2320，今日終於記得 D 野啦！

1. 一係遇唔到，遇開就遇幾次。尋日撘車見到 Jerome，今日就見到阿寶，不過係返學既時候。其實有時撘車真係想睏下，但係遇上朋友仔既話無理由睏架嘛。咁呢，成程車就傾下計無覺睏。

亦都因為咁，眼睏到頂點！十二半上完堂之後唔同同學吃 Lunch 就歸家，開頭諗住慳 D 錢自己煮，但係諗諗下不如買 D 野食算。結果買左 D 野食又整左少少野食 ↓



本來仲有個孖芝，不過食左。呢期食左好多次老麥，次次都係為左個星星薯餅。不過覺得好唔抵，所以嘗試買 D 薯餅返黎自己整，不過口感係唔同 D。真係好熱氣，家下生左好幾口「飛滋」。

呢期真係窮到呢 ...



2. 好！講左 D 好野先。今日 Wilson 陪我傾左好耐電話，比左一 D 意見我。咁呢 ... 有時都估到大家會有甚麼答案，只是問下傾下咁等自己可以加快決定一些事宜。

講完好野又要講衰野！如果「遲到」既時間會令壽命相同地減少，就算 Wilson 有 100 歲命，我想佢已經早入天國了 ... 呢個人既遲到問題好嚴重。話說佢返一點半，但係十二點四十五分先出門口，仲專登「打的」去地鐵站撘地鐵。到左一點十分，佢就係金鐘地點站。佢見自己一定遲到，佢就決定走堂。之後撘車回家，回到家既時間係兩點十幾分。

我不禁說句「我的天啊！」。點解會有呢 D 咁既人，特登「打的」趕返學，但係半路中途折返。花左約三十大元及九十分鐘時間 ... 呢 D 人無得救了。



3. 因為 Wilson 有咁嚴重既「遲到」問題，就無啦啦講起「要有人治佢」。係囉，通常呢 D 人要搵個人治下佢就岩！可惜要搵到個人治到佢都幾難 ...

同樣地，我都想有個人有能力治我。某程度上「比人管」係幾好，唔洗諗點做又唔洗煩，最多咪黯然接受。但係要搵到個人治到我 ... 唔係無可能既，難難難吧！我點會咁易比人治到，呵呵呵。

話就咁話，我可是小男人來的！



2400，本來仲有 D 野要講，不過攰攰地，留返聽日先。That’s All.