1. 一到冬天，除左怕凍之外，另一大敵係皮膚乾燥啊。。。 D Hip位、手腳乾到爆。。。真係 RR都會損個隻。。。唉，真係慘。。。
2. 今日已經俾個 File界損左隻手指，仲要係兩條添。。。家陣真係掂掂我都會受傷。
3. 可惜呢，你無去同我地一齊食 Lunch，真係好味到你唔信，都無乜下次架喇。
4. 可能這個聖誕邊爐夜搞得成啊。。巧想巧想有得打邊爐，仲要玩到夜媽媽，哼。
5. 你著咁少衫夠唔夠暖架？街巧似巧凍。仲有要早 D 睏！
6. 「尋尋覓覓、冷冷清清、淒淒慘慘戚戚」，出自《暮然回首》既句子。形容我就最適合不過了，今日有一兩個人同我講「Victor，你聖誕搵翻個另一半啦」。跟住我同其中一個講，其實家陣差唔多廿歲，如果呢幾年搵到的話，真係可以拖到老的。可惜啦。。。邊有人看得上我，成個細路仔咁 (其實我巧成熟架) ，哈，真係好難搵的。不過說實在，上左岸之後要點樣做我十分清楚瞭解，之不過要點樣上岸就真係摸不著頭腦。。。我覺得自己唔係話係街識既風格，點都係要朋友慢慢做好朋友再變情侶先得，對上的那位都係好自自然就係埋一齊。總知就可惜啦。。。唔通要搶灘、大空降麼。。。太危險了，唔成功就真係實死。咁所以都係慢慢黎喇。雖然唔洗急，但係最好快 A_A” 黎緊幾個月咁多為情人而設既節日。。。我唔想搵部冷冰冰既電腦做情人。。。
7. 點解我呢期用 Free for Chat mode？因為見到有 D海外網友都咁做，見到至好就瞭我 Chat啦 :D
8. 岩岩睇完 CSI，真係巧正啊！
9. 今日俾我搵到個人既弱點，你死硬，嘻呵嘻呵 A_A”
---
話說今日考 JAVA，都係諗住朝早溫溫書啦，之不過今日比平時遲左起身，八點幾到啦。咪咪麼麼搞到九點鬆 D 先睇翻 D notes，直覺話我知都會出好重下 Data Structures，咁就花左多少時間係佢度。不過自己記性都係差，要硬記野都係唔得，雖然明，但係唔太寫得翻出黎。之後十點零就出門翻紅堪同人研究研究這個 JAVA。本來諗住可以準時到。。。點知走左架巴士，結果就差左十分鐘先到。。。仲要天寒地凍要人家戶外食風，諗翻都覺得唔太好意思。。。唉。

打後既時間就係 StarBucks 度落腳，個 Cream Brulee Latte 真係好好飲，個感覺好幸福啊 ~* 今次唔知點解話拎走俾左個袋裝住。。。係聖誕 Special 既袋，個人都包得幾靚下，好似呃左佢。。。有D 內疚。之後兩丁友去左都會地下個層既《小魚滋味》(個名大約係咁上下 =.=) 度食 Set Lunch，開頭都唔覺間野有乜特別好，不過佢既餐湯真係好好味。我叫左個黑椒豬扒 + 煙肉炒蛋 + 菜飯，個豬扒好軟滑啊。個 Set Lunch 仲有杯熱飲送，飲左杯熱檸茶。本來我應該食得晒成個 Set Lunch，可惜唔夠時間食埋佢，不過都覺得好飽啊。

去到入去考個陣見到有廿一頁紙都覺得有 D 唔對路，一望之下所有 Lecture 講過既野都考翻出黎。。。最唔曉既 Data Structures 出左成題。。。不過做落都覺得 OK 啦，好肯定話岩又唔係既，不過知點做喇。本來做到個零鐘都覺得個 Hall 巧凍又內急。。。真係想死。。。過多粒鐘到，差唔多急爆 + 凍死，所以決定出一出口透過氣 + 方便下。個洗手盤既水龍頭要扭住先有水。。。頂。。。成手肥皂泡。。。方便完 + Hea 完之後果然茅塞頓開，之前諗唔到既野突然諗到。。。都咪話唔神奇。其實出卷個個都算有人性架喇，出 D舊既Example做題目。

之後當然翻屋企抖下喇。可能自己身子弱，絕對挨唔到三粒鐘既考試。。。真係身心疲累。家陣打算打埋個 Diary 就打陣機就睏覺覺。

哈，我終於係 PageOne買左本 Packaging Sample 既書，裡面 D 野都 OK 啦。遲下包禮物可以試試佢，最正裡有隻 CD ，裡面有晒所有 Sample，仲要係 Vector Graphic，點放大放細都唔會失真，就咁印出黎就得。
到呢刻個 JAVA 都未睇過，話就話明，不過都係怕自己記性唔好唔記得晒 D Syntax。
今晚 Pearl做 BJ單身日記、World就做幽靈公主，兩套都好想睇。。。不過結果兩套都無睇到。。。唉。。。
---------------------------------------------------------------------
今日下午睇完套《西洋骨董洋果子店》大結局之後無乜野做過，之後走左去八卦下 D星座野，有幾段覺得幾岩我，所以就抽左出黎 ~ :D
天秤座與老師的相處之道


同我鬧交，找死乎？


最喜歡娃娃聲女生的前三名男生星座


到今日我知點解先幾日咁燥了，原來是這樣。。。


---
十二星座最難追既女孩子


頭三位都估到架喇，不過雙子排第四就意外 D。

---------------------------------------------------------------------
可能尋日真係花得太多心神，尋晚十一點幾睏到今日成點幾。。。真係乜都抵晒。暖暖地真係好舒服，再睏落去到三點幾都得。不過見睏得太耐，條頸有多少痛痛地，應該係「睏黎頸」，手腳都痺痺地。九成係睏得太安詳，個睡姿唔太好啦。。。

見今朝套《西洋骨董洋果子店》播大結局自己又無睇到，之後花左一粒鐘到搵翻套野黎睇下。個故事我覺得真係唔錯，唔知點解覺得日劇既結局比起港劇既結局特別有「結局 Feel」。可能日劇集數短，十零集，無乜需要格硬拖長黎做。講翻呢套劇係改自小說作品的 (無記錯好似係) ，亦曾經出個漫畫，有機會大家一定要睇下，想睇的說找我都得，我有齊成套劇。除此之外，呢套劇有我最鍾意既甜品，真係望到我留晒口水啊。。。有得食就好了。。。人角方面對任何年齡層既女性都有照顧，有瀧澤秀明、藤木直人、椎名桔平，分別代表了少年、青年、壯年。阿部寬做得好鬼馬！就算係涼子姐姐同門勁敵小雪個 OL Look 都幾得下 (佢唔係 OL Look 唔靚的 ~)。

講到呢套劇既配樂就厲害了，製作單位請得到 Mr.Children 參與。一套劇就算劇情、演員做得幾好，無一段好既配樂會完全失色。一路睇套劇一路聽住 Mr.Children D 歌真係好滿足，差唔多所有 Mr.Children 既名曲全部都係套劇裡面播過。《君が好き》呢首歌真係好好聽呢，初步估計首歌歌名意思係「喜歡你」。另外 Mr.Children 係今年 Dec21 會出隻 Concert DVD，實屬必買！睇過當中既 List，發覺 Disc 2 比較吸引我，可能會直接訂日版翻黎，聽聞畫質、音質都好 D 的。

真係點都估唔到呢套零一年既日劇睇得我咁開心，印象中睇左兩次，自己都比較少翻睇劇集。呢套劇唔係搞笑，係幽默，級數高 D的。

自己對山羊座、處女座、天蠍座的朋友仔比較難掌握佢地想甚麼，好似好難夾咁既。山羊座比較實事求事，好似無乜幽默感。處女座就比較挑剔又追求完美。天蠍座又冷又熱我知佢究竟佢係冷定熱呢。
不過下列圖表又好似有唔同睇法：

原來我好掌握你的，同你竟然係對立！？
我係 [呢度] 睇翻黎的 ~
---
哈，都係港島區區友比較岩傾 D，九龍新界區區友可能生活習慣、文化唔同，係難溝通 D。
---
話說太早起左身，都係諗住做下數，點知結果都係走左去打機，本來想開戲睇，但係套戲成個兩個鐘，呢個念頭又就咁打銷左。之後 Lunch 約翻個港島區區友係銅鑼灣和民食個 Lunch 先，兩個夾埋 $111，都 OK 啦，不過 D 侍應生 D 服務態度都好形式化，反而最簡單倒杯茶過客人無做到！？唔係嘛。食完之後都點二到，兩個人揀左個貴 + 慢既方法翻 Poly，撘地鐵再轉撘東鐵，我撘左 $5.1 + $2.4，平過撘巴士，不過地鐵個程無半價既話貴多 $5.1 呢 ~ kekeke。

翻到去發覺揀錯位啦。。坐得太前。。。份卷比想像中淺啦，如果之前 D Test 同 Exercise 有認真做過的話，要 Pass 應該都唔太難既，出卷個個算有人性架喇。大家繼續加把勁吧。做完卷之後又係同港島區區友去左 CitySuper 逛逛，可能好耐無去 CitySuper，都係今日先知個度新裝修過。個人覺得新裝修幾得下，幾簡潔。個度擺多左好多「新產品」，太多數都係一 D Designer 個作品黎，其實價錢都比較貴，動不動都要成舊幾水，不過有 D 產品又真係幾得意既。聖誕要送禮既話一個 CitySuper 可以搞掂晒，不過可能要花多少少錢。不過最重要俾我搵到樣好實用既野 → 就係得意高科技暖水袋！有大有細，真係岩晒我。遲下都要買翻個送俾人又好，自己用都好，當然 only for 怕凍人士。大細價錢都好似差唔多，不過細個款就好似得意 D，大個款就好攬 D。但係個重點係大個個大到成個枕頭咁，好難拎出街送俾人。。。都係買個細好。另外個度 D 雪豆 Cushion 摸落好有 Feel 啊，又想買翻個，真係好正。
講到禮物，當然要包裝啦。CitySuper 又有好多 Ready Made 既包裝材料，不過都係個句，幾貴下，分分鐘仲貴過份禮本身。雖然話要環保唔好送聖誕卡，但係點都係有好過無既，感覺上點都係唔同既。本來諗住借本包裝既書既，不過見到 PageOne 有兩三本教人 Package 既書，有多國語言，$161，裡面有埋 CD Sample，諗落都好似幾 OK，遲下可能會買翻本。
---------------------------------------------------------------------
我終於知道點解我有以下毛病：「無特別原因下常感疲倦、煩躁或脾氣暴躁、憂慮、容易睡不好或失眠、難集中精神做事、易生小病、記憶力差、頭痛」。原來係壓力荷爾蒙作怪。。。佢就係我地成日講既皮質醇 (Cortisol)。真係好羨慕 D 人記性好。。。


[按圖放大]
[按此看詳情資料]
---
原來我真係好姣架 ~ :D

不過如果你睇到邊個係第一位我包你噴血 → [Click 去睇下]
---------------------------------------------------------------------
岩岩記翻 D 野，尋晚譚校長個首 (國語腔) 「披著羊皮的狼」真係聽出耳油，我呢個月都記得佢，夜媽媽播 D 咁激昂既歌。。。
說實在，我個陣已經開翻著個 Speakers 同 Mon 準備播首 Linkin Park & Jayz既 Numb Encore 抗議架喇。不過費事搞到個局面咁疆臨尾無播到。
---
整翻個 Dec10 既晚記先，話說尋晚十一點未夠真係睏著左。因為天氣凍，搵張被「Comp」住過頭，留個開口透氣。本來都無乜事，點知就睏著個陣，個開口唔知點解俾野遮左，咁就係個暖暖既被窩裡面侷左十零分鐘到 (約莫啦) ，突然有 D 窒息 Feel，拿拿臨拎開張被透啖氣，不過可能侷一侷，個頭有多少痛痛地。之後無理佢繼續睏，又係正當睏著個陣，屋企人無啦啦開大收音機聽「李曾超人」，一般電台節目都無乜野，何奈位女主持比較跳脫，時常突然大笑。當時心諗唔係咁大整蠱嘛。。。夜麻麻仲玩 D 咁既野！？都係無理佢，點知另一位屋企人無啦啦咳到肺癆鬼咁 (唔好意思，係比較粗俗少少) ，即刻火起，起身拍桌面同佢講「你咳夠未啊！咳就出去咳」。係就係霸道 D，不過之後佢真係無咳喎。效果算不俗。今次真係諗住睏喇，但係可能因為動左氣，個頭比之前痛得厲害左。收音機又好似開得大聲左，初頭都係大大力關門抗議，搵張被「Ump」住對耳仔 (十足細路仔咁) ，但係都無用。之後出左去食兩粒止痛丸，個頭係無咁痛，不過睏唔到。。。個陣係一點到啦。矇矇矓矓咁到兩點，個電台節目終於做完。。。諗住有覺好睏。之不過入夜又凍左，個人凍得制，三文治咁係被窩度保暖都無用。。。到五點零鐘終於頂唔順要起身。。。結果睏得三四粒鐘。。。陰公。

越諗越可愛啊，好想睇多次 ＞.＜”
天氣凍 ~ 大家早 D 睏覺唷 ~ 目標十二點前，我就十一點前 ~
---
可能尋晚放開始放棄計數既關係，定係天氣太凍既關係，已經無乜精力嬲人、製造怨念，心情豁然開朗。個考試五題揀四題，唯有飛走 Hypothesis Test 喇。萬一避唔到既話唯有硬食，唯有「Let It Be」。點零鐘食左個單腸飽就走去睏覺覺，感受到冬天裡面最幸福既事。怕凍既人係冬天裡最幸福同痛苦既事：
最幸福：
1. 係暖暖既被窩裡睏覺覺，仲要係午睡個隻先爽，乜野煩惱都無晒。
2. 勞碌成日臨睏前沖翻個熱水涼，乜野怨氣都散！
最痛苦：
1. 睏覺覺期間比人搔擾 / 整醒。
2. 赤條條坐係個廁板上

以上四樣野全部齊晒。百般滋味在心頭。今日覺覺豬個陣已經好似三文字咁夾係張冷氣被同綿被中間，有時仲搵張被「Comp」埋個頭，留翻少少「氣孔」透氣，個種感覺幾幸福。但係岩岩就睏著個陣無啦啦有人打電話俾我，唔知邊個搵我咪離開被窩搵電話聽，原來係 California Fitness Centers 打俾我。仲等我以為有乜急事或者靚姐姐添。。。但係我同這個健身中心都無乜瓜葛，由於未睏醒，佢頭三分鐘講乜野都係聽唔到，之後佢再講翻問我幾時拎張 VIP 會員卡。心諗你打錯電話咋嘛，阻住阿叔享受午睡，可怒咿！但係佢又讀岩我個名，又無理由搞錯架。最後我充滿懷疑之際，佢就話俾我聽有人申請做佢地會員，推介左我做 VIP 會員 (但係佢知我手提電話姐，無理由身份證號碼都知架喎？！) ，仲叫我呢兩日去拎卡。其實到家陣係咪呃我都唔知。。。唯有問下邊個咁推介推介我做 VIP，搵唔無人既就唔去拎。聽完電話之後又睏過，哈。之不過打電話俾我個個人好似好有 Energy 咁，搞到我醒左。。。

睏醒之後去睇下家陣幾多度，無理由咁凍既，一睇之下成廿度。。。唔係嘛。。。家陣係屋企已經要著住襪保個暖。。。去到十零度個陣咪成凍到 D 手腳壞死晒要切？！血液運行唔係差到咁嘛。。。難度呢個係寒命既宿命！？根據天文台既資料，未來一個禮拜溫度會再低 D，咁我就又再離死亡近一 D。如果有羽絨襪的話，我一定買！

另外無出街幾日，D 小鬍子天天的生長，已經很長了。同一個麻甩佬無乜分別。聽日出街前剃好 D 鬍子就變翻個正常既 Victor。
---
呢幾日可能天氣真係凍得制，凍到個人痴左，脾氣比較大同壞，有多少野想同 D 朋友仔講既，如果你覺得係同你講既就 [按此看看想同你講乜] ，咪八掛呢 ~ A_A”
---
唔知「A Friend In Need Is A Friend Indeed」點解，反白看看↓
患難見真情
---------------------------------------------------------------------
Victor 與女仔、小孩的相近地方 (除左生理方面上)：
1. 時常發脾氣，怨念穫累好深
2. 面對新環境時感到極度不安
3. 鍾意買玩具，用黎玩又好、擺都好
4. 好鍾意食甜野
5. 潤唇膏、紙巾必定跟身，反而銀包、門匙都唔係
6. 情緒變化異常地大同快
7. 有多少「家政」的技能，尤其係整絨布公仔更加有研究
8. 唔可以挨眼睏，一定要睏夠八粒鐘
9. 絕少認錯
10. 對「可愛」既野會愛不惜手
11. 亂花錢
12. 鍾意撩是鬥非
13. 間歇性失憶
14. 好小氣，易嬲人，但好快又無事
15. 好在意人點「看待」、「睇」我
16. 好易病
17. 小小事都會瓜瓜嘈
18. 好怕凍
19. 好怕 D昆蟲，尤其係曉飛個 D
20. 鍾意扭計、「Lur」人、長氣 --> 煩
21. 好鍾意睇卡通片
22. 攻心計，計算利弊
23. 從多「觀點同角度」諗野，簡單黎講，成日亂諗野
24. 好貪靚，又姿整。

諗到先再加上去
---------------------------------------------------------------------
都係你講得岩，我都再有諗過。好彩仲有你，唔係係呢個寒冬裡面實比人情凍死。

[佢講過 D 乜？]

---------------------------------------------------------------------
哼。。。走啊，我唔要啊


---------------------------------------------------------------------
尋日三幅圖既答案，反白就睇到：
1. 放氣 -> 放棄
2. Kick 死鵝 -> 激死我
3. 褸死梨 -> 嬲死你

可能先前既說話過份左。不過真係唔知點算好，睇圖估下：



[按此看答案]

脾氣真係唔可以發咁多，唔理真係無人理就大穫。
---------------------------------------------------------------------
家陣 19:25 ， 計左半日數，發覺情況好嚴重，天意弄人喇。識過 D 又搵極都搵唔到，唔識個 D 就出晒黎。時間已晚，應該要出現既人點都會出現，好可惜，得出黎既結果都係無人覆啦。其實應該咁，如果覺得真係阻住大家既，send 個 msg 黎話我知，等我唔再煩你地，唔洗怕反面的說。至弊 Check Log 係 Check 到 D 人係收到喎，要幫助既問題就睇唔到，見到有乜野 Notes / Reference 就走去拿拿臨 Download，無啦啦尋日定前日仲有人係 Campus 度去個 Server Download MM Quiz 既 Reference，係咪都話聲我知比較好。就是這樣。家陣已經 XX AMA了，求救無援，慘。XX 係點解，睇圖：



求救無援就係咁：



小器既我最後當然係 (YY)：



不過都係 「motokanojo」講得岩，「大家都係識左陣，都係唔熟。你 YY 佢都無用，因為大家都唔會留意你。識得耐既可能真係睇唔到，體諒下人先得，唔好咁小器喇」
---------------------------------------------------------------------
呢幅圖就係形容尋晚既心情。大家估唔估到點解呢？



↓反白就睇到，係反白，唔係反白眼。
尋晚 D 火燒到好衡個陣，有一兩個人係度幫我淋多少水，降降溫，熄緊 D 火。又好似好 D 喎。哈哈。
---------------------------------------------------------------------
今朝咁岩有 Mood (應該話無乜怨念) 諗到 D 野，大家埋黎估下圖啦，如果你知道的話就係同你講，唔知既睇答案，之後知左都係同你講 :D ，即係點都係同你講



估到未呢？仲未估到就睇多個 hint，兩幅圖都係表達同一件事。
[按此看提示]

都仲係估唔到？咁唯有睇答案啦。
[按此看答案]

---------------------------------------------------------------------
話說尋日隻大黃蜂玩左我成粒鐘，最後我將佢困左係阿爸阿媽間房到。咁跟住就講埋個結局去。當我成功困左隻野入房之後就打俾屋企人，我同佢講困左隻野入房，之後佢再問我「邊個間房？」。我就再答多次係佢地間房。哈。無奈就梗架啦。唯有等老豆翻黎先消滅佢。接下來既兩個鐘到得到前所未有既喜悅同寧靜。之後又再打俾屋企人話隻野困實左，佢話「咁算喇，等老豆翻黎解決佢。」

等到老豆翻到黎見到個房門關左就問點解，我就答佢你估下？之後就話俾佢聽有隻吋幾長既大黃蜂係裡面。佢都嚇一嚇，之後佢小心奕奕咁開房門開燈，過左陣佢入去睇下隻野走左未。其實到家陣有無走到都無人見到，都係估既姐，可能入左冷氣機都唔定。當大家認為無事之後，大家當然會有 D 野講喇。

---
之後既對話：
佢： 應該第一時間關左 D 房門嘛，人地關門等隻野唔好飛入去，你就掉翻轉趕隻野入房。
我： 太多衫褲掛係房門，關唔到，隻大黃蜂又係咁 “褸” 住 D 衫，我見佢鑽左入去就真係想一野拍死佢，最多整死佢 dump 左件衫算。
佢： 你應該咁做嘛。
佢： 成屋都武器，是但搵件就發佢都得。
我： 得 D 尺零長既野，搵野噴下都無。
佢： 報紙都得嘛，一張就軟賴賴姐，捲到成把劍咁就硬骨骨一野就打埋佢啦。
我： 係硬啊，扑得中就佢死，扑唔中就我死，佢針我咪死。
佢： 你著晒長衫長褲，邊針到你。
我： 但係個頭無呢，一針頭就去瑪麗了。應該有支殺蟲水嘛，藍威寶都無支，得 D 柔順劑、泡沫去污劑同 Lotion。。。
佢： 邊洗呢 D 野，大不了咪搵口水噴佢，拿，噴出黎個下有氣架嘛，佢飛埋黎就噴佢。
我： 用口水噴佢我同阿媽已經講過啦，問佢佢又話由得佢，咁我咪由得佢係房到，你地間房姐，唔係我間房，見大好機會仲唔困住佢。萬一吸個啖氣佢撲埋黎咪吸落肚。
佢： 萬人房有人咪針死佢。
我： 佢唔醒完全唔知乜野事，咪由得佢係裡面針死。
佢： 真係俾你激死。
我： 我唔落街避佢就算保衛家園架喇。仲要等細佬未翻到屋企前解決件事。唔係佢又翻到黎就兩個齊齊叫喊。
佢： 洗乜落街避，幾隻就話姐，家陣得一隻。早應該用身體擋住佢嘛 (PS. 佢之前都講過同一句說話) 應該等細佬翻黎兩兄弟一齊消滅佢嘛，仲話保衛家園。
我： 我家陣咪解決左，困左佢係間房到。
佢： 真係俾你激死。

隔左一陣。
佢： 邊個話無殺蟲水，成支拜高係度。不過都好，無噴到，唔係自己聞翻。
我： 咁我打電話俾阿媽個陣又話無，叫我由得佢，咁我都真係由得佢，放翻佢出黎咪係度搞住我。

成件事就告一段落了。哈，呢 D 仔係邊度搵。尋晚已經飛左隻飛蛾入屋，廿幾樓咁高唔係咁多野飛入黎嘛，睇怕都要加個窗紗先得，或者請個人看住隻窗，唔好俾昆蟲飛入黎。講講下有 D 驚添，萬一今日又飛多隻入黎咪死。。。其實之前 Summer 都試過相類事件架啦，搞到我出唔到門口，結果係要遲到。。。
---
好震驚，你竟然唔驚。。。自己身邊既人都有多少驚，仲叫我遠離隻野唔好搞佢。你好 Man 啊。。。顯得我成個細路女咁。。。難道屋企有昆蟲你可以徙手捉住佢？！。Da ... ↘
都係你有 Sense 叫我唔好搞佢，我十分認同，萬一佢以為我攻擊佢佢針我咪死，呢次做得非常好！
好彩無聽你講去開門，唔係我 D 寧靜又會消失左。。。