今日都無乜特別，無堂上。不過今朝一開個窰爐，發現好似四川地震咁，如下，本來就有得睇既，依家無，齋幻想 ↓



Close-Up ↓



真係爆得精彩。爆得就總有原因既，首先就係 D 泥搓得唔好，裡面有空氣，咁焗個陣遇熱膨脹就爆；其次就係主因，係 D 位太厚或者實心，咁遇熱膨脹又爆；第三就係我地問題，D 泥未乾透就放入去，跟手既當然係爆。

再輕輕講下有乜方法做泥，首先當然用機啦、其次最方便既就係泥條同手捏、或者托物法。咁 D 斷手斷腳點處理呢？就係刮花，就係 D 接合位刮 D 坑出黎，咁再用泥漿黐，咁焗個陣就有空間比佢地膨脹。駁完重要搵工具修返靚。

感謝 Mabel 賜教，大家一齊從失敗中學習。


今日上埋釉，Very Good。我最快，都係最 Hea。



That's All.

今日最特別既地方就係有班 Form 2 既學生，拎住 D 間尺上緊堂個陣當劍舞。成個低 B 仔咁，話又話唔聽，唯有鬧。Collective Punishment 係一件唔好既事，但係我做左，希望用同儕既壓力令到 D 有問題既學生剋制住自己。不過有 D 學生都係唔知衰，照嘈，唯有照鬧、遲落堂。有個女學生先搞笑，係到話「阿 Sir 唔好年齡歧視喎，唔同年紀都可以有童真。」。呢句說話係無錯，我都讚成，但係上 Arts 堂拎把間尺當劍舞，呢個已經唔係童真既問題。跟手有個學生彈橡筋，叫佢落堂留低。跟住講講下，佢竟然話罪魁禍首係 Miss 擺 D 橡筋出黎。呢 D 學生真係呢，係咪有問題？今次我堅持係錯就要鬧，唔似得上個學期咁讓步。



That's All.

係講今日之前，講下尋晚先。話說尋晚 ATV World 播《Robocop》，咁又咁岩我又記得，咁就睇左成晚。真係唔睇都醒唔起，唔知係 Director's Cut 定點，套戲都幾血腥，開頭唔夠十五分鐘，男主角就比班賊以散彈打到整個人稀巴爛，一個 Shot 直落。細個睇個陣呢一幕應該 Cut 左，完全無印象。睇完個幕個心都實一實。去返 IMDB 到睇，原來第一集 Robocop 都超高分，之後續集同第三集係插水咁跌 ...

講返今日先，今日又比人睇堂。尋晚竟然睏唔著，真係估唔到竟然今晚先睏唔著 ... 又唔係話睏唔著既，係睏得唔好同入睡睏難。本來十二點都睏左，但係一點醒醒地之後又睏唔返 ... 好啦，今次睇第 5 & 6 堂，頭兩堂都要上，咁都係抱著輕鬆既心情上。3 & 4 空堂就準備睇堂既野，再 Go Through 一次個 Flow，諗下 D 台詞咁。如是者，去多一兩個廁所就夠鐘上堂。

今日上堂班學生好剋制，比平時乖好多，平時搞搞地事既學生都坐定，呢個絕對係班主任既功勞。咁都無乜特別，都做得返自己想做既野，個 Flow 都算順。咁當然都有改善既地方，例如比學生講下自己 D 畫、中段整個 Powerpoint 去幫 D 未有 Idea 既學生、叻既學生可以再教得深入 D、要有自己既 Teaching Style，同埋聲線要有起伏，大致咁上下。不過諗落既係，佢 D Comment 既背後可能隱含住另一個意思，真係唔知點咁。

如是者咁就睇完堂了。放學前上埋 Form 4，跟手就去剪個靚髮。真係攰到嘔 ... 剪頭髮個陣都洽眼睏 ...



That's All.

先來一曲《真空のダイヤモンドクレバス》，含血腥、裸露，慎入↓




唔知點解，突然諗起呢首歌。言歸正傳，今日頭兩堂有人黎睇堂，非常緊張，但係都尋晚都睏得著。點解？因為真係好攰 ... 不過今朝都一早返去準備，Set 野食早餐等等，咁都搞左好耐。咁搞左一輪終於解決左車位既問題，校長讓左個車位出黎，真係好大面，非常感謝。不過個 Supervisor 比原定時間遲左少少，等既過程非常痛苦，坐立不安。好啦，咁到左之後都順利既。經過老師既重重安排、班主任又提過學生、自己又提過學生，好似落晒 Order 咁。咁今堂總算順利渡過，不過今次 Supervisor 唔係 Arts 出身，其實係輕鬆少少既。咁總結今堂有 D 位都因為自己而縛手縛腳，係可以做得好 D 既。同埋語言方面，都開始掌握，幾時英文幾時中文都 Feel 到下點處理，最緊要都係學生學到野。真係老老實實，今次既「成功」全賴各方既幫助、安排。非常感恩。聽日又再睇過堂，不過今次係本科既 Supervisor，難度係提升左，希望都順順利利啦。

晏晝同渠 G 吃麥仔，幸好都有心機食。不過聽日就唔知了。



That's All.

今個禮拜都算係忙既一個禮拜，先有功課、再來慶祝下。再來既就係 Plan 黎緊睇堂既教案，跟手又要諗先幾日 Poster Design 既課點教。真係忙到嘔泡。就咁睇 Steam 既 Playing Time 係少左好多，個 Rate 由平時頂爆既 10 回落至 6.2。再者，上個禮拜既《星星同學會》同《美女廚房》都未睇。咁呢個禮拜總算過去，接下來還有更多既野做。要再改改 CV、執執 Portfolio，跟住就禮拜一、二都有人黎睇堂。係連續兩日都有！都真係咪話。

咁今日都好多野做，咁先黎就去幫手準備 Form 3 陶泥個 D 野，跟手就同 3S 一齊玩下泥。之後就寫低 D Comment 比 D 學生做既 Worksheet 同 Draft，有 D 同學仔做得比我想像中好，非常好。放學後到香港仔吃壽司，Very Good。第一次無啦啦食左海膽同生蝦 ... 的確係無啦啦，開頭以為佢地係熟 ...



That's All.