今天早上整理一下文件，接近中午的時候電話響起，原來三位得意又趣緻的學生想上來溫書。之但係他們想上來的時間頗尷尬，正正就係午飯時間。本身打算回家吃個便飯，結果都係落街買個麥仔就算。回來的時候看到群雄割據的情況 ↓



其實佢地咁樣都幾開心啊，互相分享食物 ↓



樂樂吃了嘉蔚的、嘉蔚夾去聰的。嘉蔚看見樂樂食晒自己的後，樂樂主動說歸還嘉蔚那舊被咬了一口的。樂也融融也！這就是朋友。不好意思，麥仔是我的。吃飽後各自歸位做野或溫書。佢地話就話溫書，之但係路經看到有人打屁聊天、有人午睡片刻、走之前還看到一大堆吃完的零食。套用其他人的說法，他們似開大食會多過似溫書 ↓



反過來諗，他們上來坐下溫下書都好過出左去玩。雖則溫書既質與量都有改善空間。總括來說，有一句話來形容，就是「坐這山望那山，一事無成。」有圖 ↓





這句說話形容自己更為貼切，那兩份功課還是零進度，真濕滯。再加上工作上有多少野趕趕地，看看如何逐一擊破吧。言歸正傳，這三位學生的確很趣緻，說疼愛也不為過。看著三人之間的互動有一種詭異的吸引力。的而且確很無聊，但又幾得意咁，真令人又愛又恨，說疼愛也不為過。或許 N 年前的自己也是差不多無聊，又或者依家自己依家比之前更無聊。

值得高興的是，雖然唔係好努力 Keep 住 D 朋友，但總算不同圈子中都總有一兩位可以傾得下計的朋友仔。夫復何求！



That’s All.

今天非常值得寫幾百字。一如以往回到 Office 打點下朝早的活動，拿了部疑似不能無線上網的 Notebook 去用。開頭我都不以為然，以為部電腦關閉了無線上網功能。搵啊搵，都係搵唔到的。如是者就拎去我檯頭的 USB Wireless Adaptor 去試，嗯，無線上到網，Good。

如是者，早上的小朋友活動夠鐘開始。由於本身 D 小朋友下週都要考試，所以都預左佢地會請假不來。有小朋友一早來了，佢自己都驚今日得自己一個小朋友，但係呢個「驚」隨著有多幾位小朋友來而散去。活動開始，玩了很多很多遊戲，有夾 + 運送波子、運送氣球、吹氣球、說顏色、大電視。筋疲力盡也！玩得盡興了，整個人向後飛倒。好在皮膚還具有適量的彈性，如果唔係咁樣向後飛倒就要抖足幾日。玩到夠鐘切餅，切完餅清理一下就準備過去換物嘉年華。

落雨天總是比較麻煩，地下濕滑。再加上一行人當中有 D 小朋友，真係要加倍謹慎先得。三位成人加三位小朋友順利上到車，而且架車都比較少人，非常好。去到嘉年華無耐就同去吃個便飯，小朋友好吃得，全部吃飯，有兩位還添飯。反觀哥哥姐姐都係吃三文治，難道我們無乜胃口？吃完之後其中有位哥哥去了遊藝檔負責攤位。其餘的便成了一團四圍行，小朋友手上有數十元換物卷，其中兩位都轉眼換到心頭好。行完又行又再行，拿了上手看又放低，差不多換晒 D 卷。小朋友都行到，如是者就一行人到了遊藝檔玩下幫下手。對我們來說，終於有位坐下 Hea 下。

話咁快遊藝檔就收檔，收完檔之後小朋友們又返去換物檔作最後衝刺。跟手就係其他檔口打個轉，去埋個洗手間就各有各散。小朋友就由姐姐帶走，自己都散，骨頭散。Hea 了一會兒，就開始執拾 Call 車。好好彩又好唔好彩咁打第一間就搵到車，跟住等了又等。等到其他檔口的人散口都未有車，期間與司機不停對話。__ __ __ __，那位司機不熟路，不知到他往了那裡去。一時又話在山邊、一時又問個地點係邊。總之就係來不到，最後同司機說，不用來了。轉個頭就不斷打電話找其他公司，問了數之不盡的多間，但無間有車。當然，路程短而且又係週六下晝，想搵間車真係難上加難。幸好期間有其他弟兄姊妹在旁吹下水咁。最後最後都係無車，咁 D 貨唯有借個地方放住先第二日再運返去。只係有 D 貴貨要即日運返，咁幸好一個行李箱裝晒，一架的士便完成這次任務。

十分感謝曉霖姐姐幫手帶住 D 小朋友，還有等 __ 記客貨車的弟兄姊妹。Thank You。


說了幾百字，但最後成千字，哈哈。


That’s All.

話說家陣 TVB 晚晚都有個介紹巴布亞新畿內亞的節目，有關節目為左令大家對巴布亞新畿內亞更易有「印象」，就晚晚都提住 PNG 這個簡稱。之但係 PNG 對來我說並不是巴布亞新畿內亞，而是我心愛的圖片格式 Portable Network Graphics。近期都 Export 左不少 PNG，以下是其中一部份 ↓



每天的工作上都差不多日日接觸 PNG，不論是 Read 或 Write。不得不讚自己的是，當動力火車啟動後，真係想停都停唔到，直至做完為止。這就是「欲罷不能」吧。遺憾的是動力火車很難很難才能啟動。



That’s All.

話說今日放半晝，見張迪迪尼年票就到期，都趕緊襯得閒去多幾次。去之前就去左銅鑼灣既 Tonkichi 吃個便飯，味道依然係好，之但係就已經加左價了，埋單幾舊水。食完之後就斯斯然撘地鐵入去。

先來整返張相先 ↓



有人見到我影佢又影返張 ↓



如是者先來一次太空山先，正仔。遮晒後面個堆人 ↓



跟手玩下巴斯光年、逛下商店、影下相、睇埋獅子王咁就差唔多入黑了。期間排隊影相個陣有 D Staff 懶係有互動咁拋糖，咁就接左幾粒棉花糖 ↓



同左唐老鴨佢地影，本身都諗住同阿 Jack 影幅相，之但係截左隊。都無話乜特別既，真人扮既阿 Jack 唔係咁掂。如是者就入左去大街餐廳吃個 Early Dinner，今期餐牌當然就係 Halloween ↓



所謂的 Special ↓



左上的荔枝特飲係唔錯，可能我想飲 D 有氣既飲品啦。右上的只是加左兩粒荔枝的焗豬扒飯。左下的真係唔得，係煙肉捲雞肉，個汁唔知點咁，係黑加倫子來的。右下角的甜品味道都算幾好。食到咁上下有 Staff 埋黎提我地埋單，原來已經係夜光巡遊既時間。呢餐同 Lunch 個餐價錢差唔多，之但係質素上係 Lunch 個餐好好多！一早餐廳門口就見到一大棚人 ↓



話咁快南瓜王阿 Jack 就出現了 ↓



呢個時候當然要起首名曲「This is Halloween」啦。Close-Up 就係咁 ↓



再來就係黑女巫 ↓



本身日頭係用黎載公主們的花車瞬間變成載邪惡壞蛋的花車 ↓



唔洗怕，鐵勾船長抱抱 ↓



最後就係迪士尼個堆老朋友，睇下幾有 Rave Party 既感覺 ↓



開返燈都一樣咁興奮 ↓



睇完巡遊再逛一陣，夜晚既巴斯光年原來係咁既樣 ↓



本身想話買個氫氣球開心下，點知原來一個要成百幾蚊，太貴仔了。無買到，咁買左少少野之後就去霸定位仔等睇煙花。夜晚的魔龍 ↓



慾火焚城的睡公主城堡 ↓



應該係魔咒焚城先岩。本身平時的煙花有 15-20 分鐘，但今次的特別版只係 5-7 分鐘，大縮水！原果一早霸定位個 D 就真係蝕晒水了。再揸左次夜車 Hea 多陣就走了。離開前買了一幅相 ... 個陣都夜晚十點幾！


話就話年票唔洗錢，但係食野買野都賺突你！鬼屋？一間都無玩，哈哈。


That’s All.

話說上年生日非常難忘，極度不高興，皆因係一個不公的公司工作。當日之前個晚還要發燒，爭紮緊返唔返工之餘，又考慮到費事招人說話而死撐返工。最後慶祝活動只有係 Italian Tomato 吃個便飯。到依家諗返，真係 __ __ __ __。個次生日既經歷我一世都記得。

反觀今年生日就非常不錯，生日前添置了新用品，Good 仔，咁生日個日就有新野用。今年生日難得的有兩日假期，就去左迪迪尼玩，與其說玩，倒不如說 Hea。起身坐下上下網 Check 下 Facebook Reply 下咁就準備出發，先來就係渠 G 送來 uPapa 按摩器，Very Good，很驚喜，的確係意想不到。回家放低 uPapa 之後就真係出發，先到銅鑼灣買 D 乾糧、飲品，再去拎古古力蛋糕。如是者斯斯然坐地鐵入去，入到去酒店放低 D 包袱等就入去樂園。今年 Halloween 既主打惡龍 ↓



原先諗住係酒店內既晶荷軒試下佢 D 迪士尼樣既點心，之但係一問之下原來要早三日去訂！結果就係去我經常光顧既皇家宴會廳吃個 Lunch，有海鮮焗飯同埋雜扒餐 ↓



睡公主城堡前既廣場有條惡龍，幾有型啊 ↓



比返 D 色彩佢 ↓



跟手就去太空山飛越一下。之後係 D 商店買下野，逛下咁。如是者就返回酒店 Refresh 一下。坐左陣又返入去樂園裡面，玩下行下 Hea 下，百無了賴。至重要既係去了火箭餐廳買了兩份快餐外賣拎走。個位職員話因為環保所以無膠袋提供，結果我地就將兩個餐放左入我個背囊、另外兩杯飲品就放左入環保袋拎住。玩左下小熊維尼就等睇煙花，煙花依舊的精彩，播著A Whole New World、Beauty and the Beast，很有氣紛！如無記錯，今次第一次有錄到煙花既 Video，不過開頭唔記得熄左 Super Macro，搞到部相機不斷對焦，段片變得好迷幻。見勢色唔對，先醒起開左 Super Macro，拿拿聲熄左佢再影過，Good！

睇完煙花之後就返去酒店，這就是原先諗住的晚餐和另一日既早餐 ↓



開餐之前 Call Room Service 拎返個古古力蛋糕 ↓



外賣就是阿 Jack 餐和黑椒豬扒包餐。阿 Jack 包其實係個炸雞包來的 ↓



其實夜晚諗過吃 Dinner Buffet，不過吃 Buffet 的話就吃唔到蛋糕。呢個就係由頭到尾我都未見過既古古力蛋糕。Bell Service 既職員都話個古古力味好香 ↓



熄燈點蠟燭 ↓



吹完蠟燭許個願就就分餅仔 ↓



唔好講笑，食下食下，一晚就食晒一磅既古古力蛋糕。呢個蛋糕好在唔係好甜，如果唔係都食唔到咁多。如是者，咁就一晚。




話咁快就到另一朝，都十一點零先起身，好眼睏 ... 快快手煲個水淥個麵 ↓



值得一提既係，好難得咁睇到《衝上雲霄》。呢套劇我都幾鍾意的 ↓



有咖哩杯麵和肉醬意粉，還有午後之紅茶，正 ↓



點解可以咁晝都唔洗 Check-Out？因為渠 G 非常聰明咁一早 Request 晏 D 先 Check-Out，結果我地一點鐘先離開。走之前係酒店既精品店再買多少野就離開了。之但係，一離開充滿幻想既迪士尼便返到現實的香港，要即刻準備 Presentation 既野。


最後，其實都諗過過大海睇《水舞間》，有人話好值得睇，而且又真係唔係貴。起碼平過我地去迪迪尼。之但係禮拜一、二都唔上演，唯有下次啦。


最後最後，今年生日非常高興，比個讚渠 G。掌聲鼓勵！



That’s All.