今日都堅啄啦，要上兩班，就係 1S 同 4KHL。咁呢，1S 的確係比 1H 坐得定既。做 D 野都好少少既，不過自己個 Flow 熟左 D 之後係 Run 得好左既。話分兩頭，都係對全英文授課無乜信心。唔係話自己講唔到，而係唔知點用淺白既字去講，同埋就算用英文去解另一隻英文字，有時都只會越解越難。學生唔明咁又無謂啦，開頭都堅持，但見佢地 D 樣呆呆地咁就轉軚了 ... 不過給予適當既例子係好重要，學生係明好多既。總括黎講，都無乜大問題既。

轉過眼就到下晝堂，咁上 4KHL，得五個學生。其實高年班完全無秩序問題，真係「教書」而唔係「管仔」。咁流程都去得好流暢，都幾滿意既。不過高年班要準備既野係多左既，又唔同低年班既。



That's All.

好，今日終於有堂要上，係 1H。咁經過第一次實習，都明白到唔好對學生咁大期望。今次個教學目標都 Set 得簡單 D 同低 D，咁希望容易 D 達到。咁 H 班同 L 班比，起碼 H 班都肯坐定定做野。之但都其實都係嘈既，不過最大分別係當我停左靜起黎既時候，D 學生都知道佢地自己嘈、肯自己靜返落黎，已經 Very Good 啦。不過平心而論，今堂活動既轉接唔算好 Smooth，咁下次就注意下。由於課堂目標 Set 得唔高，都叫達到標既。

接下來都無乜特別，不過真係攰到爆廠。唉，下個禮拜交個 D 功課又未做，真係唉 …

That's All.

話咁快咁就叫做實習左十日，都未上過堂。咁今日都係無事忙，不過叫做寫好左中四個班既教案連工作紙。學校時間個陣都無乜問題既，反而之後去功課輔導就出事啦。話說有個小學生本身係有多少問題，都有社工跟佢個 Case，咁佢黎到當然要做功課啦，唔係黎做乜。佢同另一位導師係數學功課糾纏左好耐，其實唔知呢，又話自己想明，但係比人既感覺係自己鑽牛角尖，係度等答案。好啦，咁都總算做晒，但係有其他功課嘛。咁當然叫佢做，跟手佢話唔做定乜野。咁我就問佢黎呢度做乜，既然唔係黎做功課，咁不如下次直接返屋企做咪得。咁又唔係真係唔識做，只係做事唔夠專心。

點知，講講下，佢就自己一支箭咁標入廁所反鎖。當時都無話擔心定乜野，好能真係攰，只有「唔係啊，又黎？咪玩啦。」既念頭。結果佢反鎖十分鐘，跟手都無計架，佢家人黎到都無佢辦法。個細路重係鬧情緒，咁打比有關負責人講述事件，咁就搵到條廁所鎖匙，但係無用，廁所裡面重有個鎖鎖實。咁都係等個小學生出黎，搞左好耐佢係出黎，點知又一支箭咁跑落樓。好在有另一位導師挨義氣留耐左，如果唔係就真係麻煩，佢就跟住個學生。不過最後都係跟甩左，咁無計啦，中心都要關門，咁就同佢家人一齊落樓睇下見唔見到個小學生。真係好彩既係見到個小學生，咁都拎住 D 野跑上前一手捉實佢。咁正常反應都係 Fing 甩我既，不過都好彩捉得實，咁先搵返咋。

真係兩個好彩，一係今晚有多個人、另一個好彩係一落樓係附近見返個小學生。如果唔係就麻煩，搵又唔係、唔搵又唔係。



That's All.

今日都無乜特別，都係坐下。咁今日終於 Set 好左個塔，就係咁既樣。連埋 Mini 版既珍寶珠塔，場面都幾震憾 ↓



雖然成日都無乜野做過，但係都好攰。可能放左個幾兩個禮拜假，未習慣吧。咁夜晚既時候就落左銅鑼灣搵我既「愛機」W705，雖然話愛，其實我都覺得自己 VS6 型仔。不過買完之後夜晚都唔得閒去試，重係用緊部肥仔機。



That's All.

話咁快就放左一半復活假，該做既都係未做得晒。依家係度諗其實時間都無乜點剩，下個禮拜一同禮拜二各有一份 Assignment 要交。前者進度零、後者進度其實都有三分一既。咁計來計去，最少都要兩日 + 一日半既時間去做，但係至大穫係要返去 IED 交，即刻最遲都要禮拜六朝做起啦，時間又再少 D。其實諗落都係搞笑，係實習既途中要人交 Assignment。

呢幾日都唔係白過既，都叫做完成晒一整個單元既教案 + 教材，其實一份既圖片 ↓



雖然係跟住實物畫既，不過其實我都整左幾耐。一來唔專心，二來其實都唔太常用 Illustrator，摸下摸下先做得好。不過都幾 Cute 既。接下來就係完成晒兩份 Assignment，完左之後其實緊接另一份 Assignment，唉。



That's All.