今日去銅鑼灣 JP 睇早場，就係「崖上的波兒」。就個人來說，係想睇日版多過配音版，不過算啦，少地方有日版而且又想就下人。套戲本身非常之簡單，故事直落，少驚喜。雖然係咁，都睇得幾舒服既。如果 $80 就真係唔抵睇，$40 就差唔多了。配音版要怪就怪阿謝安琪配得差，全無感情，真係差得很。一聽到佢把聲就聯想到佢個人，完全無 Mood。

睇完之後就到 Pokka Cafe 食 Lunch，好耐無去食了，食物一般啦，不過係坐得幾舒服既。一塊玻璃隔住出面與裡面，好有忙裡偷閒既 Feel。食完 Lunch 就到 Sogo 打個轉，買多少野就回家「拜年」。如是者就大半日了 ...

話分兩頭，我有粒「叻叻星」↓



重有一對係香港仔年宵買返黎既牛，手公就真係差少少 ↓





襯記得又講埋，話說早幾日同 Co 爺打波，真係好耐無打。打到後半段計分，打到十分左右個陣 Feel 到個心卜卜卜卜咁跳，真係唔抖下唔計，怕個心頂唔順。依家歸納出 Co 爺唔夠打既原因係唔夠耐力，頭幾分都頂到下，但打耐左就唔掂。打完波係香港仔 Pizza Hut 食個 Tea，正。又係兩個人叫三個茶餐，估唔到佢個西多士幾好食喎！



That's All.

好啦，今日又再去迪迪尼。去之前就返學校整理埋學生個 D 畫既分數，唔好講笑，都整左好一陣。其間見到有 D 學生返去「趕畫」，不其然就有「早知今日，何必當初」既想法，Miss 就覺得佢地係「精益求精」。如果係精益求精，點解要 Last Minute 先黎趕呢 ... 有 D 辛苦的確係自己攞黎。

好，回家執拾一下就舉家出發到珍寶飲個茶先，之後就到迪迪尼。去到迪迪尼都已經下晝，放低行李後就到公園打個轉，玩下理論上要排隊既機動遊戲先，玩左大半之後就返酒店食個 Buffet。本來諗住食完 Buffet 再返去樂園睇煙花既，不過見時間好緊迫，所以打銷左呢個念頭。只係食完之後斯斯然係酒店門口遠眺天上既煙花。

咁係酒店既店鋪行下買下野就返上房，咁因為有 D 事要搵人幫手 Check Email，打比渠雞。佢就搞笑啦，讀人地個 D 人名讀到好似死者名單咁 ... Check 完之後都沖涼睏。今晚係近幾個月最早睏既一晚，十一點就睏，正啊！



講埋另一日，今日係無乜特別，主要都係影下相行下咁，基本上要玩個 D 昨日已經全部玩晒。朝早係酒店食 Buffet，$128一位，其實唔貴而且幾多野食，不過朝早起身食得幾多野唧，都係佢賺既。食完係酒店外既花園影下相咁，入到樂園坐過火車就去米老鼠大屋影相先，之後睇獅子王，到左泰山樹屋等。整整個流程非常流暢，避到大部份人群。咁所以下晝食完 Lunch 玩埋小熊維尼歷險再買下精品就走了。



That's All.

今日去左呢度「拜」個「早年」，估唔估到係邊呢 ↓



比多少少 Tips，就同呢個 Icon 有關，呢個 Icon 幾有創意 ↓



哈，就係到左米老鼠公園半天遊！都係見佢有 D 過年特別擺設，咁入去睇下唧，有 8 個特別 D 既，例如呢個 ↓



見唔見到遠處有兩位「公主」呢？四圍影下相 Hea 下就食 Lunch，今次就食扒 ↓



比想像中 OK 既。少不免就去睡公主城堡影張「PostCard」相啦 ↓



之後 ... 唔知點解又去睇 Parade，今次換左個靚位，先來就睇下大量氣球 ↓



今次同上次最大分別就係可以影埋 Dancer 跳舞，就好似咁樣 ↓



呢個鼓手重對住鏡頭笑添，哈哈 ↓



呢個真係呢 ... 勁似捉鬼敢死隊個隻巨大米芝蓮 ↓



上次唔多覺呢架車，今次補返 ↓



難得巴斯佢地望鏡頭，當然要影低 ↓



話分兩頭，呢一組表演有 D 綠色士兵，佢地真係好 Kai！而女士兵中，有 D 都幾靚女，就係幅相近右下角個 D。最後就係主人公出場 ↓



如是者，睇完 Parade 就準備走人，點解咁早走？！當然有 D 原因啦 ... 其實黎緊既呢兩日，我會再去多次 ...



That's All.

呢期真係好興「波兒」，來個中文版先，來個洗腦 ↓






哈，年尾既時候，通常都有 D 大型音樂節目，日本都唔例外。先來歌謠祭、之後 Music Station Super Live，再來紅白。咁就發覺有一位小妹妹，官方話九歲，通常有個男人同佢一齊登台。心諗佢乜野咁把炮，原來佢就係唱日版波兒既女仔，去片 ↓




估唔到有晒合唱、演奏就唔同晒 Feel ... 哈



That's All.

話說呢排要做 Assignment，都好少出街。咁難得做完晒又唔洗返學，當然要出街豪下，今次就去左銅鑼灣世貿既「とん吉」食。呢間食肆都幾巴弊，每日都會大排長龍 ... 午時就係三點關門，咁今次就兩點三入座。點解咁遲？因為要等埋人嘛。如是者，好快速就點左野食，就係呢 D ↓



首先來個小磨比你磨芝麻，再加燒汁，咁就變成自己既 Source 了。個椰菜絲再加埋佢提供既醬汁，真係唔錯喎，無限供應。炸物真係與眾不同，吉列蝦食得出有蝦味，唔同其他個 D 小蝦！相比之下，吉列豬扒就比下去。個滑蛋吉列豬扒飯，唔知點解一食落就令我諗返係奈良食個種味，係一樣的！真係好 Good。

話分兩頭，今日竟然有海景位坐，哈，好難得 ↓



食完再行下街，係 IKEA 買左盞燈，影得衰，不過幾得意的 ↓



完。



That's All.