今日就約左 City 既同學影畢業相，係呢個荔枝角公園影。影到風雲變色 ↓



HEROES ↓



開頭諗住呢個荔枝角公園 Hea Hea 地，點知原來都幾大 ... 都唔 Hea。呢個就係佢既夜景 ↓



咁都係影下相咁，大家見唔見到有乜特別呢 ↓



真係好 Kai 不過好搞笑。如是者咁就食埋個晚飯就散。久別重逢係唔錯既。



That's All.

今日就係畢業禮，其實都無乜特別既。估唔到細細個成日要話讀大學，依家竟然比我讀完個學位。係咪好有實力讀到呢？咁又講唔上，有多少運仔咁啦。雖然畢業但唔係終點。始終都想再讀個 Master。 MPhil 就無我份架喇，Taught 既都夠。

今日都一早出門，我就唔係坐呢邊既，兩老就坐呢到 ↓



整個流程都係流水作業，入去個刻甚至坐定左都唔知個程序係點。唔識著袍唔緊要，當你出左去行禮個刻就有人教你。唔洗採排直接一 Take 過，都幾兒戲。咁有件事就令全家都感到疑惑 ... 關於小雞的。話說佢上左車之後發現唔記得帶相機，咁 Send SMS 比我，我當然係睇唔到啦，因為個袋放開左。咁佢竟然係灣仔落車折返回家拎相機。咁佢當然唔可以完左畢業禮個一刻出現啦，我當然打電話問下佢點解啦。少不免另外語氣重 D 既 ... 小雞係有道理既，不過真係點會諗到我會唔帶相機呢，我諗極都諗唔明。

輾轉之後就係又一城某間酒樓食住等佢，佢都好快就來到。佢來既時候就帶埋花同公仔來 ↓





係幾有心思既，我都好欣賞，不過做事唔得靈活 ... 希望之後有改善啦。最後再係 City 影下相就離開了。暫時向 City Say 個 GoodBye 先，話唔定之後又返黎讀。





That's All.

好啦，今日就展開首次迪迪尼奇妙之旅。朝早都唔算一早起身，我就九點鐘、隔離位就九點幾。補返幾張房景先，我地係 Book 左海景房，呢個就係所謂既海景，個角度唔大過 30 度 ... ↓



另一邊廂就係 U 字型既酒店 ↓



呢 D 就係紙類全家幅，一張米妮、一張唐老鴨，其中一位係旅程尾聲既時候將會 ... ↓



執下野 Hea 下之後就 Check-Out，落去酒店背後既公園逛下。呢個就係個仿美式既泳池，其實真係幾有 Feel。不過尋晚見到有人游水，懷疑係暖水泳池 ↓



再行多幾步就到一大片草叢，D 草踩落去幾有 Feel 既 ↓



轉個眼就經過兒童遊玩設施，無乜迪迪尼 Feel ↓



好快就行到去 Mulholland Drive ↓



有乜咁特別？就有兩架車 ↓





同埋 ... End of Road↓



轉個眼就去返 Holleywood Hotel 既大 Logo ↓



還有架美國經典汽車，唔知叫乜名，但肯定見過 ↓



酒店既側面與背面 ↓





昨晚既發光米老鼠日頭時候既樣 ↓



少不免既當然係酒店既外貌啦 ↓



轉個眼就撘返 Shuttle Bus 去迪迪尼，個陣大約十一點幾十二點啦，都有一群人係門口聚集。比較返尋晚，的確係唔同 D 既 ↓



入口既兩旁有 D 迪迪尼卡通人物既旗仔，都幾靚既。又再轉個眼就入左去裡面，睇下個天幾靚，真係好難得！



「在這裡您將會離開現實的今日，而進入一個昨日、明日與夢想的世界」，都算係既，不過正所謂好戲在後頭 ... ↓



呢到就係美國小鎮大街，同 Universal Studio 既佈局係差唔多 ↓



認住呢間精品店，將會係某既事件既重要場所 ↓



有巴士撘，不過我地選擇行，可以睇多 D 野嘛 ↓



好快就來到 TomorrowLand ↓



來個熱身，玩 D 超輕鬆既野，就係升上升落圍圈轉既太空船 ↓



跟手就同渠下渠下既巴斯光年影張渠渠地既相 ↓



影完相之後就一嘗賽車手滋味！↓



跟手就搵野食，有兩個 Choice，一係就 Comet Cafe↓



一係就 StarLiner Dinner↓



最後都係揀左食快餐既 StarLiner Dinner，又叫左 D 貴得黎唔飽又唔算好好食既野。我係黑椒豬扒包、另一個就燒汁雞扒包 ↓



結果係黑椒豬扒包好食過燒汁雞扒包好多 ... 個燒汁雞扒包係唔好食！食飽飽之後就玩 D 刺激野，先來玩下室內過山車 ↓



唔算太刺激既 ... 好合家歡。比起海皮公園個最舊既款過山車還要 Easy ... 跟手就玩埋另一個熱門遊戲，巴斯光年星際歷險 ↓



係幾好玩既，不過渠雞竟然高分過我 ... 條氣唔順！轉個頭就行到去「小小世界」，真係好小 ↓



裡面既景物 ↓



應該玩多次先岩，依家好似剩係掛住影相無細心睇添。歡迎來到迪士尼奇妙世界 ~ ↓



跟手就去玩咖啡杯，其實都好刺激，只要不斷轉動杯中間既呔盤，就會感受到強烈既離心力。之後就到左某個花園仔同 D 卡通人物影下相，好快手就影完，個陣大約兩點半到。之後就去「玩」 Winnie the Pooh 既 Ride ↓



裡面其實無乜特別，好似去親身體驗一下本故事書咁，就係咁啦 ↓



之後就到 4D 影院感受下。排隊時既情景 ↓



裡面都 OK 既，不過玩過 Universal Studio 個款，覺得呢隻好似比唔上咁。除左會噴出香味特別 D 外，其他都一般啦。之後就去玩乜野森林歷險，都係個句啦，個職員一日講同一段對白幾十次，都悶既，不過佢可以再敬業樂業 D。之後就坐木筏到泰山樹屋，就係呢隻木筏 ↓



由泰山樹屋望返去森林歷險就係咁樣 ↓



Yes! You'll be in my Heart ↓






樹屋下就有咁既野 ↓





之後就去睇獅子王既音樂劇 ↓





Can You Feel the Love Tonight，每次聽都起雞皮 ↓




之後就返去睡公主城堡附近影下相先 ↓





之後就返去肥 Pooh 精品店買返 D 精品，都買左唔少野。買左枝筆、飲水杯、盒仔同埋相架。千金散盡！咁就返去 TomorrowLand 再玩多次巴斯光年，玩完之後吃個爆谷就返去睡公主城堡搵靚位影相。竟然咁都比我地搵到靚位，難得！咁就開始放煙花了 ... 睇下地上個 D 一點點光，咪就係數碼相機既 Mon 囉！



正式開始，不過都唔算影得好，麻麻地咁 ↓











影完相之後就去返今朝經過個間玻璃精品店買野，睇左好耐都唔岩心水，想買個隻 Pooh 杯又無貨。最後剩係買左 D 小精品，不過唔知點解當時有多少拗叫，真係唔記得點解，可能攰掛。咁去比錢啦，但係渠雞唔記得一開始用張 Anuual Pass 既 Discount，咁就比晒錢之後先醒起，咁同返個 Staff 講。個位 Staff 就勁囉，竟然發脾氣將個 D 零錢擲落收銀機。個一刻我又無特別留意，如果唔係就投訴個位 Staff，依家我都重記得佢。如是者就有個小拗叫啦 ... 之後就去到沖曬店曬返今日 Staff 同我地影個 D 相，都曬左幾張，都 OK 仔既。如是者就坐 ShuttleBus 離開迪迪尼，Thank You for Visiting ↓



本來都和好如初，但係渠雞又唔見左張 Annual Pass，咁搵左好耐同諗左好耐，都應該係玻璃精品店退款個時個 Staff 唔記得比返張 Anuual Pass。再加上 Staff 既態度方面，我地又嘈左陣。渠雞話撘車返去問，我當然唔比佢咁做。叫佢搵酒店個 Staff 幫手，好彩佢聽我講，酒店即刻幫佢印返張 Annual Pass。短短個零鐘就嘈左好幾次，真係唔抵。明明應該係開開心心，但就搞到嘈交收場。由於時間關係，咁係酒店既 Fast-Food Shop 食埋先走，就係呢 D ↓



如是者，旅程就結束了 ... 回到家時，真係好有衝動去投訴個位發脾氣既 Staff，真係想整到佢收 Warning，個個人真係好唔應該囉。不過由於太多野做，所以不了了事。

覺唔覺得我地玩左好多野呢？事實上都係。基本上完全唔洗排隊 ... 不過始終太細，呢個已經係擴建後既樂園。可想而知開頭係細得幾緊要。如果要排隊既話，都玩到兩日既。唔洗排的話，一日都差唔多了。



That's All.

好，終於有少少時間講下之前發生既事。話說今日晏晝就送左 IED 見個Supervisor。咁都無乜特別，見佢個人都好似好 Nice，希望順順利利啦。不過都要 Keep 住得閒搵下佢，如果唔係一個 Unsatisfy 就唔好啦。

下晝就準備我地既主打活動 → 迪迪尼一日兩夜之旅。今次同上次去日本旅行一樣，都係講左好耐但係就準備得一陣就出發。話就話係 Package，不過其實都無點樣平到。我地就係一張學生特惠年票、一張成人特惠年票，再加一晚迪士尼好萊塢酒店海景客房。

咁就相約左係中環站到等，再一齊出發到迪迪尼。先前都睇過新聞話迪迪尼線既車箱同平時個 D 有 D 唔同，今日見過之後發覺係「不外如是」。唔係話唔靚既，不過唔係 D 人所講既咁特別，就係咁樣啦 ↓



說時遲那時快就到達迪迪尼，先係門口影張相先 ↓





再來就係撘穿梭巴士到酒店，落車既時候剛剛好就係放煙花既時間，都停一停咁感受下個種氣紛，另外 Hea 影既相一幅 ↓



來到迪迪尼，當然處處米老鼠啦，呢個 Mood 幾唔錯 ↓



如是者就入去呢間Hollywood Hotel ↓



個大堂就係咁的 ↓





係咪見到無人呢？其實係食完飯散完步之後翻影的。不過其實有幾多人會係特登晚黑入去睏一晚呢。事實上的確係好少人 ... 見到張年票，發覺非常兒戲，得一張紙。開頭諗住係一張卡添 ... 轉個頭上房放低 D 裝備先，個走廊都幾靚 ↓



待會兒再介紹間房，依家就落去食飯先。係 Chef Mickey 度訂左檯食 Dinner Buffet，就係呢間 ↓



個裝修都幾靚啊，看 ↓



不過就唔係坐係出面，係入面，就係呢間房仔 ↓



少不了既就係米老鼠啦 ↓



食物方面都算 OK 啦，不過不失，都有不同既種類，魚生壽司、點心、即煮粉麵、印度咖哩、意式薄餅。甜品方面都算幾好，岩食！就係呢個布甸都係米老鼠，不過唔係太夠味，可能之前食左個超甜既黑森林蛋糕 ↓



呢隻碟真係有趣，就咁睇係咪好似係 Lovers 呢？ ↓



其實係講 Friendship ... ↓



食飽之後就到酒店外散步，呢個就係酒店既大 Logo ↓



無乜點影相，一來天黑黑、二來又凍凍地，最大件事就係食得太飽，頂住個胃。如是者就返上房，當然就係影下間房啦，少描述、自己睇 ↓



















將 Double Size 既床真係好 Double！如是者就一晚了 .... 都早 D 睏準備另一天豐富既行程！



That's All.

坐這山望那山 ... 不亦樂乎

好啦，踏入 Sem 中，Assignment 一浪接一浪咁湧埋黎。咁都無乜特別既，都係逐份做。不過有個好嚴重既問題，就係 ↓

懶

呢個情況有點病入高肓，都唔知點解。不過懶還懶，到 Last Minute 就有貨交既，次次都係有驚無險咁做完。時間方面預得剛剛好，無多又無少。短期內要做既有教案、Student Episode、Visual Diary、藝術家簡介。Dead Line 分別為星期二同星期五。除左呢 D 之外，都要準備下 Block Practice 時既教案。

放下畫筆十數年，今日重新拎起呢支素描筆去學素描。就第一堂來說都算教得幾多野，平行線、批筆、曲線、力度等等。不過最重要既係教左正確既練習方面，咁知道個方法之後去練始終好 D 既。今年都幾多野要補底，有技巧方面，亦有藝術史方面。



That's All.