1. 今日進度非常之慢。。。成日只係做得半年 Past Paper。。。今日自己都係比較心散 D。計數呢家野真係一唔小心就錯到一分都無。。。唔知點解自己諗錯曬方向，行入掘頭巷。。。真係激死。

仲要做做下個陣又飛左隻大蜜蜂入黎。。。頂！！驅蚊機可唔可以驅蜜蜂？得既都真係要買翻部先得！下下咁俾 D 小昆蟲纏住都唔係辦法。

2. 今日翻教會既時候，總於有人叫我試下翻禮拜年既青年團契。這個呢，禮拜六 D 時間都頗黃金呢，又同朋友仔話翻佢個個對我係老遠既教會，都係遲下先算啦。

咁之後就走個陣去左惠康買野，就係買左呢 D ↓



全部都係酸酸地既但巧甜既糖，有酸沙幻彩毛毛蟲糖、酸沙雜果迷你圈、可樂軟糖。呵，我係細路仔，所以鍾意食糖都好應該的！已經開曬咁多包了，聽日先補翻 D 相上黎。嘰嘰。不過屋企人見到 D 糖既時候都有 D 微言，唔理得咁多，鍾意就食，呢 D 就係「無一物」，哈哈。

PS. Bernie 個本野已經成功到手，聽日拎去寄。

3. 話時話，呢個 .gif 就係巧正，我要錫錫，YeaH！



4. 見今日進度咁慢，真係唔多想翻聽日個 Lab，要追翻今日所浪費既時間！個個爛鬼 Quiz 紙仔都費事抄，哼！之不過聽日係最後一堂，都係翻翻去睇下乜環境。唉。。。大家已經開始寫 E-Commerce PHP 了，自己還是甚麼也沒有做過的說。這就是「應該做的不做，不應做的卻去做。」。請饒恕我們的罪。。。

5. 分享個令到容易入睡既小方法：

失眠時，好多人會飲鮮奶或數羊，但結果更難入睡。其實平常人呼吸的原理是吸氣短呼氣長，下次如想安睡，只要相反原理，吸氣長而呼氣短即可，在五分鐘內會入睡。

That’s All. 聽日早 D 起身計翻年 Short Questions 先翻 Lab 如果真係翻的話。

嘩。。。好攰。。。講幾個 Spots 算，無睏晏覺。。。尋晚又夜睏。

1. 今日有人問我點溫 CA，咁其實都無乜可以點溫。。。Concept 既野都係平時積落，不過醒起上年阿 Sir 有本雞精 Notes，咁就搵翻出黎借過佢地影印啦，又勾翻 D 美好回憶。

就係呢本 1cm 厚既 Notes ↓



所有 CA 既 Topics 都齊曬，最堅就係呢個 Q&A，直情問題 + 答案，記得曬大部份肯定 C 到。 ↓



點樣先可以避免中毒？咪就係 Common Sense 啦！



不過講翻個本野，最記得係 Last 個堂先派！真係俾佢激死！考 Mock 前派咪幾好，個陣大家都無言。。。其實係估佢唔到有本咁既野，真係算幾唔話得架喇。

2. 見講開 CA，就講下以前上 CA 堂既事先。最記得係第一個 TAS 係要寫網頁，滿分係 30 分，我個陣拎 28 定 29 分，有其他同學問個一兩分扣左係邊度，阿 Sir 話扣 Design 分。其他同學就話「你扣佢 Design 分，你唔係嘛。」個次個 Lab 大家都好似做到無左半個 Lunch。

之後仲有 Excel、FoxPro、Word，FoxPro 好似有兩個。Form 7 個 CA 堂就排左去放學前個堂，就係為左大家方便做 TAS。開頭阿 Sir 就話做 TAS 個陣唔傾得計既，仲要隔位坐，不過只係初頭。到中期到佢已經放棄，由得我地係咁傾、走來走去都唔理，點解？最為大家都想早 D 翻屋企。。。

另外 FoxPro 個兩個 TAS 就最爆笑，就係通常做唔到既就係電腦問題，真係做到爆曬粗！其實佢自己出個 D TAS 其實都好多錯處，真係做落先知。。。咁多堂之中，上 CA 堂真係上得勁輕鬆，大家吹吹水咁就夠鐘。

呢個就係最後一份 TAS？係做 PowerPoint ↓



另外仲要幾樣爆笑野，首先就係坐隔離個個女仔入親 Computer Room 都係去 Check E-mail。另外 Form 6 個年就要係咁入去阿 Sir 係 D Free Web Hosting 既網 Download Files，勁多廣告彈出黎，Close 極都有。。。最後就係去阿 Sir 個網睇佢個 BB D 相，哈哈。

PS. 1. 至堅都係呢樣，我地學校 Computer 科有個慣例，就係成日教錯 / 教漏 Syllabus。。。今次都係，就係教漏 SQL Command，係放假個陣 Send E-mail 黎話翻俾我地聽！



PS. 2. 另外有樣野大家應該唔知 (LMC 既朋友仔限定) ，我地學校 Computer 科係咁多科之中增值率係最高的，即係由唔識學到識既比率最大，好似 CE / AL 都係考得比較好。

3. 今日做左年半 Past Paper，真係好攰好攰。。。眼都摺埋咁滯。。。最要命既係 Maths Part 既 Long Questions，真係做我成粒鐘一題。。。識個 D 都要半個鐘一題。六題 Long Questions 快極都要 3 個鐘、計埋 Short Questions 要做一個鐘。一年卷快就做 4 粒鐘、不過呢兩日都要用成六粒鐘先做好。。。唉。。。

That’s All. 聽朝早 D 起身做埋餘下個半年 Past Paper 就翻教會，之後再搏殺過！Yeah，妳要錫錫先得，哈哈！

1. 今日有人同我講「原來你月尾 M 既」。個陣覺得有 D 料到喎，呢期真係好煩燥！咁自己再睇翻上次發老脾既日子，就係 Mar24。。。原來我 D M 都黎得幾準。。。沈默。。。

都話男人都有「經前症候群」架喇，係我身上完完全全顯靈曬出黎。就睇下下個月尾係咪又黎 M。

2. 今日係計數日，朝早搵左個朋友仔幫我補底，花左數句鐘既時間去勾起當年的回憶，依家都記得翻點計，真係要日做夜做先得。目標係一日做兩年半卷！不過其實都幾難，識就可以做到，唔識既都要慢慢去諗。不過今日已經完成左 00 年既 PastPaper。聽日應該做 01 同 02。

真係十萬分感謝肥仔鼎力相助！我諗呢幾日都要不斷打搞打搞再打搞了。頂多遲下請你飲個 Tea。

3. 之後翻去學校附近既酒樓同老師同學弟食 Lunch，又係老師請，真係唔太好呢。其實都幾粒月無同佢傾過近況，時間雖短，不過都講左好多野，就係將由過年至現在係 Poly發生 / 遇到 / 感受濃縮曬再講出黎。

咁佢係一個美術老師，咁見到我上期整個本「我們都在路中」小冊子就當然會講兩句啦。哈，太家都覺得不錯呢！真係神來之筆。係個期好有感受先有個個 Idea。仲要幾日內完成先神，學另一位老師話，這是神的安排來的，要感恩唷。其實佢話我以前幫佢做 Art Work 都要花好耐時間，其實都一般啦，只係做小冊子比平常快，真的很感謝。

老師話我開心左，但其實都唔係啦。係個個 Moment 開心 D 咁，諗起下年就真係頭都痛。咁呢，都 OK啦，呢年都未至於白過既，識到好朋友就真係最值得安慰，不過下年唔可以一齊上堂了。呵，可能有其他野令我開心呢，自己都唔知，可惜唔係識到女朋友，哈哈。不過真係開心左？我就覺得一般啦。

老師問我翻教會既事宜，問要早起身會唔會要爭紮一輪 (都知我係要睏好多先夠既人。。) ，咁好好彩都係戰勝睡魔，都好到身。屋企人對呢件事既睇法係不反對也不贊成，都幾自由架。但係從另一個角度睇，即係無人理。。。不過家陣諗翻，又唔係話特別識到人，有時講道都真係幾悶，之不個翻教會個幾粒鐘我覺得個心好平靜、感覺好舒服，可能就係呢個原因令我翻去掛。不過與其話被神、牧師、經課打動，我覺得是被那位老師打動吧，又學佢話，呢 D 就係神既安排呢。

咁之後再講下學校 Summer 會開興趣班問我有無興趣，其實之前另一個老師都問過我。不過今日先知道要四月尾交 Proposal，即係下個禮拜，好似趕少少。有得揀就梗係教 Photoshop 啦，真係好好玩，幫學校陪訓翻 D 用電腦繪圖 / 設計既人。由我 97 年 Form 1 開始到我畢業呢七年都好似無人係用電腦設計。。。到我走左呢一年都未有人接棒，多少遺憾，但係 D 人用手畫就好堅。。。個個考 Art 都坐 B 望 A。個 Proposal 要有 D 乜都唔太清楚，不過以多年經驗，係學校做呢 D 野完全無著數，仲應該要蝕，但係又好似好好玩咁。等我之後再問問先。

4. 今日 Java Test 都幾賴野 Feel。。。好簡單頭 15 分都拎唔足。。。睇怕補底都有我份架喇。做乜我同人覺話我唔識既時候大家唔信我呢？無溫個又無做個 Exercise 都幾難會自動識呢。做完之後就翻歸了，咁就開始計數。

5. 突然間唔記得左仲想講乜野。。。算數，聽日記得先補翻。That’s All.

---
在你心中有這樣的一個人嗎？

你們可能相愛過，你們也可能喜歡著彼此，
但是，為了什麼原因你們沒能在一起？
也許他為了朋友之間的義氣，不能追你。
也許為了顧及家人的意見 ，你們沒有在一起。

也許為了出國深造，他沒有要你等他。
也許你們相遇太早，還不懂得珍惜對方。
也許你們相遇太晚，你們身邊已經有了另一個人。
也許你回頭太遲，對方已不再等待。
也許你們彼此在捉摸對方的心，而遲遲無法跨出界線。

不過即使你們沒在一起，你們還是保持了朋友的關係。
但是你們心底清楚，對這個人，你比朋友還多了一份關心。
即使不能跟他名正言順的牽著手逛街，你們還是可以做無所不談的朋友。
他有喜歡的人，你口頭上會幫他追，心裡卻不是很清楚，你是不是真的希望他追到。

他遇到困難時，你會盡你所能的幫他，不會計較誰又欠了誰。
男女朋友吃醋了，你會安撫他們說你和他只是朋友，但你心中會有那麼一絲的不確定。
每個人這輩子，心中都有過這麼一個特別的朋友，很矛盾的行為。
一開始你不甘心只做朋友的，但久了，突然發現這樣最好。

你寧願這樣關心他，
總好過你們在一起而有天會分手。
你寧願做他的朋友，彼此不會吃醋，才可以真的無所不談。
特別是這樣，你還是知道，他永遠會關心你的。
做不成男女朋友，當他那個特別的朋友，有什麼不好呢？
你心中的這個特別的朋友...?
是誰呢？

很多的感情，都因為一廂情願，最後連朋友都當不成了，常常覺得惋惜，
可惜一些本來很好的友情，最後卻因為對方的一句喜歡你，
如果你沒有反應，這一段友情似乎也難以維持下去，
這也難怪有些人會因此不肯踏出這一步。

因為這就像是一場賭注，表白了之後不是成了男女朋友，要不就連朋友都當不成了。
有些事不是你能預料的，或許對方不在意，你們還可以是朋友，
但卻已經不如從前的好。也是可惜，也是遺憾！
但還有沒有可能是另一種情況，你可能永遠都不甘心只是朋友。

>>> 很明顯。。。我是有的。

好攰，講幾句算。



1. Bio。。。Paper 1 好過上年多少，Paper 2 差過上年好多好多。總結：原地踏步已算好了，只弊就係拎個 F / U 翻黎。

現在唯一寄望就係 Next Wed 既 Maths & Stats！不容有失，真係乜都唔做都要狂煲數！唔係咁多科真係白考。

2. 僕街啦！咁咪撚 Present。唔知點解我覺得佢個格勁賤，係咪錯 Grammar？！真係想笠佢。與其都唔齊人又準備唔到，唔好浪費大家時間。唔好 Pre。正僕街！



話時話，今日仲無啦啦響組叫 Pre，人都唔係度， Pre 條毛。

3. 呢期火氣大，易動怒。真係有乜唔順眼已經鬧左。怪我都無用，心理不平衡既人係咁。

見到無記呢期個兩套劇就火起，早 D 做個套硬係低低能咁，激唔鍾意個 Tone。甚麼學警仲惡頂，熱血得好假囉。套套咁既劇都話我要做個出色既消防員、員警、律師。。。仲有首主題曲唔好播好過啦，勁唔掂。最憎就係個個長頸怪，唔知點解覺得佢對眼好淫賤，把聲又難聽。Damn Shit！

係喜以上既劇 / 人物既人要嬲都無用，只係我既個人感覺，就係咁直腸直肚。

4. 聽日好忙，朝早九點搵左個朋友仔幫我補數、之後十二點又約左老師飲茶、再之後要翻歸搞搞個 Internet Programming 既 JAVA 再翻去 Test。要早 D 睏！你老闆！

5. 今日最開心就係有得扭計，YeaH！



激想爆粗 + 爆粗ed。That’s All.

---
唔講考試住。心情持續唔好，講翻一套動畫，自己幾鍾意的，就係《最遊記》。



故事開頭係講人類同妖怪一路相安無事，但係係文化同信仰之地「桃源鄉」既妖怪就到負面波動影響開始襲擊人類，之後發覺原因係有人想令牛魔王復活。於是觀世音菩薩就搵左玄奘三藏一行人去阻止牛魔王計劃的發生。

其實兜兜轉轉都係未講個牛魔王復活計劃的 (可能作者唔想完故事掛。。。) ，展轉遇上唔同既人，有紅孩兒一行人、鬥神焰太子 (呢個堆人係 TV 版第一輯既內容。) 。到 TV 版第二輯《Reload》就同另一位三藏決鬥。TV 版第三輯《Reload Gunlock》就未睇。。。

主角就有四位，就係以下呢四個↓



其實佢地四個同原版《西遊記》一樣有著唔同既背景同過去。悟空一樣係由石頭爆出黎、悟淨就係禁忌之子，由魔怪同人類所生下既半人半妖、八戒就係因為為左救自己心愛既女人而殺左過千隻妖怪而變成一個妖怪、而三藏就係光明三藏法師既徙弟，亦都繼承左魔天經文。

PS. 係《最遊記》的世界，「三藏」係一 D 德高望重既法師既稱呼，但係只有四位 (好似係) 係真真正正有經文在手既「三藏」。一位就係光明三藏 (之後就係玄奘三藏)、另一位就係烏哭三藏法師，另外兩位唔記得。

點解會鍾意呢套動畫？首先呢套片係我第一套買既 DVD 動畫，個陣曾經為佢既畫質震憾過。畫風都不錯，我好鍾意佢個種分格。故事都 OK 啦，特別係講翻四位過去個陣，睇 TV I 都好緊張，真係會去追離睇，但係 Reload 個陣係睇到「仲未完？唔係嘛。。。」，Gunlock 應該睇完《攻殼》兩輯就會睇。睇佢。最主要我鍾意佢個種「價值觀」，特別係三藏的那一套。作為一個年青人，都有點反叛。睇下以下 D 經典對話就知道佢那套是怎樣。

↓
三藏：「既然這麼想接近神，那乾脆去死算了。反正大家死的時候都會變成佛的，就像那邊的和尚一樣。」

悟淨：「不過很可惜的…我們都還活著。」

↓
三藏：「我要為自己而活，為自己而死，這就是我所擁有的驕傲。」

↓
三藏：「禪道之中…有『無一物』這句話...『佛擋殺佛...神擋殺神...』不受任何東西的束縛，只按照自己的意志活下去。師父只教了我這些，而他也只讓我繼承這些。所以，不管敵人是誰，我都會持續地把…阻擋我去路的東西通通殺光！」

↓
三藏：「殺人者並不完全是壞人。在這種世界上，當然有些人不該被殺卻慘遭毒手，但是有更多人是應該被殺的。」

三藏：「可是，殺人的那些人，同時也必須要有被殺的覺悟才行，那就是所謂的因果報應。」

三藏：「所以，在這世上不管是壞蛋還是什麼，最後能存活下來的，是那些擁有堅強生存意志的人。」

可能你地會覺得好無聊又或者係歪理，但其實都講得幾應棍。有睇個套動畫都知，佢係一個酒肉和尚，又煙又酒又打牌，基本上甚麼戒都無守，唯獨係不近女色！以下呢幕好經典呢，係 Reload 最後一話的片段。



三藏：「……『無一物』------ 有這麼一句話，是老師留給我的。」（一邊重新裝填子彈，一邊繼續說道）

三藏：「--- 不被任何事物所捕捉、沒有任何束縛地活下去。」
（前面這一句話是光明三藏送給三藏的解釋）

三藏：「但是全部捨棄而活下去是正確的嗎？我打算用我自己的方式來解釋。」

三藏：「…… 倒不如說是我被什麼事物給捉住。這就是『無一物』。」（浮現悟淨、八戒、悟空的身影）

三藏：「不再迷惑了，我有我自己的生存之道 ------」

三藏：「------ 玄奘三藏所稱呼的『無一物』在此。」（話說完的同時，子彈也裝填完畢了）

小總：或許就係三藏的一份執著同價值觀，真係好有共鳴。「我要為自己而活，為自己而死，這就是我所擁有的驕傲。」。也許也要學他們面對困難時要勇敢面對，不作逃避！還要的是忘記過去的悲痛，努力生存下去，因為只有堅強的人才能生存下來。

PS. 1. 大家見到咁多男性角色，以為係男性畫家畫？那麼錯了，這是由女性畫的，是峰倉老師。唔怪之得同平時睇既既男性為中心既動畫咁唔同啦。

PS. 2. 另外《最遊記》既歌都幾好聽的 (只限 TV I，之後 Reload 都唔好聽。。。) 首推就係所有歌曲 Piano Solo，真係好聽到呢，又有共鳴喎。另外 Vocal Version 就會推兩首結尾曲：《Open Up Your Mind》同《Alone》，其中前者係少數動畫歌有大量英文的，聽起來的感覺都很好的。

PS. 3. 貼多張三藏圖！

1. 睇唔開呀！頂！！聽日好送死 Feel。。。唉。。。死 X 街。要早 D 睏，成日坐唔安成唔落。





呢期就係對住呢本野，本來仲有本，但係搵唔到，結果有兩三個 Topic 無溫到。。。咁仲點會唔死呢。

2. 唉。。。又係 Adobe。。。Macromedia 咁就俾人食左。。。Macromedia Freehand 再見了。。。唔知係咪叫 Adobe Dreamweaver、Adobe Flash 咁呢，哈哈。不過有樣好就係唔洗將 D Format 轉來轉去呢。不過其實咁可能會又壟斷左個 Market。。。到時要俾幾千銀買本來幾銀既野。



3. 除左 Macromedia 俾人食左既消息外，另一個消息就係比卡超再次回到無記！到時又有比卡超熱了。唔知係好事定壞事呢。

4. 唔講了，2305，真係要早 D 睏，好睏。。。無晏覺睏。不過今日終於聽左甄妮唱既《奮鬥》，真係巧正呢。大家有樹就留底言過我吧。That’s All.

---
唉。。。心情又差過。。。陽光燦爛點便好了。。。

Adobe。。。真的令人又愛又恨。。。又出 Adobe Creative Suit 2。。。真係買既話要差唔多成萬銀！！癡線。。。不過佢 Photoshop CS2 新功能都好似幾吸引下。



---


這句真的巧棒！很好，我會照做的！

---
見到呢個公仔就唔知點解好想笑！哈哈。



女人真的好煩。。。點解？溫完書再講。