以下這句說話作為 2012 年的總結 ↓



這一年時間過得很快，其實每年時間也是同樣的快，只是人大了感覺時間過得快了些。和好多人一樣，這年內有開心與唔開心既事，開心既事真係令到整個人好開心，唔開心既事亦都一樣令到整個人好唔開心。貌似講緊廢話，實情當然不是。 2012 其中一件開心既事是與幾位友人變得熟絡、有傾有講，又會出街玩；與此同時，其中一件唔開心既事可能係有些朋友曾經很熟絡，但到此時此刻卻有些陌生的感覺。

友人問過何謂朋友，我也答不到。在學術界有很多不同的理論來描術「朋友」、「友情」，在這裡不打算亂拋書包，有興趣可以自 Google 一下。簡單而言，朋友分很多種類，有些是「功能朋友」，在日常生活、工作可以幫到自己；有些是「玩樂朋友」，與他們可以一起吃喝玩樂，盡興而歡。同時，不同年紀所需要的朋友會不同，倒如成年人會較多「功能朋友」，而年青人會多「玩樂朋友」，也可說人人都有自己的需要。

說到這，友人便問究竟不會分享日常生活事、少見面的可否繼續做朋友呢？當對方冷淡時但自己繼續熱情，又會否變煩人呢？但當自己也冷淡時，大家變成陌生人又會否可惜呢？每個人像一條線，人與人的相遇就正如兩條線疊上了，這條線很難一輩子都會重疊，總會有時近 D 有時遠 D，正常不過。當遠到不知所終時，便是朋友不再是朋友的時候。也許會說，只要其中一條線緊貼另一條線便可以吧。但主動追趕的一條線也會有疲倦無力去追的時候，此時此刻若果遠離的一條線不回頭或者等等，也許再沒有機會和無力的線去相遇。當然，朋友不應計較誰付出多，但其他人就會提自己其實無需要這樣迎合別人，別人不珍惜自己、不珍惜大家之間的情便由得他，不需要低聲下氣去 R 個朋友回來。說是這樣說，情可以這樣簡單的放下嗎？個性飄忽的我總會做很多事去爭取再次相遇的機會，但同時又會覺得不需要低聲下氣。這情況交替的出現，都咪話唔煩。

梅姐與學友有首歌叫「相愛很難」，歌詞說到兩人相愛很難，就難在其實雙方各有各寄望，大家想法背道而馳豈易做到朋友、戀人；單戀都難，受太大的禮會內疚卻也無力歸還，當別人對自己太好也會受寵若驚覺得自己不配或者不需要；也許不愛不難，你也可以說沒有戀人也能生活，但朋友也要吧？除非你已成佛昇仙了。其實愛不愛都難，或許自己未必感到快樂，但也要令對方感到與自己相處自在、會面露笑顏。若果是一對戀人，當大家相處耐了甜蜜過後，又想要自己的空間；當到談婚論嫁的階段也許有多少猶疑；當其中一方不介意付出多少，但總會有三姑六婆係週邊說你唔應該這樣付出，替你感到不值。當雙方拉得太緊時，自自然容易擦出火花，最終可能變成敵人，但雙方不愛大家嗎？不，也許是愛過了界。同樣的套落朋友也相似的。與此同時，Timing 也很重要，Timing 唔岩就算對方為自己預備怎麼有心意的活動、禮物，到最後也只會浪費！

然而，作朋友的，就算見不了面、沒有甚麼計傾，也許會以 Facebook、Instagram的 Like 來作維持關係的方法。這方法好就好在簡單便利，按個掣便成了，但若果朋友單是以這種方式維繫也未免太可悲了。更可悲的是對方連按個掣也慳掉 ... 友人覺得朋友這關係是雙向，是雙方都要表露誠意，我也很認同。但當對方不太有誠意、或者將自己的排位放到很後時，自己是否需要調整一下對這人的朋友關係呢？或者都要這樣做，但應該給予大家多些時間，若果半年、一年都是這樣，自自然就各行各路，不用再想。作為朋友，都不想對方衰，希望「願主祝福你」，交托給上帝。友人就覺得這心態其實已經去到沒有甚麼交流，便會以這句作總結。其實都唔一定既，這句是出於真心，的確由熟變唔熟的過程很疼心，但日子久了大家有各自的生活便不再疼了。時間可以好長也可以好短，但終會過去 ...

現在係時候聽一聽首歌 ↓




歌詞最後提醒大家「別要張開雙眼」，要隻眼開隻眼閉，聽落很負面，其實只是令自己快樂些。最近得到些啟示，其實想知道大家還是否朋友，只要約出來見個面，如果出到來大家沒有甚麼話題、要趕住走，那麼這份情已經淡了。當然，如果連約都約唔到，一係真係對方好忙、一係對方將自己排得好後，大家也知道甚麼事吧。但 ... 沒有人真的是忙，只是排序問題。如果此時去計較，便會心灰意冷，朋友都唔想做。記住隻眼開隻眼閉！

大家不要擔心我和 Shirley，我們很好很相愛，同時也對某些事情有了共識，亦為到識到家強與特粒米而感恩！Love You All！



That’s All.

係做緊 Assignment 既時候都想話做完功課個刻寫返個日記去記低今次既功課歷程，原來我係有呢種癮。無他，經歷辛苦後真係好值得去寫低比將來的自己睇、比自己笑自己。對上一次的《功課歷程》都已經係 2010 了，個陣係應該第一份係呢個 Postgrad Programme 拎 A 的功課 → [Here] 。

今次功課歷程分 Part A Part B，話說 Part A 其實係九月尾。個陣又係放禮拜三四五，去個短遊咁。咁好難得約到 Project Supervisor 可以係禮拜五下晝傾兩句，誰不知道禮拜四下晝睇緊 Show 既時候 Supervisor 打來，在這嘈吵的環境中再加上係長途電話，咁當然無接。睇緊既時候都係度諗唔係有乜意外唔可以約見嘛，睇完都極速聽返電話留言，聽左兩三次都聽得唔清楚，要開 Speaker 兩個人聽先 Confirm 到係話曾經想改時間不過見我無覆再打來通知我原本既時間都 OK，叫我覆返 Email 或者電話。如是者就找個有 Wifi 的地方覆左 EMail，總算暫告一段落。

期間再有 Consultation 時間，到最近一次再見既時候，Supervisor 說了句有沒有其他人做過呢個 Topic 後 … 便決定換 Topic，從新做過一次。但其實做個份 Proposal 前都好大壓力，都要購物、打機減減壓。好啦，換個 Topic 唔洗撞板 ... 直到今個禮拜三四五又再一次連放三日，Part B 就開始了。話說禮拜三係難得的可以睏晏 D 既日子，睏到晏晝十二點幾，起身都想話做功課。不過望一望個 PS3 手掣，竟然見到手掣封左塵！見到咁既情景，心情好忐忑，潛意識就拿起手掣，去左打 FIFA13 … 之不過 Online 打得麻麻地，越打越頹，頹到夜晚晚飯前先放低手掣。咁禮拜三晚係寫左 D Key terms 出來既 ... 不過打左大半日唔如意的 FIFA13，都攰攰地所以帶著違憾睏覺 ...

到禮拜四朝，今次真係朝，九點零就起身拼個勁去做功課。咁就上 mytv 播住《最佳男主角》做。由第一集播到最新個集，當中有幾集都幾搞笑。播完就播子華棟篤笑 ... 其實個陣都係上網搵緊其他做相類 Topic 既 Research Paper 參考。輾轉 Lunch 都無乜胃口，食到近尾個幾啖食唔到，想嘔，哈。再做多陣肚屙，跟手覺得頭痛，諗都唔諗就用藥。吃完藥之後更加想嘔，最後都無嘔。不過對腳好凍，凍到穿襪保暖。好似好虛咁 ... 最後十點到終於叫做寫好份 Proposal，隔左兩個鐘先 Send 出去。正所謂「Well Begun is Half Done」，希望唔會彈返轉頭！彈回頭都無時間改了。

話分兩頭，自己覺得有種恩賜係「判斷自己幾時做得完」的能力，次次都係遲遲唔開工，但又唔知點解限期前又一定做得晒。有時唔係話自己老，不過對比幾年前個身體機能真係差左，依家好易好虛 ... By the Way，上年呢個時候應該潛緊水，哈哈。個篇瑞士遊記去到 Day 8 就無左影，真係要的起心肝去寫先得，唔係去到 2046 都只係 Day 8。



That’s All.

話說今日係暑期活動最後一日，總算順利完成。本身想話係 Facebook 打個 Status 就算，但諗多兩諗，值得開個 Entry 記低一下。今年應該是第四屆參與暑期活動。第一屆是純幫手帶活動、第二屆是 Part-Time 身份籌備和前線帶活動、第三屆是籌備和參與活動，今屆則退居幕後，作籌備的工作。所謂「退居幕後」倒不是走進消失的密室找不到我，只是盡量由活動義務導師帶活動，自己則在活動前後與學生閒聊、又或者在同一時間有一些義工訓練。今年暑期活動給我的感覺很不同，感覺好像輕鬆了一些，或者是經驗多了，可以說是駕輕就熟。感覺輕鬆的背後可能是因為不用前線帶組（義務導師可能因此恨透我，哈），但我認為是今年暑期活動比以往更熱鬧，這種正能量充滿了我。

在我的概念中，學生對教會舉辦的活動不太踴躍。講得衰 D，有時都要「R Friend」來充斥場面。之但係，今年招募到約三十位初中學生為暑期活動義工，難能可貴。至難得的是大部份學生都願意參加每週一次的「義工訓練」，內容離不開分享、學習、遊戲，都可能會悶悶地，但大家都很投入。或許義工都是初中學生，比較活躍、比較多說話，但活動完結時又懂得主動幫手收拾活動場地，都執幾企理，又係意想不到。

活動內容方面，至特別今年有一班是玩球類活動，每逢週一早便與小學生、中學生打波。玩既球類其實都係好簡單，隊長球、閃避球、Laughing波，但唔知點解成班人玩到好開心。當然，大家都汗流浹背 ... 還有另一個活動是類似小學團契，有幾位參加者由第二年暑期活動開始參加，對上一學年（2010-2011）總共辦了四期，佢地都參加左三、四期。每期活動完結時都沒有甚麼特別感覺，因為大家都覺得會有下一期。剛過去一個學年（2011-2012）因「轉職」的關係停了一年沒有辦，今年暑假再辦一次。太耐無見，有位學生一見到我便說要擁抱一下，個一下係幾 Warm 既。到今天活動完結時，該位學生與另一位參加了每一期的學生與我相擁了一下，說了聲 GoodBye 便離開了。當時有少少感觸，鼻子酸了一酸。理性上知道日後都有機會再見，但其實又真係有幾多機會會再見呢。由他們小學四、五年級便認識他們，轉眼便中學生。願天父保守他們每一位，讓祂的愛充滿著他們。

說到這，又有多少感觸 ...



That’s All.

來到 Lausanne，難得的無訂到連埋早餐的房間 Package。一路以來都覺得酒店早餐款式又唔係話特別岩自己食，來來去去都係個 D，自己又唔係食得多，寧願睏晏 D 吃個豐富 D 既午餐。不過來到瑞士又有另一種想法，發覺早餐岩吃既話，一早吃飽飽，可以唔洗咁早吃甚至係慳返一餐午餐。這個可能是因為在這裡吃餐飯相對來說都幾貴的關係。這朝早便沖了由香港帶來的「Swiss Miss」朱古力飲，另外吃 Oero 餅乾 ↓



之不過，件產品究竟係邊到做呢？又無寫喎，剩係見到 Product of USA ↓



坐幾十分鐘火車，大約十一點到來就日內瓦，瑞士第二大城市。如是者轉乘當地巴士就來到首站景點。不過話時話，比我地順利撘到巴士，真係算係咁，Good。這處是國際紅十字會總部，不過疑似內裡唔吸引，無入到去 ↓



來這裡的重點當然是聯合國歐洲總部「萬國宮 (The Palais des Nations)」。中立國不易做，瑞士 2002 年才加入聯合國，之不過由 1950 年代開始萬國宮已經成為聯合國歐洲總部 ↓



在萬國宮旁有一陶器博物館，新巴洛克式的建築 ↓



免費入場參觀，內裡其中一件展品，玻璃蕉和玻璃提子 ↓



另外這幅新式玻璃彩繪也很有趣，有趣在三頭身比例的耶穌↓



睇左一陣間就離開行去萬國宮「正門」，經過一大片草地↓



難得有草地，當然要學下電影橋段咁坐係草地上睇書，不過個本係旅遊書，哈。我地就係電影橋段，人地倒是日常會做的平凡事 ↓



不知名雕像 ↓



喲！萬國旗 ↓



總部門口。不過係呢到有件唔太高興既事發生左，話說我地兩個去旅行都係自拍多，或者搵返當地人幫手影相。剛巧個日有兩位疑似中國人既遊客搵我地幫手影相，影唔緊要，但要求又多多又無乜禮貌，個一下條氣真係唔順 ↓



言歸正傳，對正萬國旗的一張爛椅，約 12 米高，用上5.5噸木材。用意為宣揚反對使用地雷、集束彈。對到萬國宮正門正一正是希望政客、元首來到這裡開會時緊記 Ottawa Treaty（渥太華條約），即地雷禁止條約。原先只打算展出三個月，但其後數個大國拒絕簽署這條約及公眾支持此作品，此作品得以保留 ↓



廣場噴泉 ↓



爛椅、廣場噴泉、萬國旗及萬國宮 ↓



剛剛有小朋友放學？路過？↓



如是者就撘返巴士返去中央車站附近，到了一間意大利餐廳吃 Lunch。今日都早左 D 吃 Lunch，十二點半就吃。無計，朝早無吃豐富早餐 ↓



餐牌是這樣，可能習慣左，依家開始睇得明得寫乜 ↓



邊到跌低就邊到企返起身，再次遇到 Fendant↓



可口可樂杯與可口可樂，襯晒，估唔到竟然有喎 ↓



另外都真係要 Close-Up 其一部相機，早幾日在 Interlaken 個陣已經爛左粒掣，成粒彈左出黎。不過因為呢部相機影出來既畫質都幾靚，所以就搵塊膠布貼實粒掣繼續用！Tegaderm 好野！↓



呢餐幾唔錯，不過就油膩少少。我就吃煙肉 Rosti、朋友仔就繼續卡邦尼亞意粉↓



又來到一旅客中心同郵局，不過裡面都無乜特別資訊 ↓



沿著白朗峰路 (Rue du Mont-Blanc) 行，便會來到一教堂 ↓



這座 Church of the Holy Trinity 於 1853 年建，1985 年翻新 ↓



最奇特的是原來這間是當地聖公會的教堂 ↓



內裡是這樣，規模不算很大 ↓





教堂內最大型的彩繪玻璃，很Stylish ↓



如是行啊行，行返去 Quai du Mont-Blanc（白朗峰湖岸路）附近，看到一陵墓，叫做「Brunswick Monument」。這陵墓記念一名叫 Charles d’Este-Guelph, Duke of Brunswick，是一位語言學家、馬術師和音樂家，但這人行為古怪。他在死前數年住在 Geneva，捐了一些錢，立下遺囑要由一群最好的藝術家在最著名、值錢的地段建造一陵墓，不計時時間不計成本。從另一角度再看↓





從 Quai du Mont-Blanc看著名景點「大噴泉 (Jet d’Eau)」。這是世界最大的噴泉之一，原先的噴泉於1891年為紀念瑞士建國600年而建，現時看到的噴泉於1951年重建。水柱可噴到140米高，都咪話唔勁 ↓



在列馬湖 (Lac Léman) 邊看，湖水都真係幾清 ↓



肥雀。這裡的麻雀與香港看到的有幾分唔同 ↓



沿湖邊行，感受陽光 ↓



回頭看 Brunswick Monument，是這樣的 ↓



唔講都唔知呢張相有亮點，在相片中的一檔售賣紀念品的店鋪中，買了很多紀念品，亦在此再次發覺當地物價指數非常高。此外，兩個人仔在這為了買手信的事宜出了磨擦 ↓



沒有甚麼特別，但感覺很像 One Piece 中的海軍軍旗。實情是列馬湖遊覽船公司 CGN 的旗幟 ↓



盧梭島 (Île Rousseau) ，島上有一盧梭銅像，以出生於日內瓦的偉大思想家盧梭命名。這小島原是一礁石，改建為人工島用作軍事防禦。盧梭曾因其思想激進被日內瓦議會剝奪公民權，其後被恢復了其公民權。銅像下方刻著「日內瓦公民」的字句 ↓



湖中天鵝，真係好大隻 ↓



如是者就行到 Rue du Rhône（隆河路），這是十分熱鬧的高級購物街道，能夠找到很多名牌店、商場。之但係也有一些類似市集讓市民售賣自己的珍藏 ↓



Confédération Centre，當地著名的購物中心。當然和香港的購物中心比，規模小很多 ↓



在這街道上還有一些賣藝的市民 ↓



如是者就來到 Jardin Anglais（英國公園），有一花時鐘 ↓



又有人賣藝，其實都真係拉得幾好聽，配合埋個環境、氣紛、天氣，真係好寫野↓



從幾張椅的擺法，大家應該估到當地人重視的是甚麼吧 ↓



從另一方向望向大噴泉 ↓



沿街道行，好搞笑，無啦啦係一個普通的廣場有幾個機動遊戲。另外，外國建樓就是用右下的鐵架砌砌砌砌上去 ↓



找了一會兒便來到聖彼得大教堂 (Cathédrale Saint-Pierre) ，原先是 12 世紀建成的天主教教堂。其後改建和擴建變成集合羅馬及哥德式混合建築 ↓



教堂內部向聖壇望 ↓



教堂內部門口側 ↓



刻有十一位門徒的座椅，與及 Jean Calvin 坐過的木椅 ↓



大家會好奇教堂內點解無啦啦會放張木椅又用繩圍住佢呢？ Jean Calvin 又係乜邊位呢？簡單來說，宗教改革有幾位重要人物，其中一位大家都熟識的是提出因信稱義的 Martin Luther。而 Jean Calvin 便是另一位顯赫的宗教改革代表人物，主張「預定論」，鼓勵在工作中榮神益人。他便在這教堂內宣講他的言論 ↓



在教堂旁邊的「宗教改革博物館」有一關於基督教及天主教的 Family Tree，雖然寫法文，但都應該估到下哪派與哪派 ↓



最後，這個設計很特別，雖然很簡單但已經將信仰表達出來，值得影下來 ↓



再從另一角度看聖彼得大教堂 ↓



如是者便往宗教改革記念碑去，沿經道路。兩旁樹木再加上陽光映照，幾寫意 ↓



成件事好 Old School 的木馬，真係木馬 ↓



還有沙池比小朋友亂堆 ↓



再行多幾步就見到有好多人玩緊巨大西洋象棋，好似好得意，但係唔知點解經過既時候提高了危機意識 ↓



如是者就來到日內瓦大學前公園，超廣闊的一片草地，看到有人攤左係度嗎 ↓



這個便是約 100米長宗教改革紀念碑 ，主要是與 Jean Calvin 所提出的改革運動有重大貢獻的人，建於由 Jean Calvin 創立的日內瓦大學內。1909 年紀念 Jean Calvin 誕生 400 周年而建。由左起是 Theodore Beza、Jean Calvin、William Farel、John Knox，每個雕像約 5米高 ↓



世界著名歌劇院，日內瓦歌劇院 (Grand Théâtre de Genève) ，1876 年啟用，其後因為火燭部份被毀，經翻新後，現時為瑞士國內擁有最大舞台的劇院 ↓



這是 Musée Rath 藝術館，是瑞士最古老的藝術館。右邊的是於19世紀平亂的 Henri Dufour，是創立紅十字會的五位成員之一 ↓



很像是與戰爭相關的年份，此藝術館曾關閉作紅十字會 International Prisoners-of-War Agency 之用 ↓



沿路行回市中心，這應該是電影院吧 ↓



來到瑞士，很多野都好新奇有趣，看到大街的商鋪玻璃有不同的損壞，不得不影下來。還有的是，這裡吃壽司好貴 ↓



又回到列馬湖，夕陽映照，老人與鵝 ↓



再看多次大噴泉，哈哈 ↓



呢 D 就叫做他鄉遇故知，見返地道香港野，有維他檸檬茶、維他奶 ↓



晚飯到了一間有多少氣紛的餐廳吃晚飯，在晏晝吃飯的餐廳附近 ↓



點了一雞肉 Pizza、一份牛肉火鍋，一枝汽水兩份分 ↓



這裡的火鍋分三款，一款便是早前試過的芝士火鍋、另一款是中式火鍋，還有是這款油炸的牛肉火鍋。對於愛吃牛肉的我絕對是 Good ↓



Lunch 和 Dinner 同在一條街 ↓



如是者，九點零便返到酒店休息，準備第三日的 Lausanne 之旅。嗯，點解有奧運五環既？明天便知道點解 ↓





That’s All.

話說尋日都無乜點吃過野，今朝起身都的確有 D 餓，九點左右就去吃早餐。今餐都算吃得多，又橙汁又 Caotina！估下邊位吃邊碟。好難估唔到，哈哈↓



尋日講過話 D 外國人個個面向山景吃早餐，有相為證。話分兩頭，左下角個個細路仔好搞笑 ↓



豐富的早餐少不免有營養穀類早餐，都一樣唔難估邊位吃邊碟 ↓



另外自己飲多枝乳酪，都真係幾好飲 ↓



十點九到乘火車出發往洛桑 (Lausanne) ，再次望一望冰河 ↓



下晝兩點左右，終於來到洛桑。洛桑位於瑞士較西邊的地方，揀來這裡的目的是為了方便往後數天的行程，會在這地方住三日。入住的是 Hotel Alpha-Palmiers ，在車站附近，幾方便。這就是我們睏三晚的房間。這間房比想像中大，有少少東南亞味道，幾精緻。至難得的是有冷氣！ ↓



之但係個浴室就有 D 搞笑，相片角度影唔到，係浴室右邊的位置是一個衣櫃。邊會有衣櫃放係浴室裡面架！？這房間有冷氣之外、竟然有電熱水煲，之前住咁過的幾間酒店都無，難道這裡的水不可以直接飲用？ ↓



酒店房分街景和內園景，我們住的是內園景，內園據稱是泰式設計。內園景最大優點是比街景靜，都幾靚啊。不過我地房個隻窗壞左關唔實，都唔緊要，有厚厚窗簾阻隔冷氣流失 ↓



房間內另一有趣的是這兩張椅，好有設計，但我好唔鍾意，覺得呢 D 毛毛面是好污漕 ↓



有計劃的我地好在晨早吃左個豐富早餐，唔係都好難挨到晏晝三點先吃另一餐。今餐簡簡單單，係麥仔吃。份量同香港的差不多，係薯條滿 D。普普通通兩個 Meal Set 咁就差唔多 CHF25，HKD 225。哈哈哈哈哈，人一世物一世，去到外國當然要試下當地既麥仔。同埋疑似我地拎左免費茄汁 ↓



是瑞士保證嗎？按道理，D 麵包可能係瑞士製造 ↓



個餐廳設計都係差唔多，印象最深刻的是個位 Counter 係金髮少女，幾靚女。不過我唔記得點解我地兩個係到嘈左一小陣交，可能太攰太餓的關係 ↓



吃飽都三點九了，開始去下 D 景點。洛桑這城市依山而發展，分為舊市區、半山腰處鐵路站附近及湖畔的烏契地區 (Outchy)。先來的是舊市區，沿斜路行上去都咪話唔辛苦。這是當地有名的大教堂↓



近距離看看，這座教堂是瑞士數一數二華麗及規模大，1170 年動工、1235 才年建成的哥德式建築，經歷多次改建。原先是天主教教堂，1536 年宗教改革後由新教使用。認住這位置，認住這巨大的玻璃幕牆 ↓



教堂對面的是洛桑歷史博物館，不過剛巧這天休館 ↓



由高位看是這樣 ↓



轉個頭就返回教堂，這是教堂西側入口，是有稱為「Flamboyant」的法國風格後哥德式建築特色，意思是 Flaming ↓



入到教堂後感受到的只有「莊嚴」，係咪好大呢 ↓



讀經台？與聖壇 ↓



由聖壇往後望，另一種氣紛。近入口之管風琴於 2003 年安裝，全世界獨一無二的設計。以下的太 Technical，「French classical and symphonic styles, German baroque and romantic」 。近 7000 支管、40噸重，花了 150,000 小時完成。間中都會用來做 Concerts ↓



空椅 ↓



聖經多麼的厚和大 ↓



剛剛咪講過教堂有個位置有一幅巨大玻璃幕牆既，用來保護的便是教堂南側入右又稱為「使徒入口」的雕刻群 ↓



由左起為手持十戒、金牛犢、由西乃山下來、面部發光的摩西；接著的是穿著駱駝毛衣服、手持一隻有 Lamb of God 的碟之施洗約翰；接著的是 Simeon 西面，一位非常年老的人，手持著 Christ Child；另一邊的是以賽亞，手持載有七隻鴿子的碟，代表著聖靈給予的 Seven Gifts （以 11:2-3），原來這種表達方式是 Lausanne 獨有；右二的是大衛王，唯一一位有著鞋的雕像，本書寫有詩篇 131 篇；最右的是耶利米，手持一個冒出火炎的煲，「an image of evil that matches his visions and prohecies」↓



再看看另一邊，左起是彼得，是手持天堂門匙的形象；接著的是年老的保羅，手上拿著的是他的書信；再來的是年輕的約翰，手握福音；另一邊的是馬太，本書打開著的便是我們所讀的馬太福音頭幾句「Liber Generationis Jesu Christi」；右二的是路加，有著濃厚而曲的鬍子，舉起右手祝福的動作；最右的是馬可，翻開了卷軸，但未有任何題詞 ↓



由玻璃幕牆看回街道上 ↓



其實教堂還有很多特色，之但係都無時間欣賞。走回街道上，這擔著遮傘的人很像我們，陽光太猛了 ↓



下晝四點半有多，學校放學，有些學生坐係草地上打屁聊天，這些在香港是看不到的 ↓



如是者就沿斜路「落山」，係馬路竟然見到架越野四驅車 ... 同場加影兩節的電巴士。最前有個單車標誌的是單車優先位置 ↓



Coop City / Migros 成為我們每次接觸新城市必到的地方，在裡面逛了好一會兒。之後朋友仔就到這間店鋪買了些配飾，都幾 OK。話分兩頭，當地都有 iPhone 殼，香港賣幾十蚊，當地都賣幾中，不過係幾十 CHF ↓



以下就是戰利品，用個袋仔裝住，都幾有心思，臨走個下店完用普通話講左句「謝謝」，不禁回頭望一望，果然識做生意。另外在 Coop City 買了張豬仔慶祝卡，超得意 ↓



回到主要路口，酒店附近有間 Manora，是當地非常有名便宜的 Food Court。不過講開又講，係酒店附近無乜好少少既食肆，想食好野都難 ↓



KUONI 勝景遊，1906 年成立，發跡自 Zurich 的一家旅遊公司。在瑞士真係隨處可見，去歐洲跟團係搵佢就大路。另外大家可以看看道路的斜度，真係超斜，拖住兩件大行李都真係幾吃力，D 路又係石仔路個下衰 ↓



係 Manora 見到來自香港既朋友 ↓



行完又行，睇完再睇，由於當地是屬於法語區，寫的都是法文，與德文最唔同的是法文是怎估也估不到 ... 最後揀了最穩陣的 Pizza，可以揀兩款配料 ↓



個 Pizza 都唔細，另外買了兩杯汽水，一杯是 Sprite、一杯是 Fanta Orange。無錯，又飲 Fanta！顏色上與香港見到的鮮橙色好唔同。這餐只係 ~CHF20，竟然平過晏晝食麥仔 ↓



食晒成個 Pizza，不得不比四個 Like ↓



最後買多個鮮果撻做甜品，幾蚊 CHF ↓



再看多次 Manora 門口 ↓



回酒店的路上看到旅遊公司，看看價錢，在瑞士去奧地利的 Package 都只係 CHF265，都係兩千幾港幣。伊斯坦布爾都只係 CHF360 ↓



去泰國要 CHF1389，哈哈。拎住瑞士法郎去泰國用，D 錢真係唔係錢，去到一定驚訝 D 野點解會平成咁。難怪歐洲人咁鍾意去東南亞曬太陽、度假↓



酒店的正門，影到鬆郁矇 ↓



今晚算早返酒店早睏，去到瑞士遊的中途，難免體力下降，都要早 D 睏差下電。開電視見到有法文版的 One Piece 同 Monk，不過都好舊既集數來的 ↓





That’s All.