2243，啊。。。Mommy，救命啊！

1. 今日既活動還是老活動：打 Notes。。。教 PhotoImpact 教到我咁都算陰公，係咁揭兩本 Photoshop 書 + 激舊 PhotoImpact 書。尋日來左個正面，今日就黎個側面。



真係咪話，頭都痛埋。。。本來都好地地，之但係到 Soften Skin 個陣發覺 PhotoImpact 好多功能都比唔上 Photoshop (可能用唔慣掛，不過我都係覺得係 D 功能唔得完善)。研究左好多方法，不過一係做唔到，一係就要花好長時間去做，總之就拔甩啦。

去到呢個 Moment，今日放棄唔打 Notes 了，如果做多 D Exercise 既話聽日都唔會話無野教，不過就睇下聽朝趕唔趕到 Soften Skin 個 Notes，趕到就多好多野講。

我覺得做老師唔難，做一個好老師就難難難。。。自己又唔想 Hea 爆教埋 D 廢野，想教得深入 D，但係又唔知從何入手好。Photoshop 好多 Function PhotoImpact 係無，真係勁麻煩。。。唔通今次又係自己要求高？！

唯有祈下禱，自己再努力點吧。

PS. 再一次開左張空頭支票，D Notes 都係未影印好。。。好似好對唔住班學生咁。

2. 有時 D 野真係咁「橋」，估唔到大家同時間 Send Message 過對方關於同一件事。。。



你就唔應該啦，係到吊我癮。。。托賴我 1600 未夠都 DL 完。咁呢，襯食飯既時候試晒 4 部機 ↓



其實 4 個主角 & 機各有各吸引，真係唔知簡邊部好。。。又想搖又想熱血。。。不過無時間玩住，要下個禮拜先得閒。

3. 今日情緒大起大跌，Notes 方面由於個腦塞晒打唔到好 Down。《3rd Alpha》既出現又令我好興奮，可惜未有得玩住又頹低。。。

本來諗住直接將 ISO 過去 HDD 用 HD Loader 玩隻機戰會 Load 得快 D，之但係就係搞呢樣野搞左我幾粒鐘，最後我都係要屈服燒左隻碟出黎先再用 PS2 過隻 Game 落 HDD，激死我。到依家都唔知點解 PC 過去 HDD 會有問題，以前試過都得架喎。。。

不過仲有 D 興奮事既，今日撈左兩首歌翻黎，發覺好正，非常熱血！極上熱血既當然係影山弘信係 PS2 《龍珠武道會 Z3》唱既 Op，真係聽到火洽洽。另外 T.M Revolution 係《戰國 Basara》唱既 Op 都唔錯！前者必聽，後者有機會都要聽！

4. 又係一 D 碎 Points，呢 D 碎 Points 等我得閒 D 會詳細少少講翻 ↓

‧無記尋日播個套《Doraemon》好似係重新畫過，畫面質素好左好多。另外佢首 ED 都幾好聽，不過唔知叫乜名又搵唔到。。。
‧根據友人既說法，我唔係細路仔，係細路女，啊。。。
‧乜原來 D 港姐咁後生架，真係 18 22，點解佢地 D 18 22 個樣好似咁老既，自己圈子 D 18 22 都唔係咁既。
‧有時 D 野呢，我係知道 + 記得的，不過費事講出口咁解唧。無話戒唔戒意既，咁咪大家齊齊扮唔知。
‧其實偶爾不時都會 Send 下 E-Card，呢期發覺有間都唔錯的說！哈，可惜呢期未有時間去 Send。

2334，That’s All.