正所謂浸過咸水，真係唔同 D。各方面都有長進，連打機都不例外。細佬既 TF2技術提升不少，已經超越左我。呢場簡直係恥辱，其實應該係比四個人 Own、自己 Dominate 兩個人，不過剛比人報左仇 ↓



細佬返黎之後，都覺得自己比佢打得差。佢一個人令到有名既 Clan Stacker – ICP 比下去，真係唔講得笑。

Jealous？妒忌都妒唔到咁多。

話分兩頭，部 iPod Touch 剛 Upgrade 做 2.2，花左我 ~US$10。不過 Up 完之後多左好多 Application，最值得一提既係，我又花左 ~US$8 去買左隻大富翁世界版。哈，用 Credit Card 買野就係唔覺唔覺，但其實花左 HK$ 200 了 ...



That's All.

繼續 Mai-K，今次係唔知邊年係紅白裡唱既「Stay by My Side」，無記錯係係奈良東大寺 Live 的




話咁快就過左 4 個 Weeks，School Experience 係今日正式完結。今日就係才記 School Picnic 既日子，咁我呢 D 實習既都有得去，都算係咁啦。好，講下今日有乜事先。

咁七點零起身，八點零鐘就出發行返學校。返到去就上 1K 班房放低今日 BBQ 既用具，咁就行返落 Office 簽到。咁岩見到校長，咁就同佢講聲話今日 Last-Day 咁再傾左幾句。之後又行返上去，同 D 學生寒喧下就好快正副班主任點名。齊人就準備出發去巴士站，唔係講笑，真係好似牧羊人趕羊咁。咁岩 1K 同 1L 都係去赤柱，咁就齊齊去。好啦，話咁快就有車，見到有另外兩位老師係車上面，都知道有其他班係度，係 3K。坐位就無，企位都有既，如是者就搖下搖下就到深水灣，3K 同學落車。咁岩又見到嘉蔚同子聰，佢兩個真係形影不離！再過多陣就到赤柱巴士總站。

咁岩有 D 同學仔想話去超級市場補買返 D 野，咁其中一位老師就帶學生去買。但係 ... 剩下既另一位老師同我都唔識點行去沙灘，唯有等識路個位老師返黎。如是者等左一陣，另一班既學生都到步，咁岩去買野既同學又返到黎。咁就出發去燒烤爐，咁岩可能時間尚早無人。兩班 Form 1 就霸晒某一邊，其餘既老師就坐另一邊既爐。咁岩遇著剛剛，本來老師們諗住坐埋去學生個邊，但之後又搬過另一邊。新既位置非常好，一點風也沒有，反而學生個邊真係大風到嘔 ... 真係唔係講笑，要快速 Set 好個爐，撻得著既打火機、靚炭精、靚炭，同埋適當既技巧。好快手就搞掂左老師爐，跟手就去睇睇 D 學生搞成點。嗯嗯，有一半人大約搞到一塌胡塗，咁都快快手幫佢地 Set 好就走。不過學生個邊真係大風，大風到打火機都撻唔著，剩係有一位同學帶左部 Gas既打火機，呢部機拯救左不少同學。再者佢地有 D 組用既炭比較難燒，都幾考功夫！

其實 ... Form 1 既時候我既「起爐」功夫應該都同佢地差唔多，都係無方法。真真正正學識既都係 2005 年既時候，係一次網聚中學識，係 208 篇日記。當時既圖片 ↓





要個爐 D 火燒得好、起得火，D 炭就一定要砌到成個塔先。用普通圓柱形既炭精就要將幾粒疊一疊佢，再整碎一舊炭精灑上 D 炭；用白色個隻炭精就更方便更快捷。當 D 炭燒紅左既時候就推散座塔，再加少少碎炭，Easy。懂得起爐是男人必須的技能。能夠學識起爐，真係不得不多謝一班 G2G 既網友，可惜依家大家無再見面。

言歸正傳，一塌胡塗除左佢地起唔到爐之外，就係佢地 D 野比風吹到四圍都係，又見到有個同學特登「定」隻膠碗落個爐燒。真係 ... 無言。本身炭火燒野都毒毒地，再加埋燒膠，真係快人一步。如是者，安頓好 D 學生後，就返返另一邊既老師爐燒野食。食物種類非常之多，如是者就食食食。食既期間老師們傾下計；學生們就成日跌下野、吹走 D 野咁，如果係班主任既話會係忙好多。有 D 同學好快就「燒完」走去打閃避球，但唔知點解玩左陣佢地又返去繼續燒野食，Funny。如是者，好快就到中午點名既時間。班主們玩了一個遊戲，就係分別叫佢地班學號一號既學生過黎，之後靠人傳人既方式順序方式點名，即係一號報到完就叫二號來報到，二號叫三號，每次只可以一個人報到。如是者，兩班同學生都花左一段時間先點齊名 ... 上半場係 1K 大勝。無他既，1K 既同學仔主要集中埋一齊燒野食、1L 個 D 同學仔有 D 去左沙灘個邊玩，分散 D。由於 1L 輸左，班主任就訓示下咁。

到下半場 D 學生都收爐去玩。如是者，老師們咁又繼續燒，基本上由頭燒到落尾，連續幾粒鐘都係咁燒。有個學生比人稱做「奧巴馬」，期間有 D 高 Form 既人成日同佢玩。吸引過教訓，第二輪點名比賽係 1L 贏返 1K。尾段開始班主任去同學生玩下遊戲，咁燒多陣都開始清理場地。話分兩頭，D 學生衣著都幾 Yeah。有位男同學帶埋墨鏡去！？女同學少不免就熱褲啦。不過佢地好鍾意赤腳行來行去 ... 真係唔知點解。如是者，兩班分別影下團體相就準備離開。

在回程既路途上，又見到班 3K 既學生離開。好快就返到學校解散收隊。作為 Last Day，都算幾特別既。真係好難得，今日都聽左好多野，用錢係買唔到。不過今日連續食幾粒鐘，係飽到夜晚個餐飯都食唔落，剩係食左個麵包。



That's All.

Mai-K 真係幾靚女下，is my cup of tea。又唱得，掂啊！ Time after time ～花舞う街で～




今日係第一次實習第一次比 Supervisor 睇堂，結果係乞到個 Pass。點解係「乞」？都唔算係乞既，我無做過任何野，只係個 Supervisor 施捨。事實係呢班學生係比較心散、今日教既野比較難、自己經驗不足。我嘗試不斷個別指導、以勸免既方式令學生專心、嘗試將整件作品分開一小部一小部去做，但係結果係學生繼續我行我素，鍾意想點就點、比平時上堂更活躍咁行來行去搞同學。Supervisor 見到好多同學都唔知做乜，而我又無大班面前再比指示，結果當然喪扣分啦。之不過其實我選擇左不斷個別指導既方法，唔係話唔 Work 既，不過係 40 人既班裡面，始終係唔實際，以小組既方式去做會好 D。不過 ... 真係估唔到佢地連廣告彩都唔知點用。

同學仔有好多種，有 D 正正常常無問題，都有一半既。不過所謂既正常，其實都係一知半解。有 D 唔識做都會去睇下人點做、有 D 唔識做又要去搞住人、又有 D 做得好快之後搞住人。咁係唔鬧得既程況下，而且大部份人都上晒身，都無得好搞。不過 D 學生都習慣 Art 堂只係畫下畫、吹下水、Hea 下。要佢地幾個禮拜內轉去另一種 Teaching Style 的話，係強人所難既。

今次 Pass 既原因係 Supervisor 見到我有落 Effort，而呢個 Effort 多到彌補晒所有既缺點。基本上所有 Evaluation Criteria 都 Fail，剩係呢個 Effort 係可以令人滿意。所以點會話唔係「施捨」。咁我都明白經驗係唔夠、時間又未足以令學生適應我既習慣。寄望下次實習時間長 D 可以用愛融化佢地 ... 呢排都係咁問學生返學開唔開心，普偏都開心既。自己呢？50:50 啦，好開心真係講唔上、好唔開心又唔係，一般啦。唔係話好嬲既、咁都唔係話唔開心，硬係唔知點咁唧。即係上堂輕鬆都唔代表無紀律、無秩序。


Part 2 待續 ...


That's All..

麻衣妹真係幾靚女，「24 Xmas Time」，聽聞下年黎開 Live，有機會都要去 ↓




話分兩頭，聽日 Supervisor 黎睇堂。開頭未教之前以為呢班最差，點知呢班係最好個兩班之一，算係有 D 狗屎運。不過好似聽日學校又可能有 D 特別安排，所以都唔知點。課堂既野可以準備既都準備左 ... 其他既野，順其自然，等 Report 吧。



That's All.

人生不過如此 ...




實習，的確令人身心疲倦。要打仗、又要破冰 ... 最大問題係唔夠睏。