好啦，話咁快又到另一日。其實都叫 OK 早起身，但係心血來潮一看，原來早餐時間係 7:00 - 9:00。由於只係 OK 早，所以都係趕唔切落去食早餐既。又 Miss左！不過都唔緊要，由於房外有露天溫泉，所以都浸一浸先 Check-Out，不過日光日白再仔細望下，發現都真係有多少蜘蛛網，連扶手個位都有。所以都係個句，都係冬天去似乎更理想。浸完食個碗麵就 Check-Out。

如是者就沿著商店街前往今晚將住入既酒店。真係咪講笑，條斜路凹凹凸凸，件行李又重，拉 / 推上去都咪話唔吃力，G 又要行得快，真係不得不嘆氣。經過努力後終於行到「第一淹本館」↓



放下包袱後就出發。尋日落雨無帶遮，今日無雨就帶左遮 ... 搞笑。咁沿斜路行返落去，經過閰魔堂，即係我地講開既閰羅王 ↓



條斜頭就是這樣，兩邊有商店 ↓



行多幾步就有個路牌指住熊牧場 ↓



抬頭一望就見到熊牧場纜車站 ↓



站外又有隻熊標本 ↓



行到入去又有標本，另加能公仔一隻 ↓



見到張海報，所以話，相片係唔可信的。我深信我去 NIXE Marine Park 睇到既同相片睇到既都有 OK 大分別 ↓



話咁快就車去牧場，回頭一看就是昨晚入住既酒店，中間偏左灰色的那間，而中間偏右的是登別咁多間酒店中擁有最大溫泉面積的 ↓



向前望就係一棵棵茂密既樹，個 Feel 都幾似電影中既密林 ↓



車廂內有食堂既宣傳，咖哩炸蝦飯 750 Yen。唔係話好呃水既，價錢都中中庭庭，不過就唔會比到你好好食既感覺，但唔會話難食 ↓



上到山，一望無際既係霧，係咪真係好似拍戲既場景呢 ↓



熊牧場主要分左右兩邊，左手邊既主要係睇熊、右手邊就有 D 愛努民族村既展館同埋有松鼠睇 ↓



唔知係咪因為昆蟲多定點，係愛努民族村個邊有 D 感覺唔自在，好 Lost，望下你就知 ↓



好快就行完右邊，皆因唔係好識睇，一來睇唔到松鼠，二來對這個愛努民族零認識又唔知點認識。每個矛屋裡面都有個文化保存傳承者，主要係講解下呢個民族既特色，之但係佢剩係識日文，哈哈。回到中間看熊表演，真係時間剛剛好。隻熊都係人扮的 ↓



如果識普通話的話，有 D 留學生既 Part-Time 職員會講解一下熊既特性。由於我地兩個普通話都唔得，所以都無找佢講解。睇完人扮既熊仔，就去睇賽鴨。都咪話， OK 搞笑。賽前都見到黑頸圈的鴨仔較活躍，果然真係佢跑得最快，不過我地無下注 ↓



跟手就準備去睇這個熊博物館，入去前門口有 D 小熊，個樣係咪有 D 衰衰地呢 ↓



本身有個展望台可以望到好多野，不過太大霧乜都望唔到 ↓



入左博物館看到好多熊既標本，有 D 資料性既野睇到。原來最開頭既能是這樣↓



以前 D 人就係咁樣抵抗 D 熊 ↓



D 熊真係 OK 大隻，就咁企係你面前都夠嚇死 ↓



冬眠既時 D 熊就係食飽搵個窿就睏，正如 ↓



睇完出返黎既時候 D 霧都散晒，呢個時間就係小熊既開餐時間，D 職員都係成 Team 人入去餵野食。話時話，熊牧場個 Logo 設計得唔錯 ↓



我都唔記得呢邊係雄性熊定係雌性熊，總之就係熊 ↓



當 D 熊見到有人出現既時候，就會做一連串我地覺得「得意」既動作 ↓



更誇既有 ↓



千期唔好覺得得意，佢地做呢 D 動作完全唔知點解的，只係做完呢 D 動作有野食而已。佢地隻手掌一揮就可以打甩人個頭，真係極危險。牧場有個牌列晒 D 熊既名字，不過我地又點會咁易認得到呢。我地望落去真係隻隻差唔多樣 ↓



係呢 D 飼料機買左一包飼料去餵熊，應該係普通蛋餅 ↓



近距離望下 D 凶殘既熊 ↓



咁就隔住玻璃餵左幾舊餅比 D 熊，係餵餅個窿係聽到 D 熊既呼吸聲。當 D 熊見到你拎住 D 野既時候，有時會上當、有時又唔會上當、有時又會搵佢地既熊掌爪塊玻璃。隻熊掌大過人既面！之後又上返去露天既地方餵熊，附近有 D 烏鴉同 D 熊爭吃。當你拋 D 餅出去既時候，烏鴉就會飛去搶。其後更有一隻烏鴉飛埋欄邊，近距離望 D 烏鴉，個咀同爪又尖又利！佢飛埋黎之後都即刻收埋 D 餅再行去另一邊再餵。有隻熊唔知點解自己行入個籠裡面 ↓



山上商店有好多熊公仔 ↓



山下商店都有好多熊公仔 ↓



買左 D 手信就離開熊牧場了。其實如果就咁單買一張入場卷要兩千幾 Yen，都咪話唔貴，不過依家買遊客用既 Theme Park Ticket 就起碼夾埋慳左千幾 Yen。



落返山之後就去左這間食肆吃 Lunch，叫「福庵」↓



裡面都幾靚啊，小本經營咁 ↓



咁我地就坐左係 bar 檯，有個小電視睇 ↓



叫了炸蝦飯同滑蛋豬扒飯，每個餐都跟醃物同冷麵，都算豐富 ↓



坐得 OK 舒服啊，另外呢間食肆雖然個洗手間係男女其用，不過出奇地大同靚。



食完又行返上斜路，係酒店附近既泉源公園睇左一陣，呢個窿每隔一段時間就會噴 D 泉水上黎，見唔見到 D 牆黃黃地，就係泉上噴上黎所留下既硫磺 ↓



千期唔好比「公園」兩個字呃到，其實係好細的。裡面有個鬼仔石像，都幾得意↓



背後見到 Pat Pat 兩舊肉的 ↓



點解登別有咁多「鬼」，就因這個地獄谷吧。這個牌上寫著的「望楼Noguchi」、「旅亭　花ゆら」是該區的五星酒店，和其他溫泉酒店有著不同的位置，位於比較高的地方 ↓



這就是地獄谷，咁岩有個老伯伯當值做義工，係呢度幫我地影左張相 ↓



煙霧彌漫，有無 D 地獄 Feel 呢 ↓



這個便是地獄谷的由來，非常多漢字，估得明 ↓





行左一陣就行左去地獄谷展望台，近距離望到高溫的泉水，疑似鐵泉 ↓



係展望台有個泉口每隔一段時間會噴 D 水出黎，親眼望都覺得幾震憾架。就咁睇都覺得熱。回頭一望見到今晚入住既溫泉酒店 ... ↓



Zoom 近少少一看，點解好似有 D 肉團行過既。原來係地獄谷個邊係望得到個浴場連溫泉。照我地原先既理解，呢邊係男湯。G 即刻提醒叫我唔好行近玻璃位 ↓



本來諗住沿著 D 路係溫泉一帶行一個圈，不過行多兩步又好似唔太對路。路旁都係 D 樹林，我地又人丁單薄。雖則地圖話就話行一個鐘到，不過都費事了。行左一段小路就截返回酒店浸溫泉。酒店內溫泉既設施就係咁 ↓



酒店房和之前的靚房都爭幾遠的，毛巾、沐浴露、洗頭水都少好多。或者酒店可能預左 D 住客一定會去大浴場，所以房裡面沖涼設備同洗手間都比較少同細 ↓



整理一下換過浴袍跟手就去浸溫泉。第一淹的溫泉的確大過之前的 Grand Hotel，叫做有兩層。浸完之後就返上房執下野坐下就吃晚飯，今晚晚飯時間為下晝五點半，即係香港時間四點半。其實有兩段時間，一係五點半、一係七點，咁最後都係揀五點半。開頭渠 G 見時間咁早，都有多少不滿，但永遠都係好戲在後頭。食 Buffet 既地方都幾大，不過種類就好似比尋晚個次少 ↓



話咁快就吃到吃雪糕，由於有職員負責筆雪糕，而無特定指示的話就只會筆一兩個球，個球都 OK 細。有見及此，渠 G 就同佢講要 Five，結果就是這樣 ↓



食完飯係酒店內行來行去，有個巨型金棒 ↓



上面有隻赤鬼，都幾有趣。呢一刻都唔知佢有機關的 ↓



出去酒店外行，夜晚就係這樣子 ↓



而晚上的街道都有幾分氣紛 ↓



再次經過閰魔堂，今次就咁岩時間有變臉睇。我部三多相機唔係好影得，之但係渠 G 又話咁核突唔影佢咁多。只係得一幅未變臉既版本 ↓



再係街道行，其中一間無幫襯過既鋪頭 ↓



原來晚上的「福庵」是這樣的，幾有情調 ↓



如是者係商店街行左陣，比我地見到有間專賣血池拉麵的店，呢間都應該正宗掛？其後發現點解咁多人行去地獄谷既方向既，唔通今晚就有鬼花火睇！？！其實見到酒店大堂有大毛巾派，都覺得有 D 事發生。如是者返房換過裕袍應下節就行去地獄谷。又咁岩我地有前排坐，而後排既山坡就坐滿人 ↓



D 相既色水、對焦係咪唔同晒呢？無他既，因為有人放低左相機唔記得拎，要用我部唔太影得既三多相機去影。話咁快，D 鬼就出場跳舞「祈福」，搵鬼祈福都幾搞笑，不應是矛盾的事嗎 ↓



見唔見到寫住「開運招福」呢 ↓



呢張算影得幾好，係渠 G 影，海報都係咁上下樣咋 ↓



真係咪講笑，D 蟲 OK 大隻，我見有隻飛蟲爬入前面個位長髮女士既頭髮裡，真係 OMG。完晒 D 表演之後搵 D 鬼影下相咁行返酒店。原來支大金棒到某個時間又有野轉出黎 ↓



回到房就見到 ... 唉 ... ↓



之後臨睏前又浸多次，Good。



That’s All.

尋日朝早吃唔到早餐，所以今朝都特登早多少去吃，八點九到啦。不過吃既野其實都好頹，就是這樣 ↓



吃完之後返上房拎埋兩件行李就 Check-Out走了，離開住了兩晚的 Sapporo Gracery Hotel。好少講間酒店，其實都幾滿意間酒店，都好乾淨又 Modern，而且地點都好無敵，好近鐵路站。滿意歸滿意，都總有一日要 Check-Out 既。如是者離開酒店，撘 JR 指定席到登別，這就是 JR 札幌站的近鏡 ↓



叮一聲就到登別，不過站仔始終係站仔，個站既設備可以話同無係無分別，無 Lift 的。咁有大件行李都無辦法，要自己去抬。如是者就抬上樓梯同抬落樓梯。出了闡之後諗住打的去酒店既，之但係望見個巴士時間表又差唔多有車，而且又可以慳一大筆。如是者就撘巴士到酒店，第一晚係登別住既係 Noboribetsu Grand Hotel，在巴士總站旁，是十分方便 ↓



位置係地圖中左下的一群 ↓



放低兩件行李就拿拿聲返去車站撘返巴士落去到 Marine Park NIXE。有個好簡陋的旅遊中心，買了兩張 Theme Park Ticket，是遊客限定，又慳左好多錢！就是呢兩張，我地揀左 Marine Park NIXE 同 熊牧場 ↓



咁係個度買左兩張來回的登別巴士車卷，慳左少少咁。不過第一程唔記得左買，所以都無計仔啦，貴幾十 Yen。依家返兜講下個車站，個車站外有隻熊標本，睇下幾凶猛 ↓



車站外就有個赤鬼像，寫住 Welcome ↓



車站就是這樣子，十分簡陋，職員都只係得兩三位 ↓





Marine Park NIXE 距離車站不遠，可以行得到去的。期間都經過一 D 住宅，有 D 都整得幾靚，不過出入無架車就同跛無分別 ↓



估下呢個紅磚建築物係乜黎呢，其實係一個洗手間。雖則我未入過，但係係呢 D 效外地方，裡面一定好多蛇蟲鼠蟻 ↓



這就是 Marine Park NIXE 的 Main Building，是丹麥的建築風格。曾經一度差 D 因財政問題要執，不過 2001 年經過經營權轉讓後已有所改善。↓



睇相見唔見到個天陰陰地呢，尋日好天，今日又落過雨。真係整定，諗住都應該無雨，個把長遮寄存埋係酒店，只剩下我把自私遮。我們先來係睇爬蟲館，最特別就是這些巨龜，大到成件行李咁。同埋親眼見到 D 龜點向後行同轉身，雖則慢同頓，但都叫做可以轉到，算係咁上下 ↓



睇完龜之後就去搵地方吃 Lunch，有 D 食肆都比 D 團體包左場。打定輸數之際又比我地搵到一間食肆有位喎，如是者就叫左個拉麵同埋蝦天婦羅拉麵，食物其實都一般般，不過肚餓就乜都好味既。由於有人吃煙，所以吃完都好快手就離開。之後路經海獅池，見到有隻肥海獅攤左係度 ↓



跟手就去睇海獅表演，都真係勁仔喎，經典既頂波 ↓



睇完之後就去睇銀河水槽，其實係個圈型既大魚缸，身上銀銀地色既魚不斷係個圈游，加上唔同顏色既燈，就好似好夢幻咁 ↓



睇完海獅就去睇海豚，途經見到柒柒企鵝，佢地拗晒鏡定晒格，其實佢地做乜呢↓



海豚表演都幾勁，佢地可以跳到兩層幾樓咁高，都咪話唔誇 ↓



不過佢地既樣就衰衰地咁，唔夠靚 ↓



呢條海豚一定係人扮，真係好搞笑 ↓



睇完海豚又出返黎見到 D 柒柒企鵝 ↓



Hea 左陣就有企鵝 Parade， D 企鵝柒下柒下咁行出黎 ↓





去到某個位置，有職員講解兩種唔同種類既企鵝。當然係聽唔明佢地講乜，只係繼續睇同影企鵝。企鵝同其他動物一樣，想痾就痾，左上角個隻就痾左出黎 ↓



另一種比較醜樣既企鵝 ↓



回巢的一刻，後面有職員會清理企鵝的排泄物 ↓



睇完 Parade 就行入去 Main Building，咁有 D 區域可以比人掂下 D 水中生物，例如海星 ↓



就因為我對掂水中生物不感興趣，但係 G 就好有興趣，所以就出現了落差。如是者 G 說我行得快唔比時間佢慢慢睇，跟住又嘈幾句。最後 ... 一個不留神就跌左部相機落地下。幸好的是鏡頭無跌爛，唔係又要花幾千銀買返支鏡，機身疑似有一條小裂痕，暫時未發覺有乜問題。真係算係咁，最後係出口見到個捐錢箱，都得意既 ↓





睇完之後都行返去車站撘巴士回酒店，酒店門外有一個青鬼像 ↓



是晚入住的酒店房是這樣，大家估下兩人入住一晚幾多錢 ↓



就是 34000 yen，港幣三千元，都真係幾豪。本來諗住住兩晚豪房，但又係天意，Book 唔到。結果就一晚豪、另一晚就去另一間酒店住普通房，慳了多少咁啦。有兩張床，2 Beds ↓



貴就貴在房裡面有個露天溫泉，冬天的話會更好，遲下開估點解 ↓



係 Sofa 位暗藏住 D 熱水、凍水。好神奇啊，凍水裡面既冰 Keep 左好耐都無融到。還有兩粒這間酒店出的菓子 ↓



行多幾步，唔係誇張，真係要行幾步就會見到淋浴間、洗手盤。個設計都幾 Good，無門。只係用左幅牆就隔開左睡床同淋浴間 ↓



廁所就同大部份和式客房一樣是分開的，都幾企理 ↓



換過浴袍就去大浴場浸個浴，男湯方面就有個羅馬大浴場，附有幾個唔同種類的溫泉，都幾特別。另外有個室外露天的溫泉，亭園設計都幾靚啊。相就去返酒店網頁就有，哈哈。由於係下晝時份，都唔算好多人，Very Good！浸完之後就去了吃自助晚餐，好多好多蟹 ↓



不過講味道就不及我們 Day 1 吃的蟹宴好吃，之但係都算幾 Good 仔啦。最後當然還有當造的蜜瓜 ↓



吃飽飯就係酒店四圍逛下，影了閃閃貼紙相，是浴袍版。之後上酒店房內的露天溫泉再浸，認真 Relax！之但係都 OK 多昆蟲！這就是夏天的弊處，相信冬天係無咁多的。由外面望入房，可以見到房間是非常大的 ↓





最後影一下今日其中一樣既戰利品，可憐眼既企鵝 ↓



還有的是 ... ↓



哈哈哈。



That’s All.

好，話咁快就到左第二日。唔係話第一日好 Chur，之但係真係休息唔夠。睏下睏下就咁睏到九點九，早餐就吃唔到了。都無問題既，都有一兩份乾糧頂肚既。整裝出發到舊北海道廳舊本廳舍，今朝都係天陰陰、涼涼地，繼續與我地太陽猛到曬死人既情況相反 ↓



入到廳裡面就有幾個展廳既，其中一個就放左 D 北海道特產，包括這個「馬油」，係來到北海道先知咁出名 ↓



還有既就係香港都買得到既 Jelly 同朱古力栗米 ↓



北海道真係堅多特產，這個「冬眠米」是賣飛佛 ↓



還有好耐好耐之前開會既地方，係比較陰森 D ↓



離開時的回眸↓



去完舊本廳舍後，繼續去理應 Day 1 睇左既電視塔。其實酒店附近有間雪印，有得吃雪糕，都 Plan 左 Day 1 去，不過出了點意外後無去到。門口放左唔同種類既皇牌雪糕，最貴既係 80000 yen 既 Ice-Cream Tower，即係左邊個個，要訂的 ↓



繼續行啊行，行到大通公園附件竟然見到 ↓



唔係講笑，隻馬比我地平時見開個 D 大隻好多。除了 Gimmick 外，都係鼓勵市民節約、環保。來個 Wide Shot ↓



又來到大通公園，見返 D 好出名既賣栗米既檔，不過就無買到黎食 ↓



大通公園附近就是這樣子，看天色都是陰陰地 ↓



有 D 人買左 D 栗米餵鴿，鴿最多都係禽流感同放雀屎，之但係 D 烏鴉係會飛埋黎搶吃！搶都唔驚既，之但係 D 烏鴉都幾大隻，成隻鷹咁，咀又尖、爪又利，中一野真係要抖抖 ↓



又再行多幾步，終於來到電視塔，大家幻唔幻想到個塔好似著左條綠色褲仔呢 ↓



期間都有 D 學校學生來參觀？遠足？旅行？佢地有個老師跟住 ↓



電視塔既 Lift 門貼左 D 畫，背景為電視塔，有多少歐陸情懷 ↓



上到觀光層，由上面望落去大通公園，都幾靚啊！如果有節日既時候，大通公園通常都有 D Booth 放係度，個陣時是人山人海、非常熱鬧。另外，大家可以見到天色都有多少光返 ↓



當時有電視台拍緊野，咁係迴避既過程中，咁就去禮品店買下野、扭下扭蛋，整下銅幣咁 ↓



之前咪話個電視塔好似著左褲仔既，其原身在這，TV 塔老爹。和時計台大臣是同一個時期設計出來的，真係幾得意啊 ↓





參觀完之後都拿拿聲塔地鐵到白之戀人 Factory，係車站內見到，佢地起左個足球場比地區 ↓



工場遠睇埋去真係似一個工場 ↓



入到去係有一個歐陸式的花園，話分兩頭，都遇到 D 香港來的遊客 ↓



都係特登來到這裡吃 Cake Buffet 的，都幾多人，咁都係寫低名之後等叫名 ↓



等既期間四圍逛逛，有這條很 Grand 的樓梯，叉錯腳碌落黎都死得 ↓



另一張打直影，令我想起安室既 Can You Celebrate 既 MV ↓



終於等到有得吃，當中的幾款 Cake，好味就好味既，不過吃多幾件就覺得有 D 膩，其實都好難賺佢 ↓



咁樣影落去係咪好似好大呢？絕對係拍攝效果，現場是 OK 細的。我地坐緊個張檯係近門口既角落 ↓



食到膩膩地之後就參觀下免費區先，有個玩具展館，見到好多細細個玩過既玩具、角色，最具日本傳統都是這些 ↓



時間差不多到三點，出返去花園個邊散下步、等大鐘響，都係例牌有 D 機械公仔出黎轉下轉下。呢段時期 D 花都開得好靚啊 ↓



終於等到，鐘樓個邊有 D 動物轉出黎，背後有 D 機械餅師整餅 ↓



看不看出有甚麼特別呢 ↓



係有 D 機械餅師係度演奏同唱歌，都幾搞笑，之但係氣紛就幾好既 ↓





之後輾轉到付費區參觀，先來朱古力既歷史。其中一個說法同金莎既廣告所講一樣，係從天神個邊來的。有 D 現實 D 既說法就其實話以前 D 人唔知可可豆點食，剩係覺得好苦，之但係有一次山火烘了一烘 D 可可豆，咁 D 人聞到好香，之後就學識食。此外，有 D 人就以可可粉為藥，咁依家醫學方面都證明適量的可可對身體是有益。最後原來當時 200 粒可可豆就可以買到一個奴隸，可見可可豆當時係幾貴。另外講到朱古力有四大革命，一是做到 Cocoa Butter、二是做食依家大家可以即吃既朱古力、三是瑞士人發售加入牛奶的朱古力、四是瑞士人發明了 Conching 既朱古力製造方法 ↓



哈哈，Oh My God，難道聖餐餅是朱古力 ↓



行多幾步就見到超巨大白之戀人月曆 ↓



入到去朱古力隧道，看到以前既朱古力生產過程 ↓



原來可可豆是這麼大的 ↓



生產曲奇餅時的材料 ↓



話咁快就去到生線線 ↓



部 Check 餅機疑似調整緊 / 維修緊 ↓



之前有傳過石屋製菓修改可食用日期，有無諗過佢地係點 QC 呢？除了現代化搵機 Check 之外，其實還有食落口、用眼睇同埋摸下佢 ↓



再來就是各種石屋製菓的產品歷史，1976 年就有白之戀人朱古力 ↓



我喜愛的年輪蛋糕就係 2009 年開始發售 ↓



各款產品 ↓









參觀後，去到付費區的 Gift Shop，有 D 糖造既花 ↓



還有糖造既新娘 ↓



呢個結婚蛋糕堅啊 ↓



G 覺得可惜既應該係無試到個 D 體驗 Course，不過都唔緊要，下次 ↓



這個就是其中一個進行 QC 既地方 ↓



最後還有一群公仔為你唱歌 ↓



如是者再買多少白之戀人就離開 Factory 了。本來就諗住趕往場外市場，不過我地被這個 100 Yen 店吸引住，係裡面買左 OK 多野，全部都係 D 食品飲品。不過就要自備購物袋，好在我有兩個環保袋、G 又有一個。真係估唔到旅行都要環保袋！



回酒店放低 D 野再整理一下，這就是落腳的酒店，外型係咪同商業大廈無分別呢 ↓



之後就到 JR 站買飛，都搞左一輪。睇下之前計劃晒印埋 D Route 出黎係幾咁方便！買完飛安頓好後就到 ESTA 裡的拉麵共和國，呢類以70、80年代裝飾為賣點的飲食街都唔係第一次見了 ↓



典型既舊式休憩所，留意下左側既電話是偽撥號 ↓



還有吉祥物、舊火車等 ↓





最後吃了平平無其的拉麵 ↓





吃飽飽之後諗住上 T38，但係又想到雪印吃雪糕。兩者取其一，最後都趕到係雪印關鋪之前入座，G 就點了 Royal 版既特濃雪糕，我就係 Caramel Banana Parfait，舊 Caramel 真係好甜 ↓



吃完就落返地鋪買了多少野，買了雪印出既年輪蛋糕，但係我形住石屋製菓既 Tsugumi 好吃 D。鋪面是這樣 ↓





之後又回到酒店再吃，吃之前望一望入黑後的 JR 站 ↓



餘下日子所用到 JR 車票 ↓



係 100Yen 店就係買左當中大部份既飲品，其實都買左個撈麵、Jelly 等食品。當中北海道先有得賣既就係相中有三樽的 Guarana。根據 G 話，話說當時可口可樂就快要進軍日本。咁當時日本有關當局聯同 D 飲品生產商研究一下點解可口可樂咁厲害既時候，咁發現巴西定唔知邊度既南美國家竟然無被可口可樂攻佔個市場，發覺原來佢地流行興以唔知乜果實，好似就係 Guarana 提鍊出黎再加工既飲品。咁之後佢地照著以類似方法製造一款有汽飲品，就係現今的 Guarana 前身。本來係透明無色的，但之後就加入食用色素變成依家見到既深啡黑色。之但係當可口可樂進軍時，Guarana 都係頂唔到幾耐，好快就被可口可樂霸佔個市場。之但係由於北海道比其他地區遲左一大段時間先有得賣可口可樂，所以 Guarana 就得以建立佢地既主場，直到現在只有北海道先有得賣。其實飲落我又覺得唔係真係咁好飲，有多少似 Sarsi 既味道 ↓



G 說很重牛奶味的布甸 ↓





唔覺唔覺，咁又一日。今日追返晒 Day 1 既行程，Good



That’s All.

好，話咁快就到左出發當「日」。大家分別在家吃個晚飯就出發，有人成日都話 A10好、又夠平。次次去機場都話想撘，但次次我都話唔撘。今次終於毅然去撘 A10，分開唔同站上車，再會合。A10 快唔快就一般，的確係平過機鐵，又但係 Miss左一班或者係中西區塞一塞就搞笑了。

由於穩陣，都早左多少去到機場。係 BurgerKing 食多少野、再處理埋塵世既事就入闡去了。例牌去到闡口影就撘既飛機，兩個版本，A 版↓



B 版↓



坐係度無野做都係用 iPod 上下網 Hea下影下相，四張機票 ↓



抬頭向上望，呢個 Pattern 的確係靚 ↓



話咁快就上到機，上機無耐有杯野飲，飲完都急住睏。睏到咁上下食早餐，係早到凌晨三點四十分 ↓



機外既清晨，凌晨四時 ↓



之後又再睏，睏到咁上下落機轉機。轉機過程都算幾順利，算係咁。真係大鄉里，原來內陸機係用大機 ... 不過都唔太關事，因為一上機就睏。睏到差唔多就落機，落機 Pick 行李，再次大鄉里，原來要比返張認行李既貼紙給職員，搵左一陣先搵到，Not Good。出闡後就見到白痴戀人既燈箱 ↓



如是者買車票，G 好醒咁慳左百幾二百 Yen，我都好醒咁聽站員講上左架早 D 開既車。順利落車，路經大丸門口，見到有人排隊疑似買蛋糕，時間是日本時間早上未夠十時 ↓



唔好講笑，人生路不熟，想話搵部 Lift 撘上地面都唔易。再講，個日竟然落雨！唔細個隻。我地原本諗住係熱到死，完全無諗過會落雨既問題。如是者，我就剩係得把自私遮、G 係要去買遮。450 Yen 買左把 60cm 長既透明膠遮，呢個遮好有名堂，在日本係周不時都會見到。解決遮既問題就要解決無 Lift 上地面既問題，最後以最簡單既方法去解決，就係抬住上樓梯。Good，咁就搞掂左。上到地面風大雨大，之但係都唔難搵到酒店地址。不過就搞笑 D，樓下同隔離係讀賣新聞。

放低兩大舊包袱就出發食 Lunch，日本時間是十一點零，原意是早 D 食可以避開人潮。但換返香港時間其實是十點零，比平時吃早餐時間還要早一點。風大雨大咁行去「かに将軍」吃「かにミニ会席」，即係 Mini 蟹宴，Menu 的左上角 ↓



裝修幾和式，當入去食肆個範圍就已經要除鞋，真係 Very Good。知唔知點解呢？因為風大雨大，對襪都濕晒，正好除鞋可以吹一吹！望一望個杯都幾得意，有個人仔黏左係杯邊 ↓



其實坐左好耐都未有其他客人，應該係話無其他客人坐呢邊，可能因為時間早 ↓



先來幾款冷盤 ↓



食到咁上下就有個蟹煲 ↓



之後個 D 都無影，因為食到好、又食到好飽。前後有九項食品 ↓



蟹肉豆腐、松葉蟹刺身、凍松葉蟹、松葉蟹小鍋、天婦羅、蟹 Gratin、蟹粥、酸瓜之類既前菜、水菓子。共 2980 Yen，叫兩個 Set 還有多少 Discount。本身我都係好食蟹，不過 G 話要食咁就是但。以我唔食蟹既人黎講都算幾好啦，刺身我都係無食既，但他個 D 都有試過。其實食完個天婦羅同小鍋都已經話好飽話食唔落，之但係個 Gratin 同個蟹粥又真係好味個下堅，食下又食下，最後差唔多食晒全部野。個水菓子係甚麼味道已經唔記得，但記得係好清新好清新，係咪密瓜味呢？食完都唔願郁，太舒服了。張餐紙都幾得意，D 蟹係度打相撲 ↓



但唔願郁都要郁既，一出門口再一次風大雨大，影下個門面 ↓



門口個位是店鋪、入面和樓上先係食肆。扭個頭望一望對面，竟然有個觀音像 ↓



雨細了點，到了有名的狸小路商店街行下 ↓



此時先知道原來北海道馬油係咁出名！還有好多唔同既款式，不過都係 100% 純馬油為最好！有 D 商店放左隻熊標本出黎，真係幾大隻，一掌打埋黎邊到都唔洗去 ↓



再行多幾步就係有名既二条市場 ↓



好快兜左個圈，因為 D 店員係咁 Sell，行得唔自在。唔係買蟹既話其實都唔係話好吸引，其實個市場都好細！由於全身都濕濕地，所以都決定回酒店 Check-In Refresh 一下。酒店都幾 Stylish，算係唔錯 ↓



慳得一蚊得一蚊之 Semi-Double ↓



有落地窗，望出去就係札幌 JR 站，其實係呢度行過黎就唔洗托件行李上樓梯 ↓



浴室都幾企理 ↓



係酒店 Refresh 完再出發到舊北海道廳，不過就落著大雨刮著風，都無乜心情影相，剩係影低有 D 鴨仔渠下渠下咁過路 ↓



真係頂唔順，好凍！有人凍到咀都紫紫地但係都只係話少少凍，我就真係頂唔順啦。結果最後去買外套，如是者就入左去 UNIQLO，買左件諗住佢有特價點知原來無既外套。件褸幾型架！一穿上去真係翻晒黎。如是者又再出發到大通公園同電視塔，繼續風大雨大，看 ↓



呢個時候我部比人稱為「三多」，即係多餘、多餘同多餘既相機發揮所長，係風雨之中挺身而出！影下靚相 ↓



原本諗住上電視塔，之但係又想食個晚飯先，途經有名既時計台 ↓



影下相 Hea 左陣就諗住沉底行地下街到味の時計台吃晚飯，見到這個廣告，看不看出和我們的有甚麼分別呢 ↓



還有 YUI 既 Concert 廣告 ↓



千辛萬苦終於去到味の時計台，牆上貼滿 Menu 和優惠 ↓



點去帆立貝牛油拉麵和黑味噌拉麵 ↓



由於要樣樣試 D，就比左粒帆立貝 G 食。我自己就唔會食 D 裙邊，而 G 就會吃，問題就來了！食食下見 G 塊面有多少紅紅地，再細心諗一諗就知出事了。再一次食物敏感，只係食多左兩片裙邊唧。如是者，原先諗住入黑去 TV 塔及到雪印吃甜品既 Plan 就要改了。拿拿聲比支 Aquarius 佢飲，寄望飲多幾啖可以無事。都拿拿聲到便利店睇下有無藥，原來係無既，之但係就買左兩支雪糕回酒店 ↓



真係嚇死，好在無事！



That’s All.

嘩！好耐無寫 Blog，一來多野做二來早排個網瓜左。咁真係無厘頭本來都無諗住去旅行，但係又唔知點解 G 話佢七月有段大假，結果講下講下就話不如去旅行。明明計劃係 2011 先去，結果變左今年就去左。地點方面諗過新加坡、台灣、日本。最終因為前者有其他人話悶、中間就因為 G 上次去過，最後都係去日本。依家諗返，其實應該去歐洲，家下 D 歐元咁弱！不過都唔緊要，都未算係歷史性高位買入日元，只係算幾高既水平，0.86 定 0.85。

買 Yen 之前其實就係去揀確實地點，兩強為沖繩和北海道。沖繩就陽光與海灘、玩下水；北海道就睇下花、食下野咁。最後都係怕前者唔岩玩所以去左後者。咁又上網 Check Check D 機票，直航無晒，剩低勁 Chur 既轉機機票。咁就深夜飛去東京再朝早轉飛札幌，直落行程。呢個都未算 Chur，更 Chur 既係我地兩個飛之前當日都係工作和工作。

機票 Firm 左後又要 Book 酒店，本身諗住兩晚札幌、一晚富良野、一晚旭川、晚日登別。結果係因為尾個兩日係日本既 Long Weekend，基本上間間既酒店都 Full。都真係不得不改下個 Plan，左執執右執執最終變為兩晚札幌、兩晚登別、兩晚旭川。Book 到酒店都算係咁啦，始終我地都係遲 Book。

如是者再度下行程就出得發，整個過程都係趕趕地。



That’s All.