Luv My Job + 我的工作（二）
今天繼續下半部份既「庇護」，就係過膠同黐雙面膠紙。這就是今天努力成果，多謝各位 ↓
這個拼貼方法用左好多年，之但係拼咁大幅同過膠後先貼就第一次。效果都還可以。目標係每次完左 D 聚會就曬相貼上去，最後就會滿晒一個壁佈板。
That’s All.
Created On 16/04/2010 20:39:38
睏唔著、我的工作（一）
話說尋晚睏唔著，結果凌晨三點半起身打左今個禮拜日既分享。又回想當年既見證都係夜媽媽睏唔著打的。到五點半到打完之後，諗住 G 起身返工，咁就 Send 個 SMS 比佢，點知原來佢都係成晚睏唔著。真係好夾！如是者 SMS 完就睏，六點睏到十點半，一起身就去剪個髮。跟手回家吃個飯再返工。講下工作，以下就是我張工作檯，OK 整齊。另外見唔見到右手邊有一堆 Card Game 同 Board Game 呢 ↓
基本上玻璃底攝著的東西都不是我的，哈。見佢靚靚地都唔想搞佢。幅相有個奇突既地方，留唔留意到呢？就是有爆多既漿糊筆。咁咪幾好，放晒出黎唔洗搵。話分兩頭，今天的工作就是準備壁佈板既野，「庇護」開始，今日就好幾十張紙 ↓
明天就過膠、黐雙面膠紙。做到咁上下 D 小朋友就來到，落一落去買左 D 文具，見肚餓就買左半打蛋撻，自己吃 D 小朋友吃 D，今日其中一幕既「吃蛋撻」 ↓
佢地唔扭計都得意既。
「服侍 正就是在小事盡舉手之勞的」。
That’s All.
Created On 15/04/2010 21:05:00
背書、近睇羊
好，又係記低一日做過乜既時候。好耐無試過連續兩日出 Post，看來我已經過左打 Blog 個種年紀，哈。都唔係既，懶唧。話說早幾日見到 D 細路仔背書準備背默，咁就幫佢地背。雖然短短七十一個字，但其實發覺依家呢個年紀都好難一字不缺咁背晒出黎。年紀大了，唔好話短文，就算金句都係約莫記得某 D 字眼同埋大約意思，在哪裡出、一字不漏咁背出黎都真係難也。其實依家少打日記既原因之一係唔記左有乜野要記，依家有方法，就係即刻用 SMS 記低 D 重點字眼，就係如尋日我寫低「近睇羊」。估唔估到想講乜呢？其實好簡單，就係咪以為 D 羊好得意，其實隻隻羊近睇都係樣衰衰的。唔信？試下去 Google Search 「Sheep」，真係醜樣架。
記完，期待明天的「庇護」。
That’s All.
Updated On 15/04/2010 01:20:43
濕滯。
四月咁就過左差不多一半，今日先係四月首個 Post。無他，一個字，懶！放假既日子都無乜特別，通常都係聚下再茶聚，今日係元氣 Tea ↓
「濕滯」也！點解？先來咁有侍應帶位，咁岩個位既頂頭係出風位，凍得滯，咁就有 D 滴水既可能。咁岩個位侍應又望到我望到，跟住佢又望到。結果呢 ... 我地坐低左睇餐牌，個位侍應同另一位侍應就搵工具黎抹走 D 水，分別係一個盤同一個海棉地拖。一個抹，一個兜住。開頭兩個都合作無間，但係到我地個位個陣時就有 D 濕滯，皆因我地坐左係度，疑似影響左佢地既合作。佢地都搞搞笑笑咁，情況有多少似打機既撞磚咁。其實可以讓佢地抹左先坐低既。
講完濕，咁就講下滯。滯之前有個小插曲，咁就叫好晒要乜野餐配乜小食，但係當叫到手卷既時候就有渠事發生。明明係「軟殼蟹手卷」，但有人講左「軟腳蟹手卷」。聽到之後我都覺得有 D 怪怪地，應該係「軟殼蟹手卷」。不過位侍應就無乜特別反應，可能係遇得太多、又或者當自己聽錯。好啦，咁就到「滯」出場，就係位侍應上個餐盤既時候整瀉左鼓油，三隻蝦。
PS. 已經捉到進食次序既路，逃不出我的預算。
食完四圍逛下買備長碳，再飲唔係三兄弟既奶茶，都 OK 耐無飲。好似 D 珍珠細粒左，個膠袋兒戲左。
話分兩頭，下學年就讀 Master。舊債未還新債又起，三隻蝦。再話分多頭，幾經辛苦睇完《Blue Dragon》Season 1 …
That’s All.
Created On 13/04/2010 23:08:07
是咁的，Facebook 既出現真係改變好多人既生活方式。話說早幾日係 Form 5 既 Last Day，見到好多學生既相，不其然就諗返起 N 年前自己既 Form 5 + 7 Last Day。我 Form 5 既年代數碼相機都未算普及，之但係我都有部，個陣都無話興將 D 相放上網咁。不過個陣時班會係有租出面既 Web Hosting，至記得係間中又比人 Ban 下 Cut 下咁。好啦，輾個轉就到 Form 7，個陣數碼相機普及左，之但係網上相簿都係普普通通，個陣就用左我租既 Web Hosting 放相，都 OK 開心。勢估唔到，依家呢 Web Hosting 都唔洗，全部 Facebook 搞掂，只要 Tag 下人咁就 OK。可能有人會話 Facebook 既相 Resize 左，曬出黎唔靚，不過呢個年代又有幾多人曬相呢。
講完相既野，又講下另一 D 野。以前 Last Day 都最多可能 DIY 下 D 小飾物咁掛下，睇起黎好似成班就 Warm 多少。到後期有班衫、再後 D 就班褸，依家 D 同學仔直情又班衫又班褸，都咪話唔進步。並不是 Hea 野，而真係有設計，睇得出係有心思既。
同埋當年好似係無《勵志一叮》，第一次出《一叮》係 2005年，個陣都未識牧師。如是者，06 好似我無做，07 又有、跟住 08 又無、09 同 10又有。以下有一堆 ↓
好啦，講完呢 D 又講下另一 D。小冊子係今日終於印埋，幾好。印完都要庇護一下，呢個係開箱準備庇護既情況 ↓
六個人齊庇護，兩千份小冊子都好快手夾埋 D 報名表格 ↓
唔係講笑，庇護完都頭暈暈 …
That’s All.
講完相既野，又講下另一 D 野。以前 Last Day 都最多可能 DIY 下 D 小飾物咁掛下，睇起黎好似成班就 Warm 多少。到後期有班衫、再後 D 就班褸，依家 D 同學仔直情又班衫又班褸，都咪話唔進步。並不是 Hea 野，而真係有設計，睇得出係有心思既。
同埋當年好似係無《勵志一叮》，第一次出《一叮》係 2005年，個陣都未識牧師。如是者，06 好似我無做，07 又有、跟住 08 又無、09 同 10又有。以下有一堆 ↓
好啦，講完呢 D 又講下另一 D。小冊子係今日終於印埋，幾好。印完都要庇護一下，呢個係開箱準備庇護既情況 ↓
六個人齊庇護，兩千份小冊子都好快手夾埋 D 報名表格 ↓
唔係講笑，庇護完都頭暈暈 …
That’s All.
Updated On 28/03/2010 19:15:02