇過 Toy Story 3 同 Inception、Hea 遊過迪迪尼，都做過好多野。
此外，暑期活動都一籮籮，有扭波、有紙模型、有玩棋 ↓
Sporty D 既活動有烈日當空冒中暑既危險去踩單車，都係老掉牙既 Route ↓
青年部有個「夏水禮」玩水 Game，都的確係 Good。
最後，呢兩個月來最有滿足感的 Work，就是義工、學員的證書。真係覺得幾靚，當中的背景圖 ↓
另外都試過整 CubeeCraft，都幾好，唔錯 ↓
That’s All.
Updated On 11/09/2010 00:40:03
小白豬北海道之旅 - 回航篇
好啦，話咁快就來到旅程既最後一日。早餐都係吃杯麵既，不過今日終於睇到日本最 Hit 既兩套動畫，就係「龍珠改」同「One Piece」。係朝早九點播，簡稱 Dream 9！Luffy，點解人地高清可以咁清既 ↓
他他條吃完早餐就 Check-Out。咁係坐下晝機回香港，朝早有空既時間就係附近既商場、百貨公司打滾。話就話北海道第二大城市，再加上係市內最集中既購物區，其實商場既人流都係少得好緊要，而且有不少既空鋪，都好難挨。係 JR 站外影返張卡通版旭川動物園既相 ↓
用餘下既錢係 Loft 買左少少野、拎左兩把扇。跟手見手頭有多少錢，咁都可以食得好少少，到了西武裡面既一間 Café 吃。有以下的咖哩飯同天婦羅蝦烏冬 ↓
咪意為好似好快樂，其實渠 G 因為唔識睇日文又加上無圖片，所以佢都黑口黑面。我睇得明就無乜問題啊。本身佢應該想叫普普通通既醬油拉麵，係鋪面先有 Show 出黎既特價既食品。但係本 Menu 又無寫到出黎，所以都搞左一輪。最後幾經辛苦先勸到佢食蝦天婦羅。最重要既間食肆既冷氣係無冷氣，一熱的話渠 G 就變樣！
話咁快就夠鐘撘 JR 返去札幌，咁都 OK 順利。期間我地係車內研究緊可唔可以直撘架車而唔轉車。因為本身都係同一架車黎，只不過係去到札幌時轉左個名。之但係問題係我地未買由札幌到機場個段車票，就算落車跑去買車票都係趕唔切。最後！最後當有位車長經過 Check 飛既時候就問下佢可唔可以即刻買。嗯，係可以喎。咁就真係 Very Good 啦，識日文就有呢個好處！比個讚自己！
因為直通車的關係，早左多少去到機場，可以再用埋剩低既錢，買下野咁。呢架就係唔知係咪即將撘既飛機 ↓
無無聊，加上背囊有兩個樽。彷彿有兩支水火箭係反，一飛沖天就係咁樣啦 ↓
用完燃料後都係坐返係度等上機 ↓
如是者就上到飛機，不過都險象橫生。話說唔知點解內陸機個程唔知點解有位乘客搞好耐都未搞掂，疑似係機票問題。實際係點都係唔知，總之就搞左好耐。班機遲左好多先開，跟手就出事了。由於遲左出發，所以遲左到東京羽田。一落機之後就有好多 ANA 既工作人員截 D 轉機客，咁好快就截左堆往香港既旅客。如是者一行十幾個唔洗拎行李就好似鴨仔咁跟住個 Crew Member 係機場穿插，係特別通道極速過關。最後終於趕得切班機，Good。至搞笑我地重係頭個批上機既乘客。上到機例牌影下機翼 ↓
呢個就係早幾日買既黑糖蛋糕，吃左少少，不過係唔太好吃的。比佢呃左 ↓
吃過飛機餐又睡一睡 ↓
回到香港都十一點幾十二點，撘機鐵再打個的就回到家了。如是者，今次北海道之旅叫做完結了 …
That’s All.
Created On 18/07/2010 22:01:14
小白豬北海道之旅 - Furano托瓜篇
今次入住的酒店係唔包早餐，咁早餐食乜野呢？無謂賣關子，就係早日係超市買落既杯麵，或者叫碗麵、撈麵都得。咁一個麵兩份吃，吃飽就 G 咁腳咁半行半跑去車站。經過一返努力終於跑到去車站，趕得切上這個富良野‧美瑛慢車號。「慢」可是日本人所崇尚的生活態度，真係要好好學習。這班列車每天來往只會開數班，錯過左就真係走寶。一般車廂就是這樣，有一邊係向外望的 ↓
我們坐的是比較特別的包廂設計，哈，無影低相。咁就 Choo-Choo 出發，經過的都是一些田野，呢塊田疑似種既係稻米 ↓
偶爾會有 D 矮小既建築物，例如神社 ↓
不過呢 D 田野景睇得多係會厭，咁都係埋首睇睇個行程 ↓
呢兩部就真係隨身帶著的共富貴、共患難的相機 ↓
如是者 Choo-Choo 咁繼續去，終於來到美瑛。美瑛要睇的就是山坡、樹木，就例如 ↓
其實我都係未識睇的，不過對面位既日本婦人就提我地去睇同指埋比我地睇。之但係，我地都唔係好識睇。不過唔緊要，有名既景點係唔洗講都吸引到人既。就例如呢個十勝岳，是一座活火山 ↓
終於到中富良野站，呢架就係架慢車 ↓
Close-Up 個 Logo↓
平時我地撘既火車係前拉式，不過慢車號係後推式，動力係來自車尾 ↓
係車站內買下冷飲、睇下地圖就準備出發。車站的的骰骰咁，還有優惠卷拎 ↓
在陽光普照下行往町營花田 ↓
夏季是花田、冬天是滑雪場。左手邊的是簡單的纜車，有 Coupon 就平少少 ↓
由頂望落黎就係咁 ↓
薰衣草 Close-Up ↓
唔好睇小呢舊雲，有佢遮一遮都涼爽 D ↓
係休憩歲濕濕條毛巾，渠 G 又精靈返 ↓
行多幾步就有其他植物看，有這個剛剛開既向日葵 ↓
唔係講笑，個日真係三十幾度，熱到暈。睇下 D 人玩水玩得幾開心 ↓
睇完町營既花田，就行去富田 Farm。唔洗擔心唔識路，大把行人同車輛為你帶路。之前咪話日本 Long Weekend 既，睇下呢度既人就感受到 Weekend 既氣紛↓
看到這個蜜瓜就已經來到富田 Farm，停車場係泊滿晒車 ↓
薰衣草的收割是靠人手的，每位工作人員都係戴晒帽、著長衫、遮晒所有皮膚會外露的地方 ↓
Another 薰衣草 Close-Up ↓
置身花海係乜野味道？其實嚴格黎講係無乜花味但係有強列既草味。個種味道係咪香就真係見仁見智了。另一個 Wide-Shot，好難先避到無人，之但係又避唔到部機器 ↓
輾轉返到去近入口的食店，準備 Quick Lunch ↓
買就係 Quick 不過等就真係等超耐，都唔明整個熱狗、兩個薯仔可以咁耐。坐係度既期間有位日本人老伯伯同我傾計，在日本旅行的經驗中已經唔係第一次有人主動向我吹水。老伯伯問我邊度來，我答香港，佢話遠唔遠。我話好遠，之後就問來呢道要幾耐，我就用左 __ 小時來。懷疑老伯伯唔知香港是在哪，所以佢既反應都係話「真係幾遠喎」。閒話家常，又問我「家鄉」有無好似呢度咁熱，咁就話比呢度更熱。如是者以不流利的日文傾左一陣，之後渠 G 就回來了。咁老伯伯就主動讓左個位出來，還有拍一拍我膊頭，感覺都幾溫暖啊。
之後等了又等，等到咁上下渠 G 唔耐煩又出去等 Order。有趣的是 Counter 用日文叫 Number，咁我就坐係度既，G 又聽唔明。結果杯 Milk Coffee 就兜了一圈。之後 G 發老脾，變左我去等 Order，其實就係 Order 呢份這麼普通既餐 ↓
其實都好食既，可能因為肚餓啦。個薯仔加少少海鹽，幾惹味啊！吃做有 D 野落肚之後就再次出發，到另一邊的花田，另一個 Wide-Shot ↓
Hea 左陣影下相就落去 D 店鋪行下，渠 G 又濕下佢條毛巾，又精靈返。可惜個表情只係我同佢先睇到 ↓
薰衣草的產品就是在這些工作室整出黎，流水作業 ↓
這裡便是七彩花田 ↓
店鋪裡都有一 D 花既裝飾，真係花多眼亂 ↓
其間渠 G 買左 D 鮮既薰衣草想話拎返去做乾花。如是者我就成為護花使者 ↓
乾花其實係倒吊係陰涼處風乾就得，就好似咁 ↓
之前都要做少少部驟，要過呢部機。睇下有幾多老人家係度做 ↓
走之前去返間密瓜專門店揀瓜，買了兩個自用的種類，好似 5700 yen 兩個瓜。實際幾錢就唔記得了，本身想買最高級的送禮用瓜，不過 G 覺得貴仔，所以買了個自家用瓜，平多少咁啦。買完瓜就行啊行，行返去中富良野站。本身旺季係有個車站係富田 Farm 附近，之但係唔知點解無意識行去個度。可能因為我地 Miss 左 Schedule 上個班車，我以為之後既車唔會停。亦因為咁，渠 G 又依依哦哦。都無問題既，就係行返去中富良野站，渠 G 先可以路邊野花走去採。而我先可以咁橫過鐵路，右手係拎住兩個瓜的 ↓
返到去旭川放低兩個瓜之後，我地見有多少錢剩，心癢癢想去超級市場買多兩個瓜比併一下係咪富田 Farm 個間專門店賣既瓜好食 D。最後都係有去買到既！買完瓜之後又見有多少錢剩喎，所以就諗住去吃返餐好 D。咁就去左山頭火既本店吃 ↓
到打日記呢刻先知道原來呢間係第一間既山頭火！呢個就真係緣份了，上次去關西又係有一晚係山頭火吃。今次吃了一個鹽味、一個味噌，一個大一個細 ↓
真係唔係講笑，講拉麵來說咁多餐都係佢最好吃最足料。起碼肉都多兩塊，正仔！食完散下步就回酒店飲埋 D 飲品，有這個有名既十勝牛奶！十勝有一個超大的牧場的 ↓
今天的戰利品，最觸目的便是四個瓜 ↓
今次行程的所有戰利品，其實唔算買好多 ... 但係錢就洗好多 ↓
見唔見到用乜野鋪底呢，就係兩件浴袍。還可以分兩次用，睇下幾有智慧↓
如是者，Pack 埋行李就準備回港了。時間過得真快，真不捨得。
That’s All.
Created On 17/07/2010 18:44:46
小白豬北海道之旅 - 旭川篇
浸完一個又一個既溫泉，的確回復多少體力。經過昨天 Miss 左早餐既經驗，今次都特登望真 D 個早餐時間，終於吃到早餐 Buffet ↓
咁豐富既當然唔係我個份，我係遠處有個牛角包個份。食物選擇其實都豐富既，只可惜朝早剛起身係無乜胃口。咁吃過早餐後都急急腳趕去撘巴士落 JR 站。原先酒店門口有個站，由於遲左少少，架車離開左了。渠G本身係想等下，但幾日來既經驗 D車係好準時，所以都拉佢走，之不過有人條氣唔順。heeheehurhur 咁行返落去巴士總站撘巴士，又咁好彩見到有巴士喎。不過架車又無寫到經 JR站，用有限既日文問車長，車長話 OK 咁就上左去巴士。話咁快就到車站，第左一陣間站長就開門入闡，睇下個站幾兒戲。抵步個陣就係抬住件行李上樓梯 ↓
話咁話就到左旭川。來到北海道，週不時都見到企鵝 ↓
係車站擾讓左一輪，原因係研究緊車票既問題，印象中係研究緊有無得買指定席。站內有職員幫 D 遊客，睇得出佢地好有心去幫，之不過言語都係不通，所以都係靠自己。見差唔多時間，咁都往酒店放低件行李再出發到旭山動物園。旭川站就是這樣 ↓
酒店離車站都好近，算幾方便。放低行李後就行去巴士站坐車去旭山動物園，呢間就係專用巴士 ↓
側面是這樣的 ↓
真係話咁快又到動物園門口。見唔見到左上角有把遮呢，呢幾日既天氣都係一日晴一日陰，今日就曬到黐線 ↓
旭山動物園個 Logo 都幾靚，夠簡潔 ↓
食飯時間，都隨便找個地方吃個便飯就算，有以下選擇。價錢 OK 既，唔算搶錢 ↓
估唔估到呢部係乜黎呢 ↓
呢部就係當你既食物準備好既時候，呢部機仔就會響同震，提你去拎食物。設計都幾窩心啊，唔洗自己望牌或者企埋一邊等。 叫了醬油拉麵和咖哩飯 ↓
食飽飯就正式開始行程，係入口廣場有幾隻比人騎得上去既機械動物。疑似 300 yen 玩一次，望落都 OK 唔乾淨，不過係有人玩的 ↓
先來就睇下 D 雀，有紅鶴。對腳的確又幼又長 ↓
之後就展望漫長既排隊活動，先排企鵝館。無錯，又再睇企鵝 ↓
由下面望上去的企鵝 ↓
D 企鵝渠下渠下咁搬 D 石仔整自己既竇。懷疑定期清洗既時候係有工作人員將 D 石仔搬返走 ↓
近水面位置看企鵝 ↓
入海豹館之前有個露天位置，D 企鵝會行出黎 Hea 下，呢隻係其中一隻 ↓
個陣當然有D 企鵝拗頸唔知做緊乜。又試過有 D 企鵝行到好近，呢個時候突然有隻大企鵝仰天咆哮。渠 G 因此而嚇一嚇。好啦，到海豹館 ↓
先來眼到職員身穿潛水衣吸垃圾 ↓
海豹確游得好快，快到影唔到相 ↓
相對地無係企鵝館睇咁耐。之後就排隊睇北極熊，呢度就真係等得耐啦，起碼三十分鐘。不過咁岩個位又唔錯，影到相。睇下隻熊掌幾多隻，一掌車埋黎就真係頭都甩。唔知點解呢張影到咁斜 ↓
Close-Up 北極熊 ↓
係室內睇完睇下室外 ↓
真係熱到北極熊都頂唔順要攤攤↓
遠眺飼養員餵海豹 ↓
遠眺園內豹草地、休憩地 ↓
睇完主打動物，再睇其他動物。我地有古惑的狼 ↓
再來灰太狼，眼力差 D 都睇佢唔到 ↓
本身可以親親小鹿，不過有口蹄症，所以隔開左。隻鹿都熱到好頹 ↓
不過不提既就係呢隻孔雀開屏。我地睇就好似好靚啊，其實佢開屏既目的係想嚇走敵人。咁呢隻孔雀開屏既原因都是由於籠內其他孔雀挑釁佢，有少量身體踫撞，刮起的沙塵、石粒就彈左出籠。旁觀的我們中了 ↓
條頸可以近乎 360 度轉的貓頭鷹，係咪有幾分似哈利波特個隻 ↓
猩猩的確係有 D 智慧，用個麻包袋 R 下 R 下 R D 食物過來 ↓
有 D 吃飽左就攤埋一二邊 ↓
呢隻動物叫水豚，係旭山動物園新引入的。係世界上體型最大的嚙齒類動物 ↓
少不了既森林動物 → 長頸鹿↓
其實重有好多好多動物，一個下晝的確係睇唔晒。不過都無計仔啦，時間就係得咁多。臨走前係 D 禮品店買左多少野，另外有部扭蛋機，渠 G 扭左個最靚既北極熊 ↓
等巴士時所看到的 ↓
好在早排隊，有位坐！望一望巴士個地板是用木板 ↓
回程車程都超過半個鐘，如是者就係車裡面睏左一陣叉叉電。落車之後行左一陣有多少懷舊 Feel 既雜貨店。之後就回酒店 Refresh 一下，這就是今明兩晚所住的酒店。明顯地係頹 D ↓
Um … 房間就是這樣，非常狹小 ↓
點解會訂間咁頹既房呢。是咁的，咁岩禮拜六、日、一係日本既公眾假期，咁一個 Long Weekend 就令到旭川既酒店好 Full。好難得先搵到房。算係咁啦，雖然好頹，但的確係方便。一出酒店轉個彎就係大街 ↓
係附近行下超級市場、商場補給下。入黑後的旭川站，都幾靚啊 ↓
入黑後酒店附近，開左燈個間就係住個間房。其實都幾得人驚架，門口對住的便是沒有門的樓梯，咁岩今晚是無開燈的 ↓
雖然旭川係北海道第二大城市，再加上 Long Weekend，之但係夜晚條街都係無乜人。由於盤川都所剩無幾，咁係超市買左 D 特價野回酒店吃，就是這些，個黑糖蛋糕無想像中咁好吃 ↓
開電視見到有蠟筆小新，唔知點解人既既數碼廣播新咁多 ↓
旭山動物園的戰利品，少少地 ↓
今天都開心的，悠悠閒咁又一天。
That’s All.
Created On 16/07/2010 14:40:52