今天早上修了一修頭髮，早左返到 Office，咁就同同事們去吃 Lunch。皆因知道今日麥仔推出新既麥樂雞用既醬，之前都倒數定，最後今日終於有機嘗到。三個人三個餐，從背後睇 ↓



兩個九件麥樂雞餐，再加脆辣雞翼餐，正面就係咁 ↓



至要命既係呢堆薯條 ↓



食完之後，彷彿命仔短左。那些要命薯條吃唔晒 ... 為到我有肯吃麥當勞的同事而感恩，寄望之後大家食少 D 麥仔。



That’s All.

今個月花左一定數量既錢買左幾款 LEGO 產品，先來兩盒 ↓



本身買左左邊個盒先，之後隔幾日想話返兜買埋右邊個盒時，竟然賣晒了！最後，隔左好耐好耐，係 SOGO 逛逛下竟然見到有！今次重唔即刻買左佢。砌出黎就係咁樣既 ↓



再來就係巴斯光年 + 三眼仔 ↓



還有就係來自 taobao 的海棉寶寶 KeyChain 同 Magnets ↓



夠晒 Kai，Good！



這個六月的工作一總匯，先來端午節賀卡 ↓



立體版 ↓



再來就係中五生活營通告 ↓



Again，中二生活營通告 ↓



兩張都係超極速左拼右貼咁完成，真係算係咁。最後，整理左幾款 Card Game 的 Instruction，還有一堆要整理一下。今個月都幾成功咁玩左幾款 Card Game ↓



套用 Kari 的一句話「我覺得我現在從工作所得到的快樂，比我得到的金錢回報更多！」



That’s All.

今天放工之後碌左出去銅鑼灣吃晚飯。車途中睏左陣，有人打電話比我我聽唔到，之後有人發脾氣，可惜我無比人「兇」到。如是者就到金鳳阿叔食個晚飯，一去到就有位，搞笑。吃完都只係八點半左右，跟手又去 Haagen-Daz 吃甜品 ↓





八點半食完晚飯真係一個好時間，去吃甜品通常都唔洗點等位。之後就到世貿飲杯，飲完係 UNIQLO 揀下野買下野咁。非常好！



That’s All.

話說有人覺得放大假一定要有回憶，唔可以求求其咁過左去。有見及此！G 既第四個大假絕對要搵 D 特別野做下。特登去旅遊局既網頁搵下香港有乜好去處，咁見沙田都有 D 野喎，所以今日就打算去沙田闖一闖！

如是者就撘隧巴再轉火車，首站先去車公廟！咁當然就係車公廟站落車啦，不過 G 話係大圍落行過去其實都一樣。都無問題，行幾步就到。係渠邊定河邊睇下雀睇下水，再過馬路到對面。先來見到既係車公廟既側門，有對咁既對聯 ↓



點解指名要「工商界」 ... 真係唔多 Like。轉個頭就行到去正門 ↓



嗯，發現左 D 野同記憶中有少少唔同。點解好似咁細咁既 ... 以前好似好大的！大殿有維修工程，外面還有個小殿 ↓



真係唔係喎，以前好似好大的！好啦，來到車公廟，少不免既當然就係風車啦，唔通以前車公行軍既時候會插幾個風車係背脊！？↓



這就是 $20 風車，都幾轉得 ↓



如是者，就根據旅遊局推介既路線行去曾大屋！話咁快就到 ↓



由於是屬於私人範圍，所以都只能遠觀 … 其實，同想像之中有好多既分別。都無問題，咁就往文化博物館方向行。沿途好猛太陽，雖然都有擔遮，但係硬係覺得有 D 問題。如下 ↓



雖然把遮既說明聲稱防 UV，之但係把遮淺色得黎又螢光，OK 燦眼 ... 為了保護雙眼，開返我把黑色自私遮。又話咁快就到左文化博物館 ↓



G 特登入去過下冷河。涼左陣就決定離開去搵食，行啊行，行到去 IKEA 裡面打算搵野吃。但係原來裡面既餐廳已經關了，變左普通剩係得熱狗汽水既 Bistro，咁都要食既。咁就買了兩個熱狗餐連任飲汽水，企係到吃。吃完返去新城市廣場遊走，去左士碌脾世界逛逛 ↓



由於天氣炎熱，G 都唔願影相。跟手搵到兩個位可以坐下抖下。Hea 左一段時間，決定唔去文化博物館，改行「一田」！我買左幾對姣襪，Good！G 就豐富，買左幾件衫。如是者行啊行，行到咁上下就返去尖沙咀吃個早既晚飯。到了 HIP KATSU 吃吉列。由於早到，係有窗邊卡位坐。督督督，就吃左呢 D ↓



有雞扒、有大蝦，當然還有豬扒。今次再一次幫襯，真係覺得世貿既 TONKICHI 好食 D。食食食，得左以下結論 ↓



估唔估到係咩呢？就係三隻蝦，哈哈哈。送給天下無聊人。最後個餐有甜品，但係極之唔欣賞 ↓



呢幾粒凍到結冰，總之係硬過鐵既提子。我放棄，唔想咬崩牙。普普通通一個雪糕咪幾好，真係 OMG。吃完去飲杯，飲完杯就去海旁睇呢個「A Symphony of Lights」，係咪好勁呢個名。其實就係「幻彩詠香江」 ... 先來既就係維港夜景 ↓



都 OK 既，好多外國遊客。其實有多少似蝙蝠俠套戲裡面 D 警察 Call 蝙蝠俠咁開燈射上天 ↓



睇完之後就到尾站 Haagen-Daz 吃雪糕 ↓



都難得啊，難得無乜人。Good。如是者，今天的行程就此完結。



That’s All.

好啦，話咁快又到左另一日。記唔記得酒店房既咪有個「天窗」既？呢個窗絕對係 Morning Call 既好幫手。點解？無他既，這隻窗無窗簾拉，天一光就透 D 光入黎 ... 言歸正傳，今日正式參觀，先到方舟花園看出閘既一幕 ↓



方舟衝上香港地，少不免都要派個代表去睇下樓。我地由長頸鹿先生帶我地去睇下 Park Island，G 都話靚 ↓



大家估下左手邊既動物是甚麼，是屬於需要保護的級別 ↓



就係叫做「歐卡皮鹿」。再來就係大雜錦 ↓



唔知點解，硬係覺得呢個係 Lion King 既情節，可能見到澎澎既關係。另外有無發現 D 動物少左 D 乜野呢？睇完之後就去左個同方舟有關既展館，咁有 D 乜野睇呢。都好多既，這個世上有不同的方舟，你又知多少呢？跟手就出去食個午飯，到了一個德國風的餐廳吃，坐係室外 ↓



遠眺曬到火辣辣既馬灣沙灘 ↓



感覺就是這樣疏乾 ↓



我就係食這個德國腸仔餐 ↓



G 吃焗飯，當然，都係我個餐好食 D！食完再散下步仔就入返去方舟內，先去生命教育館行下，不過唔係好岩我 ... 再來就係去左珍愛地球館，呢個多野睇 D。由於唔係假日，所以裡面都無乜人，但同時都係少左 D「互動」既活動，例如做小手工個 D 咁。盪呀盪，如是者就行完了。其實還有一 D 限期的表演 / 展覽，不過要另外比錢所以就算了。如是者就撘返船返中環，跟住做過乜都唔太記得，因為都仔。最後埋尾就係去左 Outback 吃晚飯。先來最愛既芝士煙肉薯條 ↓



再來當然係 Chargrilled Steak ↓



哈，最後係頂著肚子食唔晒！奇也。如是者就散了，記住今日係無影貼紙相！我絕對係記得要影既，不過都係仔所以唔提了。之後幾日都有影返既。



後記：
少不免都會買下 D 紀念品，咁當中我就搵到呢架回力車，都幾值得買 ↓



特別在 D 動物點放都得，放埋係間屋仔裡面都得 ↓



本來係我買既，不過 G 話幾得意所以就轉贈過佢。最後，落船了 ↓



嗯，點解好似怪怪地既！？

最後 …↓





That’s All.