再唉。。。癡膠花架！！

---
今天。。。唉。。。

1. 唉。。。



C+ 。。。諗住都有個 B 掛，結果無。從另一方面想，其實都空左幾多題，算把啦。不過唔想再多一科負擔。。。鬼佬個個直情係天敵。唔想再多科拖垮我！

2. 唉。。。唔收兩日 E-mail 就咁。。。99% 都係廣告 + 鹹網！個 E-mail 都用左好多年。應該好多 Ad E-mail List 都有我份了。。。



3. 妳睇曬《前男友》呢，真係太好了。係咪好好睇呢？無介紹錯架！不過呢，妳打錯字啊！係廣末涼子，唔係「廣未」唷！仲有就係最後堂本剛都係同涼子姐姐一齊架！只不過係涼子姐姐去神戶，堂本剛唔去呢！所以佢都係同翻前男友一齊！



你講兩講我又好想睇多次添。。。哈哈。主題曲都幾好聽啊，係 Kinki Kids 既《Hakka Candy》。

4. 已經 Week 13 了，個幾萬蚊就快無曬。心情又喜又悲啦，喜咪又放假，可以開始我各項既計劃、活動。悲就係要趕 Projects同考試，又少左好多機會見 D 朋友仔。。。唉。。。下年都知點。勁唔開心。。。

其實我呢幾日係咪唔應該搞個 XangaLogger 搞好 E-Comm 個 PHP 先呢？不過乜都唔想做。

PS. 放假一定要搵工做！話時話想烤 B Q、去 Camp、打牌、鋤 D 同試下飲酒嘔既感覺！

5. 唉。。。真係覺得好無奈 + 無助 + 唔開心。。。大家亦終於見到 Negative Happiness。溫書溫到呢一刻真係想放棄。反正都應該升唔到 Grade，讀黎都有多少浪費時間既感覺，可能自己都唔能夠全心全意溫書掛，心太散了。個 D Projects 又就快到 Dead Line，又未做個，頂頂頂！

不過試都會去考既，不過都唔知再溫唔溫落去好，反正都衰唔過上年，點都 Pass。Bio 真係令我好卻步，反而 Maths & Stats 都仲有多少生機。同阿娘講過下呢件事，都係個句啦，佢都知道我係過唔到自己個關，報左考試唔溫條氣就真係唔順。但係咁我真係覺得好疲倦。。。

呢一刻真係好想好想靜靜的離開一會兒作休息，就快崩潰。。。現在想同朋友到赤柱閒談一番！

6. 唔知係咪情緒低落，食左好多甜野。。。有人話食甜野會令到個人開心 D。之但係呢一刻對 D 甜野都無乜興趣。唔通呢一刻真係無野能夠再刺激我等我情緒高漲？

不過自己成日鬧情緒都真係幾大穫，真係唔可以由情緒決定做唔做某件事。但係。。。無 Mood 真係乜都唔想做！

7. VICTOR。其實真係幾鍾意呢個名，阿娘改得非常好，又唔會話通街都係 VICTOR。個名原本係 Latin 來的，意思是 Conqueror，即係征服者、勝利者。唔知係個人襯個名定個名襯個人，自己自尊心強，好勝心都強。亦都係因為咁而成日「睇唔開」。細個個陣我相信如果自己肯努力 + 專心的話係無野難到我，事實上都一樣。但係年紀大左，發覺好多野就算自己好比心機做但係都無成果。

自己都唔會要求好高既回報率，但係都唔好咁低嘛。。。作為一個天秤仔，任何事唔平衡都會影響我的。以前都講過，溫既就 20/50，唔溫既就 15/50，都差唔多，唔做了。之但係唔溫又過唔到自己個關 (自己要求高掛。。。) ，不過真係好似好唔抵咁。。。或者自己無以前咁專心掛。。。不知道了。

唔開心既時候通常都會睇下文章咁，今日都睇左幾篇，心情好左丁咁多啦。今日有晏覺睏，皆因個個 Moment 我想放棄！後來都好翻 D 既，唯有繼續努力啦，凡事都不應太計較回報，不過唔計又唔得喎。

突然間醒起有首歌好岩我！係甄妮既《奮鬥》，我都要奮鬥！吼！！！

奮鬥

無論歷盡幾次浪
無論受盡多少風霜
無論再要奮鬥幾次
才共你到得彼岸

為你實現萬千美夢
令你樣樣事心願能償
寧願奮鬥到百千次
創出幸福快樂鄉

＊
同我兩手相牽　發千分熱千分光
燃亮著我的愛　為你照前方
同你披荊斬棘　為你衝破前途路障
獻出千般愛心與癡情
一切都奉上

重唱　＊

如果可以聽到甄妮唱既版本就好了，佢真係好得！巨肺！！

That’s All.

---
10月19日出生的人個性獨立、充滿朝氣，還是個直腸子。不過，雖然他們活力四射，但也是獨斷獨行的老頑固。愛急診的天性不僅讓他們熱中於競爭，而且所到之處還會掀起沖突的旋風，他們發起脾氣來如狂風暴雨般猛烈，但是風平浪靜後，則多半不會記恨，而且極願意私下和解。

揭發隱藏的真理是這一天出生的人窮畢生之力所努力的課題，因此，他們非常厭惡隱密的動機、工於心計的操縱和無言的。或許在煽動式的天性背後驅動他們的，就是這種想讓事情攤在陽光下的欲望，或者說，是想使真理之光照耀在他們感興趣的事情上。

有些這天出生的人很怕自己的秘密被"揪"出來，於是老把自己保護得密不透風，甚至為了躲避大眾審視的目光而變得神經兮兮。不過，就像患有恐高症的人最後還是能夠爬到最高峰一樣，他們也會自我訓練，學習慢慢地解除防衛，一旦可以落落大方地表現自己時，便是他們勝利的時刻。關於這點，他們克服羞怯或內向的成果，遠遠超過一般人。

他們獲得成功的另一個途徑是"蟄伏"。先閉關鍛煉自己的技巧，然後以更耀眼的姿態復出。不過，這個方法的危險性在於：當他們退隱時，非常可能就此停滯不前，或是習慣於怠惰的生活方式，以至於從此無法翻身復出。

今天出生的人是夠意思的朋友，也是忠實的家庭成員。但是，如果硬要這群不喜歡被拘束的傢伙安定下來，很可能就會激怒他們。他們對親近的人可能會非常挑剔，而由於他們的意見是如此具有分量，以至於有時候他們冷酷的言辭所造成的傷害，也遠比他們自己所想像的要深。

今天出生的人必須努力卸下武裝防衛，同時還要避免自己對所愛的人產生強烈的控制欲，例如，一定要當對方"最好的朋友"，而不只是"好朋友"。當他們願意退居第二線，或扮演協助者的角色，甚至甘於如此時，就代表他們的心靈成長已然跨出一大步。

建議
在想要獨立與需要同伴這兩者之間，你必須取得平衡。不要一廂情願，認為別人總是會原諒你。

塔羅牌
大秘儀塔羅牌的第19張"太陽"，可說是所有牌中最好的一第。它象徵知識、活力和幸運，也代表值得受人尊敬和回報。牌面正立時，這張牌代表清澈、人際和諧及美好的名聲等特質﹔牌面倒立則表示驕傲、自負、虛偽等特性。

靜思語
沉默是金，請讓你的行動証明一切。

優點
堅持、獨立、活潑。

缺點
好鬥、不安定、獨占欲強烈

---
岩岩搵 Past Paper 既時候俾我搵翻樣好值得懷念既野。。。就係呢份 8/50 既 Maths and Stats Test Paper！







其實份卷應該無 8 分咁多，係個阿 Sir 俾得激鬆手，其實應該得幾分到。。。咁多年測驗最堅都係呢次，其實 Econ 卷都唔好得去邊。。。

個膠箱裡面好多回憶係度呢，例如有無數未寫過既紀念冊 =.=
不過呢個時候唔係愐懷過去既時候，溫書！

今日情緒都幾高漲！呵呵

1. 朝早係屋企睇《Queer Eye》，真係睇得我激開心，食埋早餐先翻去 Lab。呢個係情緒高漲既原因之一！今日咁岩阿娘撘同一加巴士。快出隧道口個陣佢就拍醒我，我未試過翻 Poly 睏過龍！太多人落車啦。無乜塞車亦都好早翻到去。

例牌 Quiz，之後去買 Coffee 飲，今次去左都會間 Caffe Colorado 買左杯 Latte，$28 杯。心諗你憑乜野收 $28 先，Starbucks 未必係最好，但都係收 $25 杯。即管試下佢，佢有個字托個杯耳設計唔錯！翻翻去 Lab 度真係二話不說飲飲佢先，第一啖既感覺的覺 Impress 過 Starbucks 既 Latte，好似香少少，之後覺得滑少少啦，個杯既 Size 同 Starbucks Tall Size 一樣，不過裡面係少 D 呢。。。為左嘆下，真係要飲曬先動工做 Lab！

PS. 1. 終於見到杯貴 Coffee，係 Blue Mountain No.1 Coffee，盛惠 $80 OMG。。。
PS. 2. 下次我都係飲翻 Starbucks 算！哈，自己都唔係識 Coffee 之人。

今期既 Lab 可以兩者之中揀一個黎做 (其實只係一箱情願。) ，有 Set Router / 整 Cat5 Cables，其實兩個都幾想做，各有各吸引啦。不過 Router 個邊好似悶 D，俾我既感覺又沈重 D，所以走去夾線！呵呵，我係完美主義者，我要夾到條線係 Perfect！如果是是旦旦夾條線幾分鐘搞掂啦。剪線個陣 D Wires成排子彈咁射出去，好鬼過癮！大家 D線唔 Pass其實係同個 Connector 接觸不良有關，咪亂剪線再做過，搵第二部機試好過，哈！1130度整埋個 RJ-45 Jack？！就走人！

2. Lunch個陣終於寄左個 Parcel 出去，本來想寄 Speed Post，之不過要百幾銀，真係太貴了，Air Mail 就 $27.8，平勁多，又唔係等好耐。應該 7-8 日收到架喇！有曬上兩期既劇集！妳慢慢睇啦，仲有兩套愛情喜劇 (就係我之前睇個 D。)

PS. 1. 哈，我記得個幾本小冊子的！不過我翻去幾次都未拎到。。。應該今個禮拜實可以拎到翻黎！

PS. 2. 寄 Parcel 個陣個郵務員話我件 Parcel 貼得太多膠紙，癡唔到郵票。。。其實我都係想佢穩陣 D 呢，唔好怪我。。。

3. 今日聽到某某講左叫幾爆既拒絕人既句子。「我唔同你 / 妳一齊唔係因為我對你 / 妳無感覺，我都鍾意你 / 妳的，不過我無信心維持戀人關係，我想大家還是做朋友吧。」

真係好正，分手用又得、拒絕人地既追求又得！

4. 其實大家有無對XangaLogger 係有多少疑惑，我都又無人問我。個 Server 係 Orlando，係 EST。咁依家係 Daylight Saving Time，即係當地 0000 香港就 1200，AM同 PM掉轉！咁所以唔好意為你地既朋友仔夜媽媽 / 晨早流流睇你地個 Xanga。

另一樣野就係 Bugs 方面，有時段 Scripts 會 Catch 錯 Username 的，會變左 HTML Code。再另一樣野就係個 XangaLogger Client Code 唔 Support Xanga Skin的！即係 Premium 無得用？！哈哈。

PS. 1. 話就話唔會有人夜媽媽 / 晨早流流睇你地既 Xanga，不過我係例外，總會係 D 唔應該到訪既時間到訪呢，唔好覺得奇怪唷！

PS. 2. 呢期特登 Login 左 Xanga 先到訪大家既 Xanga，等大家試下個 XangaLogger 呢。大家請善用 Search 功能，好多時某 User 個 IP 幾萬年都唔轉一次個 D 就好易 Check 到。另外就係睇條 Referer Link (即係個 Visitor 由邊個 Link Click 入去。) 都可以估到下係邊個。

5. 今日除左溫書之外都係搞 XangaLogger、自己本身個 Diary 同 Xanga Look & Feel。

自己個 Xanga ↓



係咪同我個 Style 一模一樣先，夠簡約！真係好好彩俾我搵到個 Skin，巧開心唷！

6. 本來個 Server 都有個 Stats 俾我睇翻，不過呢期 XangaLogger 既關係，D Stats 去得好快，有時 Miss 左添。咁見大家用得咁過癮，自己將個段 XangaLogger 改多少去就翻我呢個 Diary，效果都唔錯！不過搵個 D Environment Variables 都搞左好耐。不過最低能係自己一開始照用 Javascript，醒唔起我可以直接用 PHP 去做，正低能仔。

平時間中都有人係 PolyU 度黎呢個網，個兩個 PolyU Proxy 都見慣見熟，這個 XangaLogger 令我大開眼界，我見到有 UST、BU 同 CU 既 Proxy 呢。

PS. 我諗我呢樹可以 Support 每日多 1MB 既 SQL Data 啦，再多我怕俾人投訴就死得。不過現在同目標還差一段距離啦。開左兩日就 ~400KB，遲下再睇下點先，都要 Mon 住個 Size。

7. 乜我個 Installation Guide D 英文真係寫得咁爛？好似幫唔到大家咁。



不過應該都唔會加中文架喇，因為預左可能會俾 D 外國人睇的，有問題都係問我啦，哈哈。

8. 每次翻完教會之後個一兩日通常都有人問下我覺得點，尋晚同今日都有，唔知聽日有無呢。不過大家都異口同聲話「認識多一點才決定吧」，非常好的說。有 D 野真係好神。。。大家都講左「Do Not Be Afraid, Only Believe」。。。

PS. 今日又打搞曬 Bernie 了，真的非常感謝妳。今日學識 Baptism 同 Gospels 兩個生字，次次同妳 Chat 都要開住 D Dictionary Software。。。見到妳既英文就覺得自己好爛。。。妳的 Catholic → Christian 的故事很「吸引」(唔應該用呢個形容詞，不過睇完令人覺得幾舒服，呢 D 就係發自內心吧。)

9. 今日其實都真係幾開心下，唔知點解呢，不過其實都有擔心的一刻。或許真是「雖然現在很苦 但仍有你（們）與我同在........... 」吧。聽日先再講講 Spot 8 的詳情吧。That’s All.

---
1.你個全名: 維他仔
2.你個花名: Victor / 奶仔
3.你幾多歲: 19 定 20 呢？！
4.有冇人同你同一日生日? 有，應該好多。。。識得既就係小學高年班的班主任。
5.你聽緊咩歌? 倉木麻衣：通往明日的橋樑
6.覺得首歌岩唔岩你? 好岩！特別係呢段！真係聽到眼濕濕。

通往明日的橋樑
可搭建到任何地方
即使受到挫折
也一定能夠到達！

雖然現在很苦 但仍有你（們）與我同在...........

7.你有冇一首鐘意既歌? 有，好多！呢期愛上 Avril 既歌。
8.沖涼鐘意唱歌嗎? 無這個習慣。。。
9.你有冇男/女朋友? 無
10.你想唔想要個男/女朋友? 想的說，我想早 D 結婚生小孩！
11.有冇男/女朋友對象? 有，涼子姐姐！！
12.你覺得你個對象有咩特別? 巧可愛啊！
13.而家同你拍拖個人既全名? 都話無咯。。。
14.拍左幾耐拖? 有多少覺得煩煩地。。。
15.點解你同佢一齊? OMG，就快找狂了。。。
16.用一首歌黎形容你同你對象既關係? 格硬黎都有既，Mariah Carey 既 Without You。

I can't live
If living is without you
I can't give
I can't give anymore

17.你鐘意TWINS定COOKIES? Cookies！我覺得某位其實都算靚的。
18.你鐘意新BOY'Z定舊BOY'Z? 乜有新同舊？！我比較 Out 呢。。。
19.你最鐘意食咩? 甜野、糖！
20.最近成日講既粗口: OMG、真 X 街。
21.你上一次唱K係幾時? 嘩。。。好耐世紀了，人生中唱個兩次 K 咁大把。
22.同邊個唱: Yan 同佢 D Friends。
23.有冇D臭事發生? 有啦。。。竟然頭痛。。。
24.你上一次跳舞係幾時? 殘念。。。一世仔未試過跳舞。
25.同邊個跳: 唉，又係呢種問題。。。無咯。
26.又有冇臭事發生? Gonna Freak Out。。。
27.你上一次喊幾時? Apr4 2005。。。睇《Queer Eye》睇得太開心而喊
28.你上一次笑幾時? Apr18 2005，即係今朝，都係睇《Queer Eye》睇得太開心
29.你而家做緊咩? 咪答緊呢 100 題同聽緊歌
30.你又聽緊咩歌? Kinki Kids：Hakka Candy
31.你最有回憶既地方? 屋企 + 中小學
32.如果比你同一個人講對唔住同邊個講? 真係多到數都數唔曬，得罪太多人了，或者同神講吧，哈哈。
33.點解呢? 自己成日鬧脾氣
34.你對上一次內疚係幾時? Mar25 2005 個期。這個 Form Group 問題鬧得好大，家下諗翻都覺得自己好低能。。。要來個 Global Apologize To 我得罪過既人 / 「Sunc」過既人。
35.有邊一次BBQ有深刻回憶: 係深水灣，見識個天寒地凍有人要拎個穿窿既發泡膠箱冰汽水，仲有見識個將個蜜糖樽蓋吉個窿插個蜜糖掃入去、仲有高科既既火槍，最重要就係見到男人之間起爐既戰爭！
36.同邊個一齊去: 7K既同學仔
37.有邊一次打邊爐有深刻既回憶: 其實都好多架，近期就係 Xmas 同依家幾位既同學仔打邊爐，講左好多野，又食得盡興，非常開心。
38.同邊個一齊去: Wilson、阿海、Vivian 媽。
39.想打邊爐定BBQ? 烤 B Q，我要起爐！！
40.你飲唔飲得酒? 有個稱號叫「酒筲箕」，不沾一滴酒，飲幾多嘔幾多！
41.你鐘意咩卡通? 最鍾意既係小熊維尼！



42.你有冇試過講大話? 有啦，講大話講到真話咁架！
43.你呢封野邊個比你? 係阿妹個 Xanga 睇翻黎
44.你覺得果個人點呀? 激可愛！！
45.你最想比邊個? 俾 Yan 做都唔錯！
46.點解比佢? 無得解既，有乜都俾佢先，咁答得唔得？
47.你知唔知你要將呢個100題比你十個朋友呀? 癡線，我唔興呢套喎。
48.你知唔知比左十個朋友個送你一個願望? 信個個正低能，技窮？要問無聊到極點既問題。
49.你而家知道左會唔會比呀? 立場堅定！唔會！
50.比一個願望你: 心想事成，哈，絕唔絕先？我想早 D 組織一個幸福家庭。
51.你最常反的校規? 帶「違禁品」、講粗口算唔算？
52.你最中2邊個? 都話涼子姐姐咯！
53.你想唔想做異性? 想架！
54.你係男人會唔會叫雞? 唔會，我好衛生的。
55.你有咩最想要? 心想事成！死未！
56.岩岩做左咩? 打緊字。。。仲有心跳、呼吸等生理必需的事項。
57.岩岩食左咩? 老麥既麥樂雞餐
58.岩岩飲左咩? 個麥樂雞餐杯汽水
59.岩岩睇左咩? 睇乜先？電視咪朝早既《Queer Eye》。
60.最近一次考試係幾時? 就係依家既 4 月。
61.最近一次鬧人係幾時? 尋晚，鬧細佬個 MK 頭！！
62.鬧邊個? 細佬。
63.你最愛去邊到食飯? 有多少氣紛既食肆，仲要衛生！Tea Time 最愛 Starbucks。
64.平時去邊到行街? 銅鑼灣
65.去邊到玩多? 都係銅鑼灣
66.你老公姓史你會改咩名比你個仔? 史太濃！
67.你老公姓史你會改咩名比你個女? 史忽葆！
68.你最想食咩? 突然間想食 Haggen-Daz雪糕。
69.你讀咩學校? 呢期係 PolyU，上期 LMC
70.至愛邊個老師? 上期既林老 B、陳老 B 同菁姐。
71.至憎邊個老師? 肯定係呢期既虧佬！！
72.你有咩係做過份左? 豫疑不決！
73.最不明白男生或女生之處? 唔明點之處。。。私處我明的，生物科有教。試下答你，唔明男生點解要面，唔明女生何謂鍾意一個人。
74.同你至愛講電話係幾時? 上期拖友係兩年幾到啦。
75.有冇試過逃學? 有啦，上期間中都請閒假，呢期走堂走到成個禮拜 Day-Off。
76.有冇明星朋友? 無。。。
77.有冇追星? 有，涼子姐姐！
78.想唔想見下聖誕老人? 激想，一定要去聖誕老人村探佢！
79.最近DOWNLOAD既一首歌? Alicia Keys :: If I Ain’t Got You
80.鐘意自己的頭嗎? 鍾意喎！
81.下次想整咩頭? 照舊剪短，唔想打理。。。
82.最鐘意邊件衫? 有
83.最鐘意邊條褲/裙? 都有
84.最鐘意邊對鞋? Nike個對。
85.一段愛情入面最需要: 包容！
86.你算係一個好情人嗎? 應該係掛。。。不過要注意個脾氣。
87.聽日死,你今日會做咩? 照平時咁過，見下喜歡既人，同屋企人 / 朋友食最後飯局。
88.最近覺得邊首歌好聽? 岩岩聽緊 If I Ain’t Got You，就呢首！
89.同邊個返學? 自己
90.同邊個放學? 都係自己
91.鐘唔鐘意龍貓? 中立，唔鍾意亦都唔討厭
92.鐘意做一百題嗎? 如果某幾題無咁極點無聊既話都幾好玩。
93.有冇信教? 「打動」中，相信應該有呢一日。
94.最想去邊? New Zealand → Auckland
95.有咩陪你訓覺? 兩個枕頭 + 365日全天候「綿被」 + 薄被
96.你這裡現在幾點: 23:01
87.現在穿什麼顏色的內褲: 白，要純潔，呵！
98.一個朋友可以對你做出的最差的事: 點最差？睇人啦。
99.告訴我你喜歡的人是誰吧: 真係涼子姐姐，無老點
100. 答上面100題時有冇講大話? 話無就呃你，呃你幾題咁大把。

嘩，呢 100 題雖然無聊，但係巧巧玩架，可能壓力大，要低能下掛，哈哈。你地都玩下啦。

---
最後都係無翻睏，睇左尋晚集《Queer Eye》，呢期 FAB5 去英國幫人「改造」呢！真係幾正啊！另外《Branson’s Quest For the Best》就完了。唔知點解我唔太想睇《Apprentice》。

現在是 0711。話時話，個 XangaLogger係有 Bugs的，不過都唔知點整走佢，唔整了，算數。可能聽日個網瓜埋就唔洗用 :D

Woo ... 充滿汗水既涼子姐姐哇！巧正呢！係上年節日祭既相。



---
唔知係咪自己心境老邁，見到阿妹咁既說話方式就覺得佢好可愛！真係可愛到爆！



等我晏 D 得閒玩妳個 100 題先！現在是 0545。。。唔知可唔可以睏多陣呢。

1. 今日成日都好忙。。。溫書系膽，拖 XangaLogger 腳，寫左個 Installation Guide咁就成日了。花了很大的勁去搵到幾十人幫我試 Code，最好就再多少少人啦。不過系度要感謝咁多位幫我 Forward Message 出去既朋友仔，特別系蝦米哥！

PS. 1. Um ... 開頭系無明確指示，大家想睇翻個 Stats 既話要去翻 XangaLogger 個度 Login 翻的，已經寫了一個 Announcement 出來，應該會清楚些吧。

PS. 2. 今日仲整左個 XangaLogger 既 Icon，希望大家有用 XangaLogger 都可以加翻個 Icon 落去你既個 Xanga 吧，可以加系 Header / Website Stats Module 度。多多支持！我覺得整得幾可愛架，哈哈。



PS. 3. 大家繼續幫我 Forward 俾你地既朋友仔吧，感謝你。

2. 今朝有人講開系咪信教，咁呢，還是那個答案吧，心正在「打動」中。依家都仲好難一口話我信，仲系摸索階段。咁我都唔急話要去決志、洗禮既，人生路漫漫長，都唔急得來。

咁我唔系「轉堂」既，禮拜日應該都系翻學校個個，點都系近自己。葵芳的那個看看將來禮拜六晏晝去吧，車程都系遠。不過學某某話，有心既唔在乎遠近既 (話就咁話。。。)

PS. 1. 回應某某：翻落左之後覺得無乜野咪繼續翻落去，又唔係話為左乜野，都唔係老師叫我翻，完全係自願的，話明個心打動中嘛。

PS. 2. 如果要睇曬成本新約聖經先決定信唔信教的話，我想要等到我三十歲先有決定。這個新約聖經都頗多呢。。。加上自己懶，好難睇得曬。。。

3. 其實 A-Level 要拎個 D 都唔易架，所以拎住幾條 D 既人應該開心先係。。。唉。。。情緒低落中。。。好驚哇！

4. 見個 Diary 咁短就知我好攰呢。。。想早 D 睏，聽日先再打其他吧。今日都無睏晏覺。。。有多少不甘的感覺。That’s All.

---


[Click Here to Attempt the Quiz]

嘩。。。現在是 0035。。。終於有時間打下 Diary！

1. 上期 Pizza 癮起，今期就鋤大 D 癮起。。。好耐無鋤大 D 啦，以前上堂日日都鋤，朝早點名又鋤、上堂又鋤、Lunch 又鋤、就連堂之間既 Break 都鋤，家下無得鋤真陰公。話時話，學期尾寫低輸幾多只牌個張紙究竟系邊個度？鋤 D 唔鋤 Bee，邊度有 Face！真系好好手感的說！遲下唔好黎打機了，去鋤 D 吧。

2. 這個烤 BQ 起爐癮都幾大，點解？因為呢期「學識」十分鐘包起爐既方法！



唔系講笑，家陣真系好想去起爐。遲下板聚都可以試下烤 BQ呢。某某話尖咀有得系鬧市天臺烤，仲唔洗起爐，其實都幾方便。不過我一定要起爐！！我想 G2G 既人都一樣，可能大家每人霸個爐黎起呢，哈！

PS. 其實一大班人燒野食，通常都系男人起爐。坦白說，爐系男人既戰場，起爐既速度就系表示每個男人有幾男人！礙於身形樣貌問題，自己都好少機會可以去起爐。。。頂多系負責女孩子既工作 →燒叉抹叉，哈。下次一定要爭爐起，我要做真男人！

3. 今日做既野就系溫書 + 改 Code + 食飯。。。好耐都無試過無困晏覺了，今日都真系頗忙，或者叫做爭取時間啦。大家幫幫手，幫我 Forward 個網址俾有 Xanga既朋友仔好嗎？想試一試個 Server 可以頂到幾多人。



4. 講下個 Xanga Logger 啦。個 Xanga Logger 絕對唔系我自己寫，其實一早起身寫到出 Raw Stats 既時候，已經收到尋日定前日 Techsans 寄來的 Reply。內容就系佢地寫既 Xanga Logger Source Code，基於自己懶而且有 Ready-Made 既 Code 系度，所以系放棄左繼續寫落去，只系將個 Source Code 改到岩自己用。改變得最大就系個 Interface。





不過就咁睇現有提供呢類服務既網址，個 Logger 對個 SQL Database 既負荷都唔細，所以現在都要大量的人幫我做 Test，睇下個 Server 可以承擔多少。我想最少都要五十人，有幾百個就最理想。有人系建議 Post 去 Createblog.com 個類網站，但系一 Post 左上去既話就想收都幾難，畢竟個度人流大，好易玩死個 Server。所以都系 ICQ 朋友撘朋友咁 Forward 個 Message。希望大家幫幫手，有 Xanga 既朋友麻煩你地 Reg 個 Account 再系個 WebStats Module 度加段 Javascript，最理想既就 Forward 俾其他有用 Xanga 既朋友啦。無 Xanga 都唔緊要，可以 Forward 俾用 Xanga 既朋友。真系要靠大家幫手呢。

PS. 1. 我想大家都知道點解我要開 Xanga 呢，因為要試 Code 嘛 :D

PS. 2. Xanga Logger 個網址 → Click Here ，可以系左上角個 Vitason.org 個 Logo 上面 Click 一次就有個樣 Show 出黎，個度都有條 Link 的。

PS. 3. 唔放上大型網站既另一個原因系想俾 D 朋友仔 Reg 曬先，當系作出少少貢獻。

講住咁多算數， 0106，困得！大家真系幫個手，Install 個 Code 同 Forward 俾朋友仔呢，Thanks. That’s All.

今天是學習的一天，經驗值上升了不小呢。

1. 看來已經上腦了。。。由三點鐘一困就困到八點幾。。。呢個晏覺都算困得耐了。。。不過都困得幾舒服，我深信晏覺既睡眠質素頗好的，相對於夜晚困覺。之但系我今朝系困到成十點幾的。。。再咁日困夜困真系唔得掂，浪費曬 D 時間。。。好想好專心咁密集式溫書，之不過自己真系好懶 =.=

雖然系困左好多，但系依家 0000 已經覺得好困了。。。

2. 諗多幾諗，今日食 Pizza 真系幾唔抵下，價錢比平時貴而且又細份左，點解咁話？因為 ↓



只系一個細厚批。。。個焗飯就系雞皇飯、小食就叫左瑞士雞翼。連埋兩個湯就盛惠 $142。Um... 唔怪之得無閒錢了。。。至陰公就系我唔太食雞，個焗飯同雞翼系俾左細佬食，益曬佢啦。佢實食得開心架，都唔洗佢俾錢 =.=

算數，都食曬成個 Pizza，都過足 Pizza 癮了。

3. 你地可能唔信，之不過到今日我先知原來 Poly 個面有 300MB WebHosting、仲要有 1GB WebDrive。真系今日心血來潮去搵先見到，仲要白癡到唔識用添。。。搞左激耐先知點用。。。好低能啊！

俾個藉口自己，我同人夾有成 20GB WebHosting，我唔知到 Poly 個 WebHosting 都正常既。因為平時無需要去搵黎用嘛，呵呵 [嘔死。。。]

4. 今日屋企人話我知佢同事有公司請 Part Time Designer，叫我去試下。自己都想試架，但何奈時間方面問題，要等到五月中甚至六月先做得。其次真系做「Designer」工作既話，唔多唔少就一定要畫野，但系我真系唔識畫。。。咁多年黎我最令我戒懷既就系呢樣野，要做到一份 Final Job 出黎可能無問題，但系要畫就真系賴曬野。就算系用電腦做，但系間公司唔用 Adobe Products 既話我都賴野啦，CorelDraw、PaintShop 唔系話唔識用，之但系無 Photoshop 咁得心應手。

真系激無信心。。。所以之前都唔會咁輕易接 Job 做就系咁解。與其有份 Part Time Designer 我做既話，我想要份簡簡單單既 Part Time Office 工我做就夠了。

PS. 1. 另一樣野令我好戒懷既就系我唔識打中文。。。識用九方都系 Form 6 既事來。之前都系用手寫板。作為一個周不時用電腦既人來說，直情系一個恥辱。就算有份 Office 工我做，唔識速成、倉頡都死得啦。我好想學識正規中文打字呢。

PS. 2. 另外點解我設計既野通常都好簡簡單單？其中一個原因系逃避要「畫」既問題，學影相都系用黎取代「畫」。。。我知道長遠唔系一個辦法，但系對畫野真系完全唔掂，仲停留系小學生程度。。。

5. 這個 Xanga Logger 既事宜呢，都無乜 Free Source Code。家陣手癢癢想寫個 PHP 出黎去 Log Stats。基本上要 Log 既 Stats 都諗好曬，有 Xanga ID、TimeStamp、IP Address、Referer Page 等等。我諗要寫出黎都好快既姐，如果唔理甚麼 Log-in、Filtering、Security Function 既話，剩系出 Raw Stats 都幾簡單下。不過可能要搵朋友仔幫我試下，大約廿零三十個到啦，試下會唔會對個 Server Load 有嚴重既影響。

PS. 到今日終於知道點樣系 Javascript 度「Call-Out」個 PHP 出黎，原來系咁簡單的，只不過要間接 D 咁做。

6. 這個《攻殼機動隊 SAC》已經睇到一半，一日睇四集，大約幾日就睇得曬，又可以溫到下書，不過 Past Paper 都未必做得多呢。。。要加把勁了。That’s All.

---
1417，臨困晏覺前既一刻有人問點樣知道人地黎自己個 Xanga，咁系有樣野叫 xTracker 既野，呢樣系乜黎？



可惜呢，這樣東西已經停止註冊了，哈哈，講左廢話添。

不過可以試下以下既 Alternative ↓



不過系咁易試過就大部份都停止註冊了。睇下我搵唔搵到一 D 合適既 Logging 既 PHP Code，咁等我可以貢獻下大家 :D

1427，系時候困一困先。

---
今日 Pizza 癮起！最衰無啦啦有張傳單系枱面，如果唔系都唔會叫黎食！本來想叫個「$119 套餐」，但系打到電話去先知今日禮拜五。。。局住叫個「$142 套餐」。算數，自己慢慢食，夠我一個人食三餐了。。。不過週末叫唔太抵，死蠢左。。。



話時話點先有會員卡？要食夠幾錢再加錢咁先申請到？張會員卡好有用架？

---
七宗罪我衰邊樣？



Seven deadly sins
created with QuizFarm.com

咪就系衰懶。。。唉。。。