話說友人今個禮拜放大假,日子又變得繁忙。佢成日都叫我去旅行,但係咁既時勢,邊有心情離開香港。就算澳門咁近都好,但係萬一有 Interview 都唔好啦,又或者 H1N1 咁又係煩。佢就係唔明白,講完一次又一次再一次,我都無咁好氣了。咁都諗住盡量陪下佢啦,所以今日就去睇戲,睇這個《天使與魔鬼》。但係除左睇戲前、後一小段時間再加睇戲個陣無拗撓,一頭一尾都有。點解咁呢?放假明明應該要開開心心。原先有另一個 Plan 既,但係有 D 阻礙所以要變,一開頭佢又係度怨話無活動又乜,見佢咁都去睇戲啦。一開頭我有 D 野要做,諗住係香港仔等,打比佢話到左。點知佢連車都未撘,真係無名火起。咁又無計啦,唯有直接銅鑼灣等。面對住咁既情形,我真係笑唔出,明知唔得就唔話晏少少啦,次次都係咁。
氣紛好轉過一排,咁係去太古城中心間 UA 睇,買完飛之後去 FoodCourt 食,今次食 PepperLunch,無食好耐再食,係幾 Good既。咁見有 D 時間,咁就去睇下數碼相機。見佢個部都舊,再加上之前睇 Concert 時都覺得部機唔係好夠用,提議過佢買過部,但個陣佢又話唔好又話重用得。點知今日失驚無神又話想買,真令人費解。如是者就埋下嘈交既伏線,原先睇定左 Nikon 某個 Model,但沿途行既期間又見到 Sony、Panasonic D 機都好似好唔錯。正所謂有得揀就煩,果然出事。期間去七仔買野飲,佢買完之後先醒起有張 UA $10 Coupon。又黎了,次次都係買完之後先醒起有 D 野唔抵啊、未諗清楚咁。次次都係咁我次次都好嬲,皆因次次佢都好似怪責我。個 D Coupon / Discount 咪一樣要用錢買,洗唔洗為左 D 咁既野嘈啊?講返相機,我就覺得其實部部差唔多,用開 Nikon 幾好,其實都唔洗點諗。不過友人話最好拎上手摸下先決定,氣紛都麻麻地,我都知佢要諗好耐,都叫佢返屋企諗清楚先買,但係佢又話打鐵襯熱。
好啦,好在夠鐘睇戲唔洗嘈。套戲本身好 Straight Forward,D 解迷解得好 Hea,好似一解完迷就睇住 D 人質送死。雖然故事尾段有 D 出乎所料,不過其實唔合情理。個殺手又話留有餘地唔殺男女主角,但又出奇地殺死阻住佢辦事既警察。此外,個總管係咁叫人走,但其實 D 人走晒,佢點做英雄呢?又係講唔通的。不過劇情簡單唔洗諗,都有佢好處既。
睇完戲都無乜野,剩係友人發覺跌左條手鍊,又無左幾百銀。咁落返銅鑼灣 Time Square 買相機,咁就去左間叫做識人既連鎖店。不過去到都無即刻搵熟人,皆因知道友人有排揀,咁埋 Counter 搵 D 機拎上手摸下,但係友人拎住兩部機,但係對眼係望係第二度,奇。咁都無乜特別,都見 D 野送得好齊就諗住算啦。咁岩識得個人就係隔離幫緊個客試機,都打左個招呼。好啦,搞掂晒咁走啦,但係友人講左句,又話識人既,唔係有得再平 D 咩,我係豐 __ 買有分儲啊。原先我見個價都差唔多同埋「送」個 D 野都齊,咪算數。估唔到又係買完先黎怨,又黎啦又黎啦,次次都係咁。點解唔可以早 D 講呢,早 D 講我咪早 D 問。唉,心淡。不過都好過當時為左 20 yen 而嘈既,之但係都唔好得幾多。如是者就不歡而散。
That's All.
食完之後就行去紅館,友人開始興奮起來,開始失控,好彩還算抑壓下來,順利進入館內。不過位置就一般啦,兩大條電纜 / 水喉係正視線中間。未開場既時候,少不免要吹脹打氣棒,誰不知道,友人又不慎跌左支吹氣管 ... 唔緊要,拆過另一包比佢。佢吹到好似好脹,實情係唔夠,Fing 多幾下到演唱會中場就已經開始漏氣,完場起碼無 1/4。個演唱會都 OK 既,我對林峯無乜愛,都無抱住期望去睇,當然無失望。林峯邀請的嘉賓都幾好,懂得搞氣紛。由於完 Concert 後有簽名會,所以無 Encore 了,其實有一首飲歌佢無唱到,無得伸盡手臂。不過友人就搞笑啦,明知睇 Concert 就叉好相機舊電啦,影到中途無電,係自己攞黎,係抵。重諗住用手機影,咁當然唔得啦。
完場後都係度搵 Souvenir,結果得 D 頹海報同新碟,只要在場買野就有籌乙個,可以拎簽名。佢又想買個 D 外圍影相佬個 D 相,但係勸幾句之後佢都無買了。友人咁愛林峯,少不免會打探下。儘管我係人地男朋友,但係見到要排唔之幾耐先拎到個簽名,都無乜心機陪佢,咁又唔想阻止佢拎簽名,所以就分道揚鑣,各自離開。咁一切都好地地,但係友人打探完無得拎出面買既碟黎簽之後又即刻跑住咁追上來。其實都好正常啦,點會比你簽外購既碟。聰明既會先買張 Poster,咁有個籌之後就順勢簽埋隻碟啦,幾 Perfect,可惜佢無咁做。就係追我既期間,比一級高出來的樓梯跘倒,亦即係俗語所講既「仆街」。唉,咁為乜呢?著住 D 婆仔鞋,平時又少訓練,點會咁易追得到我呢。一急就易仆街,咁真係為乜呢?遇到咁既情況,我真係唔覺得要可憐。好似好衰咁,但其實有 D 野係可以避免。
That's All.
好啦,入正題,呢套《翻生侏儸館 2》都值得看。開頭咪話無乜人睇呢場既,但事實係都有八成滿,唔講得笑架,好在一早買左飛咋。有 D 人話比第一集無咁多驚喜,咁呢個我都承認既,可能有 D 野第一集已經笑左,今集再出好似無咁搞笑。好在我無睇過 Trailer,聽聞最好笑個 D 係 Trailer 播左出黎。之但係 $70一張飛黎講其實唔值,$55 就差唔多。睇完呢套,下套就睇就落畫既《天使與魔鬼》,希望睇得到啦。
話咁快 Gackt 就出道 10 年,呢期有 D 慶祝活動咁,就係每週出一隻 Single。第一張就係《小悪魔ヘヴン》,Gackt 首次跳舞 ↓
睇完之後第一個感覺係好搞笑,Gackt 跳到好似 DJ Ozma。其次就係,Gackt 好似咪咀,真係有多少失望。
That's All.
以下就是聰明人與一般人的分別,Biu 真聰明 ↓
(如果我真的能知道那期金多寶的號碼...我一定不單止買一注...從那六個號碼分開每3個一組, 可分成6C3=6!/3!(6-3)!=20組, 用其餘42個號碼<不計特別號碼>分開每3個一組, 可分成42C3=42!/3!(42-3)!=11480組, 單單是中三個字的7獎就可以配成20x11480=229600注, 如此類推, 6獎有6C3 x 42C2 x 1C1=17220注, 5獎有6C4 x 42C2=12915注, 4獎有6C4 x 42C1 x 1C1=630注, 以每注扣除$5成本後的利潤來計算的話(7獎$15, 6獎$155, 5獎$315, 4獎$4795)已經有229600x$15+17220x$155+12915x$315+630x$4795=$13202175, 這個買法只是每個組合一注...如果每個組合10注的話...是可以有1億的...100注...1000注...10000000000注...賽馬會就要倒閉了...因為六合彩派彩方式是先派4-7獎, 有剩餘的才撥入頭3獎的, 太多注中獎的話馬會好像要倒貼的...所以這個買法才有保障, 不然那期幾個人瓜分頭獎的話就得很少了...*****看不明白算式就只看答案好了*****....不過其實買很多注相同的4獎就已經可以了)
That's All.
「Trigger-Happy」。我需要啊。話分兩頭,一日改到 120 幅畫,我覺得算係咁啦。
首歌真係好有意思,Mr.Children 既 GIFT ↓
甚麼才是最美麗的顏色呢?
那甚麼才是最耀眼的東西呢?
一邊想像著你收到時開心的模樣
一直在找尋著 給你最棒的禮物
人們常說想要找到 "真正的自我"
也常聽到想要知道 "活著的意義"
希望在我用雙手把那交給你的時候
也能在那轉瞬間 解開那些迷網就好了
妳會為了我收下嗎?
一直以來都想要交給你
所以我總是緊緊地握在手裡
產生了皺褶 也已經變了顏色
雖然就連客套也說不上是個很漂亮的東西
"是白的還是黑的?" 當被問到這樣難題的時候
在努力要作答的那道牆前
我們又再次地迷網 即使裹足不前
在黑與白之間 無限的顏色擴展蔓延
我尋找著最適合你的色彩 取一個很溫柔的名字後
看啊 把這最美麗的顏色 現在就送給你囉
就算走到了地平線的另一頭
只會看到嶄新無盡延伸的另一條
"就到這放棄吧?" 捫心自問的時候
還想繼續走下去啊 心音如此地回答我
在不知不覺中累積的負擔
我也還可以背負地走下去啊
連你的份我也一起背著啊
所以請留在我的身邊吧
因為那樣 我的心就會變得輕盈了起來
在無盡的旅程盡頭最後 "被選上的人"會是誰?
假如就算那個人不是我
即使如此我也會繼續向前跑下去 繼續走跑下去啊
因為有持續照映的陽光 所以也才會有陰暗的地方
全部的一切都是有意義的啊 如果可以相互肯定的話
那不管身處在甚麼樣的地方
一樣都可以感覺得到陽光啊
現在 就把它送給你囉
你會喜歡嗎? 快收下吧
是因為和你一起才能找到的喔
其實我才更應該謝謝你啊
甚麼才是最美麗的顏色呢?
甚麼才是最耀眼的東西呢?
緊緊懷抱著 妳給我的這個GIFT
永遠永遠地會在我的心裡
看啊 在閃耀著 持續地散發著光芒啊
That's All.