尋晚掛住睇電視節目無溫過書，諗住今朝早 D 起身溫溫佢，早就早起身啊，不過成九點九先開始溫。今朝起身之後同溫書之前做過 D 乜野已經唔太記得，好似燒緊碟。燒到如火如荼之際就醒覺翻原來自己要溫書。。。 6 課溫得 4 課到就走左。不過好彩俾我搵到個叮叮粉，都算有野食又唔係公仔麵。

翻到去諗住會遲到啦，點知又無塞車，叫做準時翻到啦。但係開始有多少懷疑洗唔洗翻 Lab 呢。點知翻到去真係「頂！」，真係無 Lab 上。。。心情直插谷底。究竟我翻黎做乜！！早知係屋企溫下書好過啦。不過之後都係無溫到書喎。走左去開房睇戲，這個「驚天十三日」真的不錯，不過唔知佢地 D 歷史背景唔多唔少有 D 亂。睇完之後就打俾友人甲。。呢位友人真聰明，知道唔洗翻。。。

約係 Core A 等，以為佢係個面巴士站上黎，點知佢都係隧道口行過黎。。。激死。
佢上去搵個 Professor 搞 GE 個 Topic，咁我無奶油入埋去架，無啦啦見到有個牌指住 Cafe，咪出去睇睇係點樣，未入門口已經見到一個好有暴風女神 Feel 既女仔企係個 “搏” 道，望真 D 原來係阿媽黎。。個頭再 pan 去另一面原來另一個阿媽都係度。。。呢 D 咪叫做「撞到應一應」，好彩唔係仇人。唔係都幾搞笑。

之後又係同一地方見到另一個同學仔，咁又 Join 埋一齊。不過之後都係 Hea 到做 Test。
個 Test 如果睇過下 Notes 又明既真係唔算難，可惜都係自己問題啦，知點做，不過唔知有無做錯到。做完去買野食，友人甲差 D 以 $3 / Laser Print 去印佢既 MM Report！？真係嚇到我「嘩」的一聲。好彩臨尾阻止左佢姐。填問卷仲唔煲爆佢！等幾耐。之後又俾佢放飛機。咁就一日。聽日終於可以做下自己野。

P.S.
1. [怨念] 仲諗住借本教人包裝既書，點知俾人放飛機。。。[/怨念]
2. 聖誕送乜野已經諗好晒，之後就要著手去買同整，都幾花時間下。
3. 買 NDS 定買 PS2 已經有決定！我係會買 NDS 的！部 NDS 既暫擁有者都已經諗好左。Good。
4. 哈，今日唔 Gel 頭其實係因為覺得唔 Gel 頭個人其實係舒服 D，唔會「蠟」到咁衡。
咁我 Gel 唔 Gel 頭好呢？
5. 都係同你講，可愛 + 叻叻 既人 Download 野係快 D 架啦，你恨唔到的。YeaH ~
6. 都仲係同你講，你講個句「係咪食野既無得做啊？咁我依家唔食係咪即係有得做？」十個可愛有十一個，直情係是日金句！正！呵呵呵 ~
7. 你班人亂拋垃圾人人 $1500 俾我 A_A”