2434，夜媽媽，講得 D 乜野，開始！

1. 今日就係長期保持住呢個桌面 ↓



咁呢，應該聽日入黑之前就打得晒 D Notes，之但係另一個問題就係：究竟影唔影得切印呢？如果要等埋 Lesson 3 既 Notes 先拎去影印的話睇怕又係趕唔切。咁點算好呢？！

呵，等我搞好晒所有 Notes 之後就會散播出去俾 D 朋友仔 ~

2. 咁近幾晚都早左睏覺豬，家下成點都未睏，真係幾攰下。除左攰之外，就係痛！點解痛？因為雙手都甩皮，咁手多既我實會「Meed」佢，咁手背就 Meed 得好爽，大大塊咁。之但係到前臂就麻煩，雖然都係大大塊，但係弊在有手毛， Meed 個陣通常都抆到 D 手毛，真係一路 Meed 一路痛，但係唔 Meed 又唔自在。

其實都甩左都有好多日，咁大家出街見我隻手好滑無乜野咁。其實只係塗左 D Gel 落手到，唔係 Gel 頭既 Gel，係潤膚既 Gel。塗完之後完全唔覺甩緊皮。

咁今日細佬又話曬到甩皮，佢既完因係游水，佢都話要塗翻 D 太陽油先得！都真係咪話。

3. 今日好開心總於又俾我等到，呵，畢業公仔嘛，實幫妳搵下既，仲有大把時間。之但係唔好唔記得話翻個答案我知！

今日成日 Avaliable，都多左平時唔會搵我既人問我野，例牌係同電腦有關問題，答到既咪答下，但有 D 真係唔知點答佢地好，又要講到佢地明白先得。

PS. 咪以為我 Avaliable 會得閒，其實都幾多野做！

4. 《3rd Alpha》終於出了，不過未入手。呵，楠葉繼續搖 ↓



之但係有傳後繼機又係龍虎王。。。用楠葉既興趣大減。反而超男唔錯！一開始就 GGG 打七原種！

5. 仲有 D 鎖碎 Points ↓

‧信仰生活中其實有一個問題困擾住我，唔知應該點處理好。
‧好耐無同該位朋友仔閒談，唔知佢呢期點呢，Diary 都無寫。又唔知佢係咪忙爆，見佢 Online 都唔敢搵佢。又係時候 Send 個 E-Card 過佢先得。
‧照推斷原來開班既堂費都唔會太耐到手，我有晒 Plan 點用 D 錢架喇。
‧《Slow Dance》收視每況越下。。。有咁多有實力既演員都搞成咁，都係個劇本寫得比較悶之過。。。

2527，飲完盒奶就覺豬了，明天還是一樣要努力！Fighting！That’s All.