1. 好耐無打日記，講返呢期有乜野事發生。其實都無乜特別，都係準備下實習既野。咁都四出打書釘補底，咁都睇到有 D 書幾岩用。先來買左兩本日文翻譯過來中文既素描書，就係《超級素描講座》。之但係，買完書之後過左排係 Library 見到有本由 Reader's Digest 出既《Complete Drawing Course》講得更加詳細，又有唔同既 Suggest Project，遲下係 Library 借返黎睇下先。此外，買左一套上年幾熱門既漫晝，係講西洋美術史，叫《寫給年青人看的西洋美術史》。真係幾淺白，同埋對學生黎講幾有趣，入門來說幾適合。咁最後都買左一部 Graphic Deisgn 既書，係叫《Design Basic Index》，見佢細細本又分得幾有系統，所以又帶左佢返屋企。老老實實，Design書真係好貴 .... 唔係好必要的話，都係 Library 睇有著數。



2. 學素描個方面，已經完左第五堂。自己都 Feel 到係有進步既，不過要畫到去 CE個 D 層次就當然還有一段距離啦。得閒畫下的確係有用既，不過好在係兩個人一齊學，唔係既話都可能中途放棄左了。學完素描就應該會學 Painting，咁就儲齊一套 Essential Kit，之後個 D 之後先算。不過依家其實有個 Project 想做，就係首先畫完個素描稿先，跟住 Scan 入電腦，再用 Illustrator 去畫多次。咁就有晒 Analogue同 Digital 兩種 Style，當係練習下都好。



3. 話咁快就差唔多上晒堂，咁實習個陣就再無假期，生活都會忙同攰。最重要既都係要搵工！CV 方面都準備好，Cover Letter 都只係有一封行貨野，Portfolio 同要花大量時間執執，還有教育理念，總之多野做啦。萬一搵唔到，應該點呢？走去夾漢堡包？不過諗呢 D 之前，還有一堆 Assignment 要完成。



4. 不得不提既係，話說今日返學校講下實習既安排。咁諗住經過操場行去撘 Lift，咁操場就有班上個 Sem 教過既學生上緊 PE 堂，班學生興高采烈同我打招呼，我點點頭就行過。之但係 ... 個 PE Sir 係話左學生幾句唔專心。呢一班學生唔差既，不過唔知今次上佢地堂會點。



That's All.

話說早個幾禮拜交完一份 Essay，自此之後就開始頹。頹既原因可能係一時間忙完未適應；又可能係望到黎緊又要交功課而頹；更有可能係望到難搵工而頹；或者可能係搵唔到書教既時候做乜野而頹；再可能係因為唔鍾意畫畫但侷住要畫而頹；或是因為就快要實習再無假放而頹。總之好多野搞到好頹，或者有人會話呢 D 係無病呻吟，但事實上的確係頹。

頹還頹，但係見到呢個友仔都覺得開心既。Co 爺之食紙雞脾皇大頭 ↓



呢個人仔 Kai 得黎好笑，幾忙都要同佢打下波互想恥笑下，平衡下心情。見到今季有一套《源氏物語千年紀 Genji》既動畫，就自自然想起 紫式部 既《源氏物語》。首先一定要提下由 中孝介 所唱既「恋」，係《源氏物語千年紀 Genji》既 ED，好有 Feel 及配合到主題 ↓




講少少關於《源氏物語》既事，呢套係世上第一本長篇小說，係大約 1001 – 1008 年所寫。故事好簡單，就係關於一個有錢有權有勢既男人四處玩女人既故事，詳情可以睇下 Wiki → [Click Here]。但係重點唔係個故事，而係「物哀」呢種慨念。呢種慨念又同「わび．さび」有關，又同「幽玄」有關。呢幾種慨念有初步既認識，但詳情係點都唔太暸解，都想睇下書瞭解下。

一諗起《源氏物語》就會諗起之前去日本旅行既「宇治滴汗篇」。就諗起去完源氏物物語博物館後行返去車站個時既片段，大約就係咁 ↓



兩旁都係民居，應該都有 D 錢個隻，沿路又有 D 草木，太陽又慢慢咁落下，真係好好 Feel。好懷念 ... 頹就真係頹，可以做既除左等時間過 ... 祈下禱 ... 外，都好似無乜野可以做。



That's All.

話說細佬返黎個一排，少不免就一齊打下機。咁通常都係玩 Team Fortress 2，咁佢係 New Zealand 個陣唔係話唔可以一齊玩既，不過都幾 Lag 下，無乜癮。咁佢返之後都喪玩，同 Server 同 Team，普遍成績都唔錯。同埋另一個網上識既香港人 Mr.Bomb，就係咁既組合都殺唔少 ↓



一齊打既好處係傾住計咁玩，默契好左。有時玩到悶悶地就我做 Medic 佢做 Demoman 強攻，又係殺唔少。玩落之後遇到兩條友仔，Zipper Ripper 同 Nipple Ripper，懷疑又係兩兄弟或者好熟既朋友，佢地 D 默契都好好。佢兩個都鍾意做 Spy，咁我見佢地成日做 Spy，少不免都要做 Pyro 對抗佢地。唔係吹噓，真係搞到佢地無啖好食。又睇唔過眼佢兩個，所以之後每次殺到佢地都會 Taunt，久而久之成為一種習慣。之後佢地殺到我都會 Taunt，到後期就算係混戰中佢地都會 Taunt。擺到明就係大家都唔妥大家，依家一定係敵隊，除非無位。

咁我單拖 Pyro 燒到佢地轉 Class，變左 Heavy + Medic。佢地係用 Kriz 個支 Uber。咁我見佢地有咁既組合，我就搵細佬組成 Demoman + Medic 組合，用 Normal Uber。至搞笑就係佢一用 Kriz Uber 我就放 Normal Uber，玩到佢地一棟都無。又再到後期 D，the Rippers 就開始儲定支 Kriz，一見到我先放。擺到明係想整死我，真係笑爆咀。依家細佬走左，又再孤軍作戰。不過都有計，就係入勁個隊，咁如果咁岩 Zippers 個邊勁既，照常理佢地會走去另一邊。但係勁個隊始終都係勁，一樣收佢地皮。

依家細佬返去 New Zealand 後，我突然諗到個方法可以 Keep 住一路講野一路打。方法好簡單，就係開住 Skype 邊講邊打。咁都幾過癮，講住野咁打係唔同既。除左 Team Fortress 2 之外，都會玩下 Left 4 Dead。Keep 住講野無咁悶之餘又開心好多，真係幾過癮。不過要成功脫離都唔易，好多時最尾都有人上唔船、上唔到飛機，就好似咁 ↓



打機係開心既，不過始終有野要做就無乜心情。



That's All.

好耐好耐未試過打全日既日記，一係無乜特別，一係就無乜心情，一係無乜時間，總之好多藉口啦。好，一早起身都已經十一點半，非常好，開 Mon 上下網、Check 下野、加左個小 Function 落呢個 Blog。其實都無乜特別既，只係改左下現有既 RSS Feed 變做 Facebook 用既 RSS Feed。最大分別就係現有既 RSS Feed 就會 Show 最近既 30 篇 Entry，而 Facebook 個邊就只會出 10 個 Entry，與此同時 Facebook 既 RSS Feed 只會 Show 個 Entry 既小部份。原因好簡單，都想人地睇呢個原版多 D 既，而且有時多圖起上來真係好多圖，費事用晒 D Bandwidth又 Load 得慢。

整完之後就展開一日既旅程。今日係遲左多少出門口，預計到會遲到，都辦法 ... 呢排發覺逢禮拜六下晝都頭痛，原因好可能係因為成日無乜食過野。有見及此，寧願遲到都要係大埔老麥買多少野係車食。食飯時間，老麥多人到呢 ... 唔怪得之夠膽不斷加價啦！買完之後少不免趕巴士既，爭 D 推爆商場既玻璃門。追巴士既途中見到同班同學 Bertha，真巧合。

如是者就上堂，呢個 Creative Teaching Strategy 上堂非常輕鬆，正！今堂學習思考方法，少不免有 Brain-Storm，還有 Brain-Writing同 Six Thinking Hats。運用得宜既話，真係好有幫助。轉過眼就好快落堂，都急急腳離開，咁岩又要追巴士，真陰公。同 Bertha 講開第時有仔女既時候會比佢讀乜野學校，咁我就話負擔得到的話係會揀國際學校既。點解？得閒再講。

嗯，話咁快就到左又一城，同 CM 既同學仔會合再係麥仔打少少底就準備今晚既活動 → Anna 的神秘生日會。有幾神秘？！神秘到我地都唔知做乜，重唔夠神秘！？開頭大家都係度諗，有幾神秘啊，去人地屋企開 Party，點都估到嘛。不過都真心欣賞搞手 細C 既努力既，佢一個月前就已經約人。最神秘既係唔知佢點樣同屋企既有關人士溝通。

話咁快就到左人地屋企，先來就係「咁」錯門鐘，聽到有狗吠聲就知唔係。咁就再「咁」隔離屋，嗯，無聲既，咁就岩啦。如是者入屋，咁同學們就預備左張生日卡，上面有同學仔既人頭相，咁就寫返幾句祝福說話。嗯！竟然發覺有同學發現自己唔係相入面既！？佢就係 David！呢個場面真係幾尷尬 ... 哈，除左笑之外都係笑。咁再繼續，主人翁未到，繼續吹下水，笑下點解咁無 Planning。講就講左唔同既 Surprice 方式，結果有人就入房，有人就哩埋係檯檯櫈櫈後面。主人翁 Anna同佢男友回家後，打算入房放低 D 野。嗯，竟然摸到有人既！？呢個場面其實都有多少尷尬既。轉個頭 Anna 又見到餐檯個邊有幾粒人頭，咁就發現左呢個 Surprice 了。

期間真係好多 Kai 事，先來 Andy 同 Gordon 件衫撞色，變成 Gordon 有個彩色既影。再來 Andy 突然用大碟。還有羊仔開唔到廁所門，要打電話求助。講起個廁所門，真係不得不重提 2007 年 4 月 1 日愚人節發生既事 Link Here ，話說個日踩單車不成，又去左 Anna 屋企，唔知點解 Anna 反鎖左自己房門。咁成班人無野做咪試下開鎖，咁參考附近既廁所門，點知連廁所門都反鎖埋，如是者阿 Biu 就拆所，當時既情形 ↓



好，食完之後影下團體照 / 個人照。咁就玩下 Game，咁講起玩乜野既時候，細C 無啦啦講話玩「三級豬」。究竟 ... 三級豬係點玩呢？！其實佢想講七級豬既。爛 Gag 過後，咁就玩 Card Game「人狼」，其實只係有專用牌既 Killer 黎既。係呢個圈子內，Kai 係會得到懲罰既，羊仔 先來個「底面一樣既」就比人 Kill左；再來 Gordon 抽到牌個陣「嗯」左一聲之後又比人秒殺；最後到 Anna 男友抽牌後突然問「紅色係乜野牌」又比人秒殺。除左 Kai 之外，多野講都會比人 Kill，佢就係 細C。或者咁講，有 D 人講真話係大家都會信，例如 Andy。但係有 D 人講親野都會比人懷疑，例如 細C。

如是者，Kai 下 Kai 下就玩完散水，留返 D 時間比 Anna 享受下晚間既時間。呢班同學仔 Kai 得黎搞笑，係幾開心既。



That's All.

首先，又係溫故知新既時間 ... 遠在 2007 年 10 月 12 日就講過 Link Here ... 好耐好耐之前電腦個位就係咁，呢個陣都係 05-06 年左右 ↓



到 07 年細佬走左去讀書之後，就變成咁，已經變左雙芒 ↓



咁由細佬走個陣到依家，已經換左隻 Webcam、Wireless Laser Mouse、External Harddisk 同埋 HDTV Tuner。又講下我用 Mon 既歷史先，第一個用既當然係 CRT 啦，係 Acer 15"，記得個 Mon 個底色出現過問題，都換左兩三次。第二個都係用 CRT，不過係平面 17"，之但係個 Mon 實在太重，電腦檯個塊板都淆左，最後呢個 Mon 係燒左個膽，記得係 Form 4 個年既 Easter 燒。第三個就轉做 AOC 15" LCD，AOC 呢個牌子真係好少聽，無他既，當年自己都唔係好識，都係人地幫我地買。當然無好野啦，平時 LCD Mon 就話會有死點，但係呢個 Mon 竟然用用下有死線 ... 後期重要唔止一條，真係激到爆肺。第四個就係依家都重用緊既 Philips 15" LCD，無記錯大約係 Form 5 到自己買，係第三代。隔左大半年到細佬部電腦都換埋 LCD，都係 Philips 15"，係第四代。呢兩個就係依家用緊個兩個雙芒，真係唔好講笑，至少都用左六、七年。

我真係好氣憤！氣憤點解個 Mon 用左咁多年都唔壞 ... Philips 你好野！其實近呢幾個月都心癢癢想話買個 24" Mon，到近日呢個癢發作得好緊要，上網做晒 Research 問晒 Friend。本來都諗住今日一放學就去買，之但係結果真係意想不到 ...

講幾句前話先，話說 LCD Monitor 可以分為 TN Panel 同 Non-TN Panel，簡單黎講，TN Panel 就係坊間價錢較大眾化既 Mon；反之 Non-TN Panel 貴一倍，但係色水靚好多。我原先既 Plan 係買 Philips 24" TN Panel 再加 9800GT Display Card，前者 $2300 再加後者 $1000，夾埋 $3300 就成事。但係同某位同學講開，大約內容就係講買貴定平 Panel 好 ↓



同學咁講又好有道理！等左一年貴 Panel 都企硬四千頭，咁當然「早買早享受」啦。今朝返學個陣都十五十六，究竟買平 Panel + Display Card 好定還是一個貴 Panel 好呢。但係諗諗下，我用緊個 15" 都有六七年，真係好耐用！買個貴 Panel 都不為過啊！如是者就決心買個貴 Panel 啦 ... 上上下堂既時候收到呢個 Message ↓



但係點阻得到我，落堂之後就去深水埗睇下。一出地鐵站，第一時間就去提款機提幾千銀。銀包有錢之後就去高登打個轉，都見到心目中既 LCD Mon 同 Display Card，真係有多少心動，都行左幾個圈，打電話比肥仔問意見，佢意見就係買平 Panel 加 Display Card。考慮之際就行去隔離既黃金再睇下，與此同時就打比東亞肥仔問下佢意見，佢意見就係乜都唔好買。聽佢講完之後個心癮又細返 D，咁睇完黃金就行返去高登都諗住買。但係行到去高登既時候，又突然唔想買 ... 原因有幾，一來我依家個 DIY 架要再砌過先夠位放個 24" Mon，都幾麻煩。二來買個 Mon 都不外乎打機、睇片，換左個大 Mon Resolution 大左，想打機就要降低現有 Setting，即係 D 畫面核突左，咁就無癮啦。就要買過張 Display Card 頂上，但係 8600 同 9800 又好似唔係爭好遠，花一千銀去買好似又唔太抵咁。三來肥仔就返去 New Zealand，佢又要執野、依家先搞一壇野又好似好阻定。就係呢幾個原因令到我打消 24" Mon 既計劃 ...

老老實實，如果唔係要砌過個架、又如果唔係挑起買貴 Panel 既癮、又如果唔係因為一個人去，真係好大可能買左個 Mon 返屋企。我真係唔知點解忍到手唔買，連錢都拎埋出黎 ... 其實回程個陣都諗過去灣仔電腦城睇，諗住價錢差唔多都扑鎚。結果地鐵經過灣仔個陣我無落車，之後又再諗，都未必一定要買 Display Card 住既，可以去 Broadway 睇下，但因為要幫人去教協買 D 野，所以又因為唔順路加肚餓而放棄。

依家都有個新計劃，就係一搵到工之後就買！個陣無野可以阻到我，快既話等多幾個月就有。慢既就 ... Touch-Wood ...



That's All.