今日係 Easter Holiday 前最後一日要返學既日子，今日都係特別日子唔洗上堂，雖則唔係特別日子我都無堂上。學生今日要到聖約翰座堂參加 Easter Service，分兩場，咁我係要到下場。雖然 40 / 40M 可以直達座堂門口，但係我信唔過佢，佢兜好鬼耐 ... 咁就出左去香港仔諗住撘 37A 既，但係去到車站既時候，見到好多學生等緊 70 號，37A 呢邊就無。咁個心都有多少動搖應該點呢，打比渠 G 佢有無聽到電話。最後，我決定係跟大隊撘 70 號既。由於有好多學生，都唔洗煩究竟要係邊個站落車，剩係跟大隊就得，不過跟跟下 D 大隊散晒，最後都係靠自己行既。本身都去過，基本上都認得 D 路既。

咁呢，以前唔覺，但係依家就好覺既就係學校既崇拜好短，45 分鐘就完，其實長多少少都 OK 既。完左之後就行去中環撘車。點解行去中環唔行去金鐘呢？一來中環既方向好似清晰 D、金鐘唔係話唔清晰既，但真係唔知點解對腳就朝向中環既方向。好，好快就有車，跟手搵渠 G 吃個 Lunch 再 Hea 下就一天了。

回到家少不免打下機，不過唔知係無打一排定係個人攰，都打得麻麻地。臨睏前 Check Email，原來 Supervisor 好快手就 Reply 左我，重叫我今日朝 11 點打電話比佢添，可惜太遲先見到。



That's All.

咁今日有乜特別野做呢？尋日都唔得閒睇套《星星同學會》，今日終於有機會睇左佢，估唔到今集都 OK 好笑。咁睇到中段就上 Art Room 見一見 D 第一批既 Form 4 既學生，問佢地拎埋 Email Address，咁順手睇埋 Tessellations 既 Video Tutorial。睇完又落返去繼續睇《星星同學會》，Play 左唔夠分零鐘，高層搵我落樓下「開會」，幾時都係戴單邊耳筒穩陣 ... 咁都估到係關於學校網頁既事。咁我呢 D Micro Tomato 當然係跟大佬，有另一個阿 Sir 就匯報緊尋日三人會議既內容，咁都無乜特別既。之後真係返上去睇埋個 Ending，Good。

睇完之後又返上去 Art Room 見另一批既 Form 4 學生，都係問佢地拎埋個 Email Address，咁都係講幾句就散。之後再同老師講一講個 Learning Targets，咁都有 D 地方要修改一下。如是者就離開學校，與老師和 Co 爺在美心吃 Lunch，見到 Co 爺都幾開心既，見到佢自然想笑。吃完之後返學校 Send 份 Lesson Plan 比 Supervisor，跟手又再上 Art Room 同老師講講另一個 Topic，咁都要試下先知得唔得。

講到咁上下就好快夠鐘走人，咁相約老師到中央睇學生作品展覽。嗯，原來 Mandy 見到我，不過我見佢唔到。個展覽都值得睇既，雖然質素未必真係件件都咁高，CE 交呢 D 作品分分鐘都只係得 Pass。不過款式都幾多，幾多得意既 Idea。令我得著最大既就係一件作品 Work 唔 Work 唔緊要，最緊要係個 Presentation / Artist Statement 夠堅，哈哈。睇完之後就搵渠 G 行下 Hea 下，開頭以為佢返左屋企添。如是者咁就一日了 ...

講開無聊既 Artwork，呢件都算無聊，不過好有趣 ↓




諗住拎晒 D 學生 Email 可以話 Send D 野比佢地睇，之但係發覺原來漏左張 List 係學校，哈哈。無計，唯有再返學個陣先再算。



That's All.

今日做既野唔多，不過唔係成日係自己個位到。都幾一早既時候上左去 Art Room講下之後實習既野、點下學生相咁，咁就無左一整個上晝。跟手食個 Lunch 之後 Hea 左陣又去「開會」，開完之後又無左大半個下晝。返上去 Art Room 執執野就差唔多四點，再 Hea 左陣就放學走人。

不過夜晚就落左去銅鑼灣逛逛，去教協行左陣，都行左 OK 耐諗買定唔買，最後都買左 D 野，D 顏料真係好貴。其實都想買個 Timer 同一大筒珍寶珠既，可惜前者唔岩心水、後者又搵唔到。去左附近既 Jusco 十蚊店睇下有無，有就有既，不過都幾貴，而且個款樣又衰過 City Super 個 D款，所以最後都無買。不過就比我地見到日本成日見到既透明塑膠遮，即係呢隻 ↓



跟手都係逛下有無一大筒既珍寶珠，可惜無。轉個頭就去左金鳳鋸用鬆肉粉醃過既扒，其實只係想過下口癮，咁既價錢就差唔多啦，無得同 Outback 個 D 比既。最後到 IKEA 打個轉就回家去了，攰到爆。



That's All.

今日 Palm Sunday，好似往年咁同另一間英語堂聯合崇拜，咁都無乜特別仔。下晝就堅啦，都唔知幾耐無入戲院睇戲，咁尋晚就上網買左兩張戲飛今日睇。好啦，早左少少去到 Time Square，落左去 City Super 打左個轉，都睇到有 D 心水 Product，都諗住買幾件做 Sample。差唔多夠鐘就上去刷卡拎戲飛，刷卡個下個手感好爽。

呢套戲既節奏同一般日本電影一樣 … 咁慢，不過就睇得好舒服既。都有多少驚喜，真係估唔到有一幕情慾戲！廣末涼子做呢個花瓶角色做得好稱職。話分兩頭，唔知本木雅弘係咪真係識拉大提琴呢，真係幾有型。同埋唔講唔覺，原來套戲既曲目係由久石讓作的！

套戲淡淡 …但真係睇到眼濕濕。有一幕係講澡堂個老闆娘過左身，跟手有個老顧客就係老闆娘火化個刻講返其實人可能係有預感，話老闆娘幾十年都無慶祝聖誕節，無啦啦剛過去個聖誕節老闆娘特登搵自己一齊慶祝。跟手老闆娘個仔就講返好違憾自己無同阿媽完成埋心願咁上下啦。呢一幕真係勾起不少回憶呢 … 爭幾日就爭幾日，真係無得好講。

套戲好唔好睇，唔多唔少都取決於身邊有無重要既人離逝的經驗，如果有既話，共鳴係會大好多。






That's All.

清明時節雨紛紛，路上行人欲斷魂。呢幾日腦海都浮現著這首歌曲的旋律，Elton John 既《Candle in the Wind》↓




真係好攰，十一點醒左一陣 Hea 左個零鐘，跟手再睏到三點先起身 ...



That's All.