今日星期五，一開波就覺得好眼睏。咁今日既目標係做好 Product Design 既 Lesson Plan，咁由於呢個 Plan 都 Plan 左好耐，所以都做得幾快手既。如是者好快就到 Lunch Time，咁由於有位實習老師今日係實習既 Last Day，再加上係 Test Day 既關係，所以都急急腳出左去香港仔食。咁係去左「王家沙」食，咁都 OK 既，食完之後打的返去學校。

咁到學校之後都係坐下做下，食完飯攰攰地聽下歌仔準備抖下既時候 ... 竟然 Office 有人搵我話甘太搵我，心諗因乜事無啦啦搵我。如是者就落去啦，咁落到去原來係學校有個「新」Project 有個新學校網頁想睇睇有乜改善空間。咁望完之後都的確係有改善空間既 ... 如是者，下禮拜一再三人小組討論一下點改善。



That's All.

不知不覺又到左 Day 4，今日就回復正常做下 Lesson Plan，不過今日個效率唔高。可能去到一個禮拜既中段少不免都有多少攰到啦，真係頹頹地。今日難得算係早返既 Student Teacher，當然影一影「工作」既環境，就係咁 ↓



咁一張長形既檯就坐左五個人，我就係最近幅相右手邊個藍色頭，我個位係咪好空呢？無他既，未開始上堂，而且 Notebook 會拎返屋企，都無乜野會留低。其實呢個情況已經比我第一日黎實習時鬆動左，原本有兩個老師趕住係測驗前改返 D 簿比學生，個陣更迫。不過咁都幾好既，人多 D 多左吹水，無咁悶。

上晝就係咁就過左，下晝就有 Staff Meeting，咁有分組討論既時間，咁岩又同校長同一組，唔多唔少都有壓力。總括黎講，高層的確係高層，的確係高層次 D。咁就避左呢個「督豬活動」。



That's All.

等我諗下今日做過乜黎先，其實都唔係好記得做過乜。一返去都係打返尋日既日記先既，打完之後又繼續做埋個 Powerpoint，一做就做到下晝差唔多放學。今日 Test Day，要做既野真係近乎零。整日就係電腦前面做野，不過就算唔係實習既日子都係坐係電腦前面。

呢個禮拜係新翼呢間房有五個實習老師，咁大家無無聊吹下水都幾好既，又交流下邊 D 學生需要留意下，唔錯既。由於真係無乜野做，430 一到都好快就走人。返到去諗住打下 TF2，點知打得一陣阿 Ram 就打黎話頂佢，咁就頂左佢。雖然每日實習都係坐多過做，不過早起身都真係幾攰。

Powerpoint 做完，又係時候做下 Lesson Plan！話分兩頭，近年愚人節裡，Google 都會係佢既業務上搞唔同既 Joke。雖然呢個唔係今年既，但係都好搞笑 ↓



唔知大家估唔估到係乜野黎呢，想知多 D 就去 → [Here]



That's All.

正所謂「人言可畏」，但係 Facebook 更可畏，所以都要調整下。真係好多野做，絕對唔 Hea，好充實。咁今日一早返去就打返尋日既實習日記，本來諗住返去影一影自己個位狹窄既環境，但係可惜今朝都係唔夠其他實習老師早返，所以都唔係好方便咁影相。今日差唔多全日都係做 / 執個 Powerpoint，有 D 野拖左好耐，始終都係要做既。

下晝都無乜特別，都係同老師講下教案咁。如是者一放學都好早走，上埋呢期最後一次既 Drawing 班。今堂都係畫幾件野而矣，真係唔講唔覺，自己畫關於金屬既野係好似，好有重量感！素鐵豬 Vs素布 G！

今日同同學傾開計，發覺 ↓



竟然係咁！？

話分兩頭，呢一刻好想去迪士尼 …



That's All.

今日係再次第一日實習，基本上呢，黎緊呢三個禮拜甚至三個禮拜半都無堂上，係咪好筍呢？凡事都有兩睇，從好個方面睇，呢段時間可以慢慢做教案、做功課、Hea 下、打求職信搵工等等，過下 D 疏乾既日子。唔好方面，其實自己要教既節數少，咁差唔多頭兩堂都要快快手睇睇班學生是甚麼，唔係既話又有好大機會整死自己。今朝係度諗，其實今日唔返都學都唔覺眼喎！亦由於係第一日，今朝都好趕，遲出門口既原因係我要過尋晚個集《星星同學會》去部 Notebook 到！爭 D 行到爆傷口。

今日做過既野其實話多唔多，話少唔少。頭兩堂就係度 Hea 下做下教案、之後個兩堂就係度睇《星星同學會》，今集都幾搞笑，笑到 Gap Gap 聲。睇完之後都係做下教案，如是者，到中午既時間就做好一個單元既教案。不過未整 PowerPoint，再者個教案都要再改。下晝時間就傾下教案，咁就一日，時間都咪話過得唔快。

回到家少不免都要打陣機調整下心情，咁玩左陣之後就嘗試將隻 Game 裝落部 Notebook 到，好可惜既係隻 Game 既 Size 太大，裝都裝左我成個鐘。咁諗住試下玩唔玩到啦，結果係花左好多時間先入到 Game 同埋去到玩個陣就 Hang 左。試過幾次都係咁，我諗我部 Notebook 應該玩唔到了。夜晚就繼續改改個婚禮場刊個封面，如是者一整又一昨晚。



That's All.