今日真係好熱，就算留在家中都好有中暑既感覺。無無聊係度都無乜好做，抬頭望天，係度諗下野咁。之前《機戰 Z》既問題解決了，係放棄熟練度拎 BioSensor，招「突擊」係勁喎！之但係，打得多都悶既，雖然關關都係新關。咁就搵返幾套片睇，有《Project Runway Season 5》、《創聖のアクエリオン》、《交響詩篇》。第一套睇得好開心，真係唔知點解。後兩者係同期出既機械人片，兩套既機設真係無得彈，河森正治係得既！《交響詩篇》就重未開，應該睇完《創聖》先。

學 Co 爺話，唔係 D 運仔用左係成績到嘛。市場氣紛差，但係都有一半同學搵到工。運，似黎又未黎，都唔知點咁。其實無得 In 既原因係有既，一來 CE 無考，二來 D 人對 Creative Media 認識唔深，三來又無前人照住，係爭 D 既。

有時都係度諗，求神比份工我，但其實與其求份工，我覺得求一顆平靜而明白佢安排既心更好。無人知將來係點，但無理由係一條死路。Bless me。



That's All.

好，講返呢排點先。《機戰 Z》都打到去尾聲，唉，錯過左拎 BioSensor 個位，部 Zeta Gundam 咁就少左兩件最殺食既武器。係 Override 晒之前既 Save 先醒起個個位有新武器，無計啦。本來諗住 Game-Over 再打過，但係代價係無左熟練度。點選擇好呢？話分兩頭，有得打《街霸 IV》了，不過用 PS2 掣打，打到手指都痛埋，無心機玩。

呢段時間都有得 Interview 既，不過都重係等消息既階段。今日出左 GPA，今個 Sem 爆好，有 3.5。不過有乜用呢，都未有工。如是者，就係呢個學年裡面，呢幾科拎 A/- ↓



兩科用英文上堂既科都得到好成績，始終都開心既。哈，我好 Creative。



That's All.

上年既依家應該係度諗緊日本旅行既事，相隔一年之後，今日終於睇完《ヤスコとケンジ》。回顧返上年係日本酒店影個幅相，廣末涼子真係好靚 ↓



TOKIO 首《雨傘》真係幾好聽，看 ↓




話分兩頭，有 D 野係好邪。話說我同所有小學同學都無聯絡，年幾兩年前某日有位小學同學搵到我舊版既 Blog 開始，就叫做同小學同學聯絡左陣。咁其後 Facebook 都有 Add 部份既小學同學。咁都無乜特別既，之但係早排 City 同學仔比左 D 佢讀 Master 拍既片我睇，初時都唔留意，直至睇到 Credits，見到有小學同學個名！？個一下真係嚇一嚇。不過都未算，今日見到 Facebook 有另一位小學同學 Add 我，開頭我都唔諗住 Add，但係眼尾望一望 Common Friend 到竟然見到某位 City 同學仔。真係好邪，咁無理由唔 Add 既。所以話，香港真係幾細。



That's All.

好啦，今日又再一次去這個迪迪尼。咁一早就落左銅鑼灣同渠 G 吃麥仔早餐，估唔到九點零都係塞車既。食完個早餐就撘地鐵去迪迪尼，今日比想像中多人！一入到場就有一隻史迪仔同人影相，雖然條隊唔長，但係郁得超慢。呢個時候，仰天一望，一大舊黑雲係頭殼頂 ↓



心諗無死啦，落下雨或者遮下無咁曬都好，點知成日都無料到，真係有好有唔好。佢地都大穫啊，D 樂器曬到滾 ↓



就係同呢隻史迪仔影相 ↓



影完就去附近既 Shop 逛下涼下冷氣，望下有乜心水貨品好買。話分兩頭，原來最涼係近入口個個洗手間，D 冷氣強到無朋友！呢隻唔係非一般史迪仔，依隻係曉郁既機械史迪仔 ↓



睇到咁上下就有第一場「史迪仔反轉大街騷」，其實同普通 Parade 無乜分別，不過角色當然就有史迪仔啦，此外還有高飛、超能先生同阿拉丁隻精靈，剩係影到靚既精靈 ↓



另外特別 D 既就係遊客可以係當中入去同史迪仔一齊「玩」同跳舞，咁可能多細路仔，所以氣紛都算唔錯既，情況就係咁 ↓



有排球、跳舞同唔知有塊大布，共三樣，最後壓軸既就係彩炮，爆個下真係 Feel Good ↓



重溫下哈林大不哥跳個隻舞先，首歌都幾夏日 Feel，Good 啊 ↓




真係熱到傻，呢類噴下水既地方真係好 Good，雖則好迷幻 ↓



迪迪尼就係放左八隻史迪仔比人影相，呢隻就係其中一隻了 ↓



咁其實今日都無乜野玩過，先玩巴斯光年同飛越太空山，再去小小世界坐艇仔，真係有一份舒適艇寧靜。坐完艇仔就食杯雪糕，跟手又再逛下商店。都三點零了，咁就去返「老地方」吃 Lunch。食完 Lunch 就去睇「獅子王」，次次睇都覺得咁好睇！高 ISO 係唔同 D，不過高 ISO 就超多 Noise ↓



都差唔多去到尾聲，咁就去左米奇大屋影相。呢朵花真係好搞笑，I Like It ↓



咁話說同完米奇同美妮影完之後，係「屋外」有個 Booth 係即刻曬返之前 Staff 影個 D 相，咁渠 G 話我比人講兩講就買左幅 $120 既相。哈，我都係見渠 G 想要先快快手買左佢咋。好了，咁就完了今日既迪迪尼之旅。回家前諗住去買隻《Wii Sports Resort》，但係一問要 $430，太貴了！不過回到家既時候先醒起就咁買個 Motion Plus 咪得！



That's All.

今日無無聊聊，咁就兩個人仔去左赤柱逛下。先來就係香港仔 Pizza Hut 食個晏先，食完之後就去撘巴士。真係唔撘都唔覺，原來 73 號班次係咁疏，都無得早知既，小巴的確係密好多快好多。至搞笑係架巴士上見到隻懸垂既蜘蛛，唔上唔落，個車一掟彎佢又跟住掟彎，幾難得先可以降落係扶手上。

好啦，話咁快就到左赤柱，首站係赤柱市政既公廁。雖然係靚，不過都擺脫唔到公廁個陣味 ... 都係臭既。買左支「奈奈子」蜂蜜檸檬飲咁，估唔到都幾好飲喎！如是者就拎住支野逛赤柱市集，特別多歐美客，咁的確係多少少特色既。街與街之間都有簷蓬，都幾似日本個 D 商店街。話分兩頭，個 D 鋪頭似係有傾過，如果唔係點解 D 冷氣會大到吹到出條巷！之但係，作為一個香港人，個 D 商店賣個 D 野係吸引唔到我地。咁行完就去左海濱、卜公碼頭影下相，鏡頭 Wide D 影相都方便 D，不過部機都要小小時間試下，依家係電腦睇返 D 相既時候發覺 D 色水怪怪地咁。影完相之後就去海事博物館行下，裡面 D 冷氣的確係強！正所謂一分錢一分貨，的確係無咁多野睇既。睇完之後買左條「海豚寶寶」，之後食個麥仔新地，見到有個老豆呃個女話無雪糕食，笑。跟手到赤柱廣場行下就撘小巴回家了。

雖然平淡，不過係 Good 既。話分兩頭，蚊怕水係有用既，有用到就無蚊咬，相反 D 蚊就咬你，我無事。



That's All.