星期三
星期三 Lunch Time 活動完左之後化作極速豬柳落銅鑼灣逛逛，快到可以係巴士站等人。本身想話買件禦寒能力更高的「內膽」。先比佢多少甜頭，同佢行下 ZARA、b+ab 先，佢買少少野之後就行我想行既野。話就話買褸，但係就去左買鞋同手襪。好啦，到想買褸，發覺有件褸既款都幾 Good 喎。試上身，G 都話幾好，有修腰。正當想話拎大少少既 Size 來試之際，一望原來係女裝，哈哈。其實女裝就無乜所謂既，不過手袖太窄，難著難除。如是者輾轉睇男裝款，有個款都岩心水，之但係得返 Display 一件，咁唯有算。逛多幾逛，有人黑面話阻住佢，搞到佢無得準時返學。跟手落 CitySuper 買個雪糕，即刻變返笑臉 ↓



人就係咁，鍾意夏天開冷氣打邊爐、冬天著大褸食雪糕。



星期四
今晚去上堂，落堂之後又化作極速豬柳由九龍塘返去香港仔吃 Late Dinner。本身已經遲落堂，21:45 先上到火車，係紅隧口見到有巴士即刻一追再追，趕到上巴士的一刻 ↓



其實辛苦左一日，夜晚食麥仔、KFC 個 D 真係好淒涼。本身係諗住係吉野家打邊爐，見咁耐都未食過想去試下，點知收十點半，我點趕都趕唔到。最後最後都係選擇去綠野仙。好啦，已經化作極速豬柳既我真係好極速咁去到綠野仙門口。唔知點解我覺得 G 係未入去裡面坐低，我入去裡面之前打個電話比 G，佢真係未入去。原來佢又想好似我星期三咁係巴士站等對方，比個 Surprise。之但係我真係好極速，一轉眼已經，驚喜失敗。話分兩頭，雖然無加價，但係個量真係少左好多 ...



That’s All.

值得高興的一大步
今天早上發生了一件值得記一記和高興的事，還有幾分感動，不重複。詳情 → Click Here 。希望還有第二、三、四、五、六、七、八步。


唉窿膠套黨
膠套黨集結，又咁岩個個都唔同色 ↓




威利在哪裡
話說某日同 G 去 PageONE 睇下書逛下咁，見到有本 Schedule 係 Where’s Wally。我都不以為然，G重問我有無睇過，我當然無啦。輾轉隔左好耐直到看見朋友仔部 IPod 有呢個 App，重話好好玩。當晚同 G 傾完之後發覺原來呢本 Where’s Wally 係好出名，係細路仔必定會看過既書，但係我真係無睇過 ... 其實實物版係有本書，本書裡面有個間條人就係叫 Wally，讀者就要係本故事裡搵返佢出黎，都出左好多本 Wally。呢個 App 除左搵 Wally 之外還有其他人物可以找，$8 都可叫做抵玩既 ↓




That’s All.

Relationship


「你」和「妳」有甚麼分別？一個沒有分性別、一個指明是女性。有人眉精眼企發現我對其他女性係用「妳」字而對佢就只係用「你」字，因此唔高興。其實只是以手提電話輸入的話，打「你」係快過打「妳」，純粹追求速度而爾。好多細微細眼既事都好易令到對方「唔高興」。

如果做少少野可以令對方更加有信心、開心的話，絕對拿拿聲去做。五年後的今天，給了一個 Relationship。話分兩頭，係咪自己好少讚人呢？當有人被我讚既時候總係好似受寵若驚咁。



十六型人格
這個 MBTI 並非一般心理測驗，係有理論係背後。十六型人格中，我是作家型。以下這幾個要點都真係中 ↓





海棉寶寶飯盒
係幾得意既呢兩個飯盒 ↓







再見！That’s All.

Final Fantasy
唔係講解 Square Enix 出既 FF，真係講緊「最終幻想」。我這份人有個習慣，鍾意想東又想西，俗稱「諗多左」。好啦，話說昨天早出 Semester 1 既 GPA。之前係度諗，啊，會唔會有一科 A- 同一科 B+ 呢？一朝早去睇，發覺原來得一科 B+ 同一科 B。又唔係話差既，一般般，無驚喜加少少失望咁。不過知道自己用咁上下力就有咁上下成績，想好 D 既咪下個 Semester 落力 D、覺得依家 OK 既就繼續用咁上下既力。G 係有道理！

再講多兩句，我鍾意諗得清清楚楚先做，要有晒全盤計劃、預定晒最好同最壞既結果。當現實係預料之外既時候就好無奈同炆。我活在我的「Final Fantasy」中，真濕滯。



Problem Solved?
說個比喻，話說傷風既時候去睇醫生，吃完 D 藥之後病情好轉、但係隔一排 D 病徵又出返黎，咁又再睇再好轉再轉壞。如是者一段時間，終於轉過另一位醫生，雖然 D 藥都係差唔多，但係就覺得好見效。希望睇多一兩次就斷尾啦。

問題就是這樣，自己處理不到就要請人幫手，唔需要自己一個面對。希望今次「藥效」可以耐少少。輾轉問題浮面都有個幾兩個月，講完又講傾完又傾，每次講完都係好少少，隔一排又返黎咁。「黐男」？是啊，死纏爛打，推極都唔走。「痴男」都是啊，唔係傻既都唔會做咁多野都解決問題。我真係好有誠意的！


最後有首歌仔都幾好喎，創聖 Aquarion ↓








That’s All.

好似樣
就咁睇，G 同 Fiona 真係好似樣 ↓



除左大家都係粉紅色既外套之外，其實個髮型、眼鏡都似樣。兩個企埋一齊真係好似同學咁，哈。之但係，我係唔會拖錯手！真係不得不同 Fiona 影返幅相，影之前都不忘問過 G 先，免得 ... 不過真係好搞笑！朋友就係咁認識了，見到咁樣都真係幾開心。



一個故事
崇拜完之後，出左去香港仔吃個晏晝。「小蜜蜂」暗暗地加了價，叫扒餐揀牛柳的話要加 $10，搶錢！揀西冷都要加 $5。言歸正傳，今天說了一個故事。這個故事可以好簡單，主線得一條，但又可以好複雜，背後左右故事發展的因素有好多。講完這個賺人熱淚既故事之後，都不得不同情故事主角。或許這就是叫做「惻隱之心」。傾了好耐好耐，很高興，看得到有進展，感謝主。當明白故事內容，要接受件事變得容易很多。



其實還有少少野想講，留返聽日。That’s All.