2230 開始打 Diary，目標又係 2300 睏覺。儘管今日翻左學，但係心情都無想像中咁壞，又係「無期望，有驚喜。有期望，實激死。」

1. 今朝打完波，估唔到會攰成咁，真係好耐未試過做劇烈運動先搞成咁。家下個人墜ing，晏晝話唔睏覺但結果都係由 1330 睏到 1430，最後都係再搵左 D 資料，但仲未寫 Essay。其實睏醒個陣都有多少頭痛。之後趕住出門口連電話都唔記得帶，勁無安全感。做緊 Test 個陣已經黎料，完左之後就勁痛！其實唔夠睏 / 太攰都通常都會痛，早知帶 D 止痛素翻去啦，做 Lab 個陣心情真係差到爆，好彩個 Lab 都唔太難，又有其他野令我心情好 D。2115 就走得，真爽！今日有乜言行舉止得罪大家唔好見怪，應該都得罪好多人架啦，真性情就係咁賤格！呵，之不過都幾過癮呢。

2. 翻到屋企食左止痛素，之但係點解有夜服裝呢？！懷疑係食完會令人易睏著呢！開頭仲以為係假野添，粒藥係藍色架！



另外這個 Body Check 終於開始準備中，應該做 Basic Plan 呢。話時話，家中兩老就爭論做 Comprehensive Plan 同 Basic Plan 都講左成晚。阿娘就覺得 Basic Plan 夠，老豆就話 Comprehensive Plan 好。自己覺得如果有得 Check 埋個心就好多少，自己覺得閒來個心都有 D 拿住拿住痛咁，我都驚有事。。。心臟病真係不分年齡話黎就黎。



3. 講下個 Internet Programming 個 Test 啦，其實唔難，如果肯背佢既 Example 既話。之不過點會去背架，Syntax 都唔記得啦，個 Algorithm 係知度既。偶給予佢既評語係「沈默」。

另外 Workshop 個 Quiz 肯抄張紙仔一樣無問題，不過抄得晒既話就係，抄完都要寫得切呢，偶既結果就「窩河」。上期個 Quiz 有 60% (真係 Thank God!)，比想像中好好多了，畢竟 D Syntax 記錯哦。

4. 晚飯好難得咁食 Canteen 既飯盒，發覺阿海先生果真不錯，偶給予佢高度的評價！自己食楊州炒飯，分左五分三俾阿海先生，之但係都食唔晒呢。。。真係陰公。都唔知自己係咪魔鬼來，無啦啦問佢飲唔飲咖啡，佢又話飲，咁就行去 StarBucks 買杯 Mocha 同 Latte，哈，衰鬼，杯野仲貴過盒飯，都係我唔好！咁又見到有 Dessert，咁就買左個翻去食！偶心目中既 Din 一定要有甜品 / 生果先叫完整呢！唔算係享受架。真係食得我幾開心，呵呵。

5. 雖然食得開心，但係發覺會唔會真係太大洗呢。我係知道搵錢辛苦，唔應該咁快追求物質享受，而且咁後生未挨過苦就唔應該話要享受。Um... 很好的，我會檢討！

6. 今日好凍嗎？偶覺得一般呢，學員見到又問，係買咖啡既途中見翻 D 同學又係咁問。我咁體弱，見我著衫多少就知凍唔凍啦，哈哈。咁今朝打波著短褲出街嘛，咁夜晚出街照著短褲啦 (我有換到另一條褲同衫的，巧衛生架！)

巧正呢，某某的打扮真係令我震憾！！！真係估佢唔到。。。另外另一個某某既打扮無乜點令我震憾，反而令我記起 Kinki Kids (堂本剛指定！) 係節目度唱既 Hakka Candy！再一次估佢唔到啦。。。OMG



7. 做乜咁多人聽到我打波既事宜咁驚訝既！？我唔係無時無刻都做 D 靜態既活動，我都會做運動架！羽毛球真係不錯，唔會同人有身體踫撞，自己又輕又細粒，踢足球打籃球肯定俾人震飛都似，我唔想甩手甩腳呢。。。

8. 正！妳又寫 Diary，支持支持！



搵我嘛，我係酒筲箕黎架！飲幾多嘔幾多，一滴不漏！妳千期唔好唔開心呢，我都一樣會唔開心架，哈哈。

9. 任何事都係 No Pay No Gain 呢，但係 Pay 左都唔肯定有 Gain 架喎。先生，你見唔到我個 Auto Reply Message 話我睏左咩？唔識字架你？愚人節都唔洗 Flood 我個 ICQ 嘛，都叫你打電話俾我 / SMS 我架啦，不過你打俾我都聽唔到 A_A”

下次唔敢唔帶電話了。。。哈哈

10. 無聊 IQ 題第一擊：

Q1：有一日.......阿john、peter、tom同埋mary放左學，經過百佳超級市場果陣、見到佢地班主任晌度撻野，當時佢地詐諦扮見唔到就返晒屋企..........點知到左第二日，佢地班主任俾差佬拉左，D 差佬話係有一個人報串、而家就要估佢地四個當中邊個報串。

[Answer Here]

Q2：有一種橡膠製品，男女都必須小心，如果在使用中滑脫，盛載在裏面的東西漏了出來，那可能會搞出人命，請問這種橡膠製品是什麼東西？

[Answer Here]

玩住兩題先 :D

Last. 藥力開始到，對眼開始對唔到焦了。。。要覺覺豬，不過已經 0010，明天還要努力！

---
打完波個感覺真係好爽呢，我要流汗呢！真係有衝動每個禮拜都打波！用左手打下都不錯，可以練下隻左手！每人 $20 兩個鐘又唔算太貴。不過打爛三個波算唔算快多少呢？

真係唔好睇少 D 阿姐阿叔，佢地好 Pro 架，個個禮拜，甚至隔日打架，睇下佢地既腳瓜榔直情係爆出黎咁制！聽到佢地打波打到 Pok Pok 聲真係令人熱血起來的說！

市政局個羽毛球班都唔錯，不過朝早怕撞時間，晚黑又怕攰，但係肯定平過自己 Book 場打。另外都想去學下羽毛球，就咁打係 OK，不過離進階程度 (即係阿姐阿叔級) 仲差好遠，不過有 D 技巧仲差好遠，Drop 波殺波都係差少少。

講完晒，1300，唔睏晏覺了，但係好攰。。。又要做 Project！天殺的 Project！之但係我算唔算放棄佢地呢？咁耐都未完成，其實想睇多次《哈爾的移動城堡》，都仲係有多少唔明。