唔覺唔覺，有人已經左旅行幾日，總括下呢幾日有乜事。先來禮拜六，晏晝有個小朋友活動，今日就係整湯丸，係咪好似樣呢 ↓



這是天堂級的湯丸，另一邊箱的是凡間組，整檯人都是男孩子。湯丸很有特色，有大有小、更有超巨大版、有混色、又有條狀湯丸、三角型、正方型，真係創意無限。但係創意背後就是 ↓



彷如置身於麵包工房，滿地都是麵粉。有賴 Kelly 與 Angus 幫手清掃和洗碗碟。有手套，唔怕會有主婦手。



禮拜日
朝早都無乜特別，都係開工。放工食過蘿蔔糕再睇返之前唔得閒睇既動畫就去睏個晏覺。數數日子，都好多日無睏過晏覺。夜晚見到有人上網，不忙傾下閒計 ↓



妳說拜拜就真係 ByeBye，車完我都係講再見。之但係 ... 唔知係咪睏左個晏覺，夜晚睏唔著 ... 如是者就睏係度玩左陣 Logic Game，越玩越精神，真係 OMG ↓





禮拜二
今天放假，一睏醒已經十一、二點，真係好眼睏。如是者上下網，打下機咁。上網見到出左隻新 Game，叫 Monday Night Combat，就咁睇 Trailor 幾好玩↓




於是 ... 輕輕 Click 幾個掣就買左隻 Game 了。依家 Download 中。坐下坐下，都差 D 唔記得今晚要返學。



That’s All.

唔知係咪呢幾晚睏覺時數唔充足，總係面青青再加幾分心神彷彿。今天和 G 一樣都係假期後的工作天，總是有多少倦意未消。如是者放工依舊去上堂，係車途上都睏左陣。返到 City 去買左本 textbook，無現貨，比定錢等有貨時再 Call 我去拎。簽完卡之後便行去上堂，半路中途有個不知名電話打來，聽了。嗯，今次都真係嘻哈了！書店職員打來說原來頭先唔記得比返張 Credit Card 我，係咁 Say Sorry！OMG，真係搞笑得來帶幾分恐怖。恐怖在唔係佢唔記得比張卡我，而係我完全唔察覺。好在佢打電話來叫我拎返，唔係既話都要等到下次簽卡時先發覺唔見左張卡。到時就笑唔出了。

今天準時落堂，又化作極速豬柳去香港仔找飯吃。之但係 G 唔聽電話，最有機會係佢未做晒野未收得工，但又無理由咁耐都唔理下部電話架，唔通佢無帶電話！？為左比驚喜佢，我繼續等。如是者，係香港仔麥仔邊玩 IPhone 邊等，本身放學之後都 Keep 住係咁玩，玩左好耐都差唔多無電。本身我由十點開始等，等到十點半個陣 G 終於打電話來話剛放工來緊，咁繼續等。G 終於到步，兩個人仔又去翠華吃 Late Dinner。一坐低，先來兩杯茶，但唔知點解落完 Order 再來兩杯茶，咁就有四杯茶 ↓



唔係三隻蝦，哈哈哈；都唔係兩張床，2 Bed；而係四杯茶，4 Tea。其實個侍應落單時重覆完又重覆，都 Loop 左幾次，搞到我都亂埋。到最後其實都係落錯單 ... 加埋餐飲，總共六杯茶，6 Tea ↓



望住呢六杯茶，都 OK 無奈。吃飽飽後諗住去吃糖水，點知已經休息了。唯有下次請早。



That’s All.

今天 Off，老早起身過去上環拎回鄉卡，非常好，唔洗點排就拎到。如果唔係工作需要，都應該唔會拎。如是者落返銅鑼灣，心血來潮係地鐵上 HMV 個網望一望有無早一個月出既 SPEED 既 Concert LIVE DVD。發覺有喎，咁就去左 HMV 買碟，順道覺得依家個耳筒唔太好用，咁就順手買埋，今天的戰利品 ↓



簽卡的壞處是寫幾隻字唔覺唔覺就洗多左錢，今天也是這個情況。之後同 G 匯合，由於個耳筒都 OK 貴（對於我來說），所以都想同 G 分享下戰利品。唔分享由自可，一分享就換來一個黑面。講前少少，這是她昨天的戰利品，留意唔留意到有甚麼特別呢？ ↓



嗯，佢都買左 SPEED 隻 DVD ... 於是佢便老羞成怒 Dump 隻碟比我然後話以後都唔再買野比我。見佢發脾氣，我都發埋一份。明明唔係我錯，點解黑我面，這是甚麼世界？昨天她說有一個驚喜比我，但無話乜黎，我都不以為然。原來佢買左隻碟比我。在她的角度來看是「晒鬼氣」；在我的角度來看是「得啖笑」。Positive Thinking 係大家真係好岩 Key，買埋同一樣野。同埋大家都唔係買另一樣更貴既野。如果係佢比左個驚喜我先，我一係唔拎我買個隻碟出黎，然後當無件事，然後展露好驚喜既表情。又或者係笑笑口咁話乜咁岩既，我又買左喎。

如是者，一係就一隻都無，一係就一日有兩隻 ↓



如果搵工都係咁就好了。



That’s All.

話說呢期朝早都想飲熱朱古力，麥仔賣的又太貴。那麼特登買了三花朱古力返 Office 沖黎飲。配上 Mrs. Fields 的曲奇餅，完美的早餐牽起了 Ridiculous 精彩的一天 ↓



晏晝精彩，很精彩。下晝返學係車又差多少睏過龍，好鬼眼睏。回到 City 去拎返上個 Sem 既功課，原來我有 A ↓



老老實實，真係幾開心。再一次印證自己寫 Essay 係 Gifted。之但係唔高興既係應該考試考得差所以 Overall Grade 得 B+。真係 Ridiculous！



That’s All.

食食食
今天放假，睏到晏晝一點幾先起身，吃個便飯打左陣機就出左去銅鑼灣。出到去銅鑼灣四點零鐘，係「利小館」食左個下午茶。真係唔明白，明明都唔係有幾百款點心去揀，點解都可以揀咁耐呢。好啦，千揀萬揀，最後竟然揀左蝦蛟 ... 無言。有人懷疑雲吞雞湯得好少雲吞，可能得一兩粒，但事實證明係有四粒 ↓



開頭點菜既時候真係把幾火，揀咁耐都剩係揀到 D 咁既野。中段氣紛好轉，之後係 CitySuper 行下買左兩款幾有款的利是封。之後去 SOGO 行，又再把幾火。明明已經揀好兩款褸同一條褲。本身大家既默契係買衫唔試衫，試衫都無問題，照去試，但唔知點解可以試咁耐。耐到係見到個 Sales 想拍門個隻。真係耐得太過份。好啦，到試完出黎之後話件褸著到手臂好粗。但重點係手臂事實係粗，好難著到瘦。講又唔聽，咁試咁耐都唔知試乜。與此同時見到有一家大陸自由行，個細路兩歲左右想痾尿，個老豆即刻拎個樽出黎比個細路痾。真係睇到我眼都凸埋 ... 由於等得太耐太耐，不得不講聲自己行下先。那段時間夠我去買即食碗麵、睇埋衫、玩具。佢真係耐得太誇張，太誇張，誇張到我不能相像咁耐。一路行一路嘈一路拗。直到行到去「五代同糖」先無再拗，原因係要撘檯唔方何拗。叫了雪花冰同火焰雪山 ↓



食完都八點幾，咁一行返出街覺得凍凍地，都要食返 D 熱野先掂。諗左一陣就不如返去香港仔吉野家打邊爐，可惜係去到既時候竟然賣晒，第二次吃不到。唯有去第二度食，幾日前先食完綠野，咁今次就去翠華 ↓



唔係講笑，真係好食好多。咁當然價錢都一樣貴一截啦，又再傾計，不過今次講其他野。傾到十一點幾先回家去。



我和Ram哥之距離
好耐無見 Ram 哥玩 Team Fortress，今次難得見到佢就同佢同 Team 玩左陣。但始終我倆距離爭太遠。由最左手邊睇，係唯一一段時間排高過我，之後中間同最右都比我大幅拋離 ↓





That’s All.