就凍到痴線既時候走去沖個熱水涼，個個 Moment 真係幸福到呢。。。可惜都係一陣間。。。總結全日係睏左十八個鐘多少少。。。聽日一定一定唔再咁浪費時間，去做翻 D 有多少意義既野，之不過天氣真係太凍，聽日得翻九度。。。唉。。。香港好少凍死人，不過睇怕我呢期都可能上報紙了。。。Send 埋 D Message 就睏。就是這樣。
---
無人嘈我睏晏覺果然睏得特別安詳。。。已經睏到「神人」既境界！今日既活動時間大約係四個零鐘到，個四個零鐘做既野都只係以食飯為主，乜都無做過，成個廢人咁。。。襯無乜野做今晚都係早 D 睏，哈。

如果唔係咁凍既話都話離開被窩做下其他野喇，凍成咁真係人都 Down 晒，仲要失驚無神有陣風吹埋黎，好似突然入左冷房咁，凍到入骨。凍都唔緊要，又要濕濕地個隻先剋人憎！可怒伊！
---

嘩。。。我唔玩了。。。凍成咁。。。一起身已經覺得「暖氣」不斷咁流失，真係凍到呢。。。睇怕呢幾日既活動係「冬眠」，真係凍到個人無乜心機 + 無奈 + 氣憤 + 精神緊張 + 心煩氣燥 + blah blah blah。。。唔知幾時先再暖翻 D 呢。呢個 Moment 真係想爆粗。。。

1. Er…好滿足，尋晚三點半睏到十一點。。。之後晏晝兩點睏到六點。。。不過睏得多，腰骨赤赤地。飯都未食，有 D 飢寒交迫 Feel。。。
2. 噫。精神有 D 恍怫咁既。噫，隻眼對焦好似慢左D。。。唔通真係睏得多？！
3. 套《探偵學園 Q》理應今晚或者聽朝睇得晒！之不過睏晏覺睏得耐左 D，結果係一集都無睇過。。。下次都係同時睇幾套片，唔會話一日睇成十幾集咁悶，突然間想睇《庶務二課》。
4. 你做乜無啦啦咁大感觸，搞到我遲左睏晏覺。。。細路仔係咁架喇，讚某個女仔靚少少，其他人就話你鍾意佢架喇。或者以前高度差唔多既話又會話你鍾意佢架喇，就是這樣。哈，唔知你記唔記得「Fit 馬」呢樣野了。
5. 今日無聊諗翻點解尋日打 Winning 會比人剋住，除左真係下下怒射碌住同飛機外，就係傳得太多波，懶係有默契咁，遇到硬朗既防守就大穫。之後個場做得多左個人突破果然無咁俾人剋到。我個 3-3-4 有前無後打死罷就既陣都未出！
6. 今日有人講左呢句：「其實仲邊有人等 Boxing Day 先拆禮物架，一翻到屋企就拆啦！死蠢！」。即場無言。。。咁無節日感架，都唔應節既。
7. 自己體力差，絕對唔可以連續兩日都出街。。。真係會倦死的。。。我要忙裡偷閒，雖則唔忙且成日都好閒，哈。
8. 真係唔到你唔信。。。唔係嘛。。。突然間好多「莫名其妙」既野湧現！！！Da …↘↘
9. 唔係講笑，部 PS2 唔拎出街都唔覺瘦版 PS2 既可愛之處。。。舊版真係重到呢。。。直情掟穿牆！
10. 乜話！？行貨 NDS 仲貴過水貨！？再坐落諗真 D，我買黎做乜？有幾何打機啊我。。。但係唔買又心癢癢咁。好想玩 Touch Made in Wario。
11. 唔知點解呢期唔想打機、唔想睇片，乜都唔想做，但係唔搵野做又怕悶 → 所以日日睏晏覺，睏晒 D 時間，唔洗諗做乜野好！諗每日做乜同諗每日 Lunch 食乜一樣咁煩！一於點零睏晏覺，睏到六點鐘到 Hea 下到八點鐘食飯又再 Hea 陣到十一點到就睏覺！咁樣又唔洗煩 Lunch 食乜，又唔洗煩晏晝做乜野。
12. 原來身邊有一定數量既 Flash 高手，真係唔講唔知，原來你都識 Flash，果真多才多藝。自己都有好耐無做 Flash Animation 了，都要係假期內操一操翻熟佢，尤其係 D Action Scripts，唔記得晒。。。家陣諗真 D 之前都有計劃過假期做乜架，想學好 D 個 Maya ，可惜到家陣都未開始過，哈。另外 Illustrator 同 Photoshop 個 Interface 雖然似，之但係用落個分別都幾大下，有機會都要搵本書翻黎研究下。哈，個假期咪有野做呢 ~
13. 《Elite 2004 Model Look International Shanghai》好堅啊 D Model。。。唔係指身材！不過我有樣野諗極都唔明點解佢地行 Cat Walk 個陣個係要 Fing 到個盤骨就甩咁呢？係咪唔識 Fing 唔可以做 Top Model？恕我膚淺。
14. 咁咪幾好，搵得翻部份 Data，咁都無咁慘，算係 Bonus 黎架喇。你即刻開心翻？哈。
15. 聖誕狂歡假期終於結束，又可以係寧靜環境既睏晏覺了！
---
話說尋晚有位朋友仔張 xD Card 慘遭格式化，裡面 D Data 無晒就梗架喇，不過大家心存一個希望 → 救得翻！如果張卡就咁 Format 之後未用過的話成功機會大多少，可惜之後又用過，大約用左差唔多十套 Data Recovery Software 都好無乜成效，都搞左半個夜晚到啦。我諗到呢一刻張 xD Card 都係逗留係尋晚乜 Data 都無既階段。無啦啦乜 Data 都毀於一旦既心情偶非常了解，自己都試過幾次。。。

說實在，個 D Harddisk、Memory Card 貴得去邊，頂多咪千零蚊，但係 D Data 可能係累積左幾年先得翻黎，一下子無晒，好似整個人生的紀錄中被刪除了某幾段。好多時 D 野真係得某個 Moment 先會出現一次，好似相、影片等等，真係實實在在留住了那一刻既事情、心情咁。就算比你再重演一次當時既情景，但係個心情已經唔同左，意義亦都失去了。就算 D Data 係 Download 翻黎，都要俾你有機會再 Download 翻先得，呢 D 野真係可遇不可求。

遇到無啦啦死 Data 應該點做？首先一定係講句無奈既說話，好似「唔係嘛。。」、「咁邪！」，或者爆粗都得。其次就係哭出「無奈之淚」，唔係講笑，個種感覺真係非筆墨所能形容，係親身感受過就知個種係乜野滋味。再之後就係再試下坊間既 Recovery Software，不過真係得過試，成效係點真係睇下你好無彩。其實都可以拎去 D Data Recovery 公司度搞搞既，不過價錢就驚人了。。。

如果得一個 Copy 的話就當然 Backup 幾份啦，無錯，係幾份，一份都唔夠安全。如果未有時間 Backup 的話自己盡量 Keep 好個個 Copy 啦，俾人 Format 左張 Card 既話都唔知嬲佢好定怨自己。如果係比自己手多 Format 既話都話自己抵死，咁樣真係死得不明不白。

同你講的：「唉。。。算把啦，預無晒架啦。。。如果等得 + D Data 好重要既話真係拎去俾人做 Recovery 啦，百零 MB 段 MB 計都應該唔會太貴既對比起百幾 GB 既 Hardddisk。我都唔知點安慰你好了。。。有事幫到你的說就找我呢。」

1. 今日 Boxing Day，唔知大家收穫豐唔豐富呢，但係會唔會好似佢咁呢：

2. 好驚喜，有人幫我執過下張電腦枱，乾淨晒，哈。搵翻幾樣野，之前諗住買黎送過其他人，點知原來買多左套，家陣實有機會送過。
3. 果真同人開片，係度死撐！頂！
4. 近日對以下歌詞感到多少興趣，雖然唔記得左點解。 (來自 GetBackers Op)：

5. 出門前又睏左陣晏覺，唔知係咪睏得多。手腳有多少痲痺，大腦亦有多少停頓的感覺，一句講晒：蠢左。。。
6. 都幾年了，每天都會一去的網站《天鳥舟》從昨天起停止更新了。。。唉，再無地方 Download 涼子姐姐既相了。。。心情沈重
7. 由於蠢左既關係，尋日大費周章咁用個低能既方法去搵野。。。點解一開始諗唔到用個個方法解決呢？唉。。。死蠢！
8. 八卦睇下姓名學既野，廿六個英文字母裡面諗住是但 Click 過睇下，就 Click 個「A」睇睇，我覺得真係唔多準確。。。。

9. 今日撘車聽到前面兩個男仔傾計，一個問另一個：「其實你係有感覺先至拍拖定係覺得有機會發展先拍拖呢？」。噫，呢個問題好似好深喎，有人無可以回應下呢個問題。
10. 今日都 OK 開心的，可惜無打到太鼓。。。
11. 個分插都算唔錯！你變陣失敗啦，哈，不過打到我暈暈地。。。可能侷得制。。。
12. 放心，你張 XD 定 SD 實有得救 ~

1. 正所謂「人窮就命賤」，無錢又長命既話只會係挨苦。
2. 呢個世界最惡既人係窮人，最可怕既人係唔怕死既人。
3. 諗落好似大時大節都唔想出街，嫌人多的說，真係有人約都咁話，係屋企優優閒閒咁過都幾自在下。
4. 唔知邊度聽翻黎：
一個靚既女人我地會讚佢「美人」，一個唔太靚既女人我地會讚佢「可愛」，一個唔可愛既女人我地會讚佢「有氣質」，一個無氣質既女人我地會讚佢「有內涵」，如果以上皆否的話我地會讚佢「心地善良」。。。
5. 平安夜，熄機夜。。。今朝起身開到好多 24 x 7 戇奶既人竟然離線。。。唔通熄電腦可以平安 D ，哈
6. 這個「幸福傷風素」係咁多種坊間買得到既傷風藥黎講真係最管用！其他都無用。可惜既係家陣有多少耳鳴。唔通真係要睇醫生？食完醫生開既藥十成脾氣「曝躁」，肯定會同人開片。
7. 今日成日講得最多既句子：「咳晒 D 啖出黎就會好。」。但點解咳極都有既？！
8. 好彩之前無做到，唔係肯定浪費晒 + 低能，都算醒翻次。
9. 繼續睇動畫，《探偵學園 Q》 (之前好似打左《偵探學園 Q》，係錯的) 睇左一大半，進度唔錯。又開始進入一個新單元，蠻緊張喔。
10. 呢張係尋日 Cap 低的，個人覺得幾搞笑下。

11. 應該係尋晚貼的，係 Love Hina OVA 既片段，個一幕幾正的。無錯的，報導員小姐！

12. 看來睏晏覺已經係我生活中既一個必需事項，今日飯都未食就兩點睏到四點。。。
13. 《功夫》看似很有睇頭，之不過佢吸引唔到我。
14. 是日 ICQ 金句：

1. 聖誕呢個普天同慶既節日中。。。我竟然喊左出黎。。。唉。。。慘爆。點解喊？聰明既估到架喇，答案 → [Click Here]
2. 懷疑之前「太用功」玩。。。搞到睏唔夠 → 病 → 得翻半條命。。。
3. 一日之內睇 / 講太多野會搞到個人好倦。。。千期唔好好似我咁一日睇成十幾集動畫，原來係比溫書更花精神。。。
4. 今日終於享受到睏到日上三竿既感覺，都頗幸福的，另外晏晝睏晏覺既幸福感覺今日再一次感受到，不過睏到 D 腰骨好痛。。。除此之外，竟然比我發到個夢中夢！突然間覺得好迷惘。。。
5. 平安夜 / 聖誕節係教徒都差唔多都會四圍報佳音、唱聖詩，呢件係一件好事黎的，起碼記得聖誕節唔係為聖誕老人而設的。之不過唔好成十一點到係屋村大叫「聖誕快樂」好嗎？都頗嘈下。。。
6. 無錯，係同你講。「無辦法了，係要扭你計。唔巧以唔理我。」
7. 突然間諗到兩樣都幾無聊但係好玩既野，留翻聽日講。

---
11:15 起第一次身。。。之後花左幾粒鐘再睇《偵探校園 Q》+ 燒埋 Download 左既野落 DVDr
15:00 食 Lunch，食完睏覺。。。
16:55 起第二次身，家陣得翻半條命。。。，準備出街食飯。。。好眼睏
21:15 食完飯翻屋企。。。就死。。。
22:30 睏覺。