呢期 D 學生考試，見到面或者上網見到都會吹下水問下考成點呢 D 話有用又無用、話無用又有 D 用既說話。好啦，到小學生又考完、中學生都差不多考完的時候。坐下來望著那兩份完全無睇過的功課，真係只可以講句「有口話人無口話自己」。日子來了，剩下十天便要交第一份 3000 字 Essay，動力火車不得不啟動。朋友們見到我的話記得問候下我做成點，看我進展如何。

話分兩頭，找了機構 Placement，之但係想找個位負責人簽份 Form 作 Official 既確認。但係找極也找不到，消失了似的，每次打去都係飛去留言，留了言但係又無覆。真係百般無奈在心頭。真係你有壓力我有壓力。



That’s All.

有責任的孩子
其實呢件都係早一兩日事，話說找一位朋友仔在星期六幫個小手，其實都只係某日既見到面既時候輕輕講過。星期五晚上堂之前都嘗試過搵下佢問佢得唔得閒，不過就搵唔到，始終都係考試季節，都係忙既。自己都預左佢唔得閒幫手。之但係驚喜就來了！上上下堂既時候突然收到 SMS，是那位朋友仔 Send 來的。這種預期落差稱之為 Surprise。感覺良好！不得不比個讚那位朋友仔，實在很有責任心！Like！


教育
話說今晚集《新聞透視》定係《鏗鏘集》講中學縮班政策，頗有感想。



舊老細上電視，可愛的孩子說：「噢。佢個樣都奸」。對啊，的確係奸。孩子聽了舊老細說的：「我地睇到呢個趨勢 其他學校都睇到」，回應是「仲唔係李老闆口吻？」。這是很好的結語，謝謝那位可愛的孩子，看到了香港的明天，有點誇張嗎？





That’s All.

爭取時間
話說尋晚講起話依家放工時間都叫穩定，都唔想浪費時間。其實想搵 D 野學下 / 做下。大致上都有個共識係同 G 一齊學 / 做，考慮過既有打羽毛球。想當年 Co 爺都係唔識打到依家打到都叫 OK 就知打羽毛球會令人上癮！另一樣想一齊做既就係去學畫，去 Office 隔離個間畫室學，無他，夠方便。之但係最想一齊做既係學琴！但係學琴又要搵琴、又要搵人教。正所謂「得人如得琴」，決定找人幫幫手先。希望 __ __ 和 __ __肯幫個小手。其實學識睇譜、節拍、簡簡單單有一兩首歌就心滿意足了。我們不會待薄你們的。


六星級
今天整甜品，比想像中無咁混亂，大家都整得好整潔，十個讚。來個大合照，其實幅相都唔知貼黎做乜， D 樣遮晒。部三多相機都夠 Wide，都算影得唔錯。呢張都唔記得係 Take 幾 ↓



看小朋友一無野做就會畫板。殺死他定殺他死，還有 Cheese 甚麼？




採購
如是者，完左朝早活動就吃個 Quick Lunch 再撘 970X 到深水埗。中途塞車，唯係車睏著。其實都唔關事，我印象中未出香港仔已經睏著，塞車只係讓我睏得耐 D。不過都真係攰仔，睏到係咁撞玻璃，我意識到撞埋去都好幾次。最後到步，與其他人會合就去採購一 D 文具、精品，買啊買好快就買完。師母請吃豆類製品，Good。如是者好快又買完又返去香港仔，回程都係塞車，不過無睏，同位同行的外藉人士傾下計咁。話咁快就回 Office，現在 Office 都囤積了一堆東西，都無乜位放。這就是亂中有序，我地知 D 野放係邊 ↓





That’s All.

和亭
今天 G 突然 SMS 話今天唔洗返工想一齊吃個 Lunch，諗都唔諗就話去「和亭」吃。全因新開張的關係，非常多人。雖然我地係 A2，即係細檯第一張，不過都等左超耐。其實地方唔係細架，之但係唔知點解就係安排唔到個二人位。等了又等又再等，十二點半等到一點未夠終於有位。如是者一埋位望一望個 Menu，都 OK 的。款式都叫有選擇、價錢都大眾化，我叫了咖哩豬扒飯定食、G叫了滑蛋豬扒飯，加了一客三文魚壽司。

話咁快上菜。三文魚壽司的樣子很麻麻，麻麻到想用刀切走 D 位。最後係無切到，因為無刀。滑蛋豬和咖哩豬好快就上，味道都 OK。但公道點說，這兩款煮飯係好難難食。不過價錢就的確係平，所以都應該會有下次，好過樓下個間 ThaiOne 多多聲。如果安排座位方面改善一下會更好。


壁佈
吃飽飯之後回 Office 坐左陣就出發去釘壁佈 ↓



不錯不錯，快快手完成，Good。


PizzaExpress
如是者整完塊板就返 Office 執埋 D 手尾去返學。本身之前就約過今晚九點幾同 Poly 同學仔吃個晚飯。但中場又突然話留返下個禮拜先食，但最最後又話可以今晚吃。咁好啦，終於落堂，咁就 Call Wilson，嗯，原來他未找位子 ... 都唔緊要，好在佢已經到左又一城。行了一會兒之後決定係 PizzaExpress 吃，叫了一個「天倫樂」既餐。其實係一個四人餐黎，不過佢四人得來又好搞笑，係兩個大人加兩個小朋友既份糧。Alice 同 Vivian 未黎都唔緊要，照叫住先，餓到暈。

叫了麵包球、雞肉凱撒沙律、千層麵、美式薄餅。呢個就係麵包球，一啖一個 ↓



最後合照，都唔知影乜，哈哈。看不看到 Alice 有個成功人士髮型 ↓



識了都有五年了，時間過得多麼快。Alice 變得很謹慎，我地唔拎錢出黎佢都唔肯簽卡 ... 最後如平常一樣，撘火車轉隧巴。難道是越夜越想講？大家有車都唔上，寧願企係隧道口吹水。朋友就是無論幾耐無見都會有話題的。你知道我在說你嗎，Wilson。



That’s All.

休息
今天非常好，睡得很足夠，我諗都應該差返唔少電。吃個碗麵、行下街咁又一天。他他條條，沒有想功課、工作的事情，與愛人輕鬆的過一天，很好很好。在商務看了一會兒書，看到有本書介紹不同種類既布甸，諗左一會兒，最後都買左本書。原來 … CityU Student / Alumni 係商務買書有折扣，真係開心大發現。跟手就吃個晚飯，又在老地方吃，引伸到另一個話題 → 拒絕。


拒絕
話說食飯既途中，G 的經理打來要佢由休假改為返朝早。本身都唔係甚麼無人性的事，之但係次次都係搵老襯就的確火都黎埋。我就係唔明點解次次經理都搵唔到人，次次都係搵 G 去返。其實我明點解，因為 G 唔識得點去拒絕。次次都笑笑口，人地梗係當你講笑。反而最唔明既係點解 G 次次都拒絕唔到，依家唔係叫你去講大話，只係延遲判斷，遲少少先再打電話覆唧，咁都不為過啊。但次次都笑住口咁話唔返得唔得，人地聽到你咁講，當然唔會當甚麼一回事啦。依家調更既原因係 D 同事因為疑似詐病而要調更，咁就更加無道理。最最大問題係唔知幾時先有得補番，一次係咁、兩次又係咁、次次都係咁。火起也，次次一講親呢個話題就真係無名火起三千丈。若果老細本身睇住 D 細又或者見你幫下手挨義氣之後會比番 D 甜頭你，咁挨一兩次就當然無問題啦。但依家糖都無粒過自己食，挨黎做乜。唔係話計較，之但係無理由次次都係咁。再者，套用返 G 既同事個句：「呢個問題係拎幾萬蚊人工既人諗」。


一張相
吃完飯回家坐下上下 Facebook，入到某個相簿看。我係由上而下由左至右順序去睇，一看到這裡其中一幅相的時候。我忍不住笑了，笑到流眼水 …



其實去到某個位既時候已經有警告話之後既相會有一點兒嘔心，都不以為然。但係 Click 到某一張相時，我的反應與相片的描述一樣 → 「oshit!救命」。跟住之後就不由自主地笑，笑到流眼水，真的太有趣了！不得不覆述一次我的留言：



雖然真的很無道德，但唔知點解很想與人分享。學 __ 話，繼續練落去，有朝一日會變大內高手 / 成仙。又或者變成唯美的雙魚座黃金聖鬥士。之但係，我都同意我地要向好既方向去諗。也許伸手便可助人，誰願伸手？



That’s All.