呢個世界有一種人，佢會懂得大道理，好有正能量。之但係要處理小事既時候，總係搞到一穫泡，真係令人好氣餒。我成日都話，「好」同「唔好」好簡單，唔洗諗咁耐。例如要撘乜車又要諗一排、揀食乜又要諗一排，點解要搞成咁呢？爽快 D 唔得？

此外，深深體會了「塞翁失馬，焉知非福」這道理。當做一件事既期間阻礙重重，呢個時候就要退一步諗諗係咪唔做好過做呢，格硬做左反而就出事。



That's All.

咁實習完有乜野做呢？其實日日都係屋企踎，間中去香港仔食下 Tea 咁。最後一份既 Assignment 都無乜動力做，係關於實習既 Report。時間多左，少不免就 Hea 下，咁岩又 mp3 又播到 Speed 既 All my True Love，如是者又勾起不少回憶 ↓




1998 年，中二既時候，第一次迷上的日本歌唱組合。以當時來說，Speed 的風頭十分之勁！第一次買佢地既碟係 Moment，包裝好靚，歌當然係好聽啦。轉個頭依家 2009 年都相隔十多年，真係好懷念。雖然佢地依家復出返，但係都無左當年既感覺了。突然間既懷舊，由令我想起兩套日劇好想睇返，第一套係《庶務二課》，又係十年前既一套作品，呢套劇真係超搞笑，剩係係 ATV 睇過幾集。另一套就係《大和撫子》，又係係 ATV 睇，播結局個晚做過乜都記得，實在太好睇了！Misia 唱個首 Everything 又好好聽，真係好想重看一次。

除此之外，睇返 D 相，見到 D 矇眼小鹿，真係有幾分似渠 G ↓




究竟幾時先發市呢？



That's All.

今日係實習既最後一日，確實難掩心情既興奮，重要無堂上喎。一早返到學校吃個早餐，之後交低埋 D 畫點解有咁既分數，接下來當然就係 _ _ _。如是者就好快到 Lunch，叫左 Pizza Hut，這就是熱氣第三擊。真係唔好講笑，口內都有一兩粒大飛滋。咁同老師 + Form 4 VA + Form 3 三個學生吃。十個人原來係吃唔得晒一個 Partty Combo 的，剩下都有夾埋成個 Pizza，有點意外。收到 Form 4 學生既 Card，係幾 Good 既。

吃完後派埋 D「小禮物」比學生，Form 1 反應係大 D 既，Form 2 就一般啦。咁係一筒五十零粒既 Mini 珍寶珠，理論上就一定有剩既。呢幾班學生本性唔錯，派剩係拎返比我既，令我幾意外，不過我費事拎走啦，叫佢地派晒佢就算。到下晝就切蛋糕，食埋蛋糕再睇睇 Form 4 學生既進度就完晒個實習了。Very Good。不過話完其實都未完，還有 3 班共兩個 Topic 既畫未改。

話分兩頭，Starhubs既 Servers 返晒黎！不過個 Ping 超高。之但係已經超興奮。



That's All.

睇完堂既日子少不免係 Hea D，咁分別講下各日做過乜：

禮拜一：上完四堂後就跟隊去睇 Poly Grad Show，咁有 D 作品係幾特別既，咁當然有更多作品就一般水準，唔算好突出又唔算話好差，中規中矩咁。睇完本來諗住行下又一城，但又攰攰地，所以同一堆學生撘車回家去了。

禮拜二：無記錯今日係無堂上既，但係做過乜野呢？係無乜印象，應該都係寫 D Comment 比 D 學生啦。下晝半「補課」，Form 1 學生黎畫埋 D 畫，其實放學後學生既心情係好 D，一來係自願，二來無左上堂個種規範，我又可以多 D 個別指導。夜晚老師請吃飯，見到 Co 爺自不免就好開心，佢實在太搞笑了。

禮拜三：今日上一班，其實都唔算教乜野，只係執手尾。老老實實，我覺得呢班進度一般，四個 Cycle 都未完成一件作品，究竟佢地上堂做過乜黎呢？個人覺得 Form 2 既接受程度低過 Form 1，始終佢地慣左原本既模式，一下子改變的確唔係易接受。晏晝一落堂都出左去同渠 G 吃飯，熱氣第一擊，麥仔！本來見朝早咁大雨都諗住取消，但係晏晝又無雨喎，不過就變得好熱。放學後又同渠 G 吃下午茶，Good。

禮拜四：今日主要係改畫，超快速就搞掂左一班學生既畫，比晒 Comment 比晒分。晏晝係熱氣第二擊，肥肯！放學都有另一班「補課」，今次人數少 D，都係執埋 D 手尾。值得高興既事係全部人交齊，非常好。放學回家後又再出過去搵分得到既「小禮物」，再搵 Thank You Card，不過後者搵唔到岩水，Not Good。


話分兩頭，見到阿 Biu 既呢番說話覺得好搞笑 ↓





That's All.

好，今日係最後一次睇堂既日子。一如以往，之前個晚都睏唔著。咁今日睇 1H 堂，有多少預料之外，問題既學生又出問題。今日敗因有二，第一係學生 Holiday Mood 好重，尋日放假、聽日又放假，再加上早會完，要佢地集中返精神係難。呢個係非戰之罪。第二就係今日加插左 Peer Review 同 Evaluation 既環節，對唔鍾意同人 Share 既學生黎講，其實好難成功，再加上係第一次做，學生係好迷惘。呢兩個主因就令到 Overall Impression 差左，今次細分係好過上次，不過大分就差左。第一個敗因其實都無乜解決方法，係天時唔好，我該做既都做左，鬧又鬧過氹又氹過。第二個敗因解決方法係比時間學生去適應，短期內都係無方法解決。由於呢 D 敗因都非我能力所能改變，所以 Supervisor 都笑笑口講下就算。之但係整體個課堂係未到 Credit 既，自己教都知。

下晝都幾過癮，同 Last Day 既實習老師同其他 Staff 放左學後吹下水、食下蛋糕咁，都幾開心。雖然唔係我 Last Day ... 但都非常 Good。下個禮拜五就 Last Day，真係想唔 Hea 都唔得，到我 Holiday Mood。



That's All.