哈，係老土，之前都話明唔會買，晒錢。但係，有就始終開心 D 既。如是者就買了一小紮重要放係背囊收收埋埋。前半段活動係禮拜日黎既，跟手就撘車落中環，係 KFC 買了 Pizza 寶盒餐再加多個單買 Pizza 寶盒。本來都係慢慢行去 2 號碼頭，點知越行越急最後跑埋，萬一 Miss 左就要等半個鐘了！真係唔行過都唔知咁遠，開頭我以為係愉景灣，點知係珀麗灣，唔行過都唔知咁遠。係船上面開餐，開頭諗住 30 分鐘船，食乜都夠時間。點知原來係 20 分鐘 ... 都快快口吃完。個芝士煙肉薯格都 OK 既，個寶盒一般，食得好「論盡」。
熱住咁行，話咁快就行到去馬灣既挪亞方舟。先到酒店 Check-In，繼而 Refresh 下。抬頭望上房，嗯！有天窗，趣也！
係咪覺得呢個係一個好好既設計呢？遲下再講其實唔係 ... 真係火滾。Hea 左陣、送花和禮物。渠 G 當然估唔到會有花啦，之前我都講過話唔會送花，但係我就係講過唔算數，哈哈。如是者，就差不多到晚飯時間。到了方舟內的餐廳吃 Buffet，有窗口位坐，望出去就係青馬大橋 ↓
再過少少就係珀麗灣，有錢又係中環返工的話，住係度都幾 Good 啊。個景有多少似赤柱 ↓
個 Buffet 一般般啦，感覺上價錢相約既迪迪尼 Buffet 多款 D。不過特別在有疏乎厘，由頭坐到落尾。吃完之後就出去外面行幾步，這就是夜景，有人影結婚相 ↓
如是者，今天都差不多了。精彩的還有明天正日。
That’s All.
In Memory of Bill ...
撘單整多幅 Team Fortress 有趣 Capture ↓
另外呢首哀歌令我諗起耶利米 ... 是轉貼的，一針見血。本身想寫對某幾點好認同，但係再睇一次都差不多係全部。哈。真係要 Print 出黎驚剔自己唔好犯這些錯！
01. 聲稱自己沒有甚麼特別要求，最緊要最後件完成品夠好、夠正！
出左Layout之後又話想點想點，好似邊份邊份咁，變左佢係DESIGNER，佢教返你點做野，總之改到變左垃圾佢就至開心（仲會衰過好多你自己初頭唔敢比佢睇既超行貨垃圾!）
02. 負責與設計者接洽的，他要向無數上級交代，但他亦是最多意見要你如此這般的，事後証實只是小人物的一廂情願。
03. 時間極趕，好像他今晨睡醒才醒起今天有稿要出街，最好設計者即席揮毫，或打開電腦便有超過十個Layout給他揀。
04. 要求在極短時間內安排第一次Presentation。
05. 對設計者對其作品的講解無甚興趣，只以其個人審美標準對待任何設計作品，但通常辨別美醜能力低得出奇。
06. 明明Target Audience與客戶本身的年齡、消費模式、接受能力與需求不同，但他仍堅持要全世界所有生物都要明白設計者的作品。劃公仔劃出腸是不足夠的，應該要 劃出細胞才對。
07. 對設計作品作出無寧兩可的評語以顯示自己的過人品味。例如：太寡了、太多了，太單調了、太豐富了，不夠搶、太搶了，搶過件Product，未夠正，不夠活潑、太正經、可否換另外一種字款或用多幾種字款、文字太細了、鮮色點、可否加多些Design Effect、可否再試多幾款Design來看看......（不能盡錄，下刪百字）
08 . 通常批評最利害的不是作品的整體，而總是執著於這一忽大少少，那一忽細少少等枝節問題。永遠不知道設計是一個整體。
09. 非常貪心！要求設計者不斷提供更多設計方案，而他跟本不知道自己要甚麼，繼而作出無數次修改，但Deadline不變。
10. 在十多分鐘內連環撥多次電話給設計者，問一些本應在第一次通話時便可交代妥當的事情。原因是：「忘記跟你說......」
11. 當設計者還未曾完成該階段的工作時，就心急地致電要求「有幾多睇住幾多先」。就像一個女人化了一半妝未完成時他要看，看後他說好難睇！
12. 遲遲不提供應有的資料及內容，但要求設計者「做住先」。到最後，設計者會發覺初期的設計並不適用於後期真實的內容當中。唯有無奈地重做，而這個過程會不斷重覆直到大家筋疲力盡。
13. 在工作過程中不斷大幅修改原先已達共識的Brief，當然，Deadline不變。
14. 竭力參與設計工作及嘗試加入自己的個人喜好，務求在設計產品中有其參與過的痕跡，以證明自己的意見是有見地或自己在公司的地位。出街後反應好是他的功勞，反應不好是你的錯。
15. 對設計者不大尊重或信任。
16. 對設計非常執著，例如：要求將公司Logo放大5-10%、字體加大半Point、張圖移向右面0.3mm、隻紅色要加多5% yellow......等等。
17. 不能分辨設計、廣告、漫畫、美術、藝術之間的不同之處。
18. 愛Hard-sell，最緊要公司Logo和名稱大大隻，以面積大細定輸羸！
19. 若設計者要求一個可用作印刷的公司商標時，就算給了他所有要求指引，客戶亦只提供自己的名片或一個從公司網頁下載回來的Jpeg / Gif便希望了事。不知道世界上有Graphic Standard Manual這東西，還會說：「不嬲都係咁啦，你唔係做唔到嘛？」
20. 漠視何謂統一性或連貫性的重要，同一個稿明顯出現信息混亂及精神錯亂現像。
21. 缺乏獨立思考能力，覺得隔離飯香，設計者提供的方案往往不及街外的好。繼而要求抄襲他人之作品。
22. 以為電腦是萬能的，甚至全能！特別是Adobe PhotoShop！給你一張側面的相片要你執到變成正面！
23. 覺得Microsoft Office功能上太局限，未能滿足心目中的要求；所以才需要一個Designer用部Macintoch幫他實現心中的慾念。
24. 喜愛在黃昏甚至晚上時份把工作給予設計者，並要求翌日晨早完成。
25. 永遠不會理解何謂Negative Space，只知道不可浪費空間或紙張，以為越多信息越有效。
26. 愛護老人，內文字體最好在11 point或以上。
27. 不能抑壓自己去使用PhotoShop filter effect / Eye Candy等毫無意義的視覺效果。
28. 覺得設計作品中越多色彩、字款、相片圖像、公仔及Photoshop filter effect，就越物有所值。最好像Effect示範單位或意圖話比人聽這是彩色印刷。
29. 永遠不明白Ink-Jet printer所造出來的色彩是有異於柯式印刷機的。因此印刷品竟然要跟低質素的Ink-Jet printer顏色。
30. 亦永遠不明白電腦熒幕的顏色顯示與柯式印刷是有分別的。因此，印刷時請跟他自己部電腦所顯示的顏色為標準。
31. 交稿前十萬火急，交稿後渺無音訊。
32. 在非辦工時間致電給設計者詳談工事。
《總結》
各Designer敬請保重身體，珍惜身邊親朋戚友相聚之光陰、關懷及愛護吧！
*(大部份 Designer 工作時間驚人，需大量OT而無OT 錢)；人工除以工作時間 = 麥當勞差唔多
唔好以為OT 到夜晚十點好夜呀!! 做 Design 要 OT 到 2:00 am - 3:00am一D唔奇，因為好多大印刷廠係24 hrs.
基本上香港大部份designer = 做稿員
你(designer)只是他(客戶)的工人；你只是幫他實現心中所想的工人吧了！
That’s All.
真係唔好講笑，細細個就已經充份利用個腦袋子，再加上身手靈敏，玩捉都係贏多輸少。至勁既係細個真係堅勇。見唔見到左手邊個旋轉滑梯呢？個陣係勇到由個頂到直接跳落地下，真係想捉我都無咁易。再來另一個角度看看 ↓
見唔見到有個藍色既滑梯呢？以前唔係咁的，以前係一枝枝旋棍咁組成既運輸帶形既滑梯。玩法除左普通咁坐係度滑，還有企係度滑，甚至由地下跑返上去。其實依家諗返真係幾危險，個 D 棍轉動既同時係好易夾到手指或者衫尾，而且滑落去都哽住個 Pat，一 D 都唔舒服。再見唔見到右手邊有支打橫既柱呢？原本係吊住個大車呔做「遷揪」，咁玩法除左坐之外就係企，最多可以三個人同時企係度。危險既地方係好易屈到腳同埋好易撞親人或比人撞親，個車呔都幾重下。同埋個條橫柱係可以爬到上去，又係避捉既地方。不過就好易比人跳起拍到腳，同埋真係危險！
之但係講起危險，其實以前隔離有個至少兩層樓高既三角錐形既繩網，個陣係繩網玩捉更加危險，同埋由更高既地方跳落地。唔斷腳都算係咁啦 ... 咁危險既野當然拆左，遺址只剩下這個唔知乜野 ↓
其實以前遊樂場所有野都係好危險，包括轉、滑梯、遷揪、繩網陣。之但係危險得黎又真係幾歡樂既。
近日又聽左一個故仔，又要分享下。知唔知肚腩仔除左裝肥膏之外還可以裝乜呢？以下落黎係一個全新既演譯！原來個肚腩仔係可以用黎裝運仔！還有一句金句「肚腩裝運仔，得閒拎黎洗！」。好句好句！唔怪得之我 D運仔來得不易啦。
話分兩頭，G 就快生日，突然靈機一觸比我諗到送乜野。無人會估到，皆因真係幾冷門。諗諗下不如送個 D 一年去痘痘療程都唔錯啊，夠實用，又可以變靚 D！但 G 就話唔好。咁啊，不如送部抽濕機，都好實用啊，之但係 G 都話唔 Good。唯有我再諗下啦。其實都諗到下！
That’s All.
話分兩頭，今日放假簡直爽丫丫，睏夠。其實可以再睏多 D。
That’s All.
兩個精選 + 一個熱香餅。咁既配撘係經過仔細考慮的。是咁的，今朝一早起身就起勢咁 Morning Call 一位少年和一位少女。都 OK 擔心那位少年 Morning Call 唔醒。果然，由八點 Call 到九點。那位少女就比較可靠，之但係 … 都無接到電話既 … 我八點半鬆 D 買麥仔早餐的。買之前係度諗，啊，少年和少女會不會唔知醒呢，咁咪浪費左個早餐。但又應該對佢地有信心，之不過有信心得黎都要有兩手準備。衡量過後，買兩個精選 + 一個熱香餅就穩陣。多左一個餐都頂得順，吃埋，但多兩個就唔掂當，會食到嘔。咁熱香餅就算唔即刻吃，放係度當 Lunch / Tea 都 OK，可以叮返熱。買個陣都十五十六 …
時間一秒一秒咁過，話咁快差不多到九點，少年和少女都無乜聲氣。打了又打再打，終於！少女覆 Call，Good！過多一陣少年都接左 Morning Call，Amazing！
少女先到來吃早餐，難得的有人和我一樣會切個麵包 ↓
轉個眼少年都來到，迅雷不及掩耳已經吃完 ↓
如是者就集體移動，去到小學同小朋友玩下唱下歌仔咁就成了，估唔估到玩咩呢 ↓
唔開估，自己估。如是者，咁就離開回香港仔再吃飯。再抖抖，再左右搖，再庇護，咁就差不多一日了。今天值得開心的是成功邀請到少年少女幫手，Good。
That’s All.