好難得咁先約到的飯腳，難在夾時間。我得閒既時候，G 就要返工。到兩個都得閒既時候，通常都已經有節目。好啦，到我地兩個得閒既時候，又可能到其他人唔得閒。所以其實都係好難先約到。先來就係其實都幾意外，原先諗住某某會遲到，但結果又無喎；諗住某某唔會遲，但結果又遲左喎，世事的確難料也。

打邊爐，如果只計出街去食肆比錢個隻，其實好耐無打過邊爐。對上一次都唔記得係幾時。今次去左德興打，勁耐之前食過一次都叫 OK，所以繼續 ↓



期間氣紛都幾好，有人知道左 D 野，有人觀察左 D 野，但係我已經唔記得左乜野。如是者由角落頭吃到變路中間，到散場。轉個頭，又繼續火鍋，今次古古力火鍋 ↓



「唔好掂啊」成為對話中出現得最多的句子。講真，真係唔好掂啊。吃個飽飽就回家去了。至高興聽到的是「嘩，真係好飽」。Good，多謝賞面。



That’s All.

每逢長假期，我都有個目標，就係可以摺埋係屋企唔出街幾日，可以好好抖下咁。

年三十
本身今日都無諗過出街，但係為左比底蘿蔔糕人，結果下晝都係出左去香港仔。如是者，順便食個下午茶。年三十，吃開的「小蜜蜂」關了門。如是者去了 Pizza Hut 吃，很多人。都等左一陣間先有位，坐底吃兩個 Set，傾了多少幾凝重既話題。傾完就去左香港仔既花市行左幾分鐘，無乜特別，跟走就撘車回家去了。



年初一
正！今日無出街，係屋企 HEA 下抖下，正是我所願所想。



年初二
本身諗住今日唔出街抖下，但又唔知點解下晝約左 G 吃個下午茶，真係百思不得其解。新年頭，都唔係好多間食肆開左門，如是者都係再次去 Pizza Hut。不過今日連平時有既餐都無，得返 D 貴仔 Set。以下這個便是「花開富貴」餐，本身以為會有好多野，點知原來係咁 Mini ↓





年初三
今日晏晝約左 G 同阿媽去翠園飲茶。比幾下掌聲，有人早左去排隊拎位，Good Good Good。等緊既時候 ↓



又玩下 IPhone ↓



飲完茶之後同 G 返香港仔睇醫生，一入去醫務所，心諗醫生發達了！就眼見個到既「客」都十幾廿個，生意額起碼四五千。過肥年了醫生！G 入去診症既時候幫佢計一計時，結果如下，都好過我既，我入去幾十秒就出返黎 ↓



之後係香港仔滾動下，有人買水仙，$8，是但啦 ↓



如是者就回家去，坐左陣打左陣機，夜晚又出過去香港仔。今次就同 Co 爺吃個晚飯，係翠華吃 ↓



呢個人仔真係好 Kai，不過真係好搞笑。下次又唔知幾時見。



That’s All.

話說呢期用緊 Sleep Cycle 既 App，都用左好幾日。發覺一 D 有趣的事，原來無論返工返幾點，入睡時間都係一點零兩點，變既只係朝早起身既時間。

返九點



七點幾八點起身上下網換個衫刷個牙就差唔多夠鐘要出門口。



返十點



例如今個禮拜一朝早，睏多一個鐘的確係舒服好多。今個禮拜一帶隊去參觀科學館，雖然乜都好趕，但係總算順利，而且算係識左 D 新面孔，唔錯唔錯，希望之後還有機會接觸呢 D 新面孔。之但係，收到一張回應表，就真係令我幾震驚↓



明明係睇達文西，竟然變左畢加索 ... 差成四百年的。真係莫名其妙，呢位學生真係激到我吐血，還有其他事都幾吐血。

還有今個禮拜二 Office 大掃除都係返十點，今天約了「老朋友」Helin + Esther + Helin 妹，好耐無見，一見如故，真係好開心好歡樂。如是者大掃除左一整天。


唔洗返



唔洗返既日子就更瘋癲，無十一點都唔起身。實在太眼睏！夜晚 Download 左個特價 App，係模擬類別，做一間寫 Game 既公司，一玩玩到凌晨四點，不過到另一朝就無玩了，已經厭左 ↓





That’s All.

Life Style
話出某日返學之前，到了 Francfranc 買了兩 Set 餐具 ↓



本身係買左兩對筷子同兩隻碗 + 木匙先既，但上上下堂既時候係度諗爭緊 D 野，結果落堂既時候就買埋兩個木製碗托。儲齊一 Set，有晒 Life Style。不過追求 Life Style 既背後係需要金錢，貴仔也！不過係 Made in Japan，哈哈。

Life Style 除左物質上既追求之外，自身健康都需要注意一下。昨晚買了一個 USD 0.99 既 App，係 Sleep Cycle，幫我 Count 住我既睡眠狀態、還可以用最柔和既方法響鬧鐘，正。呢期都要試下用佢，唔係好似成日睏完都好似無睏過咁 ↓



追求 Life Style ... 既背後係無錢交學費。下期學費一黎我就收檔，無錢交，哈。



有人去完旅行之概要
話咁快就有人去完旅行，期間有兩件事雖然好微小，但係對我來說都幾緊要。首先就係搵食既右手食指關節有多少痛，唔知係用得唉窿多手指痛，還是 Click Mouse Click 得多，總之就係痛痛地。話分兩頭，近幾日唔見左張八達通，連埋裝住八達通既花生米超大舊唔見左，應該都係跌左，未得閒去報失。禮拜三晚去左接機，時間都真係剛剛到剛剛好，又要 Send Message 打探風聲，又要唔穿崩，都真係少 D 腦筋都唔得！如是者就係接機大堂望住個電視機睇下渠仔幾時出黎 ↓




一出黎無耐就從後而上相認。哈，同我一齊有得撘的士回家。Very Good。是次安排非常 Good，不過渠仔比同行既朋友仔傳染左感冒，Not Good。



That’s All.

話說有一日，G 同我講「咁你咪好辛苦」，在此之前當然講左一堆其他事情。話說近排，其實都唔算近排，係 Keep 住由上年年尾到現在都有好多濕濕碎話大唔大話小唔小既事情要處理。處理完一樣後又要處理另一樣，有時諗住乜唔係已經處理完嗎，點解又再出現同一問題既。總之不斷有事情要處理。直到呢幾日，撘車回家既途中係度諗，嗯，個腦既 Processing Power 好似唔夠，有 D 事硬係分身不暇去處理。這種有事未解決既感覺有點麻麻地。究竟真係事情很複雜？還是個腦轉得慢左？之但係，都覺得轉得算快，咁點先可以轉得快 D 呢？



That’s All.