聽日無晚飯開，努力搵朋友仔陪我食 ~ 哈哈。可能鐵三角馬蘭奴飯團又可以團聚。
---
哈，今朝俾人 ”話” 完之後突然有一個溫書既 Mood，見有 Mood 就即刻十二點未夠就開始溫。話就話溫，專唔專心就另一件事喇。我都係坐係電腦面前開住 TV Card 播電視一路溫。差唔多所有無記節目都聽晒。有 D 就睇啦，發覺《魔界小金毛》唔錯！我鍾意 D 人既眼，呵呵呵。另外《幪面超人龍騎》搞笑得太緊要，要對住塊鏡先變得身。。。仲要插卡。。。唔係嘛。。。都係以前《幪面超人 RX》個套好睇 D。

之後就同細佬打 Gundam Vs Zeta。CPU 成日無啦啦用覺醒，我方個兩個人物配音就係咁「何に？！」 (音：Nani ~，意思係「What?」係咁上下) 。最鍾意馬沙同嘉美尤個兩款。之後突然又爆多句「何でか？！」(音：Nan Desu Ka ~，意思係「What’s it?」係咁上下) 今日成日係咁講呢兩句。等我得閒講過你地聽啦，真係好搞笑 :D

之後《球迷世界》就睇左陣波喇，跟住個音樂節目就無睇，再之後既 《DaDaDeDe 音樂XX》都無睇。但係到《小魔女 DoReMi》就有睇了，今日第四輯 (好似係) 大結局，最後 Ending 有成班小魔女大合唱，真係好 Touching。。。大家終於小學畢業了。。。魔女莉卡都變翻人了。。。最後 Ending 仲播翻最舊既 Op。好正好正。最後 DoReMi 仲俾左封情信過男仔。。。正啊。。。最衰無得 Download 。。。咁就完左，大家亦各散東西了。。。

再之後有人買左支「黑糖美味棒」翻屋企，由於無食 Lunch，食晒成條，不過發覺其實都幾大條，我都係格硬先食得晒。。。

再之後我學識一個成語「欲罷不能」，真係好多地方都用得。例如：我睏覺睏到欲罷不能。 XXD

再之後 World 既《Yan Can Cook》好好睇，好鍾意睇 D 外國煮食節目！睇個陣真係好 Relax，Yan 文達真係好搞笑，成日教 D 外國人講中文，好搞笑。今日就講「蝦」。連字幕都有個音寫住「哈」。

再之後發覺自己用左個幾鐘食一碗飯。。。都咪話唔耐。。。唉，比人話我食得慢，不過真係幾慢下。

之後之後就再溫下書到十一點幾喇。家陣十二點正，就睏覺 ~ 咁就一日 :D
---
難道真係和風不再？！發覺呢一兩年無乜人睇日劇。。。以前都會有 D 日本綜藝節目既 VCD 賣下，好似 SMAP x SMAP、Jonny’s Hours (即係 V6、Tokio、Kinki Kids 個類主持既節目) 。家陣想買都買唔到了。。。其實都幾好睇，又搞笑。反而家陣都係得 D 台灣既綜藝節目，唔係話唔好笑，之不過對 D 人唔太熟。

我覺得個 Trend 係日本原創 / 抄其他地方 -> 台灣抄日本 -> 香港抄台灣。好耐以前都覺得係咁了。
---
哈，一起身就有人同我傾計，巧開心。不過要轉 Tone，唔係鬧死我。哈，都差唔多激死佢，佢好激動下。
對話重點：
1. 我都想勤力。。。結果事與願遺啦，我勤力到的話可能真係痴左。
2. 我有計劃人生的，就係呢幾年識翻另一半，到廿六、七歲到結婚，組織一個美滿家庭。咁事業呢？未有的說。人家只要幸福家庭。
3. 甚麼！？無錢無事業點養起成個家？ → 食軟飯！！甚麼！？家陣女性看重錢，食軟飯既可能性係零？！
4. 結論：諗下就得，咪發夢。。。努力讀書把啦

1. 繼「尋尋覓覓、冷冷清清、淒淒慘慘戚戚」之後，又整多個「屋漏兼逢連夜雨」。唉。。。連最多身體接觸既人 -> Keyboard 個 Num Pad 既 「1」 號掣都開始壞壞地。。。個 「4」 號都好似有 D 問題。。。唉。。。搞到成日打錯字，真係想爆粗。。。慘無人道。。。
2. 套無種既《幪面超人 Black》到家下先係得 78.2%，以 23KBps 慢慢下載埋個 1GB。大約十二粒鐘到就完成。。。可惜粒鐘只係每日在線幾粒鐘。。。另外套 8GB 既 Love Actually DVDRaw 亦以 35KBps 完成中，差唔多要兩日先 Download 得晒。。。頂。
3. 人地話當 Down 既時候最好食 D 甜野，不過我食左好多甜野都好似無乜用。。。這次真的天殺了。難度係之前興奮過度後遺症。但都唔見得之前好 High。
4. 這個 BB 油去黑頭的方法經友人測試過證實失敗。這個蛋白去黑頭有待考證。
5. 重申：有用開 MSNM 既朋友仔請間唔中都開下 ICQ 好嗎？這個 MSNM Send 唔到 Offline Message，下下彈去你 Mail Box 唔係辦法。你又無 Check Mail 既習慣。激死我！話時話，我鍾意用 MSNM 多 D，雖則我都係用 Miranda 去開 MSN，不過 MSNM 既功能好似實用 D，係衰在無 Offline Message。到家陣我都諗唔明點解 MSNM 無得 Send Offline Message。之不過佢有埋 Netmeet 既 Function 又幾唔錯下，仲有得睇邊個加左你入 List，正。
6. Backstreet Boys 2005 年會復出！ AJ 正啊！ I want it that way || Shape of my Heart || Drowning || Perfect Fan！
7. 俾我無喇喇搵到個 PHP Function，我個 Time Duration 既 Function 有望。之不過唔知點用佢好。。。一加親落個 Loop 到就 Loop 死左個 PHP。。。又再激死我！
8. 溫溫下書走左黎搞個 Diary 既 Coding，結果當然好似無乜溫過喇。。。哈
---
突然好 Down，見身邊 D 人都溫緊書。。。自己都無乜點溫，真係唔多掂。。。之不過無心機又係另一個大問題，都唔知點解。。。係咪之前幾日用得太盡呢，家陣要抖下補翻？不過都抖左兩日，係時候要做翻 D 野。。。做自己唔鍾意做既野真係好辛苦的。。。

如果有一日見我突然變得好勤力的話，麻煩大家帶我去睇醫生。
一諗起溫書有 D 頭暈眼花，無晒創作意念。。。唉。。。冬天。。。凍
---
今日 0700 起左身，突然有多少內疚感，之前話想轉 mp3 做 midi，轉極都轉得唔好。之後花左粒零鐘去搵下有無個首 mp3 既 midi。。。搵極都無。。。已經走過神州大地踏遍寶島，但係都無收穫。。。之後就放棄之際就去去 Google 搵下有無直接 wma 轉做 midi，又俾我搵到個網站有講，咁又有翻 D 希望，佢講到有隻 Software 好堅下，咁搵又搵隻 Software。之不過隻 Software 好煩，搵極都無 Cracked Version / Regged Version，一係搵到就用唔到，話乜野 Kernal Error。。。係搵到隻又 Cracked 左啊，不過無得 Save 。。。真係得個整字。呢個 Cracked Version 唔係 Win2K Server 唔用得咁惡嘛。。。屋企全部都 Win2K Server。。。可能要搵人幫幫手。家陣係 Emule 撈緊其他舊 Version 睇下有無得用。。。

家陣係 1100，發覺真係原來係 Crack 唔晒。。。淨係俾你無限試用，但係無得 Save。。。唉。。。慘。。。

1. 岩岩醒起一件事，就係聖誕節中既聖誕卡。如果買張靚 D 既聖誕卡動輒可能花上廿零蚊。買幾張既話可能成舊水，又係另一筆要計算埋既支出。不過應該都係寫俾 D 較為熟但又唔係熟到爛 D 朋友仔，太熟既都係出黎打下機算。
2. 今日突然想講好多野，不過倦倦地，留翻聽日先啦，都係比套《魔戒 3》搞成我咁，聽朝睇套《Love Actually》輕鬆下都唔錯，再唔係就去溫書！呢個夠狠毒。
3. 有個 120GB既 Western Digital Harddisk壞左成兩個月都未拎去整，睇怕都要呢幾日整左去，唔係到聖誕又無得整。
4. 哈，等頭乾中，一乾就睏得 ~ Yea
5. 傻仔 / 傻妹 / 傻女 / 白痴 / 低能 / 低 B / 嘻呵嘻呵。。。 A_A”
---
到 17:xx 呢一刻，再一次起身！點解由 0830 到 17xx 呢個期間無改過今既既 Diary 呢？呢次唔係我懶 (其實通常都係)。原因好簡單，因為今朝 10xx 到終於開左套《魔戒 3》黎睇！呢套野未睇之前都知會好長下，勢估唔到長得咁恐怖，成四個鐘。。。

諗住今日可能無乜野做就睇套戲，怕自己太多少時間，所以去睇下呢《魔戒 3》，呢套係 Extended Version，所以就長左少少啦。有 A、B、C 三部份，到兩點鐘到睇完 A 同 B ，本來想睇埋 C 先食野，點知發覺自己頂唔順，睇得耐得制，睇到暈暈地。。。咁就去煮左個日本入口既出前一丁黎食，唔知係來佬野定係肚餓，我覺得幾好食，一路睇住亞記既《麼麼茶》一路食，今日講生肖來年運程。之後飲埋罐可樂，計埋抖左半個鐘到之後就睇埋個 C。四點鐘唔夠就睇晒，個一刻真係好似得到解脫。。。終完了。「魔戒遠征隊」解散了。我都急不及待走去睏個覺。。。真係好倦。。。

講翻套《魔戒 3》，覺得幾唔錯下，本來剛鐸既重市乜野米乜乜乜個場戰線完左之後諗住之後個兩個哈比族人會快快手 Dump 埋隻魔戒，點知套戲都花成粒鐘去講消毀魔戒。當中阿 Sam 真係好朋友到唔朋友，反而佛羅多有 D 思覺失調，最尾仲上腦戴上隻魔戒，不過佢俾咕嚕咬斷手指又幾嘔心下。。。個堆亡靈軍隊好屈機下，完全唔洗玩。不過無左佢地既話，當海賊加入戰線既話，咁剛鐸都應該無架喇。不過個 Ending 都幾 Charming 下，唔錯唔錯。個精靈公主個樣都幾靚，又唔錯唔錯。

總括黎講，《魔戒三部曲》都值得睇的，不過要有好好體力先得，十分佩服馬拉松式睇晒三部曲既人。厲害！
---
08:30 到起身，點知發覺最唔願意事終於出現。。。就係無種，仲要係兩套片都無種，一套就係《娛樂金魚眼》、另一套就係《幪面超人 Black》。前者還可以慢慢的追上去，後者已經到達極限 – 73.7%。唯有開住等佢慢慢 Download 啦。呢 D 國內種，夜晚就會有翻種。反而套 The Terminal DVDRip 就 Download 完，DVD Raw 就未得，繼續等。

不過突然之間覺得巧空虛唔之做乜，打機又無乜野特別想打，最想打既《機戰 GC》就無錢買，哈。呢 D 就係平時唔儲錢既弊病。暫時想睇下套《魔戒 3》，一睇就睇成三個鐘，都咪話唔堅。

1. 岩岩發覺原來都幾鍾意叫人「阿女」、「阿仔」，真係唔知點解呢，巧有長輩 Feel，哈
2. 今日買左 D 絲帶諗住係隻熊仔度打過蝴蝶結，點知發覺效果唔太得。。。唉。。。點算好呢？另外發覺隻熊既布料巧有問題，佢唔係白色，係灰灰地咁，好似好舊咁，真係激死我！係度整聲明，次次整熊仔個陣我係有洗乾淨手的。唔係我手勢既問題，係隻料既問題，哈。
3. 原來草龍醫生就係張家輝，岩岩醒起。另外無記八點檔既祖兒真係幾唔靚下 (積緊口德。。)
4. 今日好似暖翻 D D，唔錯，我鍾意
5. 講多少八卦野俾大家知喇，關於面相的。如果一個女人額頭生得高 (對比起眼眉至鼻、人中至下巴) ，通常個位既婚姻都唔會太好的。另外如果一個男人額角 (額頭既兩邊角落) 生得高的話，即係代表個個人要成日離開屋企去海外 (可以係工作 / 移民再回流等) 。仲有就係如果鼻孔外露 (即係平望見到鼻孔) 的話，個個人既會較難儲到錢的。這個面相係統計學黎，千期唔好迷信呢。參考下好啦。
---
話說今日八點幾到出門啦，咁岩俾我趕到班車，之後係車到睏左陣覺，咁岩佢塞車，咁就時間岩岩好。都唔係講笑，都睏得幾舒服。去到個處發覺人山人海。。。行樓梯落去個陣好有監獄 Feel。。。落到去都無話有乜感受架喇。。。唯有默默咁做啦。果然，自己到個零鐘個陣已經無乜心機去做。。。Hea 陣寫陣。。。說時遲那時快就夠鐘，結果都係答唔晒，哈。前後見到都幾多人遲到 / 早走，不過個度又唔係易搵既，算把啦，第二次咪知。

見到有 D 朋友仔面色非常之差，有 D 瀕死 Feel，雖然肯定佢係唔夠睏個隻，不過唔多唔少都幾擔心下，好多時猝死就係咁黎。。。有 D 就活活潑潑，不過我覺得似迴光反照。。。哈，有多少口臭添。。。如果尋晚兩點零三點睏 (甚至唔睏！) ，朝早又唔食野，之後再用神三個鐘，但都唔食個 Lunch先睏的話，都幾辛苦架，下次真係唔好了，乖。

跟住就同朋友仔去左 都會《小魚滋味》食 Lunch，今次個照燒牛肉 Set Lunch唔係太掂。。。好似 B個個豬扒拉麵正 D。個咖哩豬扒 Set Lunch又好似大家樂咁。。。都係禮拜一個個正 D。個魚湯都係咁好味。今日一點食到三點，係咁係度吹水，唔錯唔錯。

翻到屋企即刻沖涼洗頭，至緊要就係洗晒 D Gel，可能頭髮長左，要 Set好個型都用多左 Gel。。。睇怕都係要剪頭髮，想黎個 Skin Head 唔該。本來諗住睏個覺，點知心癢癢想加個 Visit Duration落過 Diary 度，點知諗 + 整 + 搵左勁耐都唔得。家陣可以做到用 JavaScripts 整個 Time Duration Counter，不過唔知點樣 Output出去。。。又或者如果俾我知度邊個 PHP Function可以 Check到 User unload網頁咁我都知可以點做。。。可惜唔識。。。慘

其後就收拾心情，搵野 Download，家陣 Download緊《娛樂金魚眼》、《The Terminal》DVDRip、《無責任艦長》，有 D我係之前睇過，不過想擁有佢，哈。殘念的是。。。真係好慢。。。三樣夾埋得 200KBps唔夠。。。睇怕都要睇日先 Download完。。。

19:51 :: 暫時係咁多先 ~
---
06:08 :: 岩起身。。。頂。。。巧凍。。。MM 唉。。。

6. 到臨睏呢一刻。。。都未睇得晒 D Notes，哈，歸根究底，都係自已懶 + 心散。本來頭先失落於 Avril Live @ Korea 2004，之後又俾我極速 Download 左另一個佢既 Concert，又係 HDTV 黎。呢次正好多，幾首經典都有唱 ~ My Happy Ending + Don’t Tell Me + Sk8er Boi + Complicated！

之不過 MM 點算呢？結果咪又係唯有放棄佢。哈，死懶精係咁架喇。如果聽朝可以早起身既就再睇睇佢。

7. 到今晚，我終於知道邊個係草龍醫生。。。鼻大大個個嘛。不過唔知佢乜名。。。死。
---
1. Lunch 開工 Download 既《疆屍三》已經成套 Download 晒，巧興奮，不過成 6GB。。Download 之前燒左成六七隻 DVDr 碟清空個 Harddisk 先有位 Download (家陣又多翻成廿幾 GB)。。。
2. Lunch 開筒薯片都無力。。。真陰公。。。
3. 原來自己轉 Wave 去 和弘 Midi 係會好搞笑的。。。
4. 千萬個唔願意下終於睇左 MM 既 Notes。。。
5. 頭先睇完 Avril Live @ Korea 2004，本先有期待的，因為係 HDTV 質素，可惜原來只係下半 Part (但係都成七百幾 MB，25mins) 。最想聽既歌應該係上半 Part 度。。。陰公。另外 Avril 生左幾粒暗瘡哇，梗係食得辣野多 A_A”
---
岩岩去 D 網頁想訂下 D Precious Moments 既公仔，發覺美國個面既郵費真係貴到你唔信。。。睇圖：



差唔多貴過個公仔添。。。大約當佢一兌八，差唔多一訂就肯定無五舊水。有一半係運費。。。反而去日本個面訂運費平好多。又睇圖：



當佢九算，拉勻都係大約百零二百蚊到。好似抵 D。不過睇下香港有無得代訂，好似方便 D 咁。
---
今朝起身覺得部電腦既 Harddisk Fan Box 有 D 嘈，咪拆開佢清清 D 塵，清完都無乜改善，發覺都仲係咁嘈。其實都無乜影響既。。。係好嘈咁解。之後把心一橫就剪斷左 Fan Box 前面既兩把風扇既電線。即刻靜晒，前所未有咁靜。。。唔知有無乜特別壞影響。。。個 Harddisk 一死既話真係乜都完。。。對上一次又係舊果個 Harddisk 瀕死先去 Backup，都成半年前，家陣多左好多新 Files。。。就算要用 DVDr 燒都起碼成十隻。。。希望無左兩把風扇個溫度都唔係差咁大啦。諗翻個 Harddisk Fan Box花左我成幾舊水，想當年又係因為個 Harddisk無啦啦打柴，懷疑太熱所以加個 Fan Box。